يمآ لبسوهآ لبيض ودآروهآ فالصندوق

اماليا

:: عضو بارز ::
أحباب اللمة
إنضم
19 جوان 2011
المشاركات
1,235
نقاط التفاعل
260
النقاط
163

قد مآكنت نشوف النآس تتعدب كي يفآرقهم العزيز بصح مآكنتش دآيرآ في بالي نهآر نعيشهآ

انآ دخلت لدآرنآ نسمع في يمآ تلاغي علياآ بصح صوتهآ بعيد كي ندخل عليهآ نشوف في وشهآ
بييييييييييييييض وين متتصوروش وقعدت تحكي تحكي مي انا مافهمتش بلي راها تموت كلامها هاداك لدرك مفهمتوش انا رحت نعيط لبابا يجي يديها للسبيطار كيرجعت ليها لقيتها تشهد ولدرك معلاباليش وين صرا حتان شفتها ملبسينها لبيض وفي الصندوق ااااه كان تشوفو ديك الصورة مكاش ابشع منها قد ماراني نحكي مي الواقع مر يا ناس يقتل انا صح يما مرضت عام قبل مي برات ورجعت كي ما كانت متصورناهاش تروح وتخلينا مكنتش دايرة في بالي نوض نهار ويما مكاش فالدنيا انا كل يوم نومها تعيطلي نتخيلها تحكي معايا خلاص مقدرتش وليت نمشي بلي كالمون هبلت حسيت روحي وحدي فالدنيا كل يوم صباح نروح لقبرها ونحكي ونرجع لدارنا كيما المهبولة والناس كامل حايرة فيا فالطريق علابالي مقدرة من عند ربي سبحانو مي انا مدخلتليش لراسي ندعي ربي كل يوم يلحقني بيها خلاص ماولاتش دنيا عندي تنطاق
ناكل ولا مانكل كيف كيف نرقد ولالا كيف كيف قلبي يتقطع كي نشوف حوايجها لبستها بلاصتها تصاورها هدرتها انا نهار لي كان العيد كي شفت خالتي وهي تشبهلها بزااف ان شاء الله ربي يسامحني مي رجعتلهم نهار لي ماتت بالبكا والعياط مع لي خزرت فيها جاتني صورة يما صعيبة يا ناس الله لا يدوقكم فيها
سامحوني يمكن ماشي وقت هادو الحكايات عيد وفرح بصح قلبي راهو يتحرق ياناس نكويت
 
الله يرحمها و يوسع عليها
الله يرحمها الله يرحمها

ادعيلها اختي بالرحمة وكثرو من الصدقات عليها
بصح تفكري ماشي غي انتي تعيشي هاد الموقف
كيفك آلااااف والدليلل خاوتنا في غزة ...


احمدي ربي على كل حال ..
 
السلام عليكم و رحمة الله و بركاته

يا اختي واش نقولك صح هي صعيبة بزاف بصح هاداك ما كتبلها ربي

اصبروا يا اختي و ادعولها بالرحمة و المغفرة

الله يرحمها و يوسع عليها و ربي يرزقكم الصبر

 
وعليكم السلام


ربي يرحمها ويوسع عليها

تصدقي عليها اختي حاولي تشري مصاحف وتحطيهم في المساجد

حاولي تقراي في المصحف وتهديلها الختمة ليها تستغفري وتهديهالها ليها

يارب يقوي ايمانك فراق العزيز صعيب وخاصة احد الوالدين

ربي يجيبلكم الصبر
 
يا ختي ربي يصبركم
والموت حق كامل نموتوا
أدعيلها وصدقي عليها
ربي يرحمها رحمة واسعة وأن يجازيها بالحسنات إحسانا
وبالسيئات عفواً وغفرانا .وأن يبدلها داراً خير من دارها .. وزوجاً خيراً من زوجها .. وأهلاً خيراً من أهلها


 
السلآم عليكم ورحمة الله وبركآته

ربي يصبرك أختي

صح هي وآعرة بزآف سيرثو كي تكون الأم

مي نتي مآلآزمكش تحبسي حيآتك هنآ

لآزمك تعرفي بلي ربي يختبر في صبرك هنآ

أصبري و أدعي ربي يرحمهآ ويدخلهآ فسيح جنآته هي تحتآج دعآءكم

أمآ العيآط أختي فالموت حآولي متعيطيش لأنو مش مليح

وربي يكون في عونك رآنآ معآك وندعيولك

تهلآي في صحتك أختي لأنك أمآنة و جسدك ونفسك مآهيش ملكك هي ملك الله عز وجل ولآزمك تحآفظي عليهآ

كولي و أشربي و رقدي وصلي بزآف وأقرآي القرآن ان شآء الله ربي ينزل عليك رحمة من عندو فرحمته وآسعة

في أمآن الله أختي وان شآء الله مش رآيحين ننسآوك بالدعآء لكي و لأمك ولعآئلتك​
 
ربي يرحمها ويوسع عليها ويرحم موتانا جميعا
صدقيني دمعتي طاحت وانا نقرا في موضوعك
ربي معاك اختي هذا ابتلاء من عند ربي باش يختبر صبرك
ادعيلها واتصدقي عليها ومتنسايش الموت حق والدايم ربي سبحانو
ربي يقويك ويصبرك حبيبتي
 
rabi yerhamha w ywesa3 3liha
w marakich rir nti li fkadti li 3ziz 3lik ana tani li 3ziz 3lia fi had el deya rah w khalani li houa abi allah yerhmou w ywasa3 3lih houa tani mrad kima raki tgouli w koun tchoufih ki kan men kbal matamniche tgouli hada li dayer ki el hayt wela kima hak bessah el hamdoullah min netfakar beli rabi sobhanah yedi rir li 3ziz 3lih weli yebrih nestarfer w ngoul el hamdoulla khdem lel akhra ta3ah 3ala akmel wajh ken el quraan fel chhar yekhtem 3fois salat fel jamaa ysedak ya3tef 3la el yatim w el galil el hamdoullah yarabi dah tahar had el chi houa li ysabarni 3lih ya okhti d3ilha bel rahma w tfakriha rir bel haja el mliha li daretha fi hyatha w talyetha ran dyaf fi had el denya w ga3 nelhgouhom rir ndirouha mliha nchallah bah rabi ylakina bihom nchallah amiiine
sabran okhti
 
قصتك قطعتلي قلبي وبكاتني والله
حاجة واعرة بزاااااف سيرتو كي تكون الام
ربي يقويكم ويصبركم
وربي يرحمها ويوسع عليها
ادعيلها ختي ادعيلها
 
قال الله تعالى {وَجَزَاهُمْ بِمَا صَبَرُوا جَنَّةً وَحَرِيرًا} صدق الله العظيم

والله يا ختي غير جاتني الدمعة، علابالي فراق العزاز صعيب وصعيب بزاف، خاااصة الوالدين بصح لازم الصبر يا ختي، الوالدة نتاعك ماهيش أول وحدة ماتت وماهيش آخر وحدة رايحة تموت، الدنيا هذي واحد ما رايح يدوم فيها، الدايم ربي سبحانو، وكامل رانا رايحين لهذي الطريق، ولازم تعرفي بلي هذا قضاء وقدر وواحد ما يقدر يردو، استغفري الله واصبري، وما تضيعيش أجر الصبر بالعياط علابالك كي تبكي وتعيطي راكي تعذبي فيها، ويلا تحبيها صح ادعيلها في صلاتك، صدقي عليها في السر...
ربي يرحمها ويوسع عليها يآ رب، ونتي ربي يعطيك الصبر إن شاء الله
 
الله يرحمها و يوسع عليها
ربي يعطيك اصبر و ديري في بالك كلشي في هاد الدنيا راهو مقدرو ربي سبحانه
حاجة واحدة اختي يماك الله يرحمها تحتاجكم وهي في قبرها بدعاءكم و الصدقة جارية و كلما تتفكريها ما تبكيش عليها صلي 2 ركعات وادعيلها
ربي يكون في عونك
سلامي
 
:cray02::cray02::cray02::cray02::cray02:
والله يا اختي معرفتش واش نقولك وعلابالي قد منهدرو منقدروا نديرو والو
مابيدي غير ندعيلك ربي يعطيك الصبر علي خاطر علابالي حاجة صعيبة بزاف بزاف بزاف
ربي يرحمها وانتى متزيديش تعذبيها في قبرها ادعيلها بالرحمة وتصدقي عليها ومتنسايش هذا حال الدنيا كامل راييحين ليها ان شاء الله ربي يلاقيك بها في الجنة
 
عظم الله اجركي اختي
ايه صح مايحس بالجمرة غير الي كواتو
اكيد كل واحد يتمنى انو والديه يبقاو معاه
مي الله غالب هدي هي سنة الحياة اكيد
فقدان احد الوالدين حاجة صعيبة بزااااااااااااف
خاصة الام مكاش كيفها
اصبري اختي وخلآص
مام المومن توجور مصاب
والله انا فقدت الاب نتاعي تالم عندو
8 اشهر مي مزالني نتوحشو ونفتقدو بزااااااااااف
مي الله غالب مكاش بيدي
مي ربي يصبرك اختي
وان شاء الله تلقيها في الجنة ان شاء الله
 
ربي يرحمهم ويوسع عليهم
راكي شعلتي النار اللي في قلبي
ماتنسايش ماش غير انتِ
كون نحكيلكم تبكيو دم بدل دموعــ
لكن الحمــد للهــ على ما اعطى وعلى ما اخذ
حابة نفهم روحي ونفهمكم علاه نديرو هكا علاه حنا مانموتوش علاه احنا ماندخلوش للقبر علاه علاه
هادي الدنيا الغرارة بدل ما نبكيو على حالنا لاين نروحو بعد الممات ونملاو ميزاننا ونمحيو ذنوبنا
قاعدين غير نبكيو على اللي راحو ونساونا في طاعة ربي وذكرو
الحمد لله الحمد الحمد لله
ويا رب اذا عندك بلاء اكثر مما مديتو اهلا به من عندك اهلا اهلا به ونحمدك ونشكرك انك به تمحي عنا ما يثقل ظهورنا من ذنوب
يا اختي ما يحس بالجمرة غير اللي عافس عليها وانا فاهمتك مليح
مي ادعي ربي يرحمها يغفرلها احييها في قلب بالذكر لها ماش بالعياط و البكاء ياو هادوك هوما اللي ينفعوها
آجــــــــــل اسمي " ضيوف وسنغآدر" فتذكروهــ
 
صبرا اختاه والصبر عليك محتم هذا هو مكتوب ربي صح صعيبة بلبزاف وقد ماتحكي وتقولي لي في القلب في القلب ربي يصبركم و يرحمها ان شاء الله ويسكنها فسيح جنانه
مثواها الجنة باذن الله
سلام
 
سلام عليكم اختي لعزيزة
ربي يصبرك و يقويك لازم صدقي هاد مكتوب ربي يا غالية
انا راني زيك بابا الغالي لحبيب تاعي عمري و حياتي
لا عمرو شكى ولا بكى الحمد لله

مي مين جات موت داته من قدامي في لحظة

دورك تشوفيه لاباس يضحك ويحكي معاك في لحظة الله يرحمه اووووووووو تقولي تهبلي مي ربي سبحانه يعطيك الصبر وحده مع لوقت

صعيبة وواعرة بزاف وراني حاسة بيك وفاهمتك
مي لازمك تصدقي وتتقبلي هادي الدنيا

شفته مكفن في غطاء ابيض بكيت وعيطت وعيطت
مي واش راح ندير اداوه من قدامي وحطوه في قبر
كل مرة نروح نشوف قبره ونتفكر بلي الطيب هداك انسان لطيف الخلوق الرائع راه تحت التراب نبكي اكثر مي الله غالب يقولك الناس مليحة متطولش فوق الدنيا

غدوة من داك نوض نحوس عليه على حسه على ضحكته
على كل حاجة حلوة فيه اما مكانش بابا صح راح ومعدش كاين
صورته كل يوم نشوفها نبكي ونتوحشه نتمناه يكون معايا في الفرح
فات رمضان وهو مكانش وزاد جا العيد ولحبيب مغيب

سمحيلي اختي حبيت نواسيك زيد جرحت روحي
الله غالب هادي دنيا ورانا كل موجوعين عيشي حياتك يا زينة وخلي يماك فرحانة بيك


وهاد ابتلاء من عند ربي ولازم تصبري وتدي اجر وربي كيما يحزنك يفرحك والحمد لله

 
آخر تعديل:
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top