حلويات ساهلة لمرضى بالسكرى

جبتلكم هذ الحلويات لمرضى بالسكرى صنعتهم لقريبى يمكن بعجينة واحدة نصنع اشكال مختلفة وان شاء الله كل مانصنع نوع رايحة نحطها لكم وان شاء الله يعجبوكم
المقادير
125غ مرغارين طرية
فنجان شاي زيت
مغرفة اكل سكر قلاص
حبة بيض و1صفار
لافانى
2مغارف كوكاو مطحون
2مغارف نوادكوكوالسكر
1خمارة
والفرينة
التزين
بياض بيضة
كوكاو مطحون خشن
شكولا للتزين اى نوع

نضرب المرغارين مع السكر +فنجان زيت+ البيض +ولافانى اومبعد نستعمل ايدينا نزيد الكوكاو النوادكوكو ونلموا بالفرينة +1خمارة العجينة تكون طرية
نشكل كرات صغار نغطسهم فى البياض ثم فى الكوكاو الخشن نحطهم فى لكيسات نطيبهم 10د الى 12د نشعللوا من فوق كنخرجوه اذا متواجد عندنا عسل خاص بمرضى السكرى نسقوه بمغرفة قهوة واذا مكاش نخلوه ناشف


الحلوة الثانية نفس المكونات نشكل كرات صغار ودخلتهم فى طابع اللوزة وانتم ديروا اي طابع عندكم لما اطيب نزينها بخطوط الشكولا

الوصفة الثانية عبارة عن صابلى
125غ مرغارين طرية + كاس شاى زيت +مغرفة سكر قلاص +حبة بيض نضربهم مليح+ 2مغارف حليب سائل بالباتور لافانى 2مغارف كبار مايزينة ونلموابالفرينة و1خمارة تكون طرية نخلى العجينة ترتاح نص ساعة فى الثلاجة ونقطع دوائر ونزين بحبيبات الشكولا ونطيبهم






ان شاء الله اومبعد نزيد نحط وصفات اخرى لمرضى السكرى