بالله عليكم ساعدونى و لكم الأجر

jokonda

:: عضو مُتميز ::
إنضم
4 ماي 2008
المشاركات
588
نقاط التفاعل
5
النقاط
17
السلام عليكم و رحمه الله و بركاته


أنا سيدة متزوجة و هناك امرأة تتصل بزوجى كثيرا بعدما علمت أنه تزوج .. تتصل(تبيبى) كل وقت فى الليل و النهار بدون كلل و لا ممل فقط لازعاجنا حسبي الله و نعم الوكيل عليها هل هناك طريقة لحجب رقمها يعنى حتى لا يمكنها الاتصال بزوجى أرجوكم ان كان هناك طريقة دلونى عليها و لكم الاجر
 
السلام عليكم
لا حول ولا قوة الى بالله العلي العظيم
ناس معندهاش ضمير ولا ذرة كرامة
شوفي يا اختي كاين عفسة في كل تلفون تع حجب الارقام
فتشي عليها برك في parametres d'appel
وربي يهدي الخلق
 
ناس صح همها تخريب البيوت.....أختي و علاش متحاوليش تحكي معاها مباشرة و تقوليلها متزيدش تعيطلوا و لا عادي اذا قبل الزوج تاعك ديروا بيها شكوى عادي جدا الي تحوس تدير المشاكل في ديار الناس ديروهالها قدها و خليوها تتعلم متتلاحش لديور الناس و حكاية كشما كاين اوبسون فالموبيل في بالي تقدري تديريها فلبال غوجوتي...هي كي تعيط يخرجلها ديما اوكيبي...و ربي يسهلك أختي مي في بالي مليحة الصرامة وقفوها عند حدها
 
الســــــــلام عليكـــــــــم
سبحان الله ،، ناس عديمة الاخلاق
معندها ني حشمة ني كرامة ني والوا
ناس سايبة الي جاها في بالها اديروا يصلح ولا ميصلحش
شوفي هدوما الناس ميحبوش واحد يكون مليح معاهم
هدوما يحوسوا يخربوا برك لازم عليك توقفيلهم ،،
باسكوا ايدا خليتيهم ماكيش راح تمنعي منهم ،
عماه مديريش معاها كيما قالتلك اختي سمسم السمسومة
انا نظن كان تهدري معاها احسن ديفوا كي تواجهي واحد
راكي تعرفيه في روحوا وتخليه يخجل منها ،،
انت ماراكي خاسرة والوا واجهيها واعرفي وش راها باغية
متخليش هدرتها تسيطر عليك مي لازم عليك تنحيلها وش راهوا يدور في بالها
بالاك راح تكون متفهمة باسكوا ديفوا لواحد يكونوا عندوا ديزيدي في بالوا يخلوه يدرير ديشوز بلا ماعلابالوا بالاك تكوني انت لي راح توعيها ،،
وايدا شفتيها مهيش فاهمة وتشارشي على ليبروبلام هديك حكاية وحدة خلاف
كوني انت اكتر منها وبلوكيها تم بعد ليبروبلام ساهلين ،،
لازمك تكوني انتيليجون معاها امشي معاها بالسياسة وافهمي كلش ايدا لقيتيها باغية تزيــgــزاــgــي دوريها قباحة وشاوفيها مع من راها باغية تلعب ،،
ومن بعد ديريها فلاليست روجوتي وتهناي منها درك هي بعد تولي تحتاقر روحها هدا ايدا عندها ضمير اصلا مي لازم عليك تواجيها باش تعلميها فالدنيا كيفماه دايرة ،،
وربي يكون في عونك ان شاء الله ويبعد عليك ليبروبلام ويهنيك في دارك ومتقلقيش روحك خلاه هدوما ناس سايبة متخليهمش يسيطروا عليك ويحطموك ...نتمنى راني فدتك شوية :d سلاااااااااام حنونتي الزينة.
 
سلام.ناس هادا لوقت عادت مش محترمة حاشا لي ماتحقش عليه paske عادو عندهم كي لمزوج كي لعازب انا من رايي ديري رونفوا دابال وشوفي ادا حبست صاحة واذا محبستش اهدري معاها وحطيها عند حدها وشوفي هيا لغالطة ولا شكون انا مانيش نقلك تشكي في راجلك لالا عيب عليا لخطراش ان ما بعد الظن اثم بصح افهمي قبل ما تغلطي هادي لي حبيت نوصلهالك.ناس فارغة شغل مالقاو ما يديرو(ان شاء الله ماتزعفيش مني وتهزي عليا نظرة مش مليحة);)
 
السلام عليكم
شوفي اختي انا في رايي هزي عليها وسمعيها كلام مليح عندو معنى كبيييير باش تفهم قوليها هادا راجلي وبلاك تحشمي وتروحي تشوفي واحد اخر اهدريلها وفهميها بلي راجلك ماهوش مقيمها وعندها وين راح توصل بيها هاد العفايش قولها راكي غير تكسري في راسك... وفي حالة ما ان مافهمتش قولي لراجلك يبدل la puce
 
سلام.ناس هادا لوقت عادت مش محترمة حاشا لي ماتحقش عليه paske عادو عندهم كي لمزوج كي لعازب انا من رايي ديري رونفوا دابال وشوفي ادا حبست صاحة واذا محبستش اهدري معاها وحطيها عند حدها وشوفي هيا لغالطة ولا شكون انا مانيش نقلك تشكي في راجلك لالا عيب عليا لخطراش ان ما بعد الظن اثم بصح افهمي قبل ما تغلطي هادي لي حبيت نوصلهالك.ناس فارغة شغل مالقاو ما يديرو(ان شاء الله ماتزعفيش مني وتهزي عليا نظرة مش مليحة);)
إن بعض الظن إثم:regards01:
 
انا رجل ووقعت في نفس المشكلة
درت حاجة وحدة وتهنيت منها
عطيت لزوجتي ردت عليها
وكانت وحدة كثرت عليا
في العمل قلتلها
عندي زوجة
شابة
عليك ونحبها
ودرك ربي هناني
نتمنى تكوني فهمتي
قصدي فالزوج في هذه الحالة
هو من يجب عليه التصرف وفورا
 
حاولي تقنعي زوجك يبدل الرقم نتاعو
واذا تمت في الإزعاج هذاك أمر آخر يلزم تهدديها بأنك رايحة تتصلي بأهلها

ربي يهدي ماخلق اصبري وان شاءلله تفرج عليك
 

السلام عليكم ورحمة الله تعالىو بركاته

حسبي الله و نعم الوكيل لا اله الا الله محمد رسول الله صلى الله عليه و سلم

شوفي الاخت . اذا راهي تبيبي و ديرونجي ممكن تشكي بيها و يجبدو شكون هي مع عقوبة

و اذا ماراكيش حابة المشاكل . روحي للرقم نتاعها

options ==> Liste de rejet

ارجوا ان اكون قد افدت .
 
اختي حاولي تقوليلو يبدل رقمو او يعطيك الهاتف تردي عليها و اهدري معاها
و ربي يهديها
 
هزي عليها وهديها قوليلها تحبسي سينون نشكي بيك
ربي يهدي
 
اختي اطلبي من زوجك يغير رقم هاتفه هكدا تتهناي منها وخلاص
 
آخر تعديل:

اولا صحا رمضانكم ينعاد عليكم بالصحة و الهنا

اشكركم جميعا على ردودكم و اهتمامكم و نصائحكم القيمة جميعا بدون استثناء

هاد المرا برهوشه ما تفهمش بالعكس انا تكلمت معاها اول مرة بالسياسه و فهمتها بلى الراجل اللى راكى تعيطيلو متزوج لكن هي ماحبتش تفهم بالعكس زادت كلبت كى عرفت انو تزوج ( كانت زميلته فى العمل) موراها ولات ديرونجينا بزاف بـــ les appels ماسكى ما تمل ما تكره نكونو راقدين فى الليل تعيط فى نصاص الليالى تقول خفاش ما ترقدش تنوضنا من الرقاد و هدا تقريبا يوميا و انا المشكل تاعى انو نومى خفيف اذا فطنى واحد نبات سهرانه حتى لصباح ربى وكيلها الله لا تربحها ان شاء الله تبقى طول حياتها بايرة تجرى مور الرجالة واحد ما يقيمها اسمحولى ربما تعتقدو انى قاسية لكن و الله العكس هو الصحيح انا حنينه و ما نحبش ندعى على أي أحد حتى لو كان عدو لكن الله غالب المخلوقة كثّرت و تجاوزت حدودها قلتلكم قريب ديمن تعيط .. تعيط برقمها و برقم مخفى و تبعث دى sms لزوجى باش نقراهم .. رخيصة و خبيثة بكل ما تحمله الكلمة من معنى . انا كنت قاسية معاها كى شفت السياسه ماجابت أي نتيجة معاها عاودت عيطتلها و سمعتها كلام ثقيل مانحبش نهبط النيفو و نهدر مع ناس كيما هادو لكن حبيت نهدر معاها باش نبينلها مكانتها و نقوللها واش تسوى.. حاليا تهنيت منها زوجى غيّر الرقم ديالو قتلو تزيد تعيطلك نبعث فاكس للشيخ شمس الدين و نبهدلها قدام اللى يسوى و اللى ما يسواش .... اسمحولى على الاطاله حبابنا انا بقالى طلب واحد نطلبو منكم .... يا ريت لو ترددوا معى كلكم حسبي الله و نعم الوكيل حسبي الله و نعم الوكيل حسبي الله و نعم الوكيل ... انا سيدة حديثة العهد بالزواج لهذ السبب قسيت عليها بالدعاء .. شكرا و صحا فطوركم
 
آخر تعديل:
اعتقد ان الحل الامثل لهذه المشكلة هو ان يقوم زوجك بتغيير شريحة هاتفه

لانه حتى في حالة حجب رقمها او منعه ستقوم بالاتصال برقم آخر ...الخ
 
الحمد لله مادام راجلك بدل شريحة الهاتف هكذا ان شاء الله تتهناي منها

سبحان الله الراجل مزوج ويجريو موراه ربي يهديها

وماتدعي عليها ما والو وكلي عليها ربي هذا ماكان

وربي يبعدها عليكم وربي يهنيكم

 

اميرة هشام شكرا على الرد يعطيكم الصحه و صحا فطوركم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top