- إنضم
- 23 جوان 2010
- المشاركات
- 9,048
- نقاط التفاعل
- 12,990
- النقاط
- 351
الرومنسي الجاد، تم حظره "حظر دائم". السبب: مخالفة القوانين
سلامو بالقمح و الشعير
موضوعنا اليوم على الزواج و شروط تاعو
انا حبيت نزوج ابني ، قلت لو يا بني وقتاش تبقى عازب الدار راهي مدردبة كلشي فيها مخرب و سيدنا رمضان راو قرب و الواحد لازم شريبة قبال المغرب
اضربها بسكتة و لعبها حشم قالي يا باب على زواجي بغيت نتكلم هادي مدة و انا ناوي نتقدم و بغيت انت لي تكملني
قلت لو يا بني نمشي فالحال نخطب لك بنت الخال ناس على قيسنا ما يطلبوا المحال يفرح بني و يفرحني
ولا تبغي نخطب لك بنت الجار لي قبالنا سي عمار عمرها ما خرجت من الدار بصباح الخير ديما تقابلني
و لا تبغي نجيبوها من البلاد قارو و ديجي و غير لولاد و الخمسة تنوض الفجر و تنوضني
الطفل وجهو تقلب لون وصفار كي العقرب قالي يا بابا راك وحدك تحسب انا عندي لي تلزمني تعارفنا هادو لعوام و طحنا في جباية الغرام
مانتساوموا فيها بسوام و حتى هي ما تبدلني الطفل عاد وجهوا كي البنادر ما يحشم ما يقادر
من كلامي تغشش و تنوى طلح فلرض و بدا يتلوى اجريت بيه للسبيطار و شريت لو الدوا قلت يا بني نجيبها لك غير ساعفني
فات النهار و جا غدا شرا لي و ليه كسوة جديدة و بوكي ورد من عند صالح من البليدة و بقى كيما ليجوري قابلني
قالي يا بابا الناس راهي تستنى و رانا على كلشي تفاهمنا و بحضورك تشرفنا اذا بغيت ترافقني
مشينا بعد ما صليت الظهور هو للقدام و انا للور و تفكرت مولي سكنت لقبور و الدمعة سبقتني
الحقنا دقدقنا فالباب فتحولنا و رحبوا بينا ترحاب حطونا في مقام لحباب و من التزغريت وذني ضرتني
تكملنا على الوقت كيف كان و كيف ولى و على المعشية صعابت و كلش غلا و بدا الطفل ينقذني
قلت لهم جيتكم بالحسب و النسب على بنتكم بني بغا يكلب عاد سقيم ما ياكل ما يشرب و يجيوه لخلايع فالليل و ينوض يخلعني
اصلنا من أشرف لجناس عايلة ثورية سكنت لوراس خير ما سبق جميع الناس طالب يد بنتكم زوليخة لعمار ابني
جات امها و قالت بنتي كابرة فالعز و الدلال و خطبوها خيرة الرجال الكبارا و الوزرا و حتى رجال الاعمال واحد فيهم ماعجبني
بنتي ما نبيعها ما نمدها باطل و نسيبنا لازم يكون راجل كسي و دي و ما طول المهم واحد يعيشو مهني
و على شروطها جبدت ورقة و بدات تكتب وبالمشينة بدات تحسب ندير لك سومة كيما يحب القلب باش ماتقولش نسيبتي و ما ساعدتني
بوه نبداو ، قماشها من كل نوع بوبينة قطيفة كتان حرير و فينة الخياطة عليكم ماهي علينا و خياطتها لازم تعجبني
ثلاثين صباط من كل لون من الصندالة حتى للطالون و بلاك تشروهم زوج عيون ديروها بيا و تبهدلوني
ثلاثين مليون كاش و زيد معاهم ست كباش و جيب معاك الذباح ماتنساش و الطباخ باش يعاوني
و عند الحلواجي لازم تجوز تطلب ربعلاف من حلوة اللوز و البقلاوة بالفستق و الجوز و الكاكاو ما يساعدني
عس بنتي بتي تجي ولافامي تاعك واحد ما يجي و انت بعمامتك بلا ما تبوجي و لا تقول انت لي ناسبتني
و الكورتاج بالبيام و الاودي و الفيراري و الماروتي و لاركات غير تــGــآري و بلاكم تجيبوا معاكم الدراري نخاف الحلوة ما تكفيني
فياج دو لينس في هواي و بنتي تاكل غير ماماي و بلاك لا على لاطاي و ما تجيبوا الدراري حتى تسقسوني
نتلقاو في الجديد
نتمنى ان الموضوع يعجبكم و ما تقلقوا
يعطيكم الصحة
صح فطوركم و صح عيدكم
سلام