وين رايحين بهاد التعليم ؟؟؟ خاص لمسابقة " مميزون "

imy_amani

:: عضو بارز ::
أحباب اللمة
إنضم
15 مارس 2010
المشاركات
8,657
نقاط التفاعل
11,377
النقاط
356
السلام عليكم ورحمة الله وبركاته
واش راكم اهل اللمة الجزائرية
ان شاء الله الكل بخير
والكل مرتاح وهاني

اليوم جيت نتكلم على موضوع
حساس بزاااااااااااف
بصح عندنا ماراهش بهادي الاهمية
وهو
التعليم
التعليم في الجزائر
رانا نشوفو في هاد الموضوع بزاااااااااااف
من اللي يدخل الطفل للمدرسة حتى للتانوية
وبعد الجامعة حاجة اخرى
رايحة نتكلم في الموضوع
لانو حساس وهكدا انا نشوف فيه
لخاطر المستوى راه هابط بزاف
بنداو بالبرنامج
ما يدعم حتى تطوير لافكار ابداعية عند الطفل
الكتب عشرين كتاب

وماحابينش الطفل يكره !!!

رجعوا في السنة الاولى يقولوا ماراناش حابين نقراوا:(
هادوا قراوا غير التحضيري كرهوا

ويقولوا علاش ؟؟؟
البرنامج ماهوش في المستوى
لخاطر مافيهش اللي يطور عقل الطفل
الى الدرجة اللي يقدر
يخلي الافكار اللي يستقبلها تقدر تكون تطبيقات عملية

وزاد معاملات بعض المعلمين اقول البعض
وحتى الكفاءة عندهم
لانو اللي يهم في نجاح التعليم
معلم
والمعلم القوي يقدر يعمل الفرق باضعاف

يقدر تكون سنة عنده افضل من ثلاث سنين عند اخر ضعيف
وهنا قصدي في طريقة اعطاء المعلومة
واسلوب التعليم
بصح رانا نشوفو انو مسؤولية التعليم راهي غايبة عند البعض

وحتى البرنامج
كي يكون سطحي يرجع مؤقت
ويتمنى الطالب غير وينتا يجي الامتحان يكتب واش احفظ ويخرج
وهادي هي الحقيقة
ماعندهش فرصة باش يفكر لوحده ويكتشف الجديد
وماعندهش فرصة باش يبدع
وكل اللي حوله يدعم خوفه على النتائج برك
اسكو بلعت ولالا
طلعت ولالا


التعليم عندنا تعليم تلقيني سلبي جامد
واذا كان التلميذ يسمع للشرح مش معناته انه يتعلم
يمكن يكون حاضر وعقله غايب

بصح لو كان التعليم تفاعلي تكون فرصة لتكوين المعلومات الجديدة ويقدر يلقى الحل بروحه
وهادي هي اللي تخليه يخترع ويبدع

لما يشوف المعلومات اللي يديها ماهيش سطحية برك
ويعرف انو المعلومات اللي يديها يقدر يفعلها
وترجع تطبيقات عملية
يامن انو التعليم قادر يغير

وتبقى
ازمة العقل العربي التعليم

ولازم يدي اهمية اكبر

وانتوما واش رايكم في الموضوع ؟؟؟







 
رد: وين رايحين بهاد التعليم ؟؟؟ خاص لمسابقة " مميزون "

السلام عليكم
التعليم فى الجزاير متخلف كثييير
من ناحية البرامج وطريقة التعليم وطريقة تعيين الاساتذة
نعرف الكثييير من المعلين والاساتذة نجحو بالغش وتحصلو على مناصب عمل فى سلك التعليم بالغش
والرشوة وووووو
كيف راح يتقن عملو
همهم الوحيد تقديم الدرس والمطالبة برفع الاجور فقط
ربي يهدي
..
وهنا ما نحكيش على جميع بالطبع
بارك الله فيك اختى امونة على موضوعك الطيب والمميز
بالتوفيق

 
رد: وين رايحين بهاد التعليم ؟؟؟ خاص لمسابقة " مميزون "

أهلا بيك اماني
يعطيك الصحة على الموضوع الباهي
وعامل اخر لتدني مستوى التعليم وهو توظيف الأساتذة بناء على المعريفة لا على المستوى والإختبار ...
حتى لو كان احمر الأحمرة اكرمكم الله فبالمعريفة يصبح أستاذ ...
 
رد: وين رايحين بهاد التعليم ؟؟؟ خاص لمسابقة " مميزون "

السلام عليكم
لي عودة نفرغ قلبي راهو معمر من هاد السوجي :mad: :( :( :( :(
 
رد: وين رايحين بهاد التعليم ؟؟؟ خاص لمسابقة " مميزون "

موضوع الساعة ..

والاهوال قايمة هاذ الايام في التعليم ..

تعددت الاسباب .. والمشكل باقي وواحد ..

اعدل الراس يتعدلوا الكرعين -الرجلين-.

مشكورة ..على الموضوع الهادف.:regards01:
 
رد: وين رايحين بهاد التعليم ؟؟؟ خاص لمسابقة " مميزون "

السلام عليكم ورحمة الله

اختي موضوعك في محله

لكن هيا وزارة التربية و التعليم

الأول لم تتحقق بعد و لي هيا التربية

مش مهتمين بيها كيفاه رايحين يعلمو

ربي يهدينا و يهديهم

بارك الله فيك

موفقة
 
رد: وين رايحين بهاد التعليم ؟؟؟ خاص لمسابقة " مميزون "

السلام عليكم ورحمة الله وبركاته
هاني وليت :-r
و بصراحة خايفة نرد على خاطر قادر يطرطق الكلافيي من واش رح نقول :mad: :very_mad: :(
****
على كل حال راني نسيي نحكم في روحي ونكالمي روحي :dunno01: ;)
****
وحد المرة سمعت على واحد الدراسة قالك الطفل يكون عندو طاقات و امكانيات و قدرات مع يدخل للمدرسة ينقصولو و يضيعو و تبقى نسبة قليلة الي يخدم بيها ولوخرا تضيع .. هادي عندهم زعمة الي عندهم التاويل مالا حنا واش نقولو الي سبورة كي الناس ما نسعاوهاش وادا كانت يجيبولنا ماركور ما يتمحاش و نولو بالديودوغون والروايح ؟؟؟!!!!!!!!
و كي نجو نشوفو للصح , شحال من طفل نعرفوه كان قبل ما يدخل للمسيد شاطر و قافز وممبعد غير دخل تبوشا و ولى حابس او غير يطبع ؟؟؟؟؟؟
لالا اقعد لالا ما تهدرش لالا ما تطلعش تجاوب لالا لازم ترسم لالا لازم تسوطي :down:
يعني المدرسة فيها بزااااف قيووود تحد من تطوير التلميذ و تنمية مواهبو
نشفى بكري كي كنت صغيرة خويا كان رسام ملييح بصح فالمسيد جامي لا شجعوه ومام ماكانوش في وقتو مضارب يتعلم فيهم الرسم او يطور روحو .. مالا ضاعت الموهبة هاديك :(
والامتلة راهي بزااااااااف بزااااااف
المدرسة الجزائرية رافدة ما رافدة الدزاير كااامل من لي بروبلام
نبداوها من الفوق ونجو حابطين
البرنامج كل مرة خرجة و كل مرة يسيو فينا , مرة يقراو فرونسي فالسنة التانية و مرة فالسنة التالتة !!!
وكل مرة نلقاو صفحات محذوفة من الكتاب - هادا ادا ما بدلوهش -
وخلينا من المدير الي ما يشجعش التلاميذ و يحفزهم بجوائز
ومانهدروش بزاااف على المعلمين الي كل واحد وضميرو و تربيتو و اخلاقو ... والي يديرو الفرق بين التلاميذ و التمييز و امور كثيييييرة ...
سبب فشل و تدني وتقهقر مستوى الدراسة و المدرسة في الجزائر اسباب كثيييرة
نلخصهالك في : عدم حب واتقان العمل , سياسة كوّر و ارمي للعور , و خلطها تصفى
وهادا ما نأمل ... راهي مخلطة ورانا نسناو وقتاش تصفى ؟؟
شكرا على الموضوع و اسمحولي هدرت بزاااف :$ الله غالب السوجي هادا يقيس فالصميم و كامل عانينا منو ..
 
رد: وين رايحين بهاد التعليم ؟؟؟ خاص لمسابقة " مميزون "

السلام عليكم
وعليكم السلام ورحمة الله وبركاته اخي ماستر
التعليم فى الجزاير متخلف كثييير
الى درجة متدنية جدا
من ناحية البرامج وطريقة التعليم وطريقة تعيين الاساتذة
نعرف الكثييير من المعلين والاساتذة نجحو بالغش وتحصلو على مناصب عمل فى سلك التعليم بالغش
والرشوة وووووو
كيف راح يتقن عملو
همهم الوحيد تقديم الدرس والمطالبة برفع الاجور فقط
هادي هي المشكلة اللي عندنا
وعاد اللي يرجع استاذ
لا يهتم بالمسؤولية اللي عندو
وعاد همهم الراتب
ليس الكل طبعا ولكن كثيرون
في الدول المتقدمة يعملوا اختبار للي يحب يدرس الابتدائي
ولازم تكون فيه مواصفات
تخليه يعرف قيمة الاطفال
وقيمة انه رح يصنع اجيال
بصح واش نقولوا في اللي يصرخ ومايهمش اذا الدرس استوعبوا الكل ولالا
يقري وهو عجلان اكثر من التلاميذ وينتا يصونوا
باش يكمل الكور

ربي يهدي
اللهم امين
..
وهنا ما نحكيش على جميع بالطبع
بارك الله فيك اختى امونة على موضوعك الطيب والمميز
بالتوفيق

وفيك بركة اخي ماستر
شكرااااااااا لك
 
رد: وين رايحين بهاد التعليم ؟؟؟ خاص لمسابقة " مميزون "

أهلا بيك اماني
يعطيك الصحة على الموضوع الباهي
وعامل اخر لتدني مستوى التعليم وهو توظيف الأساتذة بناء على المعريفة لا على المستوى والإختبار ...
حتى لو كان احمر الأحمرة اكرمكم الله فبالمعريفة يصبح أستاذ ...
اهلااا بك خيو سفيان
ايه صح هاد اللي خلاهم ما يحسوش بقيمة التلاميذ
ولا قيمة الدور اللي راه بين يديهم
ومادام
هاد التعليم لا ينطبق على اولاد الوزراء اللي على اساس هوما اللي يحطو البرنامج
رايح يشوفوه ماعندهش قيمة
كون جاو يقروا ولادهم في هادي المدارس
رايح يعرفوا واش هو مستقبل اولادهم
بصح للاسف
ولادهم يديوا شهاداتهم من ارقى الجامعات
وهوما وزراء وخلاص
مايهمهمش الشعب المسحوق
يقرا ولا يطيح في واد
خلي اللي عنده معريفة يدخل والي عنده الشكارة يدخل
واللي عنده كفاءة يشد الحيط
هادي هي خيو
كون جاو حاسين بالجمرة
والله ما يخليوها تسيب هاك
ويلقوا لكل مشكلة حل
وكل برنامج يدرس بدل المرة عشرة
باش يطبق على التلاميذ

بصح يتحاسبوا ان شاء الله
على هاد المسؤولية اللي ضيعوها

شكرااااااا لك

 
رد: وين رايحين بهاد التعليم ؟؟؟ خاص لمسابقة " مميزون "

موضوع الساعة ..

والاهوال قايمة هاذ الايام في التعليم ..

تعددت الاسباب .. والمشكل باقي وواحد ..

اعدل الراس يتعدلوا الكرعين -الرجلين-.

مشكورة ..على الموضوع الهادف.:regards01:
اهلااااااا بالمستشار
هه
علاش وينتا قعدوا
من يوم ناضوا نساوا كيفاش يرجعوا يقعدوا
كل مطالبهم الراتب
ومازالت الدولة بالنيسبة ليهم اخذة حقهم
علاش ما يسقسوش رواحهم
اعطاوا حق المكان اللي راهم فيه ؟؟؟
داروا اللي عليهم ؟؟؟
ياك اللي يطلب بحقه يشوف اذا دار اللي عليه
يفتش في روحوا قبل

مايقدروش يعملوا اضراب ويحتجوا على البرنامج
ومتاكدة انو الغبهم يعرف انو مش برنامج يستاهل يقروه للتلاميذ
يعرفوا انه برنامج مش في المستوى
يعرفوا انه مش مرتب

بصح ما يهدروووووووووووووووووش عليه
مايهمهمش بطريقة مباشرة
لااااااا


شكراااااااا لك
 
رد: وين رايحين بهاد التعليم ؟؟؟ خاص لمسابقة " مميزون "

قال !≈[سِـِيـِـِف اڷِعَ‘ـِشِـِق]≈!;5293109:
السلام عليكم ورحمة الله
وعليكم السلام ورحمة الله وبركاته اخي سيف
اختي موضوعك في محله

لكن هيا وزارة التربية و التعليم
هه وزارة الكذب والتسلاك

الأول لم تتحقق بعد و لي هيا التربية

مش مهتمين بيها كيفاه رايحين يعلمو

ورايح يبقى الموضوع ما يهمهمش
لخاطر ما يمسهمش
هوما راهم يشوفوا فيها انهم
فاتحين مدارس
يقروا التلاميذ
مالا الشعب يحمد ربي
هادي هي اخي

ربي يهدينا و يهديهم
اللهم امين
بارك الله فيك
وفيك بركة اخي
موفقة
شكراااااااا لك
 
رد: وين رايحين بهاد التعليم ؟؟؟ خاص لمسابقة " مميزون "

السلام عليكم ورحمة الله وبركاته
وعليكم السلام ورحمة الله وبركاته
هاني وليت :-r
اهلاااااااااااااااا بكي خيتا
و بصراحة خايفة نرد على خاطر قادر يطرطق الكلافيي من واش رح نقول :mad: :very_mad: :(
****
على كل حال راني نسيي نحكم في روحي ونكالمي روحي :dunno01: ;)
****
وحد المرة سمعت على واحد الدراسة قالك الطفل يكون عندو طاقات و امكانيات و قدرات مع يدخل للمدرسة ينقصولو و يضيعو و تبقى نسبة قليلة الي يخدم بيها ولوخرا تضيع .. هادي عندهم زعمة الي عندهم التاويل مالا حنا واش نقولو الي سبورة كي الناس ما نسعاوهاش وادا كانت يجيبولنا ماركور ما يتمحاش و نولو بالديودوغون والروايح ؟؟؟!!!!!!!!
و كي نجو نشوفو للصح , شحال من طفل نعرفوه كان قبل ما يدخل للمسيد شاطر و قافز وممبعد غير دخل تبوشا و ولى حابس او غير يطبع ؟؟؟؟؟؟
لالا اقعد لالا ما تهدرش لالا ما تطلعش تجاوب لالا لازم ترسم لالا لازم تسوطي :down:
يعني المدرسة فيها بزااااف قيووود تحد من تطوير التلميذ و تنمية مواهبو
نشفى بكري كي كنت صغيرة خويا كان رسام ملييح بصح فالمسيد جامي لا شجعوه ومام ماكانوش في وقتو مضارب يتعلم فيهم الرسم او يطور روحو .. مالا ضاعت الموهبة هاديك :(
والامتلة راهي بزااااااااف بزااااااف
المدرسة الجزائرية رافدة ما رافدة الدزاير كااامل من لي بروبلام
نبداوها من الفوق ونجو حابطين
البرنامج كل مرة خرجة و كل مرة يسيو فينا , مرة يقراو فرونسي فالسنة التانية و مرة فالسنة التالتة !!!
وكل مرة نلقاو صفحات محذوفة من الكتاب - هادا ادا ما بدلوهش -
وخلينا من المدير الي ما يشجعش التلاميذ و يحفزهم بجوائز
ومانهدروش بزاااف على المعلمين الي كل واحد وضميرو و تربيتو و اخلاقو ... والي يديرو الفرق بين التلاميذ و التمييز و امور كثيييييرة ...
سبب فشل و تدني وتقهقر مستوى الدراسة و المدرسة في الجزائر اسباب كثيييرة
نلخصهالك في : عدم حب واتقان العمل , سياسة كوّر و ارمي للعور , و خلطها تصفى
وهادا ما نأمل ... راهي مخلطة ورانا نسناو وقتاش تصفى ؟؟
شكرا على الموضوع و اسمحولي هدرت بزاااف :$ الله غالب السوجي هادا يقيس فالصميم و كامل عانينا منو ..
ملخصك صح
وكل اللي قلتيه صح
شكرااااااا لكي
قلتي ووفيتي
منورة الموضوع
لالا...
الموضوع باش تهدري والكل يهدر

لانو يمسنا الكل


 
رد: وين رايحين بهاد التعليم ؟؟؟ خاص لمسابقة " مميزون "

السلام عليكم اختي
والله كي رايحين نحكوا عالموضوع هذا رايحين قد مانحكو وميكفيش التعليم فالجزاير ياحسراه وقتاااه دارولو جنازتو وتوفى خلاص ماعاد كاين لا تعليم ولا مستوى ولا والو .تلقاي واحد جامعي وهذا اذا مقلناش متخرج ماراهو رافد في راسو والو .وزيد عمي ملييح زادولو لهوا والريح الاضراباات لي اصبحت داخل فالبرنامج الدراسي ميفوتش عام الا وكاين اضرابات يعني لوكان جات الوزارة تلبي المتطلبات وتعدل النقائص يمكن ننهضوا بالتعليم تاعنا
اختي تقبلي مروري المتواضع ويعطيك الصحة على الموضوع الباهي
 
رد: وين رايحين بهاد التعليم ؟؟؟ خاص لمسابقة " مميزون "

السلام عليكم اختي
وعليكم السلام ورحمة الله وبركاته اخي الكريمة
والله كي رايحين نحكوا عالموضوع هذا رايحين قد مانحكو وميكفيش التعليم فالجزاير ياحسراه وقتاااه دارولو جنازتو وتوفى خلاص ماعاد كاين لا تعليم ولا مستوى ولا والو .
صح كلامك وحتى واحد ما مهتم بهادي الكارثة اللي رانا عايشين فيها
تلقاي واحد جامعي وهذا اذا مقلناش متخرج ماراهو رافد في راسو والو .
هاديك هي المشكلة
وزيد عمي ملييح زادولو لهوا والريح الاضراباات لي اصبحت داخل فالبرنامج الدراسي ميفوتش عام الا وكاين اضرابات
الاضرابات صارت جزء من البرنامج
لازم تكون كل عام ولا ما يكملش العام مليح

يعني لوكان جات الوزارة تلبي المتطلبات وتعدل النقائص يمكن ننهضوا بالتعليم تاعنا
لازم تشوف البرنامج اللي راهي حاطاتو كي داير
بدون اضرابات وما يكملش والطالب يعاني والاستاذ يحوس يكمل البرنامج بالسيف
لخاطر يتحاسب
وهنا نوصلوا انو المهم ماهوش الطالب افهم ولالا
لاااااااااااااا رجع المهم البرنامج اكمل قبل وقتو ولالا

اختي تقبلي مروري المتواضع ويعطيك الصحة على الموضوع الباهي
شكرااااااااااا لكي اختي
نورتي الموضوع :regards01:
 
رد: وين رايحين بهاد التعليم ؟؟؟ خاص لمسابقة " مميزون "


السلام عليكم ورحمة الله تعالى وبركاته

المشكلة الآن انو التلميذ او الطالب اصبح كاره للقراية من جميع النواحي..حتى الي تلقيه يقرا مش من اجل العلم لاجل المستقبل
يدير دار و زوجة و سيارة ويتسهله في حياته..يعني الفكرة اصبحت
مادية بحتى..وللأسف هذا واقعنا و هذا ما هو محتم علينا..
البنية التحتية للنظام التعليمي لدينا لا تصلح بتاتا فهي هشة
بداية من المدرسين للتلاميذ للمدير لوزير التربية للنظام التربوي ككل
فالتلميذ من يداية قرايته يبدوا يكرهوه في القراية دايريله كورطابل
معمر بكتابات ظهره يطيح من هو صغير ;)
ثانيا نظامنا التربوي يقري فيها في علم تاع ارقام و خطوط و حكايات
عمرها ماشفناها على ارض الواقع و عمرنا ماجسدناها اكيد راح يكون التحصيل العلمي جد ضعيف..تو نعطيك مثال : مثلا تصوري التلميذ
من الابتدائي يبدا يقرا حروف و ارقام و من بعد يدخل لمسائل رياضية اكبر في المتوسط مثلا ولتجارب في مادة العلوم الطبيعة و الحياة و الفيزياء لكن نحن كلنا درسنا هذا الشيئ كنظري دائما نحفظ و يجي الاختبار نحطوا واش فهمنا لكن عمرنا ماطبقنا عمرنا ماشفنا عمرنا ماجربنا ؟؟ اكيد تحصيلنا العلمي يكون ضعيف و عندما نصطدم بالواقع لما نتخرج مانفهموا والو يقولك دير تجربة ماتعرفش يقولك شد ميكرو اخدم بيه ماتعرفش..الاف الطلبة في التسيير واقتصاد في الجامعة لحد الان مايعرفش يستخدم الميكرو ولو يحطوه في بيرو تاع محاسبة يخرب كلش..بينما تلقي انسان ممكن قرا ادب ولا مادة ادبية و لا علمية و تحطه في مركز بريد و تعلم لمدة شهر او اثنين و توريله كيفاه يخدم رايح يولي احسن من الي قرا بالف خطرة..


When we change our way of teaching the way of bad to better
We can improve our level and get a good result is better than the past


عندما نغير طرقنا التعليمية من الطريق الأسوأ الى الأحسن
يمكننا أن نطور درجاتنا و نحقق نتائج أحسن من الماضي


من هذا المنطلق يجب على الصعيد التعليمي تغيير البنية التحتية
من طرف المسؤولين فنحن لا حول ولا قوة لـنا في مايفعلون
لو نفعل مظاهرة او اي شيئ يقولوا علينا مخربين :down:
ولا نفهم في التعليم و نحن كبار و رايح يجي اليوم صغار يعلمونا !!
للأسف هذا واقعنا ولازم نستفادوا من تجارب الامم التي سبقتنا
في هذا المجال..مش ندخلوا للبلاد انظمة فشلت في الخارج و يحبوها
تنجح عندنا في دولة من العالم الثالث...


قل لي و سوف أنسى ...
أرني و قد أتذكر ...
أشركني و سوف أفهم ...


ممكن تكوني شاهدت برنامج خواطر الذي كان يعرض على قناة أم بي سي في رمضان..فهذه العبارة ذكرت في أحد الحصص هناك تخص التعليم و طريقة التعليم في العالم العربي و الأجنبي
و الحلقة ان اردت مشاهدتها هي بعنوان أشركني الحلقة السابعة من السلسلة 8.5

المهم مضمون هاته الحلقة جاء فيه
أنه قدمت تجربة لعصر الليمون لثلاث فتيات صغيرات لم يجربن عصر الليمون من قبل وليس لهم علاقة بالمطبخ..

1 - أخذ مقدم الحصة الورقة و فيها المستلزمات لهاته العملية و طريقة التحضير و بدأ يقرا لها ويفهمها الطريقة من الورقة شفهيا من دون اي مساعدة اخرى .
2 - قامت مساعدة في البرنامج بتقديم فيديو كيفية عصر الليمون للطفلة بحيث شاهدت في الفيديو كيف يتم احضار المستلزمات و كيفية التقطيع و العصر الى نهاية تحضير العصير..
3 - أما عن الفتاة الثالثة فقد أشركها مقدم الحصة أحمد مازن الشقيري في العملية بحيث هو من ساعدها في التحضير يعني قاما بالعملية مع بعض البعض و من ثم عاودت لوحدها..

النتيجة كانت ان الفتاة الاولى فشلت و بدأت تبكي ولم تعرف ان تعمل اي شيئ و الثانية و الثالثة نجحت غير ان نجاح الفتاة الثالثة كان افضل


من هنا يجب أن نتغير و أن نأخذ بعين الاعتبار هاته الافكار
فمنا نقراه او نسمعه فقد ننساه
ومانراه و نلاحظة قد نتذكره
ومانفعله و نشترك في عمله سوف نفهمه

كما أن للمدرسين الدور الكبير في التعليم
نلقى عندنا اساتذة بدرجة الدكتوراه او ماجيستير او حتى بروفيسور
مثلا في الجزائر و الخلق 0 و طريقة التدريس دون المستوى
لو تحكي مع المدير او رئيس كلية مثلا في الجامعة يقولك انت
طالب جاي اليوم تحب تفهم واحد دكتور وينتى بديت تقرا انت اصلا ؟
يعني اسلوب التواضع لدينا في الجزائر مكانش
تحب تقابل استاذ تقول راح تقابل رئيس الجمهورية حاسب روحه..
هذا مستوى حقا متدني و بالطريقة هذه ماعندنا مانوصلوا
انت كأستاذ لديك رسالة عليك ان تقدمها لماذا تتكبر وانا وانت بشر
مثلنا مثل بعض..العلم مافيهش تكبر و الحياة..لــكن هيهات من يسمعك

طولت نظن في الرد ههه :$

جزيل الشكر لتطرقك لهذا الموضوع لأنه يحمسني للكتابة ههه :-h
بارك الله فيك نتمنى يتغير النظام التدريسي في بلادنا
ونطور بأفكارنا و نقحم تكنولوجيات جديدة في تعليمنا
نقولوا ان شاء الله اما باش نقول ايه مستحييييل ههه مادام
الي شادين القطاع لا علاقة لهم بالعلم..
بالتوفيق لكـ في مسارك الدراسي
 
رد: وين رايحين بهاد التعليم ؟؟؟ خاص لمسابقة " مميزون "

السلام عليكم
موضوع في قمة الروعة
بزاف ماداينهاش فيه و باينتلهم حاجة عادية شكرا على الطرح
راني معاك ماكان حتى حاجة فالمستوى برنامج يعيي التلميد و الاساتدة للي 00 داخلين غي معرفة و لمشكلة مايهتموش بهاد الموضوع
الله يهدينا
و شكرا مرة اخرى​
 
رد: وين رايحين بهاد التعليم ؟؟؟ خاص لمسابقة " مميزون "

انا اخترت نقرا مدرسة عليا على اساس رايحة نكون استادة ونوصل رسالة وان التعليم مهنة الانبياء والرسل لكني صدمت لما دخلت الى حرم المدرسة العليا وسالنا الدكتور سبب اختيارنا للمدرسة العلياوكانت اجابة الجميع الخدمة مضمونة
ورواتب الاساتدة قيمة ولي خلاني نهبل وحد الطالب قال التعليم ساهل نكتبلهم اي حاجة نتهلى بيهم في النقاط يولو يبغوني في اخر الشهر نروح ندي دراهمي ومريح في راسي 10 سنين ندير الدار والسيارة
لكن هدا ما يمنعش انو كابن اساتدة عندهم ضمير ويقرو ويتعبو ويخرجو اجيال تشرف الجزائر
وانا انشاء الله رايحة نخدم خدمتي على اكمل وجه بش نحلل دراهمي لايوجد اخطر من اكل المال الحرام

 
رد: وين رايحين بهاد التعليم ؟؟؟ خاص لمسابقة " مميزون "

السلام عليكم اختي
والله كي رايحين نحكوا عالموضوع هذا رايحين قد مانحكو وميكفيش التعليم فالجزاير ياحسراه وقتاااه دارولو جنازتو وتوفى خلاص ماعاد كاين لا تعليم ولا مستوى ولا والو .تلقاي واحد جامعي وهذا اذا مقلناش متخرج ماراهو رافد في راسو والو .وزيد عمي ملييح زادولو لهوا والريح الاضراباات لي اصبحت داخل فالبرنامج الدراسي ميفوتش عام الا وكاين اضرابات يعني لوكان جات الوزارة تلبي المتطلبات وتعدل النقائص يمكن ننهضوا بالتعليم تاعنا
اختي تقبلي مروري المتواضع ويعطيك الصحة على الموضوع الباهي
وعليكم السلام ورحمة الله وبركاته اختي الكريمة
اختار ان يكون في العناية المركزة ولا يكون ميتا
لاننا نحتاجه وبشدة
نحتاج ان يعود وبقوة ويصير اهم مشاكلنا
وان نجد له الحل
وان ينتبه مجتمعنا له
ولا ان نقبل ان نشيع جنازته ونحن نستطيع ان نعمل شيئا
لانه لو فقط مجرد وعي ويعرف الشعب انه متدهور
وانه يحتاج الى ان يعود وله نعمل الاضرابات والاحتجاجات
لاستطعنا ان نغير
مارافد والو في راسه
لخاطر تعليم تلقيني يحوس غير يبلع العام والطالب اصلا ما يحوسش يكسر راسه
يقرا باش يدي دبلوم
لكن الحقيقة ليست في الحصول على الشهادة
ولكن ماذا اخذت من كل مدة التعليم
اما عن الضرابات فصارت جزءا من البرنامج
صارت اهم مافيه
ويمكن نجدوها في السنوات القادمة موضوع بكالوريا
اضرابات الاساتذة بين الايجاب والسلب ..... حلل وناقش
مع انو الكل يعرف انها تاخذ اكبر جانب من السلبية
ولكن من يستوعب ؟؟؟
نحتاج الى وعي في هذا الموضوع الحساس

ليس الحل في تلبية المطالب
وليس الحل في زيادة الراتب
لانه قبل ان نطلب المزيد نحتاج ان نسال ...
هل نستحق ما منح لنا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لان المطالب صارت شخصية تخدم المصالح الشخصية
ولم يعد لا المستوى ولا التعليم بحد ذاته ولا هدفه يهم
صار جزءا من الروتين
لهذا لا يهم
هل درس كل استاذ وكل معلم حتى يستحق الراتب
وانا اؤكد ان هناك الكثيرون من الاساتذة لا يدركون حجم مسؤوليتهم
ولا يهمهم ان كان الدرس استوعب ام لا
مع ان الساعات التي يمنحها البرنامج لكل درس قليلة
لكن لا يهم ولا يهم ان فهم الطالب ام لا
المهم ينتهي البرنامج قبل الوقت المحدد
هذا الواقع السيء
لاننا كلنا مررنا بمرحلة التلمذة
وسمعنا شكوات الاساتذة
وراينا كيف لا احد يهتم بمن لا يفهم

ويبقى الواقع مرييييييييييرا يحتاج الى استعجالات


شكرااااااااااااا اختي
 
رد: وين رايحين بهاد التعليم ؟؟؟ خاص لمسابقة " مميزون "


السلام عليكم ورحمة الله تعالى وبركاته

المشكلة الآن انو التلميذ او الطالب اصبح كاره للقراية من جميع النواحي..حتى الي تلقيه يقرا مش من اجل العلم لاجل المستقبل
يدير دار و زوجة و سيارة ويتسهله في حياته..يعني الفكرة اصبحت
مادية بحتى..وللأسف هذا واقعنا و هذا ما هو محتم علينا..
البنية التحتية للنظام التعليمي لدينا لا تصلح بتاتا فهي هشة
بداية من المدرسين للتلاميذ للمدير لوزير التربية للنظام التربوي ككل
فالتلميذ من يداية قرايته يبدوا يكرهوه في القراية دايريله كورطابل
معمر بكتابات ظهره يطيح من هو صغير ;)
ثانيا نظامنا التربوي يقري فيها في علم تاع ارقام و خطوط و حكايات
عمرها ماشفناها على ارض الواقع و عمرنا ماجسدناها اكيد راح يكون التحصيل العلمي جد ضعيف..تو نعطيك مثال : مثلا تصوري التلميذ
من الابتدائي يبدا يقرا حروف و ارقام و من بعد يدخل لمسائل رياضية اكبر في المتوسط مثلا ولتجارب في مادة العلوم الطبيعة و الحياة و الفيزياء لكن نحن كلنا درسنا هذا الشيئ كنظري دائما نحفظ و يجي الاختبار نحطوا واش فهمنا لكن عمرنا ماطبقنا عمرنا ماشفنا عمرنا ماجربنا ؟؟ اكيد تحصيلنا العلمي يكون ضعيف و عندما نصطدم بالواقع لما نتخرج مانفهموا والو يقولك دير تجربة ماتعرفش يقولك شد ميكرو اخدم بيه ماتعرفش..الاف الطلبة في التسيير واقتصاد في الجامعة لحد الان مايعرفش يستخدم الميكرو ولو يحطوه في بيرو تاع محاسبة يخرب كلش..بينما تلقي انسان ممكن قرا ادب ولا مادة ادبية و لا علمية و تحطه في مركز بريد و تعلم لمدة شهر او اثنين و توريله كيفاه يخدم رايح يولي احسن من الي قرا بالف خطرة..


When we change our way of teaching the way of bad to better
We can improve our level and get a good result is better than the past


عندما نغير طرقنا التعليمية من الطريق الأسوأ الى الأحسن
يمكننا أن نطور درجاتنا و نحقق نتائج أحسن من الماضي


من هذا المنطلق يجب على الصعيد التعليمي تغيير البنية التحتية
من طرف المسؤولين فنحن لا حول ولا قوة لـنا في مايفعلون
لو نفعل مظاهرة او اي شيئ يقولوا علينا مخربين :down:
ولا نفهم في التعليم و نحن كبار و رايح يجي اليوم صغار يعلمونا !!
للأسف هذا واقعنا ولازم نستفادوا من تجارب الامم التي سبقتنا
في هذا المجال..مش ندخلوا للبلاد انظمة فشلت في الخارج و يحبوها
تنجح عندنا في دولة من العالم الثالث...


قل لي و سوف أنسى ...
أرني و قد أتذكر ...
أشركني و سوف أفهم ...


ممكن تكوني شاهدت برنامج خواطر الذي كان يعرض على قناة أم بي سي في رمضان..فهذه العبارة ذكرت في أحد الحصص هناك تخص التعليم و طريقة التعليم في العالم العربي و الأجنبي
و الحلقة ان اردت مشاهدتها هي بعنوان أشركني الحلقة السابعة من السلسلة 8.5

المهم مضمون هاته الحلقة جاء فيه
أنه قدمت تجربة لعصر الليمون لثلاث فتيات صغيرات لم يجربن عصر الليمون من قبل وليس لهم علاقة بالمطبخ..

1 - أخذ مقدم الحصة الورقة و فيها المستلزمات لهاته العملية و طريقة التحضير و بدأ يقرا لها ويفهمها الطريقة من الورقة شفهيا من دون اي مساعدة اخرى .
2 - قامت مساعدة في البرنامج بتقديم فيديو كيفية عصر الليمون للطفلة بحيث شاهدت في الفيديو كيف يتم احضار المستلزمات و كيفية التقطيع و العصر الى نهاية تحضير العصير..
3 - أما عن الفتاة الثالثة فقد أشركها مقدم الحصة أحمد مازن الشقيري في العملية بحيث هو من ساعدها في التحضير يعني قاما بالعملية مع بعض البعض و من ثم عاودت لوحدها..

النتيجة كانت ان الفتاة الاولى فشلت و بدأت تبكي ولم تعرف ان تعمل اي شيئ و الثانية و الثالثة نجحت غير ان نجاح الفتاة الثالثة كان افضل


من هنا يجب أن نتغير و أن نأخذ بعين الاعتبار هاته الافكار
فمنا نقراه او نسمعه فقد ننساه
ومانراه و نلاحظة قد نتذكره
ومانفعله و نشترك في عمله سوف نفهمه

كما أن للمدرسين الدور الكبير في التعليم
نلقى عندنا اساتذة بدرجة الدكتوراه او ماجيستير او حتى بروفيسور
مثلا في الجزائر و الخلق 0 و طريقة التدريس دون المستوى
لو تحكي مع المدير او رئيس كلية مثلا في الجامعة يقولك انت
طالب جاي اليوم تحب تفهم واحد دكتور وينتى بديت تقرا انت اصلا ؟
يعني اسلوب التواضع لدينا في الجزائر مكانش
تحب تقابل استاذ تقول راح تقابل رئيس الجمهورية حاسب روحه..
هذا مستوى حقا متدني و بالطريقة هذه ماعندنا مانوصلوا
انت كأستاذ لديك رسالة عليك ان تقدمها لماذا تتكبر وانا وانت بشر
مثلنا مثل بعض..العلم مافيهش تكبر و الحياة..لــكن هيهات من يسمعك

طولت نظن في الرد ههه :$

جزيل الشكر لتطرقك لهذا الموضوع لأنه يحمسني للكتابة ههه :-h
بارك الله فيك نتمنى يتغير النظام التدريسي في بلادنا
ونطور بأفكارنا و نقحم تكنولوجيات جديدة في تعليمنا
نقولوا ان شاء الله اما باش نقول ايه مستحييييل ههه مادام
الي شادين القطاع لا علاقة لهم بالعلم..
بالتوفيق لكـ في مسارك الدراسي
اهلاااااااااااخي الكريم
سعدت جدا بردك الرااااائع والمميز
رد تطرق الى الكث ير من النقاط المهمة

قد يكون لا حول ولا قوة لنا صح
لكن اريد ان الفت الانتباه الى الامر الذي قد يجعلنا نتغير
ويكون وسيلة جيدة للتغيير
وهو الاضراب
اضراب الاساتذة
مادام يعملوه وتتلبى طلباتهم ويزيدولهم في الشهرية
معناتها يمكن يعملوه من اجل البرنامج
باش يتغير ويقولوا ما نزيدوش نقروه خلااااااااص
كفى تحقيرا وتقليلا من عقل ومستوى الطلاب
هذا البرنامج لا يستحق ان يدرس
وطلابنا يستحقون برنامجا يستحق الجهد والبذل ويعطي عطاءا جميلا
قد نستغل هذه النقطة للتغيير
قد نستطيع التاثير
ونحتاج اليها فعلاااااااااا

اما عن برنامج خواطر فعندما اتابعه احس بالتفاؤل
لكن سرعان ما اصطدم بالواقع المر
الذي يحتاج الى مجهود الجماعة
ليس بعيدا ان نصل
ولكن نحتاج الى خطوة الى الامام
نحتاج الى خطوة اولى
ولا نضل نذم الواقع ولا احد يريد ان يقدم شيئا
او على الاقل يغير ويصلح ما بنفسه على الاقل

اما عن كلامك عن الاساتذة فتلك حقيقتهم
كانهم وصلوا الى قمة العالم
ولا احد يصل اليهم
ولهم الحق في سوء التصرف وان يحقروا من الطلاب
ومن عقولهم
كانهم يمنون عليهم انهم رضوا يعلموهم
وليست تلك اخلاق استاذ
ليست ابدا........ لانه قدوة ويقدم علما على الاقل يحترم علمه
والحقيقة انه متخلف من يقول ان الصغير لا يستطيع ان يعطي من خبرته
العالم المتطور يستفيد من افكار الشباب ومن طريقة تفكيرهم
ومن خيالهم الواسع
وعندنا من لديه خيال يضيقونه عليه حتى يتوه ولا يعرف كيف يعيش به

شكرااااااااااااا لك اخي على الرد المميز
قد نكون مخربين في نظرهم
لكن نريد ان نرفع الجزائر الى الاعلى
ونريد ان حيا فيها ولا يضطر احد الى ان يخاطر بحياته ليعيش حياة افضل
يعيش هنا وليس خلف البحر

قد نجد حلا وقد يستوعب شعبنا ان القوة في التعليم
وانه ما يدرس اليوم اضحوكة
نحتاج الى ان نستفيق لنعلم اهميته في بناء غدنا

اما عن مشواري الدراسي فقد انتهى
ولكنني اريد الاحسن للغد
هذا ما دفعني لكتابة الموضوع

 
رد: وين رايحين بهاد التعليم ؟؟؟ خاص لمسابقة " مميزون "

السلام عليكم
موضوع في قمة الروعة
بزاف ماداينهاش فيه و باينتلهم حاجة عادية شكرا على الطرح
راني معاك ماكان حتى حاجة فالمستوى برنامج يعيي التلميد و الاساتدة للي 00 داخلين غي معرفة و لمشكلة مايهتموش بهاد الموضوع
الله يهدينا
و شكرا مرة اخرى​
وعليكم السلام ورحمة الله وبركاته
شكراااااااااااااا لكي
هادي مشكلتنا اليومك
انه حتى حد ما دايها فيه

ان شاء الله نوصلوا لدرجة الوعي التي تخلينا ننتبهوا لاهميته
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top