كرهت الزواج قبل مانعيشو

N

NADA ELWARD

:: عضو مُشارك ::
إنضم
4 سبتمبر 2012
المشاركات
106
نقاط التفاعل
110
النقاط
9
السلام عليكم
علابالي رايحين تستغربو من الموقف تاعي على الزواج بصح هذي هي الحقيقة راني لحقت للسن المناسب تاع الزواج بصح مازال ماتقبلتش الفكرة هذي حاسة بروحي مزال مانيش محضرة روحي للزواج بصراحة كرهت الزواج قبل مانجربو وهذا كامل نتيجة واش راني نشوف في المجتمع ليراني عايشة فيه نبدا بوالديا ليعمرهوم ماتفاهمو ودايما يتهاوشو وتانيك كرهت الرجال على خاطر ميحتارموش نساهم وميقيموهمش ويرخسوهم وما حاسينش بالتعب و العذاب ليتحملتو المرأة على جالهم وماشي الرجال كامل هكا:-r
أنا حساسة بزاف كلمة صغيرة تجرحني وراني خايفة كون نتزوج مانقدرش نتفاهم مع زوج المستقبل :(
راني حابة تعاونوني نتوما ليمتزوجين وتنحولي هذي الفكرة من راسي
وشكرا
 
السلام عليكم ورحمة الله و بركاته

انا لست بمتزوج لكي اشرح لكي لكن بمجرد ان تعرفي ان الزواج نصف الدين فيجب ان تكملي دينك
وفقنا الله لما يحبه و يرضاه
​
 
اختي ...انا كاول رد على موضوعك
نقولك اولا رمضان كريم و كل عام و انتي بخير ان شاء الله
نرجع للموضوع تاعك
نقولك الرسول عليه الصلاة و السلام قال --تفائلوا خيرا تجدوه--
انا نقولك انو كل هذه الاشياء ليست حقيقية
منقولكش خاطئة مئة بالمئة
صح كاين اللي هكا و كاين اللي العكس
حبيبتي انتي اللي تخلي الزوج يحترمك و يقدرك و يحبك
ربي خلق الزوااج فريضة على كل مسلم و مسلمة
انه سنة الحياة
نصيحتي ليك .... متسمعيش القيل و القال...
انتي تفائلي كل خير ..ربي ما يخيب ظن حتى واحد
الله يسهلك حبيبتي
​
 
السلاااااااااااام عليكم و رحمة الله

وعلاش يا ندى عليك كل هاذ الشي
بلا ما نتكلمو بزاف
انت شفت فقط التجارب الي مش مليحة
هيا قوليلي شفت تجربة زواج ناجحة ام لا لحد الان؟ ممكن تكون في العايلة او الاحباب او الجيران او ,,,,,,,,,,

هنا تعرفي بلي مش كل زواج فاشل يا ندى

و بيني و بينك نجاح الزواح يكون بيد المراة ب 80 بالمية


حنا عندنا مشكلة مع بناتنا اننا ما نكلموهمش على الزواج و نخلوهم يدخلو لهذه التجربة بدون اي رصيد من قبل و هنا كل واحدة تجتهد باش ينجح زواجها
كاين لي اجتهادها ينجح و كاين لي تفشل و كاين لي تستسلم و كاين و كاين

صدقيني الزواج نعمة من عند الله ماكالاه تشوفيه نقمة
يبدا بالاختيار الصحيح و على الاسس الصحيحة و يبقى نجاحه بالحكمة و العقل و الذكاء


و اذا امنتي بلي كل واحد يصرالو غير لي فيه الخير ليه ولو هو ماشافش الخير
معناها الواحد لازم يأمن بلي ربي سبحانه يقدرلك غير الخير حتى لو احنا ما نشوفوش في بعض الامور خير لكن لحكمة ما من عند الله يقدر علينا ما يقدّر

ما عرفتش كيفاش نفهمك اكثر

المهم من المفروض انت راكي في عمر الزهور في ربيع عمرك
من المفروض الان تكوني تحلمي بزوج المستقبل و تنتظريه بشوق مش تفكري هكا :-r
خلي الاشياء لي مش مليحة بجهة و احلمي و اسعاي باش تحققي امانيك و احلامك هذا ماكان

و اتفكري بلي السعادة ما تجيش وحدها بل احنا لي نسعاو ليها
 
اسلام عليكم
انا كنت كيفك هكا قبل ما ناتخطب كنت مقررة بلي مانتزوجش حتان نعيش حياتي بصح كيما يقلك كلش بالمكتوب لوقت لي جاو يخطبوني وكلت ربي وستخرت قبل كل شئ وراني ضركا فرحانة انو عطاني ربي قد نيتي ختي ماتقيسيش الاشياء من بابها ظيق شوفيها من بابها لواسع نحي من راسك هاذي لفكرة وكلي امرك لربي وادعي يعطيلك راجل يعرف وش قيمت لمرة.وان شاء نكون عطيتك ولو فكرة بسيطة.وقبل مانتزوج ان شاء الله تتخطبي
 
ربي يعاونك :dunno01::dunno01::dunno01: انشاالله
 
السلام عليكم
وصح فطوركم
شوفي أختي الكريمة نحي هذاك التخمام أوكل من راسك خطش راه غالط
وتأكدي كل واحد في هذا الدنيا يأسس حياتو من منطلق المبدء اللي يبغيه
ماعليش ويلا دخل القدر والمجتمع فيه
بالصح مش بالضرورة كي تشوفي المجتمع تاعك معوج
معناتها حياتك ثاني راح تكون هكذاك
امنية كل فتاة في هذا الدنيا تلقى رجل صالح باش تبني معاه حياتها
وترزق بالذرية الصالحة وتكمل دينها
زيدي خممي مليح أوخيتي ومش كل الناس كيف كيف
وربي يرزقك الزوج الصالح وتفرحي وتفرحينا معاك
قولي امين
​
 
السلام عليكم ورحمة الله
يا اختي ماتتشائميش هكدا كل مراة عندها طريقة في التعامل والتعايش مع زوجها حتى ولو شفتي بلي جامي يتفاهمو كيما باباك ويماك قلتي جامي تفاهمو بصح حبيت نقولك بلي مهما صار بيناتهم كون يجي واحد يقوللهم اتفارقوا اكيييييييييييد رايحين يرفضوا لانهم صايي تعايشو وتاقلمو مع هذي الطريقة نتاع حياتهم
انا تاني بابا ويما هكدا مي ديمة يتصالحوا ومايقدروش يتفارقوا وحتى انتي ماتقدريش سبب الشجار والطريقة اللي يتصالحوا بيها لانهم تعلموها مع الوقت
نتمنى ربي يرزقك الزوج الصالح اللي يحبك ويقدرك ديمة
تفائلي خيرا تجديييييه
وصح فطورك
 
ماشى كامل الرجال كيف كيف انا من الوسط الجزائري و بصراحة لا تعجبنى الطريقة التى يعامل بها الرجال تاع الشرق نساؤهم .. اختى انصحك ترقى لنفسك ربما انتى مصابه بنوع من السحر أو العين
 
السلام عليكم
ساقول شيء واحد الزواج تفكر فيه الفتات عندما تحب
وصدقيني عندما تعشقين ستنسين كل هذه الافكاار
صح كاين رجال والله معلابالي كيفاش نسيميهم مي الحمد لله كاين رجال ربي يبارك عليهم
وتبقى هذه المخاوف موجودة عند كل فتات قبل ان ترتبط لانها لم تجرب الزواج
تكون طول حياتها في بيت والدها معززة مكرمة قراراتها من ذاتها يعني تخاف من سيطرة الزوج ووووو
لكن عندما تدخل التجربة ستغير افكارها لان هذه ما هي الا مخاوف من شيء لم تعيشينه بعد وستتغير
​
 
السلام ندى حبيبتي والله حبيبتي انو نظرتك خاطئة 100.100 صديقيني ماش الرجال كامل كيف كيف
انت من كلامك باينة ما دخلتيش حتى علاقة بنيتي فكرة على تجارب فاشة شفتيها يعني في مجتمعك انت وعايلتك ما كانش حتى راجل وامراته عايشين حياة سعيدة الكل تخلع علاقتهم
مالا انا نقولك والله انو عمري بديت نحسب فيه من نهار تزوجت عمري عشت السعادة في دارنا من وانا صغيرة نتمنى راجل يعوضني وندعي ربي
والحمد لله طحت في راجل ربي يبارك واش نقولك حاطني في عينيه وقافل نعم الناس رجل مدين من عايلة معروفة
وكبيرة الحاجة اللي تمنيتها واللي تمنيت نتمناها دارهالي والله والله اني لو يطلب عيني نمدلو وعايشين حياة سعيدة جويلية هاذا عندي 8 سنين زواج دائما نقولو راني دقول عايشة فترة خطوبة

يعني حابة نقولك انو الزواج يمكن يكون بداية حياتك ماش خرابها
اختي الطيبون للطيبات كوني طيبة وان شاء الله راح تنالي رجل مثلك وتعيشو سعداء وهانيين
 
اقتدي برسول الله صلى الله عليه وسلم
وتوكلي على الله
فهو القادر على كل شيء
لك مني الف تحية وارجو لك الستر والهناء
بارك الله فيك
 
آميييييييييييييييييييييييييييييييييييييييين
 
قال NADA ELWARD:
السلام عليكم
علابالي رايحين تستغربو من الموقف تاعي على الزواج بصح هذي هي الحقيقة راني لحقت للسن المناسب تاع الزواج بصح مازال ماتقبلتش الفكرة هذي حاسة بروحي مزال مانيش محضرة روحي للزواج بصراحة كرهت الزواج قبل مانجربو وهذا كامل نتيجة واش راني نشوف في المجتمع ليراني عايشة فيه نبدا بوالديا ليعمرهوم ماتفاهمو ودايما يتهاوشو وتانيك كرهت الرجال على خاطر ميحتارموش نساهم وميقيموهمش ويرخسوهم وما حاسينش بالتعب و العذاب ليتحملتو المرأة على جالهم وماشي الرجال كامل هكا:-r
أنا حساسة بزاف كلمة صغيرة تجرحني وراني خايفة كون نتزوج مانقدرش نتفاهم مع زوج المستقبل :(
راني حابة تعاونوني نتوما ليمتزوجين وتنحولي هذي الفكرة من راسي
وشكرا
إضغط للتوسيع...


اهلا بيك حبيبتي
وانا في الكثير من الاحيان نخمم متلك
نتيجة واش قاعدة نسمع من حكايات
بل واش قاعدة نشوف بعينيا
ربي يرزقنا بولد لحلال
ان شااء الله
 
ان شااااااااااااااااااااااااااااااء الله هذا وواش راني حابة
شكرا على النصائح
 
فكره وتزول مع مرور الوقت ...............

ما تقلقيش روحك ..............


صح عيدك .......
 
لا تري فقط الجانب الاسود من الحياة ،أنا مثلا حياتي طيبة مع زوجي رغم المشاكل الصغيرة او الكبيرة نتجاوزوها مع بعض زوجي يحبني ويحترمني الحمد لله .وماتقوليش ولاو الازواج مايحترموش زوجاتهم العكس ماشي كامل الناس كيفكيف قولي يارب أرزقني بزوج صالح محب ومخلص ،وهذا ما نتمنالك أنا ثان ....
 
انا اقول لكي في كلمتين لا اكثر الزواج شر لا بد منه​
 
RABI YFEREJ 3LA KOUL WAHED FINA
KOUL HEJA FI WE9THA KHTI
BELEK KI YJI YE3EJBEK EL HEL
W ZID MARAKICH HEBA YKOUN 3ENDEK BEBE WLIDEK
?
 
السلام عليكم روحمة الله

يا اختي تفائلي خيرا تجديه علاش ما تشوفيش حالات الزواج السعيد وحالات العائلات السعيدة

انا راني متزوجة في ثلاث سنوات والله هي من اجمل ثلاث سنوات في حياتي كلها ماشاء الله تبارك الرحمن وربي زاد انعم علي باحلى صبي

لكن قبل الزواج تفاءلت خيرا ونويت باش نأسس اسرة سعيدة نويت ان يكون هذا الزواج هو زواجي الاول والاخير نويت اني لا اعطي قلبي وحبي الا لزوجي لم ولن انوي الطلاق قط

كلما تصرى مشكلة بيني وبين زوجي لازم نحلها قبل ان يحل الغد وبالحكمة والموعظة الحسنة نحل كامل مشاكلي والحمدلله

الانسان لازم يشوف الجهة الموجبة لوكان نشوفو غير المشاكل حتى اللي مش متزوجات عندهم ما يكفيهم من المشاكل

لهذا حبيبتي انوي الخير باذن الله تلقي الخير واكثري الدعاء بان يرزقك الله الزوج الصالح المصلح ذو الخلق والدين
امين يا رب

ربي يفرحك حبيبتي ولا تتشاءمي
​
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top