مساعدة عاجلة عاجلة عاجلة

sabi2

:: عضو منتسِب ::
إنضم
16 ماي 2014
المشاركات
7
نقاط التفاعل
15
النقاط
3
السلام عليكم و رحمة الله و بركاته أنا اليوم عضوة جديدة بالمنتدى و أود طرح مشكلتي فيه لعلي أجد السبيل للحل، أرجو السماح ان طال موضوعوي و لكن ساحاول ان اظهر تفاصيله للحصول على الجواب الشافي ، و ارجو المشاركة منكم و جزاكم الله خيرا ، الله يجازيكم كل من قرأ قصتي يساعدني برد و يشفي غليلي
شابة ذات 27 سنة، عاملة بمحل مؤمنة، من الجزائر العاصمة، أسكن مع اختي في منزل جدتي (لامي ) لضيق السكن مع أهلي (منزل عائلة الجدة، العمة غير متزوجة ، العم أرمل مع أولاده ، و عم آخر بأسرته)، انا البنت الأكبر في العائلة ، و لي اختين واحدة متزوجة و اخ اخر العنقود
مشكلتي بدات من شهر سبتمبر، قالت لي أختي أن هناك زميلة عمتي بالعمل تريد أن تخطب لابن أختها و لكن ماما و ماني خايفين اذا ترفضي كما في كل مرة ، قلت إذا كانوا ناس ملاح و نتوافقوا علاه نرفض ، فبدأ المشكل الأول هو أين سيحضرون أنا أحببت ان يكون في منزل ماني اين اعيش و لكن عائلتي أرادت أن تمم الخطبة في منزل جدتي اين ماما، بابا و كل العائلة ، و كان لهم ما أرادوا
و حقا جاء يوم المحدد ، و لكن لم يكونوا كما سمعنا أنه ابن أخت زميلة عمتي بل كان اخ صديقتها (أي صديقة زميلة عمتي)
جاءت مع أمها و أختها و زميلة عمتي بالطبع تبادلوا أطراف الحديث، و تحدثوا أن أخوهم جاء بعد 7 بنات و قبل 2 ذكور ،له 29 سنة، لم يسبق ان تعرف على فتاة، ذو مستوى تعليمي ثانوي، يعمل عون مراقبة agent de sucrite ، يسكن مع أهله سيكون له غرفتين معهم، و لكن أودع ملف سكن عدل و تم الموافقة عليه، سيقوم عن قريب بفتح محل تحت البيت
و علموا اني ذات مستوى ثانوي ، تحصلت على BAC UFC و درست 3 سنوات بنوك UFC كما قمت في نفس الوقت بتكوين مهني GRH أعمل بمحل للدهان و اشترطت العمل فوافقوا و قالوا من حقي ان اشترطه .
بالرغم من أني اشترطت على أهلي قبل قدومهم السكن الانفرداي و لكن شددوا فعلي عدم ذكر ذلك الشرط فرضخت للأمر الواقع.
و أعلمناهم أنه ليس من عاداتنا الاشتراط و طلب المهيبات و المطالبة بجهاز العروسة و اذا كانت عادة او تقليد من هذا فلا ياتوا به و يتركوا كل شيء لديهم ،
و احسست اننا اعجبناهم و اعجبتهم و لكن قالوا المهم ان يعجبني الشاب و اعجب به ، و طلبت اخته ان كان يستطيع رؤيتي قبل ان ياتي للمنزل (حتى لا ينحرج كلانا ان لم نتوافق) لكن ماني و عمتي رفضوا و قالوا لا بد ان ياتي امام ابوها، اخوها أعمامها و اولاداعمامها (بصراحة انا اعجبني اقتراح اخته فهذا هو المنطق في هذا الوقت حتى لا اقع في الامر الواقع و ارضخ لطلباتهم)
الحقيقة أنهم للنظرة الأولى اعجبوني ، و تبادلت ارقام الهاتف مع اخته و اعيناهم حلويات كما هي التقاليد و ذهبوا
و لم يظهر لهم خبر ، بعد مدة هاتفتني اخته تخبرني انه هاذ الاسبوع قادمون معه
حضرنا للموعد و جاء اليوم ذلك 05/10/203 بيوم السبت جاءت هي و امها و زوجها و اخوها
دخل الرجال غرفتنا (اي غرفة ماما )و النساء بقوا بالغرفة الخارجية (غرفة جدتي ) و تبادلوا اطراف الحديث ، ثم طلبتعمتي من بابا ، أخي ، عمي و ابنه و خالي ،الخروج لاتمكن من الدخول اليه، و دخلت عادي (دون ارتداء الخمار)، بعد القاء السلام جلست امامه و تبادلنا الحديث ، أول ما اخبرني عنه انه في المرة السابقة لم يكن لديه علم بقدوم امه و اختيه، حتى عادوا من عندنا وجد الحلويات سالهم ان كانوا في عرس اجابت امه انها ذهبت لترى له عروس و هذه الحلوات من عندهم و ان يرى يوم مناسب ليذهب ليرى العروس ، و اخبرني انه اندهش من والدي الذي لم يساله عما يعمل وشحال يتقاضى و وين ناوي يسكن و انه اعجبه خاصة من حيث ذلك
و سالته عن اسمه الحقيقي فقال ان ذاك اسمه و اراني بطاقة التعريف لاتكد فقط من اسمه و راجعها بسرعة لجيبه، و قال انه سمع اني مثقة و درست قلت نعم و اخبرته ما درست، ثم اطلعني عما قالوه اهله في المرة السابقة لكن ليس كل شيء فقد قال انه يسكن مع اهله، و انه عون امن في الشركة الخاصة بهم و انه انطلاقا من الشركة يتم ارسالهم للشركات التي تطلب اعوان امن.
ثم سالني عن عملي و ما اقوم به، فاخبرته و اطلعته اني اشترط العمل ، فاحسست و كان الامر لم يعجبه فبدا يمص علي القارص و يقول ان العمل ليس عيب على المراة و لكن من الضروري ان لا ارهق نفسي و ان المراة كثر مكان تكون فيه مرتاحة هو بيتها العمل و حاولت ان اقنعه اني اريد العمل لان اجد راحة نفسية به و انا لم اتعب على دراستي الا لاني اريد العمل و بالرغم من اني في محل الا هذا لا يمنع اني ابحث حتى اجد فرصتي و انه شرطي الوحيد و لا اعود عنه
و صراحة لم اجد له ارتياح نفسي و خاصة مع هذا النقاش، ثم دخلت اخته و وجدتنا نتناقش حول العمل فاقنعته انه ليس ان المراة التي تعمل تخسر شرفها و احترامها فالمراة المتربية و التي تحترم نفسها قبل غيرها حتى ان كانت تعمل بمكان مليء بالرجال لا تخف عليها و اننا في وقت صعب يجب على الازواج التعاون على متطلبات الحياة و اني اعمل بمحل فهذا ليس دائم و انه ساجد مكان باي شركة حسب دبلوماتي و انها هي و اخواتها يعملون فما المانع ان لا اعمل فطابت نفسه و اقنعته حتى وافق ، و هنا كان قد دخل جميع النساء (ماما، عمتي، جدتي، ماني، امه) و بدات اخته تلح ان كان موافق على الخطوبة ما دام رضى بالعمل و لم تتركه حتى وافق ثم سالوني فلم اقل كلمة بل اكتقيت بهز الراس بالقبول و اعتلت الغرفة بالزغاريد و لكن بكل صراحة لم تؤثر فيا زغاريدهم لاني لم اجد فيه راحة بل وافقت فقط حتى لا يؤنبوني اهلي و كنت اقول في قرار نفسي ربما مع الوقت استطيع ان ارتاح اليه و اعرفه ، ثم حاول ان يقدم لي مبلغ الشوفة (لكن ماني منعته من ذلك للعادات )، و ذهبوا و الكل كانت فرحا الا انا ، كنت ابحث عن الفرحة بداخلي لكن لم اجدها، و في الغد جاءت خالاتي كالعادة للزيارة و لانهم كانوا على علم سالوني ان كنتا فرحة لانه تمت خطبتي فاجبت بصراحة اني لا احس بالفرحة التي وجدتها عندهما و ان الزغاريد لم تؤثر علي كما اثرت زغاريد النجاح في الدراسة ، فاتهمني الكل بالجنون و انه يجب ان ازور طبيب نفساني
و لكن بداخلي كنت اقنع نفسي او بالاحرى اضع امل لي انه مع مرور الوقت ساعرفه و ارتاح له و لما لا استطيع ان احبه رغم اني قلبي احب غيره قبل 7 سنوات و مازلت على حبه.
و مرت الايام و انا بانتظار خطيبي او اهله ان يطمئنوا علي و كم انتظرت اتصالا منه لنتعرف على بعض و لكلم يحدث و مرت الاسابيع و لم يسالوا ، و لكن ماما كانت تذهب لمكان عمل اخته (لانها تعمل قريب من حينا ) و يتبادلوا اطراف الحديث ، و ذات مرة اعلمتها انهم قريب يزروننا لان ابوها يود ان يتعرف على عروس ابنه و اهلها و بذلك ترسم الخطبة بالتقاء الرجال (ابوه و ابي).
و لكن بعد مدة تخبرها ان اخوها طلب ان يعلنني بخاتم لاني اعمل و اخرج دائما ، و بالتالي سيحضرون في المرة القادمة لالبس خاتم الخطوبة
و لكن بعد مدة اخبرتها انهم يريدون اجراء مراسيم خطوبة (فيونساي تركي على قولهم) يعني ياتون بالطارطة (PIENCE MONTIE) و خاتم و لكن دون تن تكون فاتحة ، فوافقت ماما دون تردد و لما سمعت ما يودون رفضت بشدة و قلت لماما ان تقول لهم ان الفيونساي نديروه مع العرس و ياتوا عادي كخطاب يتفق فيه الرجال و بالرغم من اصراري عليهم اني لا اود ان البس خاتم رجل لا اعرفه و لم اشاهده و اتكلم معه سوى 10 د و الواجب عدم التسرع في الاحداث و خاصة اننا لا نعرف من يكونون و لم يرغب اهلي بالسؤال عنهم و عندما طالبتهم بالسؤال عنه و عن اهله قالوا وجه الخروف معروف، و بالرغم من اني رفضت عمل الفيونساي اصروا علي ان اعمله و انه مجرد فيونساي دون فاتحة و انه يودون ان يفرحوا فاجبرت على الفيونساي و انا رافضة، و خلال هذه الفترة حلمت ان امه البستني خاتما لم يعجبني و لم يناسب اصبعي و لم يكن مقاسي ، فقالت لا اقلق ممبعد نبدلوه، و في الصباح حكيت لماما الحلم و تطرقنا لموضوع الخاتم فاخبرتها انني اريد الخاتم ذهب ابيض فقالت لماذا لم اخبرهم من قبل فقلت انني مادرت الخاتم في بالي ، و كنت اظن انه مع الوقت اخرج معهم لاختياره و اقتناء ما يناسبني ، و لكن ماما بنية ذهبت عند اخته و اخبرتها اني اريد خاتم ابيض ، و لكن كان الوقت تاخر فقد كانوا اشتروه اصفر.
و خلال الفترة الممتدة بين النظرة و الفيونساي انتظرت و لو مكالمة من الخطيب لنتعرف على بعض و استطيع ان اجد فيه شيء يجعلني ارتاح له و لكن لا فقد مر عيد الاضحى و لم يتصل لا هو و لا اهله بل انا من اتصلت باخته لان رقم هاتفها فقط ما املك و مر محرم و عاشوراء و لم يتصل احد حتى قروب موعد الفيونساي هاتفتني اخته ىلتعلمني انه تم تحديد اليوم
و جاء يوم 26/11/2013 كاي فتاة ذهبت عند الحلاقة و لبست فستان كنت ارتديه في عرس اختي و تم دعوة كل العائلة و تحضير الحلويات و.... و جاءوا بعد صلاة الجمعة و تم الباسي الخاتم وسط بهجة و فرحة العائليتن الا انا بالرغم من اني لم اظهر استيائي عن الموضوع، و كالعادة انتظرت في الليل ان يتصل خطيبي ليسال عن احوالي و عن الحدث كاي مخطوبين و لكن لم يحدث و مرت الايام حتى مر اسبوع كنات بالعمل فلمحته و كذبت اعيني حتى دخل المحل ، فخرجنا و توجهنا الى المنزل مباشرة و تكلمنا عن الفيونساي و انه مر خفيف و ان الحلويات اعجبت اخوته خاصة من لم يحضروا، و خلال الحديث اعاد الحديث عن عملي و انه يجب ان اقتنع ان العمل للمراة متعب خاصة مع مسؤوليات البيت و التربية و الاولاد و لكن لم اعره اهتمام ، و لمحت له ان يهاتفني فاخبرني انه سياخذ الرقم من اخته و عندما وصلنا قريب من الحي اخذ كلانا اتجاهه
و انتظرت مهاتفته و مضت الايام و بدات اقلق من الوضع، و هنا كان عيد ميلاده قريب (اواخر شهر ديسمبر) ففكرت ان افاجئه بهدية و دعوة فاتصلت باخته لاخذ رايها اعجبتها الفكرة و لكن لم تساعدني في شيء يحبه قالت انها لا تعلم ما يعجبه و لكن لم تفهم اني اتصلت خصوصا من اجل رقم هاتفه ، و في الغد ارسلت ماما لتحضره منها و فعلا حصل ذلك هاتفته ليلة عيد ميلاده اخبرته اني اريد التكلم معه في موضوع فاحتار و لكن في الغد جاء بعد ان اكملت عملي و حاول ان يعرف فاخبرته ان اليوم عيد ميلادك و لا اريد ان اسمع كلمة و لكن اليوم ادعوك لتناول الكريب بهذه المناسبة و دخلنا قاعة شاي لنكون مرتاحين و كم كان يوم صاعقة علي اكتشفت عدة مخبات اهمها قال اني افضل منه فاحترت فقال اني قارية فاندهشت لعلمي لنا نفس المستوى فسالته لما قال انت اكملت تعليمك انا لا فسالت عن مستواه قال تاسعة ، ثم سالته عن عدد الغرف التي لديه في منزل اهله لاعرف ما بامكاني اخذه من اغراض و جهاز عروسة قال غرفة واحدة و ليس اثنين، و لما اخبرته اني سمعت ان لديه موافقة على ملف عدل قال انه نعم و ان اي واحد لكا يكبر يريد ان يكون منفرد بمنزل و حر فيه و هنا اجبته كيف تمت الموافقة على ملفك و انت لم تعقد او تتزوج مع العلم ان تلك الفترة لم يكن اعلن انه يمكن التسجيل لفئات 2013 ، ثم تكلم عن العمل و لوح انه غير راض عن عملي و انه مادام لم يعقد لا يمكنه التحكم فيا )، كما ان المحل الذي اخبرونا عنه اهله في الاول لم يذكر شيء عنه لحد الساعة فبدا الشك و الحيرة يراودانني و مازاد الطين بلة حين اخبرني انه لم يتوقع ان تقبل به فتاة في يوم من الايام ثم ترجمها انه لوضعه الاجتماعي و الثقافي و عمله البسيط و لن يجد فتاة مثلي) و في الاخير قدمت له هديته و ذهبنا و الشك يقتلني حول صحة المعلومات و في المساء اخبرت ماما عن كل شيء فهداتني و قالت الكل يقول هكذا
و ككل مرة انتظرت منه على الاقل مكالمة و خاصة الان لم يعد هناك سبب فرقمه انا من طلبته من اخته و اتصلت به وقمت بالخروج معه و لكن لم يتصل و لم يسال حتى لم يشكرني على الهدية والدعوة.
و لما كان عيد راس السنة ارسلت له رسالة SMS اهنئه بالعام الجديد و اتمنى له الحظ الوفير ، و بعدها قام بارسال رسالة اخرى لي
و بعد 3 ايام اتصل و تحدثنا قليلا و سالني عن تاريخ ميلادي و كان قد سالني عنه يوم ميلاده و اخبرته (الاسبوع الاول من جانفي)
و لما حان عيد ميلادي و لان يوم ميلادي كان هناك اجتماع بالمحل و نظرا لكثرة سؤاله عنه اضطررت ان ارسل له رسالة اخبره ان كان لديه برنامج لذلك اليوم عليه ان يؤجله، و بعد يومين من عيد ميلادي جاءني للمحل و ذهبنا لتناول البيتزا و ايضا لم نتحدث في شيء الا العمل و ذكر ان اهله سمعوا انه اخبرني انه لا يستطيع الحكم الان فغضبوا منه و اعتبروا انه يتلاعب بي لانه في الاول وافق و لا يمكن ان يعود في كلامه و اخبرني انه لن يعيد الحديث عن العمل
و هكذا هي حكايتي في كل مرة اغتنم الفرصة لاهاتفه و هو لا يتصل بتاتا (فمرة اتصلت اخبره ان ماني ذهبت للعمرة، و مرة عادت، و مرة احضرت له هدية من مكة عليه ان يحضر لتعطيه اياها، و مرة اخبرته اني اريد ان نتحدث عن العرس و متى يمن ان نقوم بالعرسو .... كل مرة اجد فرصة لاكسبه و اجلب مواضيع نتحدث فيها و لكن بالنيبة له كل ما اهاتفه اساله عن الجديد يقول كل شيء ناشف ،ثم يشتكي ان ليس لديه شيء و كسبه ضعيف و بالنسبة له الجديد فقط في العمل بعد ان يجيب كل شيء ناشف يقول الجديد في العمل ؟ و منذ قرابة شهر و نصف أو أكثر لم اتصل به لاني شبعت من كلامه المكرر كل مرة ، و لاني لم ارتح له لحد الساعة و كنت اعمل ما بوسعي لاكسبه و و لكن لا حياة لمن تنادي.
كم لا نلتقي كثيرا فقد التقينا مرة اخرى بعد عيد ميلادي بعد حوالي شهر منه و لم نلتقي بعدها لحد اليوم
كما احيط اعضاء المنتدى انه بعد ان حاولت ما بوسعي و بقيت انتظر لقاء اخر معه بعد الأخير قمت بصلاة الاستخارة لمدة 3 أيام مع الصيام معها تلك الفترة ، و لكن منذ انتهاء اليوم الثالث احسست ان لا مكان له في قلبي و اني لا استطيع العيش معه و اني انفر منه حتى
و اخبرت اهلي باني قررات فسخ الخطوبة خاصة بعد الصلاة و لك هيهات ، ما ان قلت قراري حتى انقلبت الدار على راسي ، و قالت ماني انه ان بقيت في هذا المنوال فلن تقبلني عندها، و انها ستحاول ان تعرف من الذي يلعب بعقلي و يحرضني على الفسخ و بالرغم من اني اكدت لهم ان احاسيسي نفرت منه و اني لم ارتح له و اني اشك في صدقه و عائلته فلم اتاكد من الحقيقة لانهم لم يحبوا ان يسأولوا عنهم
سامحوني ان اطلت الموضوع و لكن انا في حيرة شديدة من أمري أريد أن انفصل عنه، بكل الطرق دون ان اجرح مشاعره أو مشاعر أهله و أهلي ، كما اعلمكم أن اهله بعد الفيونساي عادوا مرتين مرة بعد المولد النبوي الشريف و مرة بعد ان عادت ماني من العمرة ،
ارجو ان القى عندكم جواب لمشكلتي و الحل بالتي هي حسنى و جزاكم الله خيرا لا تعبروا دون ترك رد، خاصة ان اهلهم يريدون العرس شهر سبتمر أو أكتوبر ، كما أنهم أخبرونا انهم لن يقيموا عرس فقط عشاء بين العائلة هذا يعني (لا عرس و لا مهيبات و لا جهاز و بالتالي تجهيز الغرفة فقط ثم ادخل عروسة على رجل لم ارتح له و انفر منه):s
 
رد: مساعدة عاجلة عاجلة عاجلة

وعليكم السلام ورحمة الله


ماهيشش مشكلة كبيرة اختي
بصح احسن حل هو الصراحة
تاخذي من رايي صارحيه احسن
 
رد: مساعدة عاجلة عاجلة عاجلة

سلام يا أختي الصراحة ماهوش مشكل يستاهل أنك تفسخي الخطبة بلاك هادي طبيعتو بلاك انسان مدين وتفكيرو راه فالسليم يخلي حاجز بيناتكم حتى تدخلي دارو مي راهو من حقك حتى وان ماسقساوش داركم أنت حاولي تسقسي لي يسأل مايتوهش وربي يجيبلك الخير خمي مليح ومتتسرعيش وأدعي في صلاتك .
 
رد: مساعدة عاجلة عاجلة عاجلة

ربي يكتبلك لي فيه الخير اختي
و اهله ممكن حشمو من الحقيقة باش يقولولكم
و خطيبك ممكن هو طبيعتو يحشم
زيدي صلي صلاة الاستخارة و الخير في ما اختاره الله
 
رد: مساعدة عاجلة عاجلة عاجلة

السلام عليكم اختي اولا ننصحك ماتتسرعيش في حكمك على خطيبك وتاني حاجة حاولي تسالي على كل ضروفه من عمل وسلوكه والسكن ثالث حاجة عاودي صلاة الاستخارة مرات ومرات واتوكلي على ربي واكثري الاستغفار والصلاة وربي يقدملك الي فيه الخير
 
رد: مساعدة عاجلة عاجلة عاجلة

سلامي اختي والله عيانة مي قرييتـ موضوعكـ للاخير ونخلي لاختي رد
شوفي ع حساب ماقلتي مالقيتش كاين مشكل كبير اولا شفتـ ف معرفك وين تسكني لقيتكـ حاطة الجزائر مانيش عارفة الا العاصمة ولا تقصدي الجزائر ككل المهم خلينـآ م هاذي الجزئية مع انها تفيدني شوي انا باش نعرف ناسك قصدي ناس خطيبك
شوفي اختي السيد وعائلتو مالقيت عليهم حتى مشكل كي قرييت واش كتبتي برك السيد عقليتو ماشي خرجات ودخلات وكاين بزاف هاكذا ونقولك خويا حتان حددنا موعد العرس باش بدا يهدر مع مرتو ف البورطابل يعني هذا شيء مليح اولا نقول لاختي علاش لي جان يشوفو بلي كثرت الهدرة ف البورطابل ادير المشاكل وتولي هدرة فارغة قليل وين تلقاي الغاشي يحب هاذو الهدرات راني نعرف العقلية هاذي مليح انا ههههههه مي خطيبك هذا اولا ماهوش امفتح عليك يعني مام يهدر معاك اتجيه شوي حشومة مع انو يبان ناس ملاح ع حساب واش حكيتي انت
وبالنسبة للزواج وو انت ع حساب مافهمت مازالك تعشقي ف هذاك لي بقيتي معاه 7سنين وعلمك الحب و العشق والحكايات هاذوما واتخيلتي هذا كيفو
اختي الحـٌب يجي بعد الزواج ماشي قبلو ديريها مليح ف بالكـ،وماتنسايش ( عسى ان تكرهو شيء وهو خير لكم ) ماتعرفيش الخير وين كاتبهولك ربي
وبالنسبة للسيد ماعندوش والضيق وو هاذو راهم المواصفات ديال نص شباب الجزائر وماشي العيب فيهم اختي وكي تروحي ليه اصبري وربي يفرج عليكم ماتقنطيش م رحمتو
وربي يجيب لي فيه الخير انا رديتلك كبحال اختي باسكو ع حساب واش قرييت راكي نادمة ع لي قبلتي وع لي درتي الخاتم وكبحال بنتيلي شايفة روحة محقوورة لالا يااختي ماتكبريهاش ف بالك وشوفي للجانب المشرق ف القصة بالاك السيد فيه حاجات تعجبك هههههههههههه

ايا مانطولش عليك
سلامي
 
رد: مساعدة عاجلة عاجلة عاجلة

لااااااااااااااااااا
اعملي الي ايريحك وما تعملي شي مجبورة عليه
قولي للشاب باختصار كلمتين (انا ما ارتحتلك نبغي نفسخ ... عادي ما فيها جرح مشاعر
حتى لو انو الشاب في قمة الاحترااام (( خلاص ما ارتحتيلو افسخي !!!!
اقنعي اهلك .. زيدي صلاة استخارة او بلصلاة العادية ادعي لربك يسهلك ....
ونقولك بصراحة عننسي وعيشة عزبا طول حياتك ولا انك تعيشي مع شخص ماش قادرة تتفاهمي معو !!
حابة تخدمي .. اخدمي .... خايفة على روحك من الناس !!! خلي معك سكين للضرورة !!
بصراحة انتي استفزتيني بموضوعك 3 مرات نمت وانا نقرا فيه !!!!
اتخيلي لو انك تجوزتيه وانجبتي طفل وبعدها تخالفتو وطلبتي الطلاق وقتها رح تكون مصيييييبة عليكي لحالك
ماش عليه ولا على اهلك روحي ربي يسهلك
قال تجرح مشاعره قال !!!!!!!!!
 
رد: مساعدة عاجلة عاجلة عاجلة

سلامي اختي والله عيانة مي قرييتـ موضوعكـ للاخير ونخلي لاختي رد
شوفي ع حساب ماقلتي مالقيتش كاين مشكل كبير اولا شفتـ ف معرفك وين تسكني لقيتكـ حاطة الجزائر مانيش عارفة الا العاصمة ولا تقصدي الجزائر ككل المهم خلينـآ م هاذي الجزئية مع انها تفيدني شوي انا باش نعرف ناسك قصدي ناس خطيبك
شوفي اختي السيد وعائلتو مالقيت عليهم حتى مشكل كي قرييت واش كتبتي برك السيد عقليتو ماشي خرجات ودخلات وكاين بزاف هاكذا ونقولك خويا حتان حددنا موعد العرس باش بدا يهدر مع مرتو ف البورطابل يعني هذا شيء مليح اولا نقول لاختي علاش لي جان يشوفو بلي كثرت الهدرة ف البورطابل ادير المشاكل وتولي هدرة فارغة قليل وين تلقاي الغاشي يحب هاذو الهدرات راني نعرف العقلية هاذي مليح انا ههههههه مي خطيبك هذا اولا ماهوش امفتح عليك يعني مام يهدر معاك اتجيه شوي حشومة مع انو يبان ناس ملاح ع حساب واش حكيتي انت
وبالنسبة للزواج وو انت ع حساب مافهمت مازالك تعشقي ف هذاك لي بقيتي معاه 7سنين وعلمك الحب و العشق والحكايات هاذوما واتخيلتي هذا كيفو
اختي الحـٌب يجي بعد الزواج ماشي قبلو ديريها مليح ف بالكـ،وماتنسايش ( عسى ان تكرهو شيء وهو خير لكم ) ماتعرفيش الخير وين كاتبهولك ربي
وبالنسبة للسيد ماعندوش والضيق وو هاذو راهم المواصفات ديال نص شباب الجزائر وماشي العيب فيهم اختي وكي تروحي ليه اصبري وربي يفرج عليكم ماتقنطيش م رحمتو
وربي يجيب لي فيه الخير انا رديتلك كبحال اختي باسكو ع حساب واش قرييت راكي نادمة ع لي قبلتي وع لي درتي الخاتم وكبحال بنتيلي شايفة روحة محقوورة لالا يااختي ماتكبريهاش ف بالك وشوفي للجانب المشرق ف القصة بالاك السيد فيه حاجات تعجبك هههههههههههه

ايا مانطولش عليك
سلامي
يااا سبحان الله نفس الي كنت رح نقولو

كلامك يا اخت ((ام عبد الله (اخت نينا !!!
100/100
لكن بلاخر لا انا ما اوافقك البنت صلت استخارة وحاولت وحاولت والشاب بايعها و يقولها بكلام مكرر !! لما هي تحكي معو
وش يعني اذا وضعو المادي ماش مليح .. ما يعرف يحكي مع الخطيبة كلمتين حلوات !!!
طبعا يعرف لكن هو غيرب ومن كلامها اعتقد انهم في التقاليد مختلفين شوي ( انا ما بطلعلي احكي في التقاليد هه)
يعني مثلا انا ماش بس وضعي المادي اناا فوقي طين بلة وقاعد على طين بلة وبقول كأني شامم ريحة طين بلة مبغاش اقول ريحة اش !!!
انا لو محلها ما بوخذ على اراء الاعضاء والتعليقات (( كلام الناسس لا بيقدم ولا يأخر
براجع نفسي وبوخذ رايي وتفكيري انا وبس
 
رد: مساعدة عاجلة عاجلة عاجلة

اخت نينا !!! انتي وش عرفك بعقلية الهدرة علبورطابل !!!!!!!!!!!
نسيت نقول حاجة
بلنسبة للشاب الي تبغيه من 7 سنين اما بتنسييه او بتواجهيه !!
انا عن نفسي
مرة اعجبت في بنت ما كنت اقدر اوصلها او احكي معها ما في علاقة واالو ظلت اربع سنين في بالي
ولما شوفتها عباب عمارة بشارع وسط المدينة فهي وقفت ف شتمتها !!! ما نعرف علاه ! ما تحدثنا واالو
انصدمت البنت وراحت وانا كمان انصدمت وروحت وفعلاا راحت عن بالي وشعرت براحة كبيرة
عقبالك !
 
رد: مساعدة عاجلة عاجلة عاجلة

اخت نينا !!! انتي وش عرفك بعقلية الهدرة علبورطابل !!!!!!!!!!!
لي اخوة واخواتـ متزوجين اخي ف الله وكوني الصغرى كـٌل الامور تصلني اول باول;) لذا انـآ ع دراية تامة ( نعرف كيفاش يخمم وليد بلادي سوغتو الا كان م منطقتي :-h)
نسيت نقول حاجة
بلنسبة للشاب الي تبغيه من 7 سنين اما بتنسييه او بتواجهيه !!

انا عن نفسي
مرة اعجبت في بنت ما كنت اقدر اوصلها او احكي معها ما في علاقة واالو ظلت اربع سنين في بالي
ولما شوفتها عباب عمارة بشارع وسط المدينة فهي وقفت ف شتمتها !!! ما نعرف علاه ! ما تحدثنا واالو
انصدمت البنت وراحت وانا كمان انصدمت وروحت وفعلاا راحت عن بالي وشعرت براحة كبيرة
عقبالك !

المواجهة مـآ مواجهة هذا ليس بيتـٌ القصيد وليستـ لي دراية به اما عن قولكـ لي انهـآ استخارتـ ووو كمـآ اسلف ردكـ السابق
فاقول اخي هي طلبتـ النـُصح ولكل واحد منـآ لديه نظرته للامر وهي عليهـآ ان تزن الكلام جيدآ وترى مـآ يـٌنـآسبهـآ فنحن هـآهنـآ لا نـٌسيف عليهـآ الامور ولا نبسطهـآ بل نحللهـآ كما هي وكمـآ وصلتنـآ الوقـآئع

وان راتـ انهـآ ستكون احسن بدونه فلهـآ ذالكـ وان قررتـ المـُضي قـٌدمـآ فلا احد لديه عليهـآ بـٌرهـآن فمـآ هـآته الصفحة الا بـآبـآ لسمـآعهـآ وربمـآ تقديم بعض النصائح لهـآ ( مع اني لم اكـٌن ف صفهـآ هذا لايعني اني كـٌنتـ ضدهـآ )
آه تذكرتـ وتلكـ الملونة بالازرق ارىـ انكـ لم تفهم كلمـآتي حقـآ فانا شرحتـ كلمـآتهـآ ولم اعني نفسي بتلكـ المقولة او ان النوم هو ما اراكـ امور لم تكـٌن اصلا ف ردي:-h
دٌمتـ ناصحـآ اخانا ف الله مع اني كـٌل مرة اشـُكـ انكـ منتحل لشخصية الفلسطيني هههه

سلامي
 
رد: مساعدة عاجلة عاجلة عاجلة

مشاااااااااااااااااااااااااااااء الله عليك فصيحة
اسمعي اراء الاعضاء ودي اللي يريحك
خاطرش كل واحد فينا تكون عنده تجريبة فهاد الشي
نقولك انا كوني جربت وجربت وجربت حتى قلبي سخف
كامل اللي حكيتيه راني معاك فيه ومن حقك يركبك الشك هاكدة
مانطولش عليك مي صلاة الاستخارة ماشي غير 3 ايام
لالا اااشابة .....داوميها الى ان تفرج اذا نتي عاد باقيلك شهور انا كان باقيلي غير يام ونعقد
تعرفي واش هي نعقد يعني خوفهم من كلمة طلاق دون دخلة
بصح ربي كريم ورحيم الحيت عليه وبكيت كل يوم صلاة الاستخارة
نصيحة دااااااااااااااااااااااااااااااااااومي عليها
واذا تزوجتي بيه ونتي مازال مارتاحيتيله قولي مكتوبي
الله ينور بصيرتك ويجيبلك اللي فيه الخير
 
رد: مساعدة عاجلة عاجلة عاجلة

اذا ما كيش مرتاحالو غير حبسي هنا مزال ما صرا والو و الله يا اختي العزيزة غير عندي وحدة فاميلتي صرالها كيفك و قالت لدارهم ودارولها حالة يعني حشمو من الناس و واش يقولو الناس و مدوهالو بالسيف عليها والله غير نهار صباح عرسها قالتلهم ديوني معاكم و والله غير جات لدارهم ما طولتش عندو وطلقت بطفلة والله يا ختي غير ديها نصيحة من عندي ادا ماكيش مرتاحالو غير حبسي ثم و ما يهمك حتى واحد هادي عشرة ماشي نهار ولا سمانة و داركم يعياو وينساو كلشي بالسيف غير الزواج لالا اسمعي لقلبك واش يقول انا من جيهتي ماعجبني لا هو لا دارهم وربي يو جهك لطريق الصواب
 
  • أعجبني
التفاعلات: sabi2
رد: مساعدة عاجلة عاجلة عاجلة

المواجهة مـآ مواجهة هذا ليس بيتـٌ القصيد وليستـ لي دراية به اما عن قولكـ لي انهـآ استخارتـ ووو كمـآ اسلف ردكـ السابق
فاقول اخي هي طلبتـ النـُصح ولكل واحد منـآ لديه نظرته للامر وهي عليهـآ ان تزن الكلام جيدآ وترى مـآ يـٌنـآسبهـآ فنحن هـآهنـآ لا نـٌسيف عليهـآ الامور ولا نبسطهـآ بل نحللهـآ كما هي وكمـآ وصلتنـآ الوقـآئع

وان راتـ انهـآ ستكون احسن بدونه فلهـآ ذالكـ وان قررتـ المـُضي قـٌدمـآ فلا احد لديه عليهـآ بـٌرهـآن فمـآ هـآته الصفحة الا بـآبـآ لسمـآعهـآ وربمـآ تقديم بعض النصائح لهـآ ( مع اني لم اكـٌن ف صفهـآ هذا لايعني اني كـٌنتـ ضدهـآ )
آه تذكرتـ وتلكـ الملونة بالازرق ارىـ انكـ لم تفهم كلمـآتي حقـآ فانا شرحتـ كلمـآتهـآ ولم اعني نفسي بتلكـ المقولة او ان النوم هو ما اراكـ امور لم تكـٌن اصلا ف ردي:-h
دٌمتـ ناصحـآ اخانا ف الله مع اني كـٌل مرة اشـُكـ انكـ منتحل لشخصية الفلسطيني هههه

سلامي


طيب بديش احكي دزيري عشان تصدقي !!! ومتفكريش اني منتحل
انا عارف ان الشاب الي هي بتحبو من 7 سنين مش انتي .. انا مش تنبل !
وهاي كانت وجهة نظري.. انشالله تعجبها !!
وتوخذ عليها لانو غير هيك حيكون مصيرها جهنم وبئس المصير
وانا شوفت انو اغلب التعليقات بتكولها ( خوذي الشاب خوذي الشاب .. تكولي فش غير هلشاب في الدنيا .. اخر حفيد لادم مثلا ؟! وانا لا بصفها ولا ضدها بس والله قطعتلي قلبي يمكن انفعلت شوبة
 
رد: مساعدة عاجلة عاجلة عاجلة

تذكري انــــ ه


ماندم من استخار ولا خاب من استشار
°



 
رد: مساعدة عاجلة عاجلة عاجلة

شكرا لجميع الأعضاء على هذه المشاركات و الردود
بداخلي قناعة انه يجب فسخ الخطوبة و لكن اهلي ليسوا بجانبي ما جعلني اخاف من المواجهة مرة اخرى و انا متاكدة ان حياتي معه ستكون جافة و غير سعيدة ، فانا اصبحت عديمة الاحساس من جانب ، و تاكدت اكثر اليوم فقد هاتفني يوم السبت و لكن لم اود ان ارد عليه ارسل مساج ليستفسر لاجبته بكل برودة دون السؤال عن حاله حتى ان الموبايل كان صامت و لم انتبه له في اليوم الموالي اعاد الاتصال فرددت عليه ببرودة و الله لم اقم بهذه الاعمال و الاجابة ببرودة عن قصد و لكن ليس من عادتي تصنع الاحاسيس و الكذب بمشاعري و كل ما قمته به و الله و الله كان عفويا بما احسست به ، كما انه اليوم جاءني للمحل و ايضا لم استطع ان اكلمه بلهفة و احاسيس دافئة احسست اني كلمته ببرودة فانصرف و قال انه كان مار من القرب من المحل فجاء ليطمئن و ذهب و تركني و لا اكذب اني كنت مستعدة للحروج معه و لكنه ذهب
لا اعلم ماذا افعل معه و لماذا اصبحت اكلمه بهذا الجفاء
 
رد: مساعدة عاجلة عاجلة عاجلة

سلام يا أختي الصراحة ماهوش مشكل يستاهل أنك تفسخي الخطبة بلاك هادي طبيعتو بلاك انسان مدين وتفكيرو راه فالسليم يخلي حاجز بيناتكم حتى تدخلي دارو مي راهو من حقك حتى وان ماسقساوش داركم أنت حاولي تسقسي لي يسأل مايتوهش وربي يجيبلك الخير خمي مليح ومتتسرعيش وأدعي في صلاتك .
اختي لفتت انتباهي كلمة طبيعتو هكذا، و خلاتني نخمم فيها و نقول مع نفسي أنو راني بعيدة عليه ما قدرت نحمل عقليتو هاذي و نفهم واش يخمم و ما قدرت نحس روحي مرتاحة معاه على جال هاذ العقلية نتاعو و لدرجة وصلت فيها وليت نحس بالفتور من جهتو و عدم الرغبة في معاشرته و العيش معه ، فمابلك إذا كانت هذه طبايعو و عقليتو اللي رايحة ترافقني طول العمر حطي روحك مكاني ، شخص تعرفي بلي عقليتو هذه هي و ماشي قادرة تتقبلي عقليتو واش راح تكون ردة فعلك و واش رايحة تتعاملي مع عقليتو.
 
رد: مساعدة عاجلة عاجلة عاجلة

السلام عليكم و رحمة الله و بركاته
عندي شحال ما زرت المنتدى و حبيت نقول حكايتي مازال ماخلاصت و مازالني في الهم
نهار لي قلت فيه عيطلي و مارفدتش و في الغد عيطلي و هدرت معاه ببرودة جاء عندي للمحل هذاك الأسبوع بالثلاثاء وقت خروجي بصح الله غالب ما قدرت نجاوب معاه، خليتو واقف نهدر معاه بسيف حتى قالي كنت جايز من هنا قلت نشوفك قالي مازال ما تخرجي قلت دوك شوية نخرج بصح ما بينتلو بلي مستعدة للخروج فورا راح و خلاني حايرة كي راح هكذاك خاطر كنت نكمل واش في يدي و نخرج معاه بصح بصراحة فرحت كي راح و كنت معاه.
و اليوم حدث نفس الشيء جاء للمحل دون سابق انذار كالعادة ، قالي مازال باه تخرجي قلت له مازال ، قالي ماتقولي نسيتك راني مشغول شوية قالي كنت جايز من هنا قلت نشوفك قالي راني نخدم من هاذ الجوايه قلت وين قالي في الإذاعة و التلفزيون حاجة تحير أ‘ضاء المنتدى هذه الخدمة الرابعة في 7 أشهر ملي تخطبنا قالي جزت السمانة لي فاتت من هنا ما دخلتش طليت من بعيد ماشفتكش قلتلوا واقيل نهار لي ماجيت رحت للبلاد قالي غيه مليح راكي تحوسي و هدر سخافات كالعادة و راح
بصح أنا تقلب حالي مور لي راح تخنقت من القلق حتى طاحولي الدموع قدام الزبائن و شافني مول الحانوت قالي واش قالك من صباح راكي مليحة جا هو تبدل حالك قالي روحي أغسلي و شحال بقيت باه هديت و كملت شغلي ما قدرت نخرج بكري اليوم كان زبائن كثير و كنت أنا و مول الحانوث برك ما قدرت نخليه وحدوا و بعدها أهدرت لماما بلي أعييت و مالقيت سلاك قلتلها هذ الشخص محال نكمل حياتي معاه قاتلي ما عندنا ما نديريو بنتي لعبوهنا كي دارو الفيونساي هكذا أعطوني حل الله يسترككم أعييت و الله عييت
 
رد: مساعدة عاجلة عاجلة عاجلة

السلام عليكم و رحمة الله تعالى و بركاته

الله يكون معاك و يسهلك أمرك

أختي قصتك طويلة بزاف و ماقدرتش نكملها قريت باختصار فقط بانتلي القصة و ما المقصود فيها

ربي يعطيك ما تتمني
 
سلام اخوتي هاذي مدة ما دخلت للمنتدى الحكاية مازال ماخلاصت
حبيت نقول بلي رمضان كامل ما عيطلي و ما حوست عليه ، ماما سيفت علي نهار الأول عيطت لختو قلتلها صح رمضانك بصح هوما ما حوسوا ما والو
و في العيد عيطلي دقيقة و كوبا كنت حابة نقولو يعطيني يماه و البنات خواتاتوا نقولهم صح عيدهم بصح ما عطاني الفرصة قالي صح عيدك سلمي عليهم و قوليلهم صح عيدهم و كوبا
و مع لعشية ماما سيفت علي نعيط لختو و قاتلها أعطيني نهدر مع يماك أعطاتها رقم هاتفها و في الليل اتصلت بيها و جوزتهالي على أساس أنا حابة نهدر معاها.
نهار الزلزال بالجمعة صباح قالولي في الدار عيطي لوستك سقسي أعليهم جاوبتهم بلي بزاف، في كل مناسبة رانا حنا اللي نعيطوو هوما و لا مرة دارو جازت حاوسوا علي و هي بالحق بالعكس الخطوبة أهل العريس هوما اللي يعيطو في كل وقت ماشي العروسة دوك يقولوا بلي راكم حابين تشدوا بسيف و قالولي خلاص ما تعيطيش
على الزوال عيطت ختوا جابتها سبة زعمة تسقسي على أحوالنا و هي باه تخبرنا بلي بالغد السبت راهم جايين تع العيد
قاتلها ماما أيح مرحبة بيكم ، و أحنا كنا ما موجدين والو القاطو ما حبينا نديوره حتى يجو باه يبقى جديد نمدولهمعلى كل حال
جاو بالسبت ، و قبل ما يجوا ماما عيطت لختوا باه توصيها إذا راهم جايين على تاريخ العرس ما تقول عليه خاطر ماناش وحدنا ، قالتلها أوكي
و جاو مع العشية على الرابعة و نصف ، جات بماه و 2 خواتاتو بالطبع اللي ديما نتصلو بيها جابو سنيوة قاطو، و كادو(جبة تع دار سامبل تع الفينا و بلغة تع النيلون)
هدرنا عادي في مواضيع مختلفة، أو بالأحرى وما هدروا ماشي أنا
قبل ما يكونوا رايحين كنا في الكوزينة أنا و ماما و اختي جات ختوا الكلوفية بيان سور ، قالت بلي قولونا وقتاه ديروا العرس باه نديروا موراكم ب أربعة ايام هكاك، قالتلها ماما قوليلي الشهر اللي راكم حابين قالتنا مور العيد ان شاء الله قاتلها ماما ايه كيما تحبوا.
أنا بصراحة اتفاجأت و الله ماني موجدة والو خصوصا كي درت في بالي باه نحبس معاه حاجة ماولات جيني على خاطري يالوكان حاجة تع الجهاز.
المهم كي اتفاجأت قلتلها واش من العيد هادا اللي راه جاي قاتلي ايه ماعرفت كيفاه جاتني الجرأة و جاوبتها بلخف أواه ماشي دوك على الأقل في الربيع و لا مور الربيع
بصح ماما بقات تقول إليه كيما تحبوا، و اختي ثاني معاها ايه كيما تحبوا
بصح أختو فهمت بلي ما ناش متفقين على كلمة واحدة قاتلنا أتفقوا بيناتكم و ممبعد قولونا و راحوا
مور ما راحو بقاو الدار يديرولي حالة يالله سهلي على روحك و ما تبقاي توعسي الحالة ، ثم عمتي قاتلي هاية ليكيدي روحك و هي ماكانت سامعة بالتاريخ ، أنا زعفت خاطر كملت علي بهاد الكلمة قلتلها مانيش بيدون زبل نليكيدي روحي زعفت كي جاوبتها و راحت ، و على هاذ الضربة زادوا الدار كيفاه جاوبتي اليوم هكذا لوستك و زدتي عمتك
حاسون دارولي حالة خاصة كي هدرت و قلت مانيش حابة مور العيد.
و بقيت نتحاور مع ماما حتى زلقت بالكلام أنو خذا ديبريسيو كي كان صغير خاطر رفد السلاح في وجه عموا و دخل إعادة التربية قلتلها كيفاه واحد مهبول تمدوني ليه قاتلي معليه أصبري كيما أحنا أصبرنا و واش فيها إذا كان مريض تدي فيه حسنة قلتلها الحسنة لوكان نتزوج معاه و يمرض نبقى معاه هكاك ندي حسنة ، بصح باه دوك نرمي روحي ماعلاباليش وين ماشي حسنة.
حاسون بقينا هكذا نتناقشوا ثم اسكت و رحت للبيت لقيت ختوا عيطتلي 4 مرات بيبيتلها عاودتلي و هدرت معايا
قاتلي موقبيل شفتك ماحبيتيش العرس مورالعيد، قاتلي مام هو (مامو) ماحبش هاد العام و دارنا حالة اللي هدرنا على التاريخ ، قاتلي حنا كنا حابين العام الجاي باه يوجد روحو بصح يماك هي اللي كانت كل مرة جي عندي للخدمة و تقولي وقتاه ديروا تاريخ العرس ، قاتلي كي شفناها تقلقت قلنا نديروا هاذ العام بالشيء الللي واجد برك ماشي كيما كنات حابين نديروا.
و قاتلي ماتزعفيش علي بصح مقبيل كي جينا أنا و يما حسيناك ماكيش فرحانة ما حبيتي تهدري معانا و لا تضحكي كيما مالفة قاتلي في عينيك بان بلي ماكيش فرحانة ، قاتلي إذا ماكيش حابة تتزوجي قولي دوك ماتخليناش حتى نوجدوا كل شيء ، أنا بصح ما دخلت في لعبها كيما يقولوا ناس الزمان إذا كان الانفصال لازم جي من عند العريس ، أنا قلتلها ماشي هكدا بصح مازال ماقدرت نعرف خوك و نفهموا ، حسيتها زعفت كي قلتلها ما عرفت خوك، ثم بداو دارنا يدوروا قدامي فاقت بلي راني مديرونجيا ، قاتلي معليه كي تكوني ألاز عيطيلي و كوبات
ممبعد أنا رحت لماما قلتلها إذا أنت صح قلت هاد العام قاتلي لالا قلتلها واش حبيتي يقول راكي تليكيدي في بنتك كل مرة ترحي عندها تسقسيها وقتاه العرس ، قاتلي أنا كنت تسقسيها باه يقولو على بكري هاذا عرس و لازملوا توجاد، ماشي يخلولي شهر و لا 2 نحصل مين نبدا ، قلتلها مالا راهم محصلين فيك بلي انت اللي زربتيهم على العرس و هو دارلهم حالة كي هدروا عليه و هو حاب العام الجاي.
مور هذا أنا حرت إذا نعاود نعيط لختوا و نحكيلها واش كاين مع خوها و ترددت و دعيت الله باه يبينلي إذا نعيطلها و لا نسكت على الموضوع و نبقى وحدي حايري و بعد هاذ ربي سهلي أمري و عيطتلها بالطبع ماشي في الدار و لحد الآن مازال ما سمعوش بلي عيطت لختوا و نقولها واش كاين رحت عند وحدة صحبتي كانت وحدها و هدرت من عندها في الشرفة
حكيتلها كل شيء بلي أنا اللي كنت نحوس عليه نعيطلوا و هو ما يحوس ما والو ، قاتلي هو هكذا يحشم و جامي عرف وحدة قلتلها أنا ثاني نحشم و جامي عرفت واحد قاتلي أعلابالنا وجه الخروف معروفقلتلها لوكان عرفت لوكان تزوجت كيما قاع لبنات مع واحد نعرفوا بصح هي بقات تأكد بلي هو يحشم و جامي عرف و هذي هي طبيعتوا قلتلها أنا ثان نحشم بصح كي تخطبت قلت لازم نتقرب من خطيبي اللي راح يولي زوجي و لازم نسكبوا لي ، قاتلي صح هذا بصح واش ديريلو هو هكدا جابد لروحو أحنا خواتاتوا و نتقلقوا من عقليتوا ، قلتلها راكي تقولي أنتوما خواتاتوا تتقلقوا منوا كيفاه أنا اللي ما نعرفوش و فوق هاذ قاع درت قاع واش نقدر باه نسي نفهموا ، قاتلي عمرك ما تفهمي الراجل، أنا ثاني عرفتوا قبل الزواج و تخطبنا و مازال ما قدرت نفهموا ، و قاتلي بلي شاطرة عليه هو يحشم بصح شوفي انت كيفاه راكي تهدري معايا في هاذ الموضوع هو ما عندوش الجرأة باه يقول هكذا (معناه خوها قالي أنت خير مني ، و أختوا قالتلي انت شاطره عليه، معناه أنا نتزوج مع راجل هو يتكل علي ماشي أنا)و قلتلها بلي قالي نسيتك تفاجأت و قاتلي عندك الحق ماشي كلمة يقولها ، قلتلها بصراحة من نهار قالهالي سيبو ما وليت نقدر نرفد الهاتف و نعيطلوا نقول المرة الي فاتت مور 3 أشهر ما حوس علي قالي نسيتك والمرة الجاية مالة يقولي شكون أنت مانعرفكش، قاتلي بالاك فاسون بارلي، نورمال ، و هاذا ماهوش مشكل تزعفي عليه ، و هي قاتلي بلي شعال من مرة يعيطلك ماتريبونديش عليه قلتلها هادي صرات مرة و لا زوج و فهمتوا ساعات نخلي الهاتف صامت و لا فيبرور مانفيقلوش
و حكيتلها على المرة اللي جاني للحانوت كنت باه نوجد روحي نخرج معاه خلاني و راح على أساس كان جايز برك، قاتلي صح قالنا عليها بلي كان جايز برك
و في الأخير قاتلي نورمالموا تسعفيه و تتفهمي وضعوا كي راه يدير لك هكذا بالاك الشيء اللي خلاه معاك هو كي معندوش خدمة ستابل و راه داخل على مسؤولية. (قلت في قلبي اللي ينوي باه يجيب بنت الناس لازم يكون يقدر على مسؤوليتها) ، حاسون هدرتلها كل شي ءبالرغم من أنها ما خلاتني نهدر بزاف خاطر هي اللي تهدر بزاف و تغلبني بالهدرة
و قاتلي هاد الهدرة نورمالمو تقوليهالو ليه ماشي لي، على اساسخوها يفهم، بصح أنا نبهت عليها باه الهدرة تبقى بيناتنا خاطر خفت لوكان تخرج قادرة توصل للدار بلي هدرت مع ختوا و يصراولي مشاكل و أنا مانيش قادرة على المشاكل على جالوا ، و تكوباتالي المكالمة خاطر خلاصلي الرصيد بصح ما عودتش
و من هاذاك النهار ما بان خبرهم لا هي عيطت تسقسي و لا هو عيط و لو يسقسي إذا عجبني الهدية ، و دوك راني حايرة كيفاه نبطل مع هاذ المهبول اللي تبليت بيه خصوصا كي هدروا على العرس
أرجوكم أرجوكم أرجوكم مساعدة بأراء و أفكار
 
وش اخباارك اختي تحلت مشكلتك ولا مزالت معقدة امورك ؟؟ابشيرينا ....
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top