ماصبت وين نقلب راسي

H

hayota

:: عضو مُتميز ::
إنضم
20 جوان 2010
المشاركات
854
نقاط التفاعل
354
النقاط
23
السلام عليكم
ماصبت عليها وين جيت ليكم انتم لعلكم تواسونني ولو بكلمة
اما قريت و كملت الحمد لله بالرغم من عدم تحصلي على عمل صابرة
الدار مانحكيلكمش سيرتو بابا جاتو حلوة كي السكر وصلت بيه وين
راه يجيبلي خدمته نخدمهاله فالدار و يلا غلطتله يسبني و يجرحني
تعرفت على شخص ناوي يخطب و لكن الفارق التعليمي بيناتنا كبير
و كبير عليا ب 14 سنة ماعييت نفهم فيه باللي المراة تبغي الحنان
و الكلام الحلو لكن باين باللي رايح يتزوج غير علا جال الولاد و ماتهموش المشاعر
و الاحاسيس و في نفس الوقت تعلقت بواحد ملاك يحس بيا و يبغيني لكن مازال ماوجدش روحو
مليح و الله غير راني حايرة كيفاش ندير و واش نتبع خايفة نقبل بالاول و نندم
و لا نستنى الثاني و نتحمل عيشة الدار و لا نصبر حتى نلقى خدمة
 
الله اعلم ....
​
 
القرار الاول و الاخير يولي ليك
بالتوفيق و الله يعطيك كل ما فيه الخير
​
 
عليكم السلام ورحمة الله
ربى يفرج عليك اختى ويجيبلك لى فيه الخير
​
 
السلام عليكم اختي حيوتة
بالنمسبة للعمل: ياختي نص الشعب الجزايري راه قاعد بلا خدمة
انتي احمدي ربي انك طفلة مش طفل ، الطفل لي ضاع مستقبلو في بلادنا واللي كون ما يلقاش خدمة تتعطل حياتو ويضيعو سنين عمرو وما يجي يستقر بالسيف
احمدي ربي انك قارية وشهادتك تأهلك باش تخدمي في منصب محترم إن عاجلا أم آجلا
خاطر كاين ناس مش قاريين كي تغدرهم الدنيا يضطرو يخدمو اي شي ولك ان تتصوي

احمدي ربي انو والديك عايشين وفوق راسك وميهمش وش يدير معاك باباك بالعكس يلزم طيعيه وتعامليه بالرفق يبقى باباك اولا وأخيرا وما فيها اي شي تخدميلو خدمتو حتى لو يعصب عليك خوديه بالسياسة والهداوة

ربي يقول : وَإِنْ جَاهَدَاكَ عَلَىٰ أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا

اما بالنسبة للقضية اللخرة تع زواج نقولك كلمة وحدة استخيري ربك وقلبك
ومتخليش قرار متسرع ولا لمجرد تتخلصي من الدار ترتبطي بشخص مش مقتنعة بيه وتعيشي حياة أسوء ملي كنتي عايشتها مع باباك
كلنا نعرفو انو المرأة مخلوق حساس و تحتاج اهتمام ورجل يحتويها بحنانه
امالا ما تتسرعيش واصبري على الشخص اللآخر يكون روحو أكيد مش رح يستغرق 5 سنوات !

مع اني نغلطك انك عرفتي شخصين في وقت واحد وهو بحد اته خطأ
حتى لو كانت النية صافية

والله اعلم
​
 
آخر تعديل:
يا اختي الله يسهل و عليك بصلاة الاستخارة .
 
باباك مافيها والو كي تعاونيه

وكي تحسي روحك تقلقتي اعرفي انو هذا نتيجة قعادك في الدار وضغوط نفسية برك

حنا كن صبنا نخدمو والدينا برموش عينيا ونقولولهم اقعدوا واحنا نخدمو في بلاصتهم

بالاك نقدر نرجعولهم خيرهم علينا فلولاه ماراكيش مكملة قرايتك وتحوسي على خدمة دركة

وباباك عندو نصيب فيك راه قراك وتعب عليك

اما على الخاطبين أفضل شي هي الاستخارة تعمليها وداومي عليها

واذا نسيتي دعاءها وطريقة صلاتها بامكاننا ان شالله مساعدتك في هذ الأمر

ماكانش شي أحسن من أننا نستخيرو ربنا سبحانه وتعالى

إستخارة الله أحسن بكثير من مئات السطور ممكن تتكتبلك هنا

ربي يفرج عليك ويسرلك أمورك
 
صلآة الاستخآرة أفضل الحلول هنآ رآكي تشآوري فينآ مي كي تصلي
صلآة استخآرة وكأنك شآورتي ربي ... والله أدرى بوينو الخير ليك ...
إذن صليهآ وربي ان شآء الله يحطك في الطريق لي فيهآ خير ليك
فمآ تدريش لعلّ هذآ الخآطب اللول يبآنلك برك قآسي بدون مشآعر
ولعلّ هذآ لي متعلقة بيه يبآنلك فيه خير وهو لآ... فالله أعلم ونحن
لآ نعلم ... تآني كآينة حآجة حطيهآ ديمآ في بآلك لي مكتوبلك من
سنيــــــن الفوق مآ تبدلوش نصيحتي ليك ولآ نصيحة أي وآحد ولآ الشورى
هذي لي جيتي تشآورينآ فيهآ ,,, تقدري تقبلي بهذآ ومآ يكونش كآتبلك
وتدي الثآني ويقدروآ هذو الزوج مش كآتبينلك ... حطي ربي في قلبك
وديري ثقة فيه فالله عند حسن ظن عبده بـه ... وربي يشرحلك صدرك
ويصبرك على حآلك ... سلآمي ’
​
 
شكرا لكم جميعا على مواساتي كلماتكم تريح القلب راني استخرت كم من مرة و راني نستنى اشارة من عند ربي
 
والله يا زينه ماعلباليش قداه لازم المشاركات باه نبعتلق رسالة خاصة قوليلي حتى انا والله اني نسنا باه نحكي معاك بفارغ الصبر حبيبتي
 
winak ya hayouta

ahdri fargili 9albak

ani hna kamal rana m3amrin
 
آخر تعديل بواسطة المشرف:
صدقيني لو أقول لك أنني أتمنى أن أبقى في منزل والديا مدى الحياة...مهما كان صوت أبي عاليا فلن يكون أكثر علوا من شأنه و وجوده في حياتي....حاولي ألا تجعلي من نفسك أسيرة وهم أنك تريدين التخلص من وجودك هناك في البيت الأكثر أمانا في العالم....أما موضوع الزواج كما سبقني الاخوة الأفاضل استخيري الله تعالى و باذن الله ستجدين نفسك بين الاختيار أو عدمه...ربي يسهلك و يفرحك و يهنيك يا رب
 
حيوتة بليز كيف تكون صلاة الاستخارة
 
صلي ركعتين و بعد التسليم رفدي يديك و صلي على الرسول و احمدي ربي و قولي هذ الدعاء
اللهم اني استخيرك بعلمك و استقدرك بقدرتك و اسالك من فضلك العظيم فانك تعلم و لا اعلم و انت على كل شيئ قدير
اللهم ان كنت تعلم ان : (هذا الامر و سميه ) مثلا : ان زواجي من السيد فلان خير لي في ديني و دنياي و معاشي و عاقبة امري فيسره لي و اقدره لي و اقدر لي الخير حيث كان ثم رضني به . و ان كنت تعلم ان (تعاودي تسمي الامر) شر لي في ديني و دنياي و معاشي و عاقبة امري و اجله فاصرفه عني و اصرفني عنه و اقدر لي الخير حيث كان ثم رضني به.
 
merci kheti rabi ya3tik matatmanay nchalah
 
مساء النور اختي حيوتة
حبيت برك نقلك واحد الكلام يما ربي يعيشها ديمة تقولهولي (دار الوالدين عز و الزواج كيفو كيف الكحل مهما طال الوقت يجي نهار وين تحطيه) والمعنى انه مهما طال قعادك في بيت والديك تبقاي دايما عزيزة عليهم حتى واذا انت ما حسيتيش مي ماكانش والدين ما يعزوش اولادهم مي كل والدين و كيفاش يتعاملو معاهم و الزواج يجيك يجيك مكتوبك مهما قعدتي و موراها تبقالك في بيت باباك غير الذكريات و تبداي تتمناي يرجع ليك نهار منهم لأنو بيت الزوج هو عالم اخر و قبل ما تاخذي أي قرار فكري مليح و ما تحاوليش تاخذي قرار اللي تندمي عليه من بعد حيث لا يفيد الندم
نتمنى من ربي يعدل أحوالك و يلاقيك بابن الحلال اللي يستاهلك و يعوضك في كل شيء أختي
​
 
اختي صلي استخارة
و خمي بعقلك ماشي بقلبك
و ربي يسرلك امورك و متتقلقيش كثري من الاستخارة و الدعاء و ربي رايح يسهلك ان شاء الله
​
 
يا أخت حيوتة إنشاء الله تلقاي وين تقلبي رأسك
إنشاء الله تقلبيه بين أحضان ناس تحبلك الخير
و تعرف توجهك
بالصح نصيحة من أخت تحب ليك الخير
أخذي بالنصيحة و أعملي بيها
1- بالنسبة للعمل ليست نهاية العالم مادامك ما وجدتيشو
ما دامك في كفالة الوالدين راكي في نعمة
إسعاي برك وربي يجيب الخير راهو كلش بتيسير الله
2-بالنسبة للعريس إستاخيري و إستشيري في نفس الوقت
و ما تحكميش على الأمور قبل الوقت
​
 
ربي يقدم اللي فيه الخير
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top