خبيــزة بالطون والفرمااج ~

السلام عليـكم كيفكم ~أخواتي~
اليك الطريقة #أم أميـن 23 #~ ~ أنا شفتها في احدى المنتديات وعجبتني وحبيت نجربها و جربتها ههه وجات فوور كل يوم يقولولي ديريهالنا ~~هي ساهلة مافيها والو ~
العجيـنة ~

في صحن غامق حطي كاس اينوكس معمر حليب دافئ+مغرف كبيرة خميرة الخبز+مغرف كبيرة سكر+فنجان معمر زيت عادي +ملح قيس 2قرصات خلطي الكل بفرشيطة وزيدي نصف كاس فرينة وخلطي مليح خلي الخليط5د وزيدي الفرينة مع الخلط بملعقة خشب حتى تتحصلي على عجينة لينة وتلصق شوية في اليدين ادهنيها بالزيت وغطيها بكيس وخليها تتخمر 20د الكيس يساعد في التخمير




في هذا الوقت قطعي حبة كبيرة بصل مربعات صغيرة وقليها في الزيت مع شوية ملح
بينما البصل راه يتحمر اغسلي 2حبات كبار ولا4صغار طماطم واعصريهم وزيديلهم نصف ملعقة كبيرة طماطم مصبرة+شوية توم+ملح+ملعقة كبيرة سكر وقلي الكل حتى يطيب الخليط طفي النار
وزيدي قطعي حبيبات زيتون أخضر ولا أسود ~أنا درت أسود ~ +علبة طون تاع الطماطم ولا الزيت اللي عندك ~ +فرماج مقطع قطع صغيرة ~ أو مرابي ~ و اذا عندك اللحم المرحي تزيد تتبنن كتر وكتر تكوني قليتيه وداويتيه ~ ومن بعد تخلطي الكل مع بعض ْ
كي تتخمر العجينة قسميها على 2 بلا ماتعاودي تعجنيها وحلي الاولى بالفرينة لانها تلصق شوية
حطيها في مول مدهون مليح بالزبدة وصبي فوقها خليط الطماطم والطون واللحم المرحي اللي تخلي منو قيس 3ملاعق كبار للوجه
حطي قطع من 50غ فروماج اللي بقاتلك وزيدي فوقها 2بيضات مغليين في الماء ومبروشين



حلي القرصة الثانية وحطيها فوق الحشو واغلقي مليح الجوانب بيدك



ثقبي العجينة بالفرشيطة ودخليها مباشرة في فرن ساخن جدا من فوق حتى تنشف وتولي ذهبية
خرجيها وادهني الوجه بباقي الحشو اللي خليتيه


ومن فوق زينيها كيما حبيتي ~ ديريلها الفرماج رابي والدبشة ~
كيما درت أنا


للأمانة فقط الصور نتاع الطريقة خاطيني تع الأخت الله يحفظها ~ماعدا الأخيرة تاعي ~
ان شاء الله تعجبكم ~

تبان تهببل رايحا نجربها ان شاء الله مارسي حبيبة

مرسي حبوبة ربي اخليك ان شاءا لله نجربها عن قريب

جاتك هايلة يعطيك الصحة

هايلة يعطيك الصحة