تجربتي في فطام طفلي

ام منصف

:: عضو بارز ::
أحباب اللمة
إنضم
11 سبتمبر 2009
المشاركات
5,472
نقاط التفاعل
9,786
النقاط
351


قال تعالى:
﴿ وَوَصَّيْنَا الْإِنْسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ ﴾(لقمان: 14) .
قال تعالى:
﴿ وَوَصَّيْنَا الْإِنْسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلاثُونَ شَهْرًا ﴾ (الأحقاف: 15) .
الفطام
معناه قول لسان العرب:
الفصال: الفطام أي قطع الولد عن الرضاع

في منظار الصحة النفسية :
مجرد تحول في أسلوب الغذاء، فالفطام يعرف بأنه إدخال طعام خارجي مع لبن الأم وهو بالإضافة لهذا تطور نفسي لكل من الأم ورضيعها، وهذا التطور ضروري لنمو ذاتية الرضيع وتفتّح شخصيته.


وقد حدد الكتاب العزيز فترة تمام الرضاع الطبيعي للطفل عند بلوغه السنتين من عمره ودليله قوله تعالى: (وَالْوَالِدَاتُ يُرْضِعْنَ أَوْلادَهُنَّ حَوْلَيْنِ كَامِلَيْنِ لِمَنْأَرَادَ أَن يُتِمَّ الرَّضَاعَةَ)
ـ البقرة-233
ولما كانت الرضاعة منفعة متبادلة بين الأم والطفل

كان لزاما على الام ان تأمن هذا المطلب الاساسي والاولي في حياة طفلها على الاقل 6 شهور الاولى وبعدها لها الاختيار في فطام طفلها في اي وقت كونها من افضل الطرق لتوطيد العلاقة بينهما من خلال الدفء العاطفي الذي يحصل عليه الطفل في حضن أمه أثناء عملية الرضاعة مما يكون له تأثير إيجابي على نموه العقلي والنفسي والمعرفي وتحميه من الأمراض النفسية والجسدية، وتعود على الأم بعدة فوائد صحية ونفسية.
وهذا ما يجعل عملية الفطام مرحلة صعبة في حياة الطفل والام فلابد من ان تستعد لها نفسيا وبدنيا وهنا يجب التاكيد على ان الفطام عملية تدريجية تحتاج للصبر والفهم الجيد من الام وعليها اتباع عدة خطوات

- لا يبدأ الفطام سريعا دون تدرج حتىلا يصاب الطفل بالاضطرابات الهضمية
- تعويد الطفل على نظام غذائي مناسب حتى الفطام الكامل عند عمر سنة ونصف إلى سنتين
- عوديه على قنينة الرضاعة - البيبرون - او الكوب الخاص بالاطفال
killer-food.jpg

- تجنب الفترة الصيفية وذلك حتى نجنب الطفل خطر الإصابة بالنزلات المعوية
- قللي عدد الرضعات تدريجيا فى الاسبوع حتى نصل الى رضعة واحدة
- استعينى بالاب او الاخوة والاقارب فى شغل الطفل باللعب
- عندما يبكى اعرضى عليه اكل يحبه
- رضعة ما قبل النوم ليلا قد تكون اصعب الرضعات التي يمكن ان نجعل الطفل يتوقف عنها استعيني ب
إجراء حمام للطفل قبل النوم, فهذا يضمن له نوم عميق
-
تعويد الطفل على النوم في سريره بعيداً عن الأم

article_e93ba47668c682ad2e125f88cc01b4ed.jpg

كانت هذه بعض الخطوات التي قد تفيدنا في عملية فطام اطفالنا بدون تعب ولا مشاكل

احببنا ان نتشارك التجارب ونستخلص النتائج لتعم الفائدة

فتجربتي قد تفيدكِ
و
تجربتكِ قد تفيدني

فهناك الكثير منا يبحث عن تجربة الاخر ليستفيد
فلا تحرمونا من اكتساب المعرفة
ولا تحرموا أنفسكم الأجر

ضعوا بصمتكم
و شاركونا تجاربكم مع اطفالكم او اخوانكم


كم كانت مدة الرضاعة؟؟؟
وما هي الصعوبات التي واجهتك اثناء الفطام وكيف تغلبتي عليها؟؟
وكم هي المدة التي استغرقتها لتفطمي صغيرك ؟
ماهي البدائل التي استعنتي بها لتعويد طفلك على فكرة الفطام ؟

تجاربكم تفيدنا ومشاركاتكم تسعدنا
فلا تبخلوا علينا بها


هناك جوائز تنتظر من تشاركنا في أكثر من موضوع
فشاركونا المتعة والفائدة


 
رد: تجربتي في فطام طفلي

السلام عليكم موضوع مهم ومليح خاصة للامهات الجدد ان شاء الله نفيدو ونستفيدو جزاك الله كل خير
انا نحب ارضع عامين ولكن تجري الرياح بما لا تشتهي السفن
بنتي لكبيرة رضعتها عامين والثانية ثلاثة اشهر لخاطر درتلها السوسات وعافتني والباقي 8اشهر انا كي ننوى نفطمهم نتجنب فصل الصيف ونعوضلهم الرضاعة بالفاكهة والحق نتعب النهار الاولل والثاني ومبعد بشوية اولفو حتى ينساو
وانا منعتمدش طريقة انقس بشوية نفطملهم ضربة وحدة ونتهنى
 
رد: تجربتي في فطام طفلي

يعطيك الصحة شريفة ان شاء الله لبنات يستفادو انا مع الاسف ما عنديش تجربة مع الفطام رزق الله رضع غير 3 اشهر مسكين و راحلي لحليب
 
رد: تجربتي في فطام طفلي

نعيمة
ايه اكيد موضوع مهم للامهات الجدد وخاصة انو كاين اللي ما يحبش الرضاعة الطبيعية لاسباب جمالية
وكاين اللي تقولك مانرضع ما نتعب في الفطام من البداية بعد تبدا بالبيبرون
واحنا كامهات مجربات ممكن ننصحوهم ونشاركوهم تجاربنا هكذا تتضح الفكرة عندهم وتتنحالهم الفكرة الخاطئة اللي عندهم
شكرا لك اختي على المرور والافادة
 
رد: تجربتي في فطام طفلي

أم رزق الله
بالعكس حبيبتي ممكن تفيدينا بتجربتك لانها تعتبر فطام غير مقصود
يعني ممكن تقوليلنا كيفاه تعاملتي مع الوضع
باش عوضتي رزقي الصغيرون بالبيبرون
قبلهولك بسهولة والا تعبتي معاه
وغيرو
 
رد: تجربتي في فطام طفلي

والله يا شريفة غير تقبل البيبرون بكل سهولة كي كنت نعطيه حليبي ما يشبعش و انا ما نعرفش حتى ولا الطفل ينقص فالميزان و غير يبكي سطرو ربي برك كان عايش غير بالماء و التيزانا و انا ماشي فايقة حتى رحت ضيفة لدارنا بعد 3 اشهر باش فاقتلو ماما و خالتي مع انو فالاول كان حليبي غزير على هادا نقول لكامل لبنات ما تزعفوش و ما تتقنطوش فالنفاس تطفر فيكم و فالبيبي تاعكم لانو حليب الام حاجة ما تعوضو
 
رد: تجربتي في فطام طفلي

بارك الله فيك

موضوعكي كان رائعا ومعلومات سنستفيد منها نحن أيضا أمهات المستقبل ^^ إن شاء الله

سأضيف شيء أنت قلتي حمام لطفل قبل النوم

و عن تجربة فعلا نافعة جدا لنوم الطفل مباشرتا

و ما اريد ـن أضيف أن الجيد أيضا تعويد طفلك على بعض الحركات الرياضية البسيطة هذا مايجعلها يتعب قبل نومه بعدها مباشرتا حمام سريع و النتيجة نوم طول فترة الليل


موضوع رائع جدا سأحاول أن أشارك أنا أيضا في تجربتي مع أخي و صغيرتي ليــنا​
 
رد: تجربتي في فطام طفلي


كم كانت مدة الرضاع
ة؟؟؟
مع بنتي ريهام الكبيرة عامين و15 يوم هبلتني تبات ترضع مدايرتها سوسات على فكرة هي ما دارتش السوسات ابدا في فمها
بنتي ريتاج كنت ناوية نكمللها العامين لكن الله غالب جات في الصيف وكنا رايحين نكومبيو الو قلت نحبسلها قبل ما نروحو كان في عمرها عام وخمسة اشهر لكن مع الاخيرة شدت السوسات ما سوفريتش معاها بزاف

وما هي الصعوبات التي واجهتك اثناء الفطام وكيف تغلبتي عليها؟؟
الصعوبات مع ريهام ولات تنوض بزاف في اليل تبكي وتحوس ترضع مي انا كنت نعوضلها ب الجارفي مدة يمكن اسبوع من بعد والفت خلاص لكن في الاكل قليلة ولحد الان وكنت نعوضلها بالياورت والفواكه المطحونة وحساء الخضر لكن كيما قلت شيبتني في ما كلتها
نروحو لريتاج مع لي كانت ترضع السوسات ما لقيتش معا صعوبات بزاف بصح عوضت بالبيبرون لازم قبل ما ترقد وخلال النهار ثاني وكانت تاكل والحمد الله احسن من اختها لكن البيبرون لازم كي قفلت العامين حبستلها البيبرون

وكم هي المدة التي استغرقتها لتفطمي صغيرك ؟
ماهي البدائل التي استعنتي بها لتعويد طفلك على فكرة الفطام ؟
السؤالين جاوبت عليهم خلال السؤالين السابقين
حبيت نطرق بواش قدرت نحبسلهم الرضاعة
اولا سيت كل الوسائل ما نفعتش درت قهوة ملح ما نفعوش لي نفع هو القطران عافوني ضربة واحدة هههه وكان هذاك منايا على خاطر ما يتنحاش ليه ليه
راني كثرت الهدرة ان شاء الله نكون وفيت الشرح

وشكرا للغالية ام منصف لتطرقها لمثل هذه المواضيع التي تهم الام المستقبلية ربي يرزق كل محرومة
 
رد: تجربتي في فطام طفلي

ايه حليب الام متعوضو حتى حاجة انا بنتي لكبيرة رضعة عامين انتاعها كاملين الحمد لله كي كانت صغيرة متمرضليش خلاص ومشفتش الطبيب وزيد ذكية وعندها ذاكرة قوية ومن الاوئا في لقراية انتاعها عكس خوتاتها وخلصة الي رضعة ثلاثة اشهر برك ديما مريضة ولقراية شوية شوية
وكيما قلتي شريفة انا مرت خويا ومرت خالي كي يتلقاو اقولو البيبي انتاع البيبرون والسوسات تهنية تباتي راقدة ومتضليش تنوضي وينصح بيها الامهات لجدد مي انا نقول مدمك حبيتي تكوني ام لازم تكوني قد المسؤلية وتعرفي معنا الامومة وتضحي على جال اولادك والجمال اجي منبعد
 
رد: تجربتي في فطام طفلي

بارك الله فيك ام منصف
بارك الله في كل الامهات و المشاركات معانا
عن نفسي ما نرضعش اولادي بزاف
زهرة يا دوب 20 يوم
و خليل شهرين و هاجر شهرين
انا بعد الولادة نعمل اضراب عن الطعام ما نقدرش ناكل
حاولت و حاولت لكن دون جدوى و اذا حتمت نرجع كل شي لهذا الحليب يروح بسرعة و الاولاد يوالفو البيبرون
في ولادة زهرة عطاوها البيبرون قبل ما يجيبوها لي لقيت صعوبة باش ترضع و كي بدات ترضع الحليب راح ههههه
من جهة الحمد لله فطام ولادي كان غير مقصود و مبكر
و بعد 5 اشهر نبدا نوكلهم بالشوي فواكه و خضر مرحية جبن و بيض ووووو
لكن نشوف مع بعض افراد عائلتي الفطام صعب
و لازم يكون بالتدريج خاصة لما يكون الطفل خلاص يعرف نقولو من 6 اشهر فما فوق
ربي يكون في عون الامهات
 
رد: تجربتي في فطام طفلي

وعليكم السلام ورحمة الله وبركاته
موضوع مهم ومفيد ام منصف بارك الله فيك

كم كانت مدة الرضاعة؟؟؟

ندى ماكنلهاش في الطيب نصيب هههه درت سيزاريان وماكانش عندي لحليب
حاولت وحاولت وكان يهبط حليب احمر ههه شافاتو الطبيبة قاتلي دم راكي مجرحة من داخل ولا امل في الحليب
ورائد تحزمت وتمنيت نرضعو ومانكررش الحكاية معاه لاني تعذبت مع ندى بال colique و لي gـــاز
وبديت نبحث على الوصفات التي تزيد من كمية الحليب اثناء الرضاعة
والحمد لله زاد وجاب الخير معاه :d
مدة الرضاعة تقريبا عام و 3 شهور
وما هي الصعوبات التي واجهتك اثناء الفطام وكيف تغلبتي عليها؟؟
هي فكرة الفطام في حد ذاتها صعبة للام قبل الطفل
لاني فطمتو لاسباب صحية انيميا حادة ودوخة وفشلة ووو قريب نموت ههه
وبديت نبحث قبل الفطام من الامهات ذوات الخبرة وعند العم قوقل
كيف ومتى يتم الفطام وو..
حاولت قبل الفطام نحببو في انواع ماكولات وندخلو حوايج جديدة باش كي نفطمو ما يبقاش جيعان
جربتلو حليب الرضاعة ماعجبوش
جربتلو دي كومبوت وعصائر لكنها لم تكن بديل للمادة الاساسية المفضلة له
قررت وخيرت النهار هههه وكان اول افريل تقريبا ما يعطش ما يجوع نورمالمون ههههه
شريت مر الصبر قبلو نورمال وكمل رضع
جاتني فكرة رحت درت النيسكافي هههه واش نقولك المنظر وحدو يخوف لي مايخافش
كل مايقول نرضع كي يشوف يبطل ويقولي يعععععععع :d
واخيراااا عافني:):(
كل مايبكي في النهار نلعبوه نلهوه وطيبتلو الحاجة لي يشتيها وشيبس و شيكولا وكل الممنوع حللناه هذاك النهار
والعشية خرجناه ماروحناش لليل ههههههه خايفين منو
وجا الليل وجا موعد الرضاعة هذي اهم رضعة سينو ماكانش رقاد
شديت الرحال للصالون وفرشت انا وولدي ههههه عارفة ومطمنة بلي نوي بلونش
وحاطة حذايا بيبرو الحليب
بايتة ندوح مع طيور الجنة مرة يبكي مرة يسكت شفنيييييييييييي
وماشربش الحليب
رقد وكل ساعتين ينوض وتنوض معانا طيور الجنة كانت تصبرو شوية
الصباح من الجوع تنازل وشرب شوي حليب ومن بعد جابها غير بكي
شرينا كونديا بالشيكولا ولكورن فلكس والعصائر وو والووووووووو


وكم هي المدة التي استغرقتها لتفطمي صغيرك ؟
يومين ثلاثة بدا يتقبل الحليب الاصطناعي
بعد اسبوع بالتمام نسى كلش:-r

 
رد: تجربتي في فطام طفلي

أم رزق الله
شفتي يا ام رزق وانت تقولي ما نقدرش نفيدكم
النصيحة اللي قلتيها في الاخير عن الزعاف وتاثيره على انقطاع حليب الام نصحية ذهبية وبالاك ما يعرفوهاش كامل النساء
بارك الله فيك على الاضافة الطيبة
لا تحرمينا تعقيباتك الرائعة
 
رد: تجربتي في فطام طفلي


بارك الله فيك

فهدا موضوع مفيد جدا للامهات
هناك طرق كثيرة للفطام فلكل ام طريقة خاصة بها تتبعها في فطام ابنها
لاحظت ان الكثير من الامهات تستعملن مادة تباع عند العطار تسمى -مر وصبر- تضعنها على صدورهن واثناء الرضاعة سيحس ابنائهن بالطعم المر

وتبقى هده وصفة استعملتها جداتنا فالقديم يمكن ان تكون مضرة للرضيع او للام
لدلك ارجو من كل من تعرف هده المادة -مر وصبر- تفيدنا هل لها سلبيات ام لا لان الكثير من الامهات تستعملنها

مؤخرا بدات الامهات تبتعدن عن الرضاعة الطبيعية او لا تكملن الفترة المحددة للرضاعة لاسباب جمالية وكدلك لانهن لا يردن التعب
اقول لهن : لا تفكري بنفسك كثيرا ولا تكوني انانية ارضعي ابنك لان حليبك لا يعوض يساعد على نمو ابنك جيدا ويحافظ على صحته وقد ثبت دلك علميا


تحياتي لكن








 
رد: تجربتي في فطام طفلي

ندوش
نظن بلي الطفل الاول ديما يخلص ضريبة اول امومة
بزاف امور ما نكونوش نعرفوهم و نتعلمو فيهم
الحمد لله على كل حال
و الرضاعة لما تكون الام ضعيفة الصحة كي حالتي و حالتك قادر تضرها و تسبب الدوخة و فقر الدم ووووو
قوليلي وش درتي حتى جاك الحليب في رائد؟
 
رد: تجربتي في فطام طفلي

mlina4algeria
كنت نستنى في ردك لوكان قلتي غير هذا كنت شقيتلك لتيزي وزو وgطشتك هههههه
ان شاء الله كي اليوم نفرحوا بيك بعرس هنا في اللمة
وربي يرزقك الزوج الصالح والذرية الصالحة
بانتظار تجاربك مع اختك ومع لينا الصغيرة
 
رد: تجربتي في فطام طفلي

ايمان
ما نعرفش هذه العشبة
ما سمعتش بيها
لكن صح كاين نسا يحطو شي امور على الصدر باش الطفل يعيف و ما يزيدش يحوش على الرضاعة الطبيعية

اما لي ما تحبش ترضع لاسباب جمالية فهي حالات شاذة و الشاذ لا يقاس عليه الله يهديهم يمنعو في خير ربي ههههههه
بارك الله فيك على الاضافة
 
رد: تجربتي في فطام طفلي

ام ريهام
دايما مشكلة الرضاعة في الليل تطرح نفسها وبقوة عند كل الامهات
خاصة كي يبدا الطفل يكبر شوية ويديرها سوسات مشكل نتاع الصح
لاني عانيت منو
 
رد: تجربتي في فطام طفلي

ايه حليب الام متعوضو حتى حاجة انا بنتي لكبيرة رضعة عامين انتاعها كاملين الحمد لله كي كانت صغيرة متمرضليش خلاص ومشفتش الطبيب وزيد ذكية وعندها ذاكرة قوية ومن الاوئا في لقراية انتاعها عكس خوتاتها وخلصة الي رضعة ثلاثة اشهر برك ديما مريضة ولقراية شوية شوية
وكيما قلتي شريفة انا مرت خويا ومرت خالي كي يتلقاو اقولو البيبي انتاع البيبرون والسوسات تهنية تباتي راقدة ومتضليش تنوضي وينصح بيها الامهات لجدد مي انا نقول مدمك حبيتي تكوني ام لازم تكوني قد المسؤلية وتعرفي معنا الامومة وتضحي على جال اولادك والجمال اجي منبعد

كلام سليم جدا يا نعيمة :regards01:
لان الامومة حب حنان وتضحية


 
رد: تجربتي في فطام طفلي

ندوش
نظن بلي الطفل الاول ديما يخلص ضريبة اول امومة
بزاف امور ما نكونوش نعرفوهم و نتعلمو فيهم
الحمد لله على كل حال
و الرضاعة لما تكون الام ضعيفة الصحة كي حالتي و حالتك قادر تضرها و تسبب الدوخة و فقر الدم ووووو
قوليلي وش درتي حتى جاك الحليب في رائد؟
صح ضريبة فعلا
في ندى بعد العملية بقيت دايخة وراقدة وماحبيتش ناكل
انا في رائد قالولي من المهم تمديلو بعد الولادة بالضبط اعطيه يرضع باش يهبط الحليب
وخرجت من العمليات وراجلي يوصي في اسساج فام يقولها احكميلها الطفل ونعتيلها كيفاش ترضعو
ومازلت مالبستش حتى قشي وهي حاكمتهولي لانو التخذير مازال فعال
وكملت يومين وجا ميستر حليب ههههه
هههههه والله يا ام زهرة فرحت بالرضاعة لانو تفتح الشهية خاصة الصباح كي تنوضي هههههه نوض نجري للفريجيدار
بصح يا فرحة ماتمت اللي ناكلها يهجم عليها هو هههههههههههه
بما انو خيتك ديما مسقومة ..اتجهت للتيزانات خاصة تيزانة البسباس كنت نشربها في بلاصة الما هاااااااااايلة وعلى فكرة هي تعالج حتى الانيمي وفيها عدة فوائد والحاجة الثانية هي سيرو الحلبة نفعني ياااسر
لانو الحلبة كيما معروفة تعالج فقر الدم ومليحة للمرضعة
وثالث حاجة السوائل كنت نشرب ياوورت تاع القاروارات بلا حساب ههه هديت الميزانية قولي 4 لتر في النهار لاني مانشربش الحليب نهائيا
-----------
حبيت نبه لحاجة كي قالو القطران انا زوجي ماخلانيش قالي يضرو ..روحي اشرببيه نتي هههه ماترهجليش ولدي
وصح عندو اضرار على هذيك اتجهت للنسكافي هههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top