ادخلو وتفكرو

قال tistissa dj-tissou:

ههههه موضوع هايل
انا نتفكر نهار درت اول مرة الكسرى درتها مااالحة شط جابت شحال وهي محطوطة واحد ماداق منها وضرك الحمد لله وليت ندير كسرى وعليها لكلا م
​

إضغط للتوسيع...

قال أسيرة الوداع:

انا نتفكر اول خطرة باش نلوح رقاق تلاقيت انا و بنت عمي نتعلموا و في كل قرصة ما نحطوها في طاوا غير تكون تقطعت ويعود عندها وحد الشكل يا لطيف المهم في الاخير ماما نوضتنا باه تلوح رققات لبابا باش ما يجيهش تسمم هههههههههههههههههه

إضغط للتوسيع...

قال ام سراج الدين وملك:

أنا اول حاجة نطبخها هي البطاطا مرقة كانت ماما مكانش فالدار وخوتي صغار مالقيت مانعشيهم ههههههه
شوفي سماح وقيلة درت 4 حبات بطاطا ولا 5 هاذوك لي لقيت فالدار رابيت عليهم أكتر منهم بصلة ههههههه وكترت الزيت جات واش نقلك لي يدوق مغرفة مايعاودش ههههه سامطة رهج ههههه

إضغط للتوسيع...

قال غمامة أمل:

سلام خياتي هذي أول مشاركة ليا في المنتدى عندي سنين نتبعكم وغير كيما سجلت وعندي مدة نحاول نلقى الموضوع إلي نبدا منه وأخيرا عجبني موضوعك وأتشرف أن تكون أول مشاركة ليا في موضوعك:-r
أنا أول حاجة طيبتها هي شكشوكة نتاع البصل و درتلها القرفة:d
قعد خويا يقولي لالا ما تجيش بالقرفة وأنا نقولو أنا إلي نعرف :sport01:
واش نحكيلك جات حلوة تقول قاطو :d
كي جات ماما شبعت ضحك عليا بالصح كلاوها وما خلاو منها والو هههههه:d​

إضغط للتوسيع...

قال رنيم الصمت:

عييت نعصر في مخي متفكرتش هههههه
​

إضغط للتوسيع...

قال nour el hanna:

السلام عليكم

نحكيلكم حكايتى مع اول طبق طبختوا كنت نقرا السنة ا الرابعة ابتدائى . دارنا كانوا معروضين للعشاء لواحد العرس قعدت فى الدار مع خاوتى وجات خالتى تونسنى خالتى كانت صغيرة كماانا
الماكلة كانت مزايدة من الفطور عشيت خاوتر وقعدنا مقسرين حتى دخل جدى كان مسافر.
.
الجواز كمل الخبز مكاش قاعدة نخمم واش نحطلوا دبرت عليا خالتى مايسلكها غير فطيرة وسلاطة راهى سخانة وهو مايحبش البطاطا مقلية
رحت نجرى خدمت فطيرة الحل الوحيد .خالتى خدمت السلاطة. ذيك الفطيرة واش نقولكم خبزتها انا جيت نقلبها وتفركتت عشيت نحمر فيها مورسو. مورسو حطينا الماكلة وقاعدين نستناو كاش تعليقات .تبسم قالنا الفطيرة راهى سخونة طيبتوها ذوك قلنا نعم هز راسو عاود تبسم. مانقولكمش على الفرحة تاع ذاك النهار كانى درت انجاز عظيم وذيك البسمة وسام شرف ليا ماننساش ذاك نهار ماحييت

إضغط للتوسيع...

قال salma zayna:

قاطو الطابع هههههههههههههههههههههه واكيد كنت نديروا يابس حجرة ههههههههههههههههه

إضغط للتوسيع...

قال صريحة:

السلام عليكم موضوع ياسر قاوي هههههههههههه
شوفو انا طيبت وانا صغيرة وجبت روحي يعني نطيب منيح مي المشكل اني نحرق الماكلة ياسر نحطها طيب ونخرج نلعب ولا ننسها تتحرق ندي علها طريحة ههههههههه
مي اول كسرة طيبتها الله لايشوفكم فها لدرجت انهم صوروها باه يعرفو الي اي شكل تنتمي من تم ماوليت نحب نطيب كسرة مي وليت منحرق الماكلة ياسر وتجي بنينة ههههههههه
​

إضغط للتوسيع...

قال djamila bella:

السلام عليكم و الله رجعتيني ليامات المتوسط اول حاجة درتها هي مرقة تاع بطاطا علمتني ماما و مازلت ذرك شافية كيفاه كانت تقولي ديري و ماديريش و ...... المهم شافية جات بنينة و عجبت دارنا كل مبصح المشكل اللي مازال نعاني منو اني ديما منين نطيب اما يجرحني الموس ولا نتحرق ولا تتحرق الماكلة و اذا نجت باعجوبة تجي بنيييينة اخر

إضغط للتوسيع...