مهر العروس-نقاش بين العضوات-

الحالة
مغلق ولا يسمح بالمزيد من الردود.

مريومةمم

:: عضو مُشارك ::
إنضم
22 أفريل 2013
المشاركات
237
نقاط التفاعل
273
النقاط
13
السلام عليكم
انا قالمية وحبيت نعرف كل ولاية وش هو مهر العروس فيها؟
مثلا كل وحدة مخطوبة هنا تقولنا مهرها؟
حنا في قالمة اما 25 او30 حتى40 مليون
او مثلا 08 او 10 ملاين+ وتحني على مقياس ذهب+الفاليزة /العطية/و+ ذهب03خواتم
 
آخر تعديل بواسطة المشرف:
رد: مهر العروس

وعليكم السلام
اهلا بيك بنت ولايتي
المهر دايرلي عقدة انا
مسمعتيش كي عادو يضربو بينا المثل
يقولو هاديك الحاجة غالية كي مهر وحدة قالمية
+لعطية درك يقولولك واش هي بنات الولايات الاخرى :d
هيا موضوع للنقاش
كل وحدة تدخل تحكيلنا على مهرها في ولايتها
^^

 
رد: مهر العروس-نقاش بين العضوات-

انا مانيش مخطوبة مي جيت هنا نضرب تقرعيجة باه المرة الجاية نعرف واش نقول فالمهر تاعي
ويعطيكم الصحة يالقالميات تاعنا
 
رد: مهر العروس-نقاش بين العضوات-

حنا في البيض من 13-15-20-25 مليون و فيها كل شيء
شكرا على الموضوع
 
رد: مهر العروس-نقاش بين العضوات-


25 او30 حتى40 مليون ؟ هذا المبلغ فيه كل شي ؟ يعني المهر + الفطور + الفاليزة كما تقولو و لا غير مهر برك :d

 
رد: مهر العروس-نقاش بين العضوات-

السلم عليكم يعطيكم الصحة غلئ الموضوع انا من ولاية تلمسان حنا في الاول يعطيو الخاتو تاع الكلمة عاود يديرو الملاك يجيبو فيه الكبش و القرفطان و الا الكاراكو و gourmette و الخاتم و يعطيو بين 6 حتئ ل 14 مليون في كل مناسبة لازم يديولها لبسة مثلا في العيد الكبير كتف و لبسو و كي يقرب العرس ب 3 يم يجيبو كبش و المصووف و الذهب حتئ عود الكبريت و اومو كل شئ و الخضوة صندوق مت كل حاجة و الذهب حسب المقدرة باغور و مسيبعة و اللا مسكية و مسيبعة الشي واللا غالي بزاف و ليجان ولاو يخافو يقربو
 
رد: مهر العروس-نقاش بين العضوات-

هيااااااااااااااا زيدو اين باقي الولايات؟؟؟؟
 
رد: مهر العروس-نقاش بين العضوات-

انا على نحكي روحي
المهر نتاعي كان 16 مليون + الخاتم و الفاليزا يعني الجملة وحد 30 مليون
 
رد: مهر العروس-نقاش بين العضوات-

السلآم عليــكم
حبيته لموضوعكـ ، وجيت نثرثر فيه شويآ :p
شوفي حنآ الصداق عندنآ دهب وفيه : سنسلة تكون مليحة
كمآ تآع اختي شراتهآ ب 15 مليون العام الي فات مع 2 مقايس كبآر شويآ ولآ 4 صغار
ودركـ ثالمون ديمودآ المودال تاع 4 رجعو كامل يجيبو 2 ، والpــخي معلباليش اكزاكث شحال يديرو
المهم مايهبطوش من 10 ملآين ، مع منآقش ( كاين الي مايديروهمش )
نحسبو هكدا يوليو 25 هكاكـ ، مع خآتم الخطبة ودراهم الخطبة 4 ملآين جابلي ربي
على خآطر نحآو طبيعة تآع الفاليزة فالخطبة ، في بلاصتهآ يمدو درآهم
والعشآ حنآ مايجيبوش كبش ولآ لحم ، يمدوو درآهم ومول العرس يدبر رآسه
أممم يعني يفوتو 30 مليون كي وآلوو :-r
وتقدري تقولي أوبليجي ، والي مش قادرين يديرو هكـ بصح كمآ الدهب مثلا
يجبو حاجة مش ثقيلة بصح يلزم سنسلة ومقايس
ااييييه كلش رآه غالي منين تمسي يحرقوكـ ، علبيهآ لي جآن يصعبلهم الزوآج
ولآ يجيبو من تيزي وزو كمآ عندنآ ، يابنتي الصيف هدي غير الي نلقآوه كوغثآج رايح على صباح ربي
منين رآيح يجيب العروسة ؟؟ من تيزي وزوو خخخ طيحو علينآ البق :p
لآعلينآ ربي يسهل لكل وآحد

 
رد: مهر العروس-نقاش بين العضوات-

حنا عندنا كل وحدة وش تطلب 10 و ذهب و ذبيحة ولا 20 بالذهب والاغلب ولاو مايشرطو والو يقولو للعريس دير اللي عندك و تقدر عليه
ربي يهنينا كامل
 
رد: مهر العروس-نقاش بين العضوات-

انا من ولاية قالمة مخطوبة و مهري 6ملايين و بقاط و قنطارين صوف و لعطية على قدر المجهود وربي يهني كل المتزوجات
 
رد: مهر العروس-نقاش بين العضوات-

حنا في غرداية ما نتشرطوش على الراجل ولكن العموم يمدو 10 حتى 14 مليون فيها كلش و ربي يسهل الحلال لكن الشبان
 
رد: مهر العروس-نقاش بين العضوات-

بارك الله فيكم وشكرااااااااااا على التفااااعل في انتظار البقية***********
 
رد: مهر العروس-نقاش بين العضوات-

احنا في مستغانم
الدفوع 6 ملايين
ومليون تاع الفطور
الذهب:مسيبعات+منقوش+سلسلة+خاتم
السني تاع الحنة:فيه قش زوج لبسة ثقيلة جلابة بصباطها والبوشات والباقي تعرفوه
التليس:يومين قبل العرس يجيبو كبش والكسكس والخضرة(الماكلة اللي يطيبوها لناس
العريس كي يجو يديرو الحنة للعروسة العريس يشريها)
يلا كاش زيادة نقولكم
 
رد: مهر العروس-نقاش بين العضوات-

انا من ولاية ام البواقي bonnn حنا ناس معقولين بزااااف كل واحد ومقدورو انا وحدة من الناس شرطي5و حاجة الحنة بقاط ب 13 و 2 قناطر صوف 2.5 و الجهاز من عندي و خاتم تاع الفاتحة بررررك ومن باعد ايجيبو الكبش وبرك والمهم لهنااا بصح ما لقيتش روحو خلاص معانا ربي
 
رد: مهر العروس-نقاش بين العضوات-

انا من ولاية ام البواقي bonnn حنا ناس معقولين بزااااف كل واحد ومقدورو انا وحدة من الناس شرطي5و حاجة الحنة بقاط ب 13 و 2 قناطر صوف 2.5 و الجهاز من عندي و خاتم تاع الفاتحة بررررك ومن باعد ايجيبو الكبش وبرك والمهم لهنااا بصح ما لقيتش روحو خلاص معانا ربي

باتنة تاني كيفكم؟؟
 
رد: مهر العروس-نقاش بين العضوات-

في ولاية مدية/26/

الدفوع يكون من08/010/15/20/25/ توصل حتى 50 او 100 في حالات الى ملا نهاية :dمانقولوش لالا ههه

سيغة تع ذهب

فاليزة بماناتها

خاتم في الخطبة وخاتم تع العرس

وكل ما يجو يجيبو معاهم الحاجة( وتختلف هاذي حاجة من عيلة لختها )

فالعيد كتف الكبش للعروسة والسنيوا ولا 2 تع الحلوة ( بقلاوة - تشاراك - مقروط /مقروط اللوز) كل ناس وكيفاه

تبق فيه طرف قاديفة/ طايور/ منصورية/سوختشي دبان / سباط او اكثر / طرف قماش /ديزابيي
ودوزان تع حمام /

هاذو حوايج اساسية مشي لازم يجيبوهم نهار واحد يقسموها على حساب المناسبات فالعيد مولود وهكذا باه ماتكلفش بزاف كيما مرة وحدة

وطبعا العشات تع الحلال فيها ذبيحة
وكل واحد ومقدورو

هذا ماني متفكرة حد الان كي
شكرا على الموضوع

 
رد: مهر العروس-نقاش بين العضوات-

انا مشرطتش خاتر راجلي ولد خال ماما
و بالمناسبة هو من بجاية وراكم تعرفو ناس بجاية عندهم عيب شرط بصح ايجو كيما انا جاو دارولي خاتم و درنا خطوبة صغيرة عائلتي و عايلتو و جابولي فليزة صغيرة فيها ريحة صابون جبة و 2 بياس حشاكم و خاتم
http://upload.4algeria.com/do.php?img=23894
لي هو هدا
اه و نهار لعشا يعني الفاتحة تاعي ايجبولي فليزة جهازي لي نكون انا خرجت معاهم و شريتو جهازي مع طقم ذهب
هكدا حنا تفاهمنا اه و بعد ب 15 يوم ايجيو يديوني و خلاص
 
رد: مهر العروس-نقاش بين العضوات-

من 10 الى 15 مليون +الكبش و مصروفه + 2 خواتم واحد مليح واحد عادي ,
 
رد: مهر العروس-نقاش بين العضوات-

انا من وهران شرطت عليه خاتم و سلسلة و مناقش و سبع ملاين و كبش نهار الحنة يعني لفطور و خلاص المهم المفاهمة و راحة البال
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top