جارتي ستخرجني من عقلي

sousourose

:: عضو منتسِب ::
إنضم
12 ديسمبر 2013
المشاركات
21
نقاط التفاعل
51
النقاط
3
السلام عليكم ورحمة الله وبركاته إخوتي في الله سأعرض عليكم مشكلتي وأنتظر آرائكم
مشكلتي أن لي جارة ركيكة تأتيني كل يوم..; تراقب زوجي وعند ذهابه للعمل على الساعة 12:00 ظهرا تأتي وتبقى إلى حين موعد عودته أي 9:00 مساءا وهو يأتي 9:10 فهي تحفظ وقته أفضل مني
والآن زوجي أعطاني مهلة 10 أيام لأطردها وقد لمحت لها بأنه لايريد أحدا ولا علاقات مع الجيران
لكن لا حياة لمن تنادي حتى أنها تحضرمعها أولادها عندما لا يدرسون وهم 3;
والله تعبت منها حاولت بعدة طرق ولكن بلا جدوى خرجت من المنزل وعند عودتي تأتي ..لا أفتح الباب وأتظاهر أني لم أسمع الباب فتقم بعمل دورة حول منزلي والتنصت أي غرفة أنا فتسمع إبنتي ذات العامين تصرخ، فتطرق عليا النافذة فأضطر لأن أفتح
ما رأيكم يا إخوتي
 
وعليكم السلام هاذي كارثة تشبه لجارتنا زمان
الافضل انك تجبدي روحك عليها ديريلها حدود
من غير صباح الخير مساء الخير وبرك
ولا سمعيلها قوليلها راجلي ميحبش الدخلة والخرجة
صدي بادك ترتاحي اختي
 
ربي يهديها الحل في يدك اختي بالتي هي احسن قولي لها في وجهها انا لا اريد اي علاقة مع اي احد وزوجي منزعج لو سكتتي سيتطور الامر وتندمي بعدها تصرفي بسرعة
 
يا أختي كيفاش مستحملتيها على حساب هدرتك راهي مرا ما تستحيش
الحل ما تفتحيلهاش الباب مهما صار تتنصت ولا دير واش دير تجاهليها
وقوليها راجلي ما يحبش الدخول يحبني نقعد وحدي
واذا ما نفع والو معاها خلي راجلك يهدر مع راجلها راهي زادت فيها كيفاش تجي على 12 وتروح في الليل هاذي ولات من العيلة ماشي جارة وراجلها وين راهو ما طيبلو ما تقيم بيه نهار كامل وهي هاملة في ديار الناس
 
الله يجازيكم بكل خير خواتاتي إيه والله هذا لي محيرني تقول ماعندها ما ديروراجلها يكون في الدار وهي عندي ;هذا أنا راني مغتربة وهي خالقة هنا في الأول جاتني كي زيدت ببنتي زعمة تباركلي ومن ثم سكنت حاولت بشحال من طريقة ووالو وهي علبالها بلي راجلي واعر وما يحبش على بيها تجي كي يكون ماكانش على هكذا كي نمعنيلها بلي ما يحبش تقول نورمال يخي نجي بلا ما يشوفني والله كرهتني
تعرفو مرة بعتلها مساج قلتلها راجلي ما يخدمش اليوم عساتو وشافتو راح جاتني قاتلي يخي قلتيلي مايخدمش;آي منها رح نهبل
 
عليك بالدعاء اختي عند كل صلاة

ان شاءا لله ربي يستجاب وتنفكي منها لانها حشرية بزاف
 
مي هذي سامطة و على هدرتك راهي تحاول تديرلك المشاكل يخصك تقسحي قلبك وتواجهيها تزعف نهار ولا تخربلك بيتك الدهر غير قسحي قلبك والله يهديها
 
الحياء في هد الوقت و الله غير انقرض
شوفي اختي ادا محبتش تسمع لهدرتك انت قولي لراجلك يهدر معاها و لا مع راجلها هكا تروح تخطيك و كي تدقدق عليك الباب متفتحيش قوليلها كنت في الحمام و لاندوش لبنتي

و الله يعاونك
 
katar khirkom khwatati rani nhawel bikoul torok bka ghir nharchou rajelha wfret wad3iwli ntouma rabi yba3adha 3liya
 
هذي حالة حالة ربي يهديها شوفي اختي هذي من اللخر ما تحشمش ونصيحة مني لي ما يحشم ما تحشمي منو أنا هكذا نخدم ندفع بالتي هي أحسن كي نلقى الانسان وجهو صحيح نصحح وجهي حتى أنا المهم في الأخير نكسب راحت هذي شوية تزيد روحها في الكاغني معاكم عجب تقول ما عندها راجلها يحكمها ما عندها شي متفرغة ليك ولدارك ربي يهدي وربي يعينك رجعلينا خبر واش درتي فيها
 
السلام عليكم ورحمة الله وبركاته
يعطيكم الصحة ياخواتاتي حبيت نعطيكم الجديد ولات كل يوم تجي تبقى تصوني ما نحلش أتخيلو ما نحلش وتسمعني نهدر مع بنتي وتزيد تولي أنا قلت درك تفهم روحها بصح والله ما حشمت وليت حليت الباب ...واش قاتلي؟؟؟؟ أنا قعدت بلا راس قاتلي ومش عاجبها الحال _اش بيك آآصاحبتي علاش ما كاتحليش الباب وراني كنسمع فيك تهدري_ :s:s:s
قلتلها إيه سمعتك بصح راجلي ما قابل حتى واحد حلفلي ما نزيد نحل الباب
قاتلي وهو كيفاش عرف راني كا نجي ؟؟؟؟:s:s:s
وزادت قاتلي بصح normalement ما تخليهش يديرلك هاك la prochaine fois كا يقول ليك ما تروحيش لمك
والله ياخاوتي أنا دخت فيها
ومن ذاك الوقت مازادتش بانت ,ربي يسمحلي عمري ما تلفت عبد بصح الله غالب كثرت
 
اختي مانقلكش اجرحيها بصح راح تفسدلك حياتك الشخصية نظن تصارحيها قبالا احسن
تخسري علاقتك معاها خير من تخسري علاقتك مع زوجك
هكذا رايي كلميها بالتي وقوليلها اسمحيلي مانزيدش نقبلك في بيتي والامر ليس بيدي

وما صكري بابك وماتزيدي داصريها لا هي لا غيرها

وربي يكون فالعون ويصلح احوالك واحوالنا ان شاء الله
سلام
 
السلام عليكم ورحمة الله وبركاته
يعطيكم الصحة ياخواتاتي حبيت نعطيكم الجديد ولات كل يوم تجي تبقى تصوني ما نحلش أتخيلو ما نحلش وتسمعني نهدر مع بنتي وتزيد تولي أنا قلت درك تفهم روحها بصح والله ما حشمت وليت حليت الباب ...واش قاتلي؟؟؟؟ أنا قعدت بلا راس قاتلي ومش عاجبها الحال _اش بيك آآصاحبتي علاش ما كاتحليش الباب وراني كنسمع فيك تهدري_ :s:s:s
قلتلها إيه سمعتك بصح راجلي ما قابل حتى واحد حلفلي ما نزيد نحل الباب
قاتلي وهو كيفاش عرف راني كا نجي ؟؟؟؟:s:s:s
وزادت قاتلي بصح normalement ما تخليهش يديرلك هاك la prochaine fois كا يقول ليك ما تروحيش لمك
والله ياخاوتي أنا دخت فيها
ومن ذاك الوقت مازادتش بانت ,ربي يسمحلي عمري ما تلفت عبد بصح الله غالب كثرت

احسن ما فعلت
 
أختي الصراحة راحة

عادي صارحيها وقوليلها زوجك يرفض أن تدخلي أي شخص في غيابه

وكي تجي اعتذريلها من الباب قوليلها أسمحيلي ما نقدرش ندخلك زوجي ما يحبش

صحيح أنو صعب


بصح إلا ما وقفتيهاش عند حدها راح تديرلك مشاكل

وأنتي ما تعرفيش خيرها من شرها
 
السلام عليكم ورحمة الله وبركاته
يعطيكم الصحة ياخواتاتي حبيت نعطيكم الجديد ولات كل يوم تجي تبقى تصوني ما نحلش أتخيلو ما نحلش وتسمعني نهدر مع بنتي وتزيد تولي أنا قلت درك تفهم روحها بصح والله ما حشمت وليت حليت الباب ...واش قاتلي؟؟؟؟ أنا قعدت بلا راس قاتلي ومش عاجبها الحال _اش بيك آآصاحبتي علاش ما كاتحليش الباب وراني كنسمع فيك تهدري_ :s:s:s
قلتلها إيه سمعتك بصح راجلي ما قابل حتى واحد حلفلي ما نزيد نحل الباب
قاتلي وهو كيفاش عرف راني كا نجي ؟؟؟؟:s:s:s
وزادت قاتلي بصح normalement ما تخليهش يديرلك هاك la prochaine fois كا يقول ليك ما تروحيش لمك
والله ياخاوتي أنا دخت فيها
ومن ذاك الوقت مازادتش بانت ,ربي يسمحلي عمري ما تلفت عبد بصح الله غالب كثرت

اختي احسن ما فعلتي ما تلوميش روحك انت ما درتيلها والو وهي اللي وصلت روحها لهذ الشي من حقك تقعدي في دارك وحدك وردي بالك تجيك وتفتحيلها الباب وتستقبليها راهي تولي كيما الاول
الناس يزورو بعضهاهم بصح بالمعقول ماشي نهار كامل وهي مسمرة في ديار الناس
 
كانت عندي جارة هكذا واكثر
المهم خليتو هو طردها من هذاك النهار حتى انا
ندير روحي منعرفهاش اذا تلاقينا في الفيلاج عند لحوانت والا حمام المهم تبقاي هانية ومرتاحة
كانت قبل منكمل شغل داري تجيني
والله غير خليه هو يطردها
يخرج هي راح اتجيك ومن بعد يدخل من وراها يحاوزها
لانو مثلها تلمحيلها ما تفهمش
 
يا اختي ربي معاكالواحدخطراتولادووميحملش يقعدو معاه هذي متحشمش ملاكنتي فوتيها
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top