طقوس غريبة ووصفات سحرية للزواج

قال mlina4algeria:

اه يا اختي وصال كل يوم نسمعو بخرفات جدد و كل مايدخل عام جديد نسمعو بخرافة جديدة كي شغلت يتبعو لامود
اولا السلام عليكم ، شكرا لاعتماد الموضوع ، عجبتني بزاف هاذي نتاع يتبعو لامود ، شوفي ماشي يتبعو لامود المشكل التعانيد في الشي لي يصلح ولي مايصلحش

انا سمعت كي تكون عروسة لبنات الي هذاها لازم يلبسو خاتمها و قشها وحدة مور الاخرى بالتسلسل الزمني و المكاني ههه
تحبي الصح كاين لي يديروها من جانب التسلية وكاين لي يديروها وعندهم نية انهم ربما يتزوجو وفي كلا الحالتين البدع والخرافات تبقى بدع وخرافات والانسان لازم يتقي الشبهات

نستناو مكتاه توصل الضربة القاضية و يبعثلنا ربي كاش كارثة طبيعية لانو الجهل كل يوم يزيد و القادم ربي وستر وخلاص
ربي يسترنا ويحفظنا ان شاء الله .

مي السؤال المطروح كيفاه تقدر تقنعي هذو الي يروحو لهذوك الدجاليين انو كلش خورطي ؟
الانسان مالازمش ييأس ويقول كلمة الحق في كل مقام ، المهم يدير لي عليه والامر كله لله ، هو لي يهدي عبادو ، لكن التذكرة واجبة وتغيير المنكر واجب علينا كامل واضعف الايمان اننا نغيروه بلسانا .
انا عن نفسي معنديش وسائل الاقناع شحال من مرة نشوف وكي نهدر كلي ماهدرتش؟
​

صح عندك الحق باش تقنعي انسان يلزملك ، بصح والله كاين مرات ربي يوفقك لهذا الامر وما هو توفيق الا بالله ، الانسان ملزمش يسكت كيشوف هكذا امور ،هو يهدر ويحاول وميسكتش على المنكر ،ومتعرفيش كيفاش ربي يبدل العبد وعلاش متكونيش انت ولا انا سبب في هدايتو بعد الله طبعا ، بصح هذا يكون بالاصرار ، وتحمل الشتم وكل انواع السب على خاطر لي ميخافش ربي اتوقعي منو كلش ، راح يقولولك متفتيش علينا و...و..... بصح المهم انك ديري الشئ لوجه الله والله الموفق.

شكرا جزيلا على المشاركة في النقاش .

إضغط للتوسيع...

قال happy69:

كدب المنجمون ولو صدقوا .. احيانا يصادفهم الحض و تعرس العروس بس هدة صدفة . و المشكلة أن هدة الصدفة يصدقها الكثير و يعتبرها برهان لمقدرات المشعود و الدجال .
لا حول ولا قوة ألا بالله .. التزم اخى المسلم بالدعاء فقط .. أن الله قريب و مجيب لدعاء

إضغط للتوسيع...

قال ساندريلا زماني:

وعليكم السلام صح اختي كاين منها مازال ناس عايشن في الجهل ويامنو بهاد الحوايج

يروحو للسحارين ويديرو السحور هاداك كل باه يتزوجو حسب ظنهم ونساو العقاب تاعها بلي راهم كفرو ودارو كبيرة

وتاع الخاتم والعفايس هادو

انا يااختي نهار الفاتحة تاعي محطيتهاش تجيني من بنات خالتي
بقاو يعسو فيا

وانا نحسب محبة منهم

متحركوش من لاشومبر لي راني فيها كي خرجت جيت من الصالون

كانو يعسو في بعضاهم وحدة خطفتلي الخااتم ووحدة الصباط ووحدة لاغوب في ظنهم يتزوجو كي يديرو هك ! :-o

الشي لي خلاني نخاف على روحي لابنت خالتي لازوج الحيطة لازمة

ولي تخوف اكثر تاع الحنة لي كون جاو ميديرو بيها مي كي تولي في السحور راهي تتطفر ربي يسترنا ويحفظنا ويكفينا الشّر بكلّ انواعو

إضغط للتوسيع...

قال وصال:

شكرا جزيلا اختي على المشاركة في الموضوع
صح الانسان ولا يخاف من كل شئ ولامان ماكانش في هذا الزمان ، وهادي نتاع الحنة مكنتش نعرفها ولا نسمع بيها لكن مرة كنا نحكو انا وصحاباتي واحدة قاتلي لوستها مسكينة نهار لي خطبوها مرت خو راجلها جابت التبق وقاتلي دارت طقوس غريبة في الحنة ، قاتلي امبعد فهمنا بلي ماجابتش ذراري ونحات السحر ديالها في الحنة نتاع لعروسة الجديدة وحساب ماقالت قعدت 5 سنين ماجابتش ولاد وحتى لعروسة الجديدة قعدت نفس المدة ، المهم انا مامنتش هذا الامر بصح السحر موجود والله اعلم ، كلشي مقدر .

من أحاديث النبي عليه الصلاة والسلام الجامعة المانعة: عَنْ ابْنِ عَبَّاسٍ قَالَ: كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمًا فَقَالَ: ((يَا غُلَامُ, إِنِّي أُعَلِّمُكَ كَلِمَاتٍ: احْفَظْ اللَّهَ يَحْفَظْكَ, احْفَظْ اللَّهَ تَجِدْهُ تُجَاهَكَ, إِذَا سَأَلْتَ فَاسْأَلْ اللَّهَ, وَإِذَا اسْتَعَنْتَ فَاسْتَعِنْ بِاللَّهِ, وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ, وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ, رُفِعَتْ الْأَقْلَامُ وَجَفَّتْ الصُّحُفُ))
[أخرجه الترمذي في سننه]


ربي يحفظنا بحفظه وستره امين يا رب.

إضغط للتوسيع...

قال ياقوتة الصحراء:

الجهل والسحر و الشعوذة معندهمش علاقة بالتكنولوجيا و التطور ابدا
لكن ضعف الايمان و الفراغ الروحي و البعد عن الله هي لي
تخلي الناس هذي تآمن بالشعوذة وتقصد السحارين

ربي يبعد علينا شر السحرة و المشعوذين ​

إضغط للتوسيع...