راك في جنازة ولا في عرس

N

NADA ELWARD

:: عضو مُشارك ::
إنضم
4 سبتمبر 2012
المشاركات
106
نقاط التفاعل
110
النقاط
9
في هد لعوام لخرين ليرانا عايشينهم ولاة عندنا الجنازة و العرس كيف كيف
نبداو بالعرس نلقاو مول العرس مخلوع:( وخايف وزعفان ومقلق :mad:مايضحك مايقسر يخمم غير في الخسارة تاع العرس وكيشوف الغاشي يتخلع:-o يا خويا نويها صدقة وخليها على ربي
وتشوف مولاة العرس تشكي وتقول فلانة ماجاتش فلانة ماعاونتنيش ملقيتش شكون يخدم معايا وتتقلق ومبعد تولي فالمشاكل وديفوا تتغاشا من القلقة ويدوها لسبيتار كون باه راكي تفرحي بعرس وليدك ولا بنتك
ومن جهة تلقا ليمعروضين يعسو ويحسدو في مالين العرس سورتو البنات ليمتزوجوش مقلبين وجاهيهم في وجه العروسة:mad: راهم غايرين منها ياخي كل وحدة ومكتوبها
ويجوز العرس هداك بالسكات لا موسيقى لا مدائح لا والو
تلقى غير التمنشير
نرجعو للجنازة مالين الميت يبكيو عليه وهو مكفن و الناس دايرين بيه واش يديرو راهم يقسرو ويضحكو ويحكيو جيتو تعزيو ولا جيتو باه تتلاقاو وتحكيو و تمنشرو كون باه تقراو القرآن وتدعيو للميت وتخففو على ماليه ليراهم محروقين عليه
صراحة يا خاوتي وليت منفرقش بين الجنازة والعرس و نتوما ؟؟؟:s

 
ماتفرقيش وي بكري في الجنازة يحطو القهوة مرة باه العبد كي يشربها يحس بمرارة واش يعيش اهل الميت
والعرس يديروه على 7 ايام الناس تاكل وتشرب وزاهية
تبدلت الحالة
وافقت على الموضوع
 
والله غير صح عاد كي لجنازة كي لعرس هاذي ماكلة هاذي شخاشخ هاذي سلايط هاذي قازوز ناقص غير لغنا و لمكياج برك ويعود عرس يخي وقت رانا في يخي ولعراس عاد لبخل فيها يا حفيظ كون يصيبو لماء مايمدوهش :-o هاذا لوقت ربي يستر وخلاص:s
 
السلام عليكم
ايه هادا هو المجتمع تاعنا ديما معكوس
ربي يهدينا اان شاء الله
شكرا على الموضوع
​
 
ما نقولو غير ربي يهدينا
موضوع حقا في المضمون اليومي
 
قال docteur abdou 24:
ماتفرقيش وي بكري في الجنازة يحطو القهوة مرة باه العبد كي يشربها يحس بمرارة واش يعيش اهل الميت
والعرس يديروه على 7 ايام الناس تاكل وتشرب وزاهية
تبدلت الحالة
وافقت على الموضوع
إضغط للتوسيع...


هادي اول مرة نسمع بيهــا الحاج تاع قهوة مرة ...
صح ولات الحالة آلطيف ..
ربي يقدر الخير
​
 
النية راحت مع ناس بكري يا ختي
دوك رانا عايشين لربي وخلاص سماطت حلاوة الحياة

شكرا على الموضوع
​
 
حنا سمطناها و بدلنا من عاداتها و نقولوا الدنيا و علاه الدنيا مسكينة....ربي يهدينا يا رب
 
والله كاينة صح وزيد اللي شفتو انا العكس
فالجنازة تع راجل خالتي الله يرحموو اللي توفي في فرنسا وجابوه يدفنوه لهنا
تالمو الغاشي لي جى يعزي ما عاشروش الميت واهلو شبعو عليه بكا في فرنسا
كان العزا كي العرس
انا ما رحتش مي تحكيلي اختي قاتلي تقول قاعدين في عرس
الضحك والتقصار والقهوة حطوها متولة تقول في عرس خص غير المقروط خخخخخ
باغكونطخ في عرس بنت خالتي التشناف قايم واللي تحكي معاها تشعل فيك
وليت نسايس تقول عضمة
تبااااااااا ما فهمنا والو الدنيا ماشية بالمقلوب ولا العقلية لي ولات مقلية؟
​
 
يابنتي معندك ما شفتي
عمي الله يرحمو حسدوه على جنازتو و ناضو فيه تمنشير في المواقع
ومنحكيليكش على لي بلا لي طيبوهم في موتو في الاعراس و منديروهمش
و دوك النسون يا بن عمي جايين تاحفين بالماكياج .... لا حول و لا قوة الا بالله
مش عارفة بيها تالمو ولات الموت ساهلة بردت قلوبنا وللا و شنهي
ربي يهدينا ​
 
والله غير عندك الصح

ناس مولاوش يحتارمو رواحهم
 
راني معاك فالموضوع تاع الجنازة 1000000000000000000 بالمية خاصة هاذ ليجاست يجيو من عند الناس الي بعاد الي مايهمهم والو او ماحسوش بواش راهم يحسو مالين الميت ربي يهديهم واش بغينا نقولو
بديت بالجنازة بيسك انا نحب لخبر لمليح هو الاخير بعد الفايح
مارانيش معاك خطراكش الناس ماشي كامل كيف كيف سوا فالعاداة ولا فالأخلاق
 
mawdou3 hayal w 3jbniiii bzff oui lmojtama3 l jazaiirii fsab bzff
 
SETIF étudiant، تم حظره "حظر دائم". السبب: مخالفة القوانين
افرض روحك(dire que) راك في عزا وتشوف في ناس باسطة تجمّع شيـّاخة و قهوة دايت خخخخخخ نقارونتيلك تتزرGن نورمال:s وتزيد تسمع زغاريد راسك يحبس (او تحس روحك اك في عرس ماكش في عزا) :s يسما دونك وجاي يعودو يصدرو في موتاهم كي لعرايس ويدوهم بكورتاج وبارود ولا كيفاش???(عجبت لمن يعرف أن الموت حق كيف يفرح وعجبا لمن يعرف أن النار حق كيف يضحك...)

نجيو للاعراس خطرة رحت انا وصحابي معروضين نقصرو عند واحد والله جوست دخلنا برك قعدت غير ندنG ياو واحد سكات (ان سيلونس بارفي) زيد تشناف (في بعضاهم خاوة وماش متفاهمين) تقول ما عندهمش بزاف ملي روحو من جنازة يا ضري خخخخخخخ زيد كل دورة ويجيك واحد منهم يقولنا خلصتو ولا مازال هههههههههه ...نشفى في هذاك نهار على الماء وما عرضوناش خخخ قتلهم يا لو كان ما عرضتو فينا حتى واحد يكون احسن ههههههههههههههههههههههه ...ايــه سي سا لافي كلشي تبدل وذركا الزمان ولى بالمقلوب فالله المستعان من تغير الزمان

 
آخر تعديل:
رانا عايشين في وقت قريب يولو ما يفرقوش بين الموت والعرس
و هدا باسكو الناس ايمانهم ضعيف بزاف
ربي يهدينا​
 
فكرتيني فالعجايز تع العرس
خخخخخخ
تقولك نقصي للغنا باش تقعد تمنشر مرت وليدها
كخخخ​
 
ih sah fi had liyam 3oudna nefar9ou bin l'3ars o l'3ezza ghir bi l'moussi9a we l'coran 3jeb yakhé te7ajrte macha3irhoum la ye3awnou la fi essara2 wella fi edarra2
​
 
هادو هوما خاوتك العرب واش حابة اديري متقدريش حتي تبدليلهم العقلية انا الحقيقة في العرس نفرح و نشطح و ندير حالة و نعونهم الحق والى الله والله الى ايحوسو عليها نديرها و منقولش لالا sur tout العرس تاع la famille ما نحوس ناكل و لا نشرب المهم انا جيت انحي على خاطري معليش و الله مانحاسب حقي نمدو لوحداخر
و في الموت لازم تكونى واقفة مع مالين الميت و تعاونيهم الى تقدري عليها هادي هيا
والى ايجى اخسر الجاحة و يستشفا وكلى عليه غير ربى مولايا ما ينسى حتى واحد
والله يهدينا كامل امييييييييييييييييييييييييين
​
 
أنا مرة حضرت جنازة تاع طلفة في عملاها 17 سنة ربي يرحمها علي كل حال
مالها واش دارو يسربو في حلة الترك وتمر ودارو عشاء شوربا ولحلو قالك هذا عرسها
ولينا في وقت الناس جهلت ماعندناش ثقافة دينية واش نقلكم ربي يسترنا دنيا وأخرى
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top