صديقتي تخاف مني وتخدعني

مريومةمم · 16 جوان 2013

سلام ياجماعة الخير
والله راني مصدومة الخير والنية مابقاوش في وقتنا
تخدم معايا وحدة عاملتها زي ختي تخطبت وعقدت مع واحد يخدم معانا كل الناس سمعو غير انا حتى عقدت باه سمعت
وقلت نورمال ورجعت تحكي معاا عادي مام انا
وكاين ناس تكرهم يكرهوها جابتلهم لي فوطو تاع العقد وانا خباتهم عليا باه ماشوفهمش
والله تصدمت وكي تحتاج دراهم والله تلقاني غير انا
هي 25 سنة وانا 28
والله بطلت نوثق ف الناس

حفيد هواري بومدين · 16 جوان 2013

اه يا بنت قالمة علابالك الضربة القاوية تجيك من الأقرب فالأقرب
واش رايح ديري باين شما هازة عليك
وافقت على الموضوع

Ma$Ter · 16 جوان 2013

عليكم السلام ورحمة الله وبركاته
اختى نورمال كاين عباد بزاف كيما هاذو
انتى صارحيها ببرودة اعصاب قلها علاه عملتى هكذا ممكن عندها اسبابها الخاصة
وربى يفرج عليك حتى انتى وتزوجى

adel._dz · 16 جوان 2013

ببساطة اتقي شر من أحسنت اليه
وأيضا اذا أكرمت الكريم كسبته واذا أكرمت اللئيم تمرد

soussou bel · 16 جوان 2013

عادي راني نشوف كيفهم كي نقرا

عندهم 300 وجه

انا وحدة صحبتي قالتلي بلي نتمشى معا الولاد علاجال هاد الطبايع الشينين نتاع البنات.الله غالب بصح حام ندير اصدقاء وولاد بسيف علينا نساعفوهم باش يبراو

أم راضية ~_ · 16 جوان 2013

السلام عليكم
راكي عارفة ختي بلي الي قريب ليك هو الي يخبي عليك و يحكي من وراك و يطعنك في ظهرك و يحسدك ويغير منك
+
ربما نقولو ماحبتش تقيسك بويسك نتي أكبر منها وجاتها عفسة عيانة كي تقولك وبلاك حسباتك تفهميها بلي راهي تزوخ عليك
هادا تانيت إحتمال
وفي النهاية نقولك بلي الي نساك وما شاورك هنَّاك ومول النية داااااااايما يغلب

ώᾄƒᾄA ħBᾄⱢ · 16 جوان 2013

والله صح كاين عباد عندهم زوج وجوه واش اديري هادي هيا الدنيا:s

abdellah gourari · 16 جوان 2013

و الله كيما يقول المثل " البحر مالح و الناس مصالح " ما عادتش كاين لما نفي هذه العالم عدت واحد تحسبو كي خوك و هو يجي يطعنك في ظهر الله غالب و الله أنا عن نفسي من مدة غذرني صاحبي كنت حاسبو كي خويا من يومها حدد قاعدة عندي أنو نبقى وحدي منعزل على هذو الناس معليش يقولو عليا معقد مجنون متوحد مايهمنيش كلام الناس

مايا الجزائرية · 16 جوان 2013

سلام اختي
انت واش راحلك فيها ياخي يقولك مول النية يربح ما تعمريش راسك بناس لي كيف هادي
شوفي لحياتك وانسايها وبعدي عليها باش ما تنجرحيش من تصرفاتها

سمسم السمسومة · 16 جوان 2013

الظاهرة راها رجعت لامود أختي في حكاية الزواج تلقاي الناس تدرق و تزيد تدرق....أنساي الحكاية و ديري روحك شغل معلبالكش و خلي الملح يعميهم و نتي ربي يرزقك يا رب

ملكًة الاحسآس · 16 جوان 2013

وعليكم السلآآم
أختي آي بآينة بنآت في بعضنآ ونعرفو للvـيس هدآ
هدي بلكـ خآيفة تفسدي عليهآ ولآ تضربيهآ بعين ، ولآ منعرف بويسك في بالهآ دركـ
رآكي غايرة منهآ سوغثو كي هي أصغر منكـ
كون جآت حكآية تآع حآب يجي يخطبهآ ومآقآتلكش نقولكـ بلكـ مش حآبة تقيسكـ
بصح حتى تكمل شغلآتهآ بآش تقولكـ هدي نيتهآ مش صآفية
و يظهرلي صحبتي هي أول وحده نفرحهآ بلي فوطو تآع خطبتي
أنآ هدآ وآش فهمت من حكآيتكـ ، والا كآنت نيتهآ صآفية وغير هكدآ ـ مع أني نشك ـ
الله اعلم
ربي يجيبلكـ ولد الحلآل الي تتمنآيه فيمآ قريب ان شاء الله
وكي تلبسي الخآتم اجري وريهلهآ قوليلهآ قلت صحبتي اولى بالفرحة:d

مريومةمم · 16 جوان 2013

شكرااااااا زاف كي فهمتوني

zagane · 16 جوان 2013

السلام عليكم

ما فيها والوا هاكا كاش ما يسرا ليها ما تشكش فيك انتي
وغادي يخطبوك في الايام القادمة ويعقدو قبل رمضان ولكن انت قولي ليها و عرضيها
ان شاء الله

كافيري · 16 جوان 2013

يا اختي هاذي ظاهرة عادت متفشية في مجتمعنا تدراق و لخوف من لحسد وش نحكيلك وش نخلي انا راه صاريلي اكثر منك بصح انا غلبتهم لخطراش نمشي معاهم بنيتي و هوما بلخدع و لحمد لله دوركا راني مخطوبة وبصراحة لعباد لي كيما هكا بعدت عليهم لخطراش غير نتاع مشاكل و فارغين شغل و كيما يقلك لباب لي يجيك منو ريح سدو و استريح مالا خيتي بعدي عليها و خليها صديقتك لا اكثر و ان شاء الله يجيك مكتوبك وتتهناي.

serinee · 16 جوان 2013

اولا اختي في هدو الامور ديال الزواج الرازق ربي المهم الانسان ميقلقش
و زيد السن مش مهم اقصد بينك و بين زميلتك باش نقولو بلاك خممت و قالك منقوللهاش بلاك تغير عليا او تحسدني او كشما ديرلي
لكن اختي انا لو في مكانك نروح ليها و نصارحها و نسالها من 1 نقطة وعلاش خبيتي عليا بلاك الخدامة لخرين كشما عمرلها راسها
و و ادا كانت انسانة نتاع بروفيتاج و انتهازية انصحك تجبدي روحك عليها
و دركا تتوقعي كلشي من الناس القريبة

بنت الـ25 · 17 جوان 2013

السلام عليكم اختي
اولا تم نقل الموضوع الى منتدى هنا فرغ وش كاين في قلبك
وثانيا نقولك شوفي توقيعي يمدلك لخبر
:d
هي صح تغيض انو اقرب الناس يحسسوك بلي راكي غريبة
بصح صدقيني الصديقة الحقيقية تبان غير في مواقف كيما هكا
وصديقتك هادي تبين بلي معدنها نحاس ولذلك ما تستاهلش تخممي فيها ولو لحظة
بالعكس يلزمك تفرحي
انا اللي كنت نحسبها صديقتي عشرة بيناتنا 9 سنوات ومبعد تبين معدنها انو فالصو كانت الصدمة قوية بزااااف
لكني الحمدلله تجاوزتها وعرفت بلي
اللي حبك حبو وكون في محبتك صافي واللي كرهك لا تسبو خليه تلقى العوافي

عابر سبيل12 · 19 جوان 2013

باينة اواضحة وضوح الشمس وماتحتاجس اثنان يحكو فيها
هادي لاهي صاحبتك ولاحاطاتك في اختها ولاهي عاملتك حساب

مالا انت بعدي عليها وكيف حاقراتك احقريها
يااخيت الحياة هادي معادلة بسيطة

اللي جاك روحلو واللي قطعك انساه
لااكثر ولااقل

la_safa · 19 جوان 2013

السلآم عليكم ، و صبآح النور

..
أختي ببسآطة أجبدي روحكـ ، مآتحكي معآهآ مآ تصآرحيهآ
هآذ الجنس من لعبآد لآزملو حآجة يسموهآ
التجــــــــــــــــــآهل ..
و كيفآه يقلكـ ابعد على الشر و غنيلوو ~

ahlam02 · 19 جوان 2013

اختي ماتعمريش راسك بناس حابسة وافيتي الصحبة معها ماتحكيلها ماتقيميها باش تعرف بلي ماعندها حتى معنى في حياتك وربي يجيبلك مكتوبك مازلتي صغيرة الله يبارك........تقبلي مروري.

بنـ MaPa ـت · 20 جوان 2013

بالاك غيرة بالاك كاشما قالولها عليك حاجة ماكانش منها
ربي يفتحها بيناتكم

في امان الله

صديقتي تخاف مني وتخدعني

:: عضو مُشارك ::

:: عضو بارز ::

:: مراقب عام ::

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو مُتميز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضوية محظورة ::

:: عضو بارز ::

:: عضو مُشارك ::

:: عضو بارز ::

المواضيع المشابهة