إعترافات مضحكة حدثت لك في مطبخك

الحالة
مغلق ولا يسمح بالمزيد من الردود.
I

imi_usma

:: عضو مُشارك ::
إنضم
4 جوان 2014
المشاركات
129
نقاط التفاعل
282
النقاط
13
السلام عليم يا الطباخات الشاطرات
ليوم حبيت نضحكم شويا و تضحكوني شويا
و باش تفهموا على واش يدور الموضوع نقوللكم بلي تحكيو على الأخطاء المضحكة لي درتيها أثناء الطبخ ولا داروها وحدوخرين

أنا نبدا:
خطرا كنت حنطيب كعكة بالشكلاطة (راني درت الوصفة تعها فالمنتدى) و كنت نحوس على الكاكو وين حطاتو ماما ملقيتوش , امبعد لقيت كيس فيه القرفة المرحية , أنا كي شفت هكاك حسبالي كاكاو و قريب درتها حتى شافتني ختي قالتلي هدي قرفة هههههههههههههههههههههههههههههه هااي
المهم امبعد أنا لقيت الكاكاو و طيبتلهم الكعكة و جات بنينة


و مرة وحدة نعرفها عايشة مع مانها , و كنا في رمضان , ناضت هاد الطفلة باش طيب ,و يعجبكم هاداك النهار طيبت باللحم الله الله , أمبعد شافت بلي الماكلة خصها الماء , لقات قرعة فوق الطابلة فتحتها و بدات تفرغ ( فرغتها قريب كامل ) كي بدات تشم فالريحة تع الطياب واش لقات روحها دارت؟؟؟؟؟؟؟؟؟؟؟؟؟؟؟؟؟
هههههههههههههههههههههههه دارك الماء زهر ماشي الماء ههههههههههههههههههههههههه


راني نستنى حكاياتكم
:d:d:d:p
 
ههههههه الله يسعد قلبك اختي الغالية

موضوع طريف ومميز

ضحكت من اعماق قلبي والله هههههه

لدي مواقف كثيرة ان شاء الله اوفق بكتابتهم

ذات مرة كنت اصنح قالب من الحلوى ان شاء الله أقوم بتنزيل الطريقة
المهم هته الحلوى علينا تغطية سطحها واسفلها بجوز الهند
الحاصل ادخلت الحلوى الى الفرن وبقيت انتظر ان تمر ساعة
وانا اشم رآئحة جوز الهند لذيذة جدا ومتحمسة لرؤية قالب الحلوى
وبعد انقضاء المدة فتحت الفرن واذا بي اجد ان القالب اصبح قطعة من الليل
هههههه وتلك الرآئحة ما هي الا رآئحة حرق الجوز وانا لم اكن منتبهة
هذا موقف من مواقف حصلت لي
لي عودة بمواقف اقوى بإذن البارئ
تحياتي لك عزيزتي​
 
ههههههههههههههههههههههههههه شكرا على تفاعلك
أنا تان خطرة جاو عندي صحاباتي و طيبتلهم نفس الكعكة لكن درتها في صينية كبيرة
جات ماما واش دارت راحت تقلبلي الخبزة باش نديرلها القلاساج من تحت وكي قلبت السنيوة لسقتلي كامل هديك الكعكة , تقلقت بزاف سيرتو كي درتها لصحاباتي غاظتنييييييييييييييييييييييي ههههههههههههههه
 
هههههههههههههههههههههههه يأختي انا نسيت واش درت بالاك نتي تتفكري بصح بالاكي تبيعي لماما ههههههههههه
أنا نتفكر مان صحبتي لي طيبتلهم الكباب بال isis ههههه وجاهم بنييين هههههههه
 
ههههههههههههههههههههههههههههههه و صحبتك مريم كلاتو و ماصرالها والو ههههههه عندها وحد المناعة
 
انا وحد المرة شمرت على يدينا باه ندير كعكة لعيد ميلاد الله الله كلش جا هايل كي دخلت للفور بالاك وحد الساعة و انا نستنا فيها تطلع والو خرجت كي الصباط علاه نسيت الخماااااااارةومن بعد جين نحيها لقت كامل في السنيه هههههههههههه
 
xD هههههه عجبوني حكاياتكم
انا معنديش حكايات ههههه
انا كي نطيب كاش حاجة تكون الكعك D:
و اذا عاونت في الغذا و العشا ندير سلاطة -.-
مشكورة على طرح الموضوع الطريف 3:
 
المواكل لي حرقتهم ولي ما صلحوليش مايعلم بيهم غير ربي بصح دكا شوية نقصت ولات ماكلتي بنينة
 
سلام عليكم
هههههههههه
البهاير لي راكم دايرينهم انا
مندخلش بزاف للكوزينة
بصح مالفا نحرق الحوايج ههه
​
 
كل أنواع الجرائم درتها
مثلا قليت البطاطا بـ isis
وطيبت كيك بلا خميرة
وووحرقت ألف حاجة

جرائمي لا تحصى ك نتفكر نولي

شكرا على الموضوع.
 
ههههههههههه
أنا تاني جرائمي ياسر
طيبت قاطو بلا خميرة
أخرها البارح جيت نفرغ السكر في البلارة نتاعو
فرغتو فوق القهوة ماشفتهاش
غلط في البلارة
ولاة عندنا قهوة مسكرة
هههههههههههههههههههههههههههههه
​
 


وعليكم السلآم ورحمة الله وبركآته


خطرة درتلهم فالدآر كسكسي،المهم جآ هآيل بصح كي ذآقو خويآ قآلي وشبيه الكسكسي اليوم حلو o_O
درتلهم في بلآصة الملح السكر هههههههه أه ي الفضآيح :p
​

~
​
 
شوفو الاخطاء بزاف معايا سرتو في صغري
وهذي صرات البارح
امالا راني مريضة في حالة
واش ندير للغداء
حطيت البيض يتسلق وحطيت التاي يطيب لكن درت ديفو التاي باه نطيبو بالسكر لحت الملح
والبيض باه نسلقو بالملح لحت السكر
روحو الاولاد وباباهم يما حطي لغدا لقاوه ساجي بيض وتاي وسلاطة خيار وطماطم وشويا طون
كي بداو ياكلو اكتشفو الجريمة ضحكو حتى شبعو
اليوم تفكروها كي صبيت لحليب باه يفطرو قالولي ياخي درتي الملح هههههههههههه
 
السلام عليكم
خطرة كنت صغير ماما دارت حريرة المرمز و قاتلي كي تعقد شوية طفيلها انا ولهتي مكانتش عندها كي شفتها و لقيتها قريب تعقد زدتلها شربة فارميسال
ولات عندنا حريرة مرمز بالفارميسال
 
السلام عليكم
علابالي الموضوع ليوم يتعمر بالديـgــات تع الحراير هههههههه
مثلا أنا منذ شهرين هكداك زعمة ندير فالعشا جلبانة
حطيتها طيب فالكوكوط ورحت قعدت مع مرت خويا
حكاية تجيب حكاية حكاية تجيب حكاية نسيت على العشا
ممبعد تفكرتو رحت نجري لقيت الجلبانة لصقت في قاع الكوكوط ونشفت خلاص
زربت نحيت الجلبانة اللي ماش لاصقة وبدلتها حطيتها في كاسرول وزدتلها الما
المشكل انها جات بنينة تهبل خويا قالي زيديني مي نصها كي اتحرق جات قليلة ههههههه
الموهيم ديت تبهديلة كحلا من عند ماما هداك نهار ومرت خويا تقلها اني انا اللي لهيتها بالهدرة ههههه

والمخيرة تع المخير صرات لختي دارتها في دارنا جات عندنا ضيفة
هي وماما كانو صايمين واحنا فهداك نهار درنا نعمة (كسكسي)
راح ولدها سع هو لول حط كرسي وطلع للروبيني وفتح الماء على النعمة اللي كنت دايرتها فالقصعة تع الحطب
وحاطتها فوق البوطاجي ،، مزية كانت مايلة القصعة ما تقاستش النعمة بزاااف
ممبعد بنت ختي الصغيرة جاعت وهي تحب النعمة بالسكر وحدها متحبهاش بالمرقة
راحت ختي حطتلها وبنتها تقلها ماما اي مش حلوة وهي تزيدلها
المهم الطفلة خلات الصحن كيما راه وناضت عليه
كي جى بابا وخاوتي مالصلاة راحت ماما تحط لغدا لقات النعمة فالصحن سقاتها بالمرقة وحطتلها الخضر واللحم الله الله
خويا حط في فمو المغرفة لولة ويرجعها حاشاكم
قالها مالحة تسرم ،، ااااو انا دهشت خاطر دقت المرقة قبل ما نطفي عليها
قتلو هات ندوق ؟ آ بابابا والله ما تتكل مالحة تطعن
رحت نجري للكوزينة خفت يكونو لولاد حطو فيها الملح وما شفتهمش دقت المرقة لقيتها نورمال
ممبعد لاح عينو خويا للبلارة تع الملح وقالنا: انتوما البلارة تع الملح وشبيها مناصفة صباح برك شفتها تقريب معمرة
وهنا تنطق اختي: صار هداك ملح ؟ نحسب فيه سكر ....كيه كيه كيه
وبنتي تقولي ماما اي مش حلوة وانا نزيدلها فالملح
هههههههههههههههههههههههههههههه
وشحال ضحكنا لدرك مين نتفكرها نموت بالدحك
المهم نص النعمة داها الما ونص لوخر ملحاتو وهوما كلاو الضباب
هههههههههههههه
مي يقولك كي تفسد الماكلة
الصنعة قاعدة تخش ههههه
لبارح درتلهم شخشوخة هي جات بنين مي بابا قالي: اتعلمي الحفافة في روس اليتامي انتي درك
ههههههههههه
​
 
السلام عليكم
هههه وحدكم نتوما
يصروا بزاف حكايات في المطبخ مناه لي تخرج سلامات و منها لي تخرج تبهدايل من الأمهات ههه
نتفكر وحد النهار كنت ندير في الفطور و كان يقلقني الدنجال بزاف منحبش نديره
لمهم و انا نقلي عيطولي في التفلون رديت و بديت نحكي و عجبتني روحي و الدنجال يامن عاش تشوط حتى شميت الريحة
و ناس قاع شمو كي شفتهم جاين حكمت كرشي و بقيت نعيط اه ماما الوجع اه ماما الوجع باه متقوليش وين كان عقلك
و لهاو معايا وزادو حتى هما شوطوه و كملو الباقي عليا ههه
هداك نهار مننساهش قاع كون تفيق بيا درك تجيبني برا ههه
 
خخخخخ ديما كاين هاذ لي زاكسيدون في الكوزينة هههه

انا زعمة راني نخدم في الفرماج
جاتلي في رالسي ندير فيه الفارينة درت في لافان جات طعمتوا متنذاقش ههههههه
 
انا مرة كنت نخدم في القاطو نتاع عرس وكنت نطيب في لعسل
حطيتو وحت نرضع في ولدي ونسيتووووووو وكانت عندي سلفتي كي شميت ريحة الحريق قلتلهااشكون هاذي الجارة الحايرة اللي نسات لعسل على النار على اساس انا قافزة يعني هههههههه والحايرة هي انا ههههههههههههههه
 
الحالة
مغلق ولا يسمح بالمزيد من الردود.

المواضيع المشابهة

أ
  • مغلق
مشاركتي أنا ثانيك في المسابقة ^^ أجمل موقف طريف حصل لك
2
المشاركات
23
المشاهدات
2K
شجـ الروح ـون
شجـ الروح ـون
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top