حكاية الكور اللي رايحين يحبسوه ... ؟؟

قال Mïŋěţţe:

اهلا بالغالية نجلو ،، إلو زمان الأمر ما بان
اهلا اهلا يا ما حبيبة هادي غيبااااااا ياو تواحشتك بزززااااف بزززااااااف
وين راكي يا بنتي؟ وش دارت فيك الدنيا ؟ وواش درتي فيها
ليكي وحشة
ايه مادارت فيا الدنيا ومادرت فيها ههه والله اني لباس عايشا السوال عليك اما حبيبة نتي اللي غايبة واش دارت فيك الدنيا ...يا مينوووو والله تواحشتك اما حبيبة
نرجعو للموضوع ،، والله من يومين هكداك قريت فالجوغنال دارو ملف كامل على الدروس الخصوصية
شفتي شفتي ..مايقوروش مليح وتحصل غير فينا
وانو الاساتذة اللي يديرو ليكور معندهمش ضمير
يضلو يطالبو بالزيادات فالاجور وهوما ما يقريوش قدقد فالكلاصة ويجبرو التلاميذ ياخدو الدروس الخصوصية
ويقريو فليكور قلب ورب ،، وحكاو مع اولياء بعض التلاميذ
واحد قالهم رايحين يجبروني نولي نطلب ونتسول باش نقدر نوفر دراهم ليكور للولاد خصوصا انو عندو لي يفوت السانكيام والبيام والباك
عندو حتى بنتو لي تقرا طب تدير ليكور (دروس تدعيمية)
يعني واش يلحق الزوالي مسكين وواش يخلي

كون جاو الاساتذة يقريو ويمدو كلشي فالقسم لولاد ما يضطروش يديرو ليكور
طبعا منعمموش ...

اما بالنسبة انو رح يحبسوهم هادي ما سمعتش بيها وما شكيتش تصرا بصح قادرة تكون
كل شي جائز في بلادنا ويبقى التلميذ هو الضحية ،، ضحية الاضرابات وضحية ليكور وضحية الضمير
ضمير المعلم الذي كاد ان يكون رسولا ،، لكن يا حصرااااا
يا حسرااااا هاديك بكري دوك تقريبا واحد ماعاد يقري من ضميرو ..
نعيد ونقول انا لا أعمم كاين اساتذة ما شاء الله
كااين الا من رحم ربي ..
وربي يعدل الاحوال ان شاء الله وربي ينجحك وينجح الجميع
امينننن يا رب من فمك لربي ان شاء الله ..
​

إضغط للتوسيع...

قال ساندريلا زماني:

وعليكم السلام
اهلا وشهلا شوشوووو واش راكي اما حبيبة :d
مام انا سمعت هاد الهدرة تاع يحبسو لي كور
اكيد ميسكتش الشعب عليها هادي
ايه مستحيل قالك كون يحبسوه نخرجو نديرو مسيرة ..سيدي مليح وزيدلو الهواء والريح باه تكمل علينا .المشكل مايجوش يطلو على اللي الداخل وسحوسو يحبسو فاللي برا ..
كون جاو لي بروف يخدمو خدمتهم لولاد ميضطروش يديرو دروس خصوصية
وكون جاو ينقصو في البرنامج لولاد ميدروش دروس خصوصية
غلطة من ناحية الوزارة على طول البرنامج
وغلطة من ناحية لي بروف
سيرتو في الباك لازم ليكور
كون بقى البرنامج تاع بكري
ايه شفتي
مي الله غالب كيما عارفين
ان شاء الله تكون غير هدرة في الريح برك
تقبلي مروري نونو
الله يخليك حبيبة شكرا على المرور
سلامي
​

إضغط للتوسيع...

قال islam bozo:

مام انا سمعت مي رانا نقراو ليكون نورمال ماكاين حتى مشكل

إضغط للتوسيع...

قال عفيفة الحبوبة:

يا خاااااه
انا لوكان ماشي فضل ربي اولا
بعدها فضل الاساتدة لي قراوني ليكور و الاجتهاد مانجيبش الباك
صح قرانوي ديبروف لي يقروا من نيتهم بصح ماشي كلشي
بصح يبقى التلميد هو الضحية مسكين
البلاد معوجة من كل جيهة و ديما ما يروحوش لاصل المشلة لا لا يبقاو غير يبزطوا الله يهدينا و يهديهم
و ربي يوفق الجميع​

إضغط للتوسيع...

قال amiraroro:

ايه صح حتى انا سمعتها
و سي فري حبسوه
مي حبسوه فالمؤسسات برك ( متوسطات, ليسيات ..)
بصح كاين اساتذة عنا حنا مازالهم يديرو مي ماشي فالمؤسسات كاين لي يدير في دارو وكاين لي يدير فالكشافة
وحد الكشافة قدامنا عاطيينهم يديرو فيها ليكور تع متوسطة وليسي كل ثلاثاء وجمعة وسبت
وكيما قلت غي النيفو هابط و غادي يزيد
الله يجيب الخير

إضغط للتوسيع...

قال إِحْسَآسْ أُنْثَى:

و عليكم السلآم و رحمة الله،
عآش من شافك يا المافيا :d، وين هذي الغيبة؟!
اه اه اه واعرة هادي تاع المافيا هههه واش راكي اما حبيبة واش دارت فيك الدنيا ههه
إيه حتى أنا سمعت بلي رايحين يحبسو لي كور، مي والله لوكان يحبسوه تولّي النتائج كارثية، علابالك الأساتذة يولّو يمكرو و ما يقرّوش مليح في المؤسسات، يعني(من بكري سيدي مليح زادو الهوا و الريح)، من بكري عندنا أساتذة يقرّو بضميرهم و زيد ينحّيلهم الوزير لي كور هذاك وين يهبلو مليح (مع إحتراماتي لبعض الأساتذة :regards01، علا خاطر كاين اللي يقرّو بضميرهم هذوك نقلهم ربي يباركلكم في صحتكم إن شاء الله.
ايه والله كاين مي الغالبية عاد مايهتمش
وأنا شخصياً لوكان ينحّولي لي كور نولّي 0 في 0، على خاطر ماناش نقرآو في الكلاصة كما نقرآو في الكور،.
وش رايحين نقولو يا ختي، ربي يهديهم و ربي يجيب اللي فيه الخير إن شاء الله.
اميييييييين يا رب والله
​

إضغط للتوسيع...

قال جزائرية من مثلي:

السلام اختي
مام انا سمعت بالخبر مي لي بروف يقريو ليكور نورمال خلاص
انا من عندي ما يطبقوشو سي نو لي ز يكول بريفي مايكمالش العام وتتعمر

​

إضغط للتوسيع...

قال قناص الغرام:

الله المستعان اختي بصح عندي زوج ملاحظات
علاه ديما التلاميذ و الطلبة لايمين غير على الاساتذة مايقريوش انا نشوف فيها العكس التلاميذ ماعادوش تاع قرايا ذرك تلقايه الصباح قبل مايخرج يوقف قدام المرايا اكثر من الطفلة الجال كيفاه الريحة ... زيد الطابلية هذا اذا راهو يلبسها السروال ....مانحكيش
و الطفلة ايييييييييييييييه بلا مانحكي نخلي البير بغطاه صح مازال اولاد و بنات الفاميليا بصح حتى الاستاذ كي يلقى الاولاد ماهمش حابين يقراو علاه يتعب روحو هو يشرح في الدرس و هوما بيباج و sms
و بالنسبة الى دروس الدعم افار تاع مورال برك بالنسبة الى التلميذ الي راسو خفيف و جاي معمل على القرايا والله مايحتاجهم ذرك نشوفو التلاميذ مايقراوش في القسم و كي تسقسيه ايقلك من بعد نقراه في الدعم
​

إضغط للتوسيع...