بوزلوف في الفرن لذيذ من مطبخي

ام سامي

:: عضو مُتميز ::
إنضم
11 نوفمبر 2010
المشاركات
636
نقاط التفاعل
505
النقاط
31
السلام عليكم و رحمة الله و بركاته


اخواتي بمناسبة عيد الاضحى المبارك اقترح عليكن هذه الوصفة اللذيذة
عبارة عن بوزلوف (لحمة راس) بالبطاطا في الفرن

اننظف البوزلوف عن طريق حرقه على الطابونة مع التقليب المستمر و نحكه بالسكين

حتى نتخلص نهائيا من الشعر
و نغسله بالماء و الصابون جيدا جدا

و نقسمه بالساطور و نعيد غسله و نقطره

نضعه في الكونجيلاتور الى اليوم الذي نحتاجه


المهم نغليه في الماء ربع ساعة


و نقطره ثم نضعه في كيكوطة + بصلة مقطعة طوليا + 5 سنات ثوم + ملح +فلفل اسود+3 ملاعق صغيرة كسبر مرحي + ملعقة صغيرة حبة الحلاوة + ملعقة صغيرة كروية +حبة طماطم مقطعة على اربع معدنوس و دبشة او ما يسميه البعض كسبر حشيش+ ملعقتين زيت

لا نقلي نضيف الماء الساخنبحيث يتغطى البوزلوف جيدا و نترك الكيكوطة او القدر المضغوط على نار اقل من المتوسطة مدة ساعة كاملة

نفتح القدر سنجد ان العضام تنزع بسهولة نقطرها في كسكاس و نحافظ على المرق


نصفي القطع من العضم و نضعها جانبا

135%D8%B7%D9%83.gif


في تلك الاثناء نحضر صلصة الطماطم بالطريقة التالية

في مقلاة نضع فيها 5 ملاعق زيت + حبة بصل مقطعة طوليا + ملح و نقليها حتى تذبل قليلا

117%D8%B7%D9%83.gif


نضيف حبتين او ثلاث من الطماطم مقطعة و نغطيها و نتركها على نار هادئة حتى تطيب و لا تنشف تماما


130%D8%B7%D9%83.gif

نرحيها بالرحاية اليدوية بالديسك كبير الثقوب و نضعها جانبا

نقلي البطاطا المقطعة الى دوائر و نضعها في صنية مدهونة

نرتب فوقها قطع البوزلوف

PICT0140.gif


و نفرغ عليها صلصة الطماطم

144%D8%B7%D9%83.gif


ثم نفرغ عليها القليل من المرق التي طهونا فيها البوزلوف او ما يسمى بلحمة الرأس


146%D9%83%D8%B7.gif


و نرشها بالمعدنوس و ندخلها الى الفرن 180 درجة مدة نصف ساعة و نشعل له من فوق مدة 5 او 10 دقائق فقط

و نقدمه ساخنا مع الفلفل الحار ممممممممم


انا حضرت معاه الرغيف

اترككم مع الصور


150%D8%B7%D9%83.gif



20%D8%B7%D9%83%D9%83%D9%83%D9%83.gif




21%D8%B7%D9%83.gif

لا تنسوني من صالح الدعاء
 
رد: بوزلوف في الفرن لذيذ من مطبخي

Machkoura okhti
Bayen 3lih bnin malgré manachtihch
mai ta3k ra7 ndho9 mannou
 
رد: بوزلوف في الفرن لذيذ من مطبخي

يعطيك الصحة باين بنين راني نسنى فيك تبعتيلي حقي ههههه مالقري منحبوش مي من يديك ناكلو
 
رد: بوزلوف في الفرن لذيذ من مطبخي

امممم يشهي يعطيك الصحة
36_1_55.gif
 
رد: بوزلوف في الفرن لذيذ من مطبخي

وعليكم السلام
يممممم وصفة هايلة يعطيك الصحة
توحشنا طبخاتك
:-r​
 
رد: بوزلوف في الفرن لذيذ من مطبخي

ششششششششششكككككككككككككككككككرااااااااااااااااا لكن جميعا

اسعدتني ردودكن


ربي يحفظكم جميعا


انتظروني في وصفة طعام بالبوزلوف

ساحاول وضعها هذه الايام ان شاء الله
 
رد: بوزلوف في الفرن لذيذ من مطبخي

مشكورة طريقة رائعة
معى اني منحبوش
تحياتي
 
رد: بوزلوف في الفرن لذيذ من مطبخي

امممممم هايل سخفتينا
 
رد: بوزلوف في الفرن لذيذ من مطبخي

الحمد لله لي مبقاش للعيد :d
راكي سخفتيني بهدا الطبق الجميل
بوركتي على هده الوصفة:up:
 
رد: بوزلوف في الفرن لذيذ من مطبخي

من الصباح و انا نشوف في الموضوع و ماحبيتش ندخل علبالي نشوف بوزلوف الدمعة طيحلي هههه من بعد درت الكوراج و شفتو ،و مالقيت مانقول روعة قليل عليه
ماشاء الله عليك و ربي يعطيك واش راكي متمنية و يحفظلك كل عزيز
سلامي .
 
رد: بوزلوف في الفرن لذيذ من مطبخي

يعطيك الصحة عجبتني بزاف ان شاء الله راح نجربها في هذا العيد يدخل علينا بالصحة و العافية
 
رد: بوزلوف في الفرن لذيذ من مطبخي

ربي يحفظكم جميعا


اسعدتني ردودكم
 
رد: بوزلوف في الفرن لذيذ من مطبخي

مي يمي روووووووعة

أنا نموت على بوزلوف

ان شاء الله نجربو بعد العيد

يعطيك الصحة يا الفحلة​
 
رد: بوزلوف في الفرن لذيذ من مطبخي

يعطيك الصحة على الشرح المفصل
يتعب شغل الراس لكنه يعطي نتيجة رائعة و بنين بزاف
و الطبق تاعك خرج هايل و اكيد بنين
بارك الله فيك و جزاك خيرا
في ميزان حسناتك اختي​
 
رد: بوزلوف في الفرن لذيذ من مطبخي

الف الف شكر لكن اخواتي على الردود المشجعة

انا سعيدة بذلك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top