كراس الذكرايات

FATIMA 19

:: عضو بارز ::
أحباب اللمة
إنضم
30 نوفمبر 2009
المشاركات
4,286
نقاط التفاعل
2,000
النقاط
191
العمر
30
محل الإقامة
سطيف
الجنس
أنثى
13359819471.gif


أهلا بالأعضاء الحلوين .
ان شاء الله تكونو بصحة و عافية
img_1352671345_802.gif

باسم الذي خلق آدم و حواء من تراب و جعل الرسائل تنتقل بين الأحباب و................
راكم تقولو هاذي واش بيها قاعدة تكتبلنا في هاذي الكتبة???? وواش مناسبتها ضكا?????:s
هاذي راهي بعض من المقدمات اللي كانو ينقلوها الأحباب و الأصدقاء لبعضاهم في عهد الرسائل .
الموضوع هذا موراه قصة .
امالا كي كنت نفرز في المكتبة ونعدل في الكتابات طاح في يدي كراس لقيت مكتوب في كراس الذكريات نتاع اختي وضكا اختي راهي متزوجة ,قلت الواحد قاعد قاعد ضك نقراه ونعقب بيه الوقت كي حليتو لقيت نفس المقدمة من عند البنات صحاباتها كامل ههههههه ينقلو على بعضاهم .
مكتوبة باسم الصيف و البحار باسم الربيع و الازهار باسم الشتاء و أوراق الأمطار باسم ............................
ويعبرو على مشاعرهم مساكن انني أحبك حبا جما فأنت صديقة وفية و حنونة و مجتهدة و لطيفة ههههههههههه وهي راهي تكرها كره شديد
يخرطو على بعضاهم برك
والرسالة اللي دوختني بزااااااااااااااااااااااااااف و خلاتني مصدومة ضك نكتبهالكم ماننقص منها مانزيد منها
أول مرة أرفع قلمي لأعبر لك عن مدى حبي للوطن
ياااااااااااااااااااالله شكون هاذي الثورية? ما هذا النص الملحمي ? جاني الفضول نعرف شكون هي ?
في الأخير اكتشفتها بلي بنت عمي هزيت الكراس وعطيتولها قراتو ماتت من الضحك قتلها هاذي هي شهادة ليسانس في الأدب اللي عندك ?????????? والله كنتي عبقرية ههههههه
واللي يضحك في الرسائل لقيت مكتوبط
طوبة +طوبة أتمنى لك الخطوبة
زجاج+زجاج أمنى لك الزواج
وهي راهي في قلبها تقولها ان شاء الله تقعدي بايرة طول حياتك .
حابة نفهم واش دخل الطوبة في الزوااااااااااج معادلة ماعندهاش حل
وماننساوش اللوحة الزيتية اللي راسمينها قلوووووووب معوجة و ورود ذابلة خخخخخخخخخخ
وفي الأخير تقولها أتمنى لك النجاح في حياتك العلمية و العملية و السياسية و الديمقراطية و التاريخية و الاجتماعية و الفلسفية و الرياضية ................الخ
ونتوما أكيد في طفولتكم منتو مدايرين كراس ذكريات ولا خواتاتكم أحكولنا .
img_1352671345_802.gif

518919926.jpg
كالعادة مع الختام سلام

كانت معكم
fatima 19
 
آخر تعديل:
أهلا بيك فطيمة
يعطيك الصحة على موضوعك الباهي
ربما يخص بزاف لبنات ههه
انا جامي كتبت برية لواحد ولا تمنيتلو طوبة وزجاجة ههههههههههه
التعبير ومانعرفش نعبر ههه
 

hhhhhhhhhhh 3ajbtné ta3 él-watan hadik ya3né koulch copier coller mkn 7ata haja nabi3a mn l'9alb na jamais drte kouras dikrayat parce que 3labalé nousshoum nifa9 o hata kan dert wahd nmd ghir l'chwia yektboulé se7abaté li ne7abhoum sah
fi l'9issm li na9ra fih toufla koul chehar dir kouras tmd l'nous l'madrssa tektb laha parce que hya ta3rf el ghaché ysr na koul mara tmdllé ine ma3oudtch lagya wch nktb wellit enna9l mn wahd la page fi l'facebook ;)
 

hhhhhhhhhhh 3ajbtné ta3 él-watan hadik ya3né koulch copier coller mkn 7ata haja nabi3a mn l'9alb na jamais drte kouras dikrayat parce que 3labalé nousshoum nifa9 o hata kan dert wahd nmd ghir l'chwia yektboulé se7abaté li ne7abhoum sah
fi l'9issm li na9ra fih toufla koul chehar dir kouras tmd l'nous l'madrssa tektb laha parce que hya ta3rf el ghaché ysr na koul mara tmdllé ine ma3oudtch lagya wch nktb wellit enna9l mn wahd la page fi l'facebook ;)
ههههههههه واش راح اديري انقلي من الفايس بوك وخلااااااااااااااص أصلا الواحد قاعد غير يخرط
زعما تعبري على مشاعرك
مرسي على الرد
 
أهلا بيك فطيمة
يعطيك الصحة على موضوعك الباهي
ربما يخص بزاف لبنات ههه
انا جامي كتبت برية لواحد ولا تمنيتلو طوبة وزجاجة ههههههههههه
التعبير ومانعرفش نعبر ههه
الله يسلمك
ايه الموضوع شوي يخص البنات
ههههههههههه حتى أنا نكره التعبير خاصة التعبير عن المشاعرم
شكور على الرد .
 
hHhHhhHhHhHhH SysTème TOouba w zjàjà màzàL màwseLniicHe:d
 
haja zina hadi fakartini besghir hhhhhhhhhh
 
” لا يستطيع الانسان العيش بدون ذكريات , وأن كانت جميعها أليمة , فهي جزء من حياته أيضاّ “
 
الحياة كتابة في دفتر الأيام ...
ليس المهم إن كان خطك رائعاً
! المهم ..
أترك في دفتر الأيام مايستحق القراءة:p
 
انا وش كان عندي بريات من صحباتي وكان عندي ثاني كراس الذكريات والله غير حياة الصغر مكانش كيفها بصح نتاع طوبة و زجاج مكاناش نعرفوها ههه راها جديدة ههه ميرسي:up:
 

ههههـ والله انا وحدة من النآس مآ نحبش نعبر لآ فالكرآرس ولآ فالوجه :$

مآلغري كنت ندير كٍرآرس مش غير كرآس مي جآمي كتبت فيهم نحب نتعاند برك :p

ومآزلت مخبيتهم لذرك ومرة على مرة نجبد نضحك على روحي ونقول شحآل كنت نية :down:

وحد لي سوفونير هومآ
:d
 
الصراحة فكرتيني بيامات زمان بلاك أنا كراس الذكريات لي كان عندي ذركا مكانش مي عندي رسايل من عند ولادي-تلاميذي -لي مزالوا عندي و كلما يضيق خاطري نروح نطل عليهم و نشوف صح قيمة الحب عندهم و بلاك الحاجة المليحة كراس الذكريات حاجة صح هايلة و تلقاي كل حاجة فيه عفوية...يعطيك الصحة على الوضوع​
 
ايه نشفى عليهم هادو كانو معانا بزاف من هاد النوعيات وخاصة الي تديها للمعلمات ثاني انا ما كنتش نحبهم ويجيوني خرطي لا معنى له وما كنش عندي كراس ذكريات وقليل وين كنت نصاحب النوعية الي تامن بها هههه
 
ايييه يفكرتيني بكراس الذكريات مالغري ما كانش عندي واحد
هههههه
كنت دايما نقول ندير واحد ممبعد ننسى
نشفى كانو البنات يبعثو لبعضاهم باش يكتبولهم
و كي كانو يبعتولي كنت نكتب الحاجة السامبل قاع و ماننساش بيانسور انا احبك كثيرا و انت افضل صديقة لي ههههههههههه
مي ماكنتش نزركش بزاااف بالقلوب العملاقة كيما كانوا يديرو البنات
فكرتيني بتاع دب+دب=أنتي في حب
و بزااف كلمات متداولة وحدوخرين ههههه
شكرا​
 
ههههههههههههه موضوعك عجبني بزاف فاطيمة
ونشفى مليح انا مرة درت موضوع مماثل وكي راحت اللمة راح الموضوع في الغابرين وغاضني بزاف
يا حسرااااااااه على كراس الذكريات تاعي
خخخخخخ نرجعلك مرة اخرى ونحطلك الكوارث لي فيه
ونكاشي الموضوع الباهي يستاهل
 
وعليكم السلآآم
اهلآآ حبوبــة والله ضحكت كي قريت موضوعكـ
وامبعد نوليلكـ بلي pــخوv :d
هيآ تهلآيلي في ربلآصتي حتى نرجع

 
مرسي كامل كي شاركتو بردودكم بالبنات بويسك الذكورا خااطيين .
تختارها انا ثاني عندي رسائل من بكري ماعلاباليش وين مديونين كي مجلدان نموت من الضحك .
هههههه ما اجمل الذكريات .
 
وعليكم السلآآم
اهلآآ حبوبــة والله ضحكت كي قريت موضوعكـ
وامبعد نوليلكـ بلي pــخوv :d
هيآ تهلآيلي في ربلآصتي حتى نرجع

مرحباً بك منورة مواضيعي بردودك
والبلايص راهم كااينين غير عبري عن شعورك و ماتخميش ههههههههه.
 
السلام عليكم
ايه يا اختي على هادوك اليامات ما احلاهم
الحقيقة انا جامي درت كراس الذكريات
بصح صحاباتي كانوا دايرينه وانا طبعا كنت نكتبلهم وطبعا مثل الابداعات الي كتبوها صحبات اختك :d
سلامي ...​
 
عندي بزاااااااااف كراريس الدكريات
ياو عجب
كي كنت ف السيام كنت نموت علة تامر حسني
ولي نكنبلي تقولي انشاء الله تتزوجي بيه
كيفاه وانا هنا و هو ف ماصر
مي سور مانو يقولولي تريحي بايرة خير خاطر انا كنت الشابة تاع السيام:d
هادي بكري خخخ
ساسي+ساسي = تسكني ف سواسي
وخلي وخلي
تعيشي ختيتي​
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top