يا معشر الشباب ، من استطاع منكم الباءة فليتزوج

ĂÝǾΰb

:: عضو بارز ::
أحباب اللمة
إنضم
17 ماي 2010
المشاركات
2,905
نقاط التفاعل
4,085
النقاط
111
السلام عليكم و رحمة الله

مرحبا أعضاء و مشرفي و زوار اللمة ~

أما بعد

نبدا قولي بقول الرسول صلى الله عليه وسلم :

عن عبد الله بن مسعود قال : قال لنا رسول الله صلى الله عليه وسلم { يا معشر الشباب ، من استطاع منكم الباءة فليتزوج .. }

الباءة = القدرة على تكاليف الزواج ~

بصح تكاليف الزواج بكري زي ودرك زي و هذا سبب العنوسة عند الفتياة و تأخر الزواج عند الشباب

قديما
حدثنا يحيى، حدثنا وكيع، عن سفيان، عن أبي حازم، عن سهل بن سعد، أن النبي صلى الله عليه وسلم قال لرجل:(تزوج ولو بخاتم من حديد). رواه البخاري.

خاتم حديد

درك راه لازم خاتم الشوفة و خاتم الخطبة و خاتم الزواج ولازم سكن خاص ( ماكش ساكن مع يماك )
لازم تكون خدام محزمة و مقايس و 25 مليون و زوج قناطر صوف كورتاج و الحممات هي فاميلتها و صحباتها و العر
س في لاصال ليلة بـ 1
0 ملاين و طلع الفوق :(

ولات الزواج لمن استطاع اليه سبيلا

مرنيش جايب حكايات من راسي عايشين في مجتمع و تعرفو

واش الفايدة من هذا التعسير ؟

شكون سبب التعسير الأم ولا بنتها ولا باباها ؟؟؟

ولي تزوجت بمهر قليل يطيح قدرها ؟؟

في انتظار تفاعلكم واظافاتكم :regards01:



 
السلام عليكم ورحمة الله
صباح الخير خويا
صعيب الزواج ذرك بصح ممكن تلقي لى ما يطلبش الغالي وما يشرطش المستحيل
واسباب غلاء الزواج وصعوبة راهى باينة
ربي يزوجك وربي يهنيك


 
السّلآمـ عليكمْـ
صحيحْـ كلامكـ
عآد صعيبـ الحآل باه العبد يتزوج
الراجل كي يخمم يتزوج لاازم يدبر ألف حسابـ و حساب
صح بيت الطفلة يشرطو لبنتهم مي لآزم يكون في المعقول
ونظن بلي والدين الطفلة سبب في عنوسة البنت لأنهم يشرطو بزاااف على أهل العريس
كيما حنآ في جيهتنا المهر نتاع الطفلة مابين 12 و 14 ماشي 20 مليون
كيما خويا خطب مدوهالو ب 12 مليون يعني ماشي بزاااااف
مي تكاليف العرس هي اللي بزااااااف العرضات والغدا و العشا
وكيما قلت السكنة وين نلقاوها
لازم يدعمو الشباب
كيما خاوتي 3 ماعندهمش الحق ني في السويال ني في التساهمي
+ قطع الاراضي عندهم اعوام ماهمش يبيعو فيهم
يعني أزمة نتاع الصح
ان شاء الله ربي يسهلك وتلقا العروسة المناسبة
 
السلام عليكم

بارك الله فيك خويا على هذا الطرح لموضوع إجتماعي أثقل كاهل السباب
كما أشكر كل من الأخ والأخت اللذان ساهما بكل موضوعية وتناسق
لكن أنا أختصر لك مشاركتي في أمرين أساسيين هما....
1 الشروط التعجزية وسبب العنوسة للعديد من البنات هي * الأم *
2 التكاليف والمصارف الدخيلة سببها الأب أو ولي الأمر.
*لوكان الراجل هو ليتحكم في شرط بنتو مانوصلوش لهذا الكارثة من العقبات
*لوكان الراجل عندو نعجة يذبح نعجة ولعندو بقرة يذبح بقرة مايخليش روحو يوصل لتبهديل بعد العرس أكل يسالوه.

تقبلوا تحياتي
 
السلام عليكم

ايوب شكرا على الموضوع

انا في رايي هادي راهي دخلت في مجتمعنا
و العقليات كل ام تقولك بنتي ماهيش قل من اخرى
اعلاه هاديك تدي هاك وانا بنتي هاك فهمتني قصة مظاهر

كاين تاني اباء طماعين و يشرطو
بلوس متنساش هادو تقاليدنا الي خلات الحالة هاك واعرة
اما كيما قالك اخ ماستر تلقا فاميليا من فاميليا كاين الي يشرطو كاين الي لالا
تاني جرب تبحث شوي راح تلقا اختلاف جد جد جد كبير بين ولايات الجزائر
و ربي يوفق كل واحد و يفرج على كل واحد
تحياتي و بقية يوم سعيد
 
السلام عليكم خويا :
الله يرحم داك الفم.
انا رايح نبدا نحكي تكاليف الزواج من اول الخطوبة
" الو ... عبد الحق كي راك خويا صفا واش نقلك خويا سمعت بلي الله يبارك عندكم طفلة في سن الزواج
عبد الحق : وي مرااد كاين.... شكون هذا اللي تخطبلو ؟؟؟؟
مراد : عندي وليدي محمد حاب نزوجو رانا غدوة انا والمرا ديالي نجي نخطب
عبد الحق : مرحبا بيكم مرحبا
بيت عبد الحق : ثورة الله غالب هذي البنت الكبير الام تندب ما كاش اللي يعاونها البنت تندب ما عندهاش واش تلبس المهم
غدوا الصباح : طيط طيط طيط طيط
عبد الحق : اهلا السي مراد تفضلو تفضلو مرحبا بكم في بيتكم
السي مراد : الله يزيد فضلكم
ام العريس : حاملة لقطعة الحلوة ...
العريس محمد : هاذا وين بانت فيك الحشمة يا وحد لباندي
جلس الجميع في انتظار سندريلا ..
سندريلا : تحمل سنيوية نتاع القهوة و لابسا روبا من عند صحبتها باربي ..
ام العريس : ماشاء الله خموس عليها تفضلي بنتي ريحي قدامي ..
البنت سندريلا : لاعبتها حشمانة
المهم يالسي مراد كيفاش نتفاهمو عبد الحق يقول.
السي مراد : يا خويا معلاباليش بالخير هذاا كامل راهو عندك .
السي عبد الحق زعما نخوة....كنها في نفسو
يا خويا مراد البنت عجبتكم والعريس موافق وا واش
يلتفت السي مراد لابنو : واش آ" موح "اهدر بصوت منخفض ايه يابابا مليحة ندوها .. زعما حشماان مرة اخرى.
عبد الحق نتفاهمو على الشرط بنتي انا عطاتلي في البارسا 20 مليون اورو
وماا دام انتوما تشجعو الريال كيما انا يا خويا نعطيهالك ب 30مليون قيمة الشرط الجزائي نتاعها ..
السي مراد يا خويا وعلاش هذا الشي ساعدني ساعدني شويا
المهم السي عبد الحق يقول : المساعدة التالية التالية ب 27.5 مليون نتقاسمو هاديك الخمس ملاايين
السي مراد يشوف وليدو والزوجة نتاعو : انعم يابا ..السنة نديو الشمبيونا ...
امهم شراو الطفلة وعاشا بسعاادة الى الابد
وما زال تفاصيل اخرى نخلي كل واحد يديرها في راسو الله يستر الجميع واللي مش قادر على الزواج روح احرق لندن
ولا روح جاهد بالمهر نتاعك في فللسطين على الاقل تضمن سبعين من الحور العين
واللي تغلي في المهر نتاعها نقلها ان شاء الله تمتي باايرة
واللي مسابوطي خاوتو بالتكاليف اللي يخترعها في الزواج نقلو ان شاء الله طيح في وحدة ما تعرف طيب ما تعرف تغسل والسلام عليكم خاوتي.





 
و عليكم السلام و رحمة الله تعالى و بركاته

كلامك صحيح يا أخي ربي يكون في العون يا رب

و ربي يسهل و ييسر لكل الشباب و البنات الزواج يا رب

ربي يسهل لكل شاب بنت حلال و صالحة و ربي يسهل لكل بنت ولد حلال و صالح يا رب

يا أخي راني قتلك كلامك صحيح في وقتنا هذا مي ماشي في كل الأماكن كاين هكا
كاين الي مايشرطوش بزاف و كاين الي يحوس على الهناء و راحة البال برك

نهدرلك بصراحة عندنا ماكانش الي يشرط بزاف المهم يكون الولد صالح و يقدر على المسؤولية و ماشي شرط تسكن في دار وحدها ماشي مع لافامي و لاصال ماشي شرط المهم كل منطقة وكيفاه

و كيما قالوا قبلي كل ولاية و كيفاه ماشي كل الولايات كيف كيف

ربي يرزقك ببنت الحلال و يهنيك و يصلحلك يا رب

موضوعك قيم و يستحق الطرح أخي بارك الله فيك
 
آخر تعديل:
وعليكم السـلآم والرحمة
صح هذا الى ولى صاري دوركايا
ولى الزواج غالي في الوقت الحالي
الشرط ولى 20 مليون وبلا الخاتم والفاتحة
و بلا العرس 50 مليون لازم الي حاب يزوج يكون مخبي 100 مليون
وياربي
مي كل شيء ولى غالي على هديا تلقى الزواج ولا قليل
وكل ولاية وكيفاش
ربي يفرج على كل واحد

 
السلام عليكم ورحمة الله
صباح الخير خويا
صعيب الزواج ذرك بصح ممكن تلقي لى ما يطلبش الغالي وما يشرطش المستحيل
واسباب غلاء الزواج وصعوبة راهى باينة
ربي يزوجك وربي يهنيك



و عليكم السلام خويا حكيم نهارك زين ~

اولاك شكرا على الاعتماد :regards01:

وشكر ثاني على الاضافة صديقي :)



السّلآمـ عليكمْـ
صحيحْـ كلامكـ
عآد صعيبـ الحآل باه العبد يتزوج
الراجل كي يخمم يتزوج لاازم يدبر ألف حسابـ و حساب
صح بيت الطفلة يشرطو لبنتهم مي لآزم يكون في المعقول
ونظن بلي والدين الطفلة سبب في عنوسة البنت لأنهم يشرطو بزاااف على أهل العريس
كيما حنآ في جيهتنا المهر نتاع الطفلة مابين 12 و 14 ماشي 20 مليون
كيما خويا خطب مدوهالو ب 12 مليون يعني ماشي بزاااااف
مي تكاليف العرس هي اللي بزااااااف العرضات والغدا و العشا
وكيما قلت السكنة وين نلقاوها
لازم يدعمو الشباب
كيما خاوتي 3 ماعندهمش الحق ني في السويال ني في التساهمي
+ قطع الاراضي عندهم اعوام ماهمش يبيعو فيهم
يعني أزمة نتاع الصح
ان شاء الله ربي يسهلك وتلقا العروسة المناسبة

و عليكم السلام

اهلا بيك اختي ~~

عندك الحق الدين تاعنا تيسير وميش تعسير

حتى ويبعو قطعة ارض جيهتنا بلاصة ما عندها حتى معنى قطعة ارض بملغ خيالي ما يقدر عليه الشاب الجزائري دخلو ضعيف جدا

ربي يسهل على خاوتك ان شاء الله ويسهل على جميع المومنين

يرزقني ويرزقك ان شاء الله بزوج صالح

جزيل الشكر على ردك و اضافتك المميزة اختي احترامي
:regards01:

السلام عليكم

بارك الله فيك خويا على هذا الطرح لموضوع إجتماعي أثقل كاهل السباب
كما أشكر كل من الأخ والأخت اللذان ساهما بكل موضوعية وتناسق
لكن أنا أختصر لك مشاركتي في أمرين أساسيين هما....
1 الشروط التعجزية وسبب العنوسة للعديد من البنات هي * الأم *
2 التكاليف والمصارف الدخيلة سببها الأب أو ولي الأمر.
*لوكان الراجل هو ليتحكم في شرط بنتو مانوصلوش لهذا الكارثة من العقبات
*لوكان الراجل عندو نعجة يذبح نعجة ولعندو بقرة يذبح بقرة مايخليش روحو يوصل لتبهديل بعد العرس أكل يسالوه.

تقبلوا تحياتي

و عليكم السلام مرحبا بيك خويا رابح ~

الشرط التعجيزي باش يرفعو من قيمة البنت و هذا جهل لأنو اقلهن مهرا اكثرهن بركة

تشكر على الاضافة نطقت جواهر خويا رابح

احترامي ليك اخي الطيب:regards01:



 
السلام عليكم

ايوب شكرا على الموضوع

انا في رايي هادي راهي دخلت في مجتمعنا
و العقليات كل ام تقولك بنتي ماهيش قل من اخرى
اعلاه هاديك تدي هاك وانا بنتي هاك فهمتني قصة مظاهر

كاين تاني اباء طماعين و يشرطو
بلوس متنساش هادو تقاليدنا الي خلات الحالة هاك واعرة
اما كيما قالك اخ ماستر تلقا فاميليا من فاميليا كاين الي يشرطو كاين الي لالا
تاني جرب تبحث شوي راح تلقا اختلاف جد جد جد كبير بين ولايات الجزائر
و ربي يوفق كل واحد و يفرج على كل واحد
تحياتي و بقية يوم سعيد


و عليكم السلام اهلا بختي :)

هدرتك في محلها اختي ولات درك شكون يمد كثر

تقول رح يبع ويشري

شكرا اختي على تواجدك

احترامي :regards01:


السلام عليكم خويا :
الله يرحم داك الفم.
انا رايح نبدا نحكي تكاليف الزواج من اول الخطوبة
" الو ... عبد الحق كي راك خويا صفا واش نقلك خويا سمعت بلي الله يبارك عندكم طفلة في سن الزواج
عبد الحق : وي مرااد كاين.... شكون هذا اللي تخطبلو ؟؟؟؟
مراد : عندي وليدي محمد حاب نزوجو رانا غدوة انا والمرا ديالي نجي نخطب
عبد الحق : مرحبا بيكم مرحبا
بيت عبد الحق : ثورة الله غالب هذي البنت الكبير الام تندب ما كاش اللي يعاونها البنت تندب ما عندهاش واش تلبس المهم
غدوا الصباح : طيط طيط طيط طيط
عبد الحق : اهلا السي مراد تفضلو تفضلو مرحبا بكم في بيتكم
السي مراد : الله يزيد فضلكم
ام العريس : حاملة لقطعة الحلوة ...
العريس محمد : هاذا وين بانت فيك الحشمة يا وحد لباندي
جلس الجميع في انتظار سندريلا ..
سندريلا : تحمل سنيوية نتاع القهوة و لابسا روبا من عند صحبتها باربي ..
ام العريس : ماشاء الله خموس عليها تفضلي بنتي ريحي قدامي ..
البنت سندريلا : لاعبتها حشمانة
المهم يالسي مراد كيفاش نتفاهمو عبد الحق يقول.
السي مراد : يا خويا معلاباليش بالخير هذاا كامل راهو عندك .
السي عبد الحق زعما نخوة....كنها في نفسو
يا خويا مراد البنت عجبتكم والعريس موافق وا واش
يلتفت السي مراد لابنو : واش آ" موح "اهدر بصوت منخفض ايه يابابا مليحة ندوها .. زعما حشماان مرة اخرى.
عبد الحق نتفاهمو على الشرط بنتي انا عطاتلي في البارسا 20 مليون اورو
وماا دام انتوما تشجعو الريال كيما انا يا خويا نعطيهالك ب 30مليون قيمة الشرط الجزائي نتاعها ..
السي مراد يا خويا وعلاش هذا الشي ساعدني ساعدني شويا
المهم السي عبد الحق يقول : المساعدة التالية التالية ب 27.5 مليون نتقاسمو هاديك الخمس ملاايين
السي مراد يشوف وليدو والزوجة نتاعو : انعم يابا ..السنة نديو الشمبيونا ...
امهم شراو الطفلة وعاشا بسعاادة الى الابد
وما زال تفاصيل اخرى نخلي كل واحد يديرها في راسو الله يستر الجميع واللي مش قادر على الزواج روح احرق لندن
ولا روح جاهد بالمهر نتاعك في فللسطين على الاقل تضمن سبعين من الحور العين
واللي تغلي في المهر نتاعها نقلها ان شاء الله تمتي باايرة
واللي مسابوطي خاوتو بالتكاليف اللي يخترعها في الزواج نقلو ان شاء الله طيح في وحدة ما تعرف طيب ما تعرف تغسل والسلام عليكم خاوتي.






اهلا و سهلا بيك سي حكيم راك منور خويا ;)

هههههههه و الله ضحكتني بخفة دمك سيناريو رايع

تشكر خويا على الاضافة في محلها

وجودك سرني يا طيب احترامي :regards01:


و عليكم السلام و رحمة الله تعالى و بركاته

كلامك صحيح يا أخي ربي يكون في العون يا رب

و ربي يسهل و ييسر لكل الشباب و البنات الزواج يا رب

ربي يسهل لكل شاب بنت حلال و صالحة و ربي يسهل لكل بنت ولد حلال و صالح يا رب

يا أخي راني قتلك كلامك صحيح في وقتنا هذا مي ماشي في كل الأماكن كاين هكا
كاين الي مايشرطوش بزاف و كاين الي يحوس على الهناء و راحة البال برك

نهدرلك بصراحة عندنا ماكانش الي يشرط بزاف المهم يكون الولد صالح و يقدر على المسؤولية و ماشي شرط تسكن في دار وحدها ماشي مع لافامي و لاصال ماشي شرط المهم كل منطقة وكيفاه

و كيما قالوا قبلي كل ولاية و كيفاه ماشي كل الولايات كيف كيف

ربي يرزقك ببنت الحلال و يهنيك و يصلحلك يا رب

موضوعك قيم و يستحق الطرح أخي بارك الله فيك

اهلا وسهلا بيك اختي منورة :)

بارك الله في كل من يسر للحلال

الرجوع للأصل فضيل لي هردها العادات لي ما عندها حتى معنى

اللهم آميـــــــــن يرزقني و يرزقك ان شاء الله

احترامي :regards01:


QUOTE=ملاك25;5662098]
وعليكم السـلآم والرحمة
صح هذا الى ولى صاري دوركايا
ولى الزواج غالي في الوقت الحالي
الشرط ولى 20 مليون وبلا الخاتم والفاتحة
و بلا العرس 50 مليون لازم الي حاب يزوج يكون مخبي 100 مليون
وياربي
مي كل شيء ولى غالي على هديا تلقى الزواج ولا قليل
وكل ولاية وكيفاش
ربي يفرج على كل واحد

[/QUOTE]

اهلا و سهلا بيك ملوكة

راكي نطقتي جواهر

منين 100 مليون مع الدخل الضعيف تاع العامل الجزائري

لازم يفني صغرو عجال الحلال سهل فيه ربي

اللهم آميــــن

احترامي :regards01:

 
السلام عليكم و رحمة الله و بركاته
و الله موضوع في القمة بارك الله فيك
شوف مام بنت العرس مولاتش كيما قبل
بكري العرس في دار و الهرج و الزقا و الدار تتخمج و الماعين و......بصح و الله بنة ولا و ارع مام ربي يطرح البراكة للزوجين و يتهناو في معيشتهم
و دوكا كلشي ولا في لاسال و الطباخين و الداخل و الخارج لا حشمة لا والو
رجعنا كيما الخارج هذمك طيح عليهم باسكو ملتهم و احنا دينا وين راهو راح تبخر
يا اخي بالنسبة لغلاء المهر حنا منوصلوش ل20مليون في جهتنا
خويا فتح هذيك نهار عطاوه ب 10ملاين مجهزة وكي شفناها دارلها الخاتم
بصح منكذبش حاب يشريلها بارير وخاتم اخر
بصح الصوف و المقياس و المحزمة هذوم قاع مكانش
بصح شكون الي غلا المهر هم صحاب الشكارة (مرانيش نلوم)وجهة نظري
الي عندو امد بنتو للي عندو و يشرط واش احب و الباقي اعاند و راحت خلات على الرجال و الفتيات
سهلو على الخلقة و سهلو على رواحكم يا لبنات
الحياة تتعاش مرة ماشي زوج
و كي تكوني في دارك و بين اولادك و زوجك و الله تنساي كلشي
المهم الهناء و حاجة ما دوم
خويا ربي يرزقك ببنت الحلال الي تقدرك ماشي الي تطمع في مالك
 
السلام عليكم و رحمة الله و بركاته

يعطيك الصحة خويا ايوب موضوع تاع العصر و الناس كامل تشكي منو

Bnولا كان بكري كي يجي العريس يقولو المهم راجل و يخاف ربي راهم ضوكا يقولو المهم خدام و يدخل دراهم .. الدنيا ولات تحكي غي على الدورو الله يحفظ و يستر

و كل وحدة تقولك "ااه نزوج بنتي باطل ؟ بغيتي يضحكو عليا و يقولو كاش ما فيها ! .o_O "
يعني من تالي ولا الزواج pـرستيج
على بيها les jeunes ما راهمش يتزوجو و كثرت الفتنة و الفساد في المجتمع ! ربي يستر

 
الحل في الزواج ب أربعة نساء :d
وحدة تحبها :-r
ووحدة نسميها الشهرية :up:
ووحدة مولات الباطيما لي راح نسكنهم فيها;)
ووحدة مولات المحلات نتع الكوميرس :-h

أيا اعلان من ترضى بهذه الشروط وتتوفر فيها أحد الشروط تتصل على الرقم التالي :
[تحوسي على النيمرو منك بالصح ؟؟ ]
ملاحظة لو وجدت مرأة تتوفر فيها كل الشروط فسأتخلى عن التعددية
كما لا أنسى شروط صورة شمسية تع جدات باباك ودبلوم صنايع وشهادة وفاة
وأعدكم بحياة من العذاب وقلة الأمان وانعدام الطمأنينة وحياة عاطفية أصفار متتالية

وشكرا جزيلا جمهوري العزيز من الجنس اللطيف
الذي لم يبقى من لطافته شيء


ملاحظة مهمة في الرد:
الأخوات لاتنزعجن الأمر موجه في فائدة عينة محدودة
وشكرا جزيلا :)



 
خويا والله غير الناس مهومش كيف كيف كاين واحد من لافامي خطب الشهر اللي فات شرطولو مصحف بصح انا وليت نشوف فهاديك الطفلة حاجة كبيرة في عينين الناس انا نقلك اللي يشرطو بزاف طماعين هو صح مثلا الطفلة يشرطو عليها 12 ولا 10 اتاكد بلي تجيب بيها زوج حوايج ذهب والسلام بصح اللي واعية وقانعة تشرط لهناء برك باسكو كل حاجة فانية وتخلاص بصح كي تعيش في قصر ومهيش مهنية وشمن فايدة؟
ربي يكبر لعقول ويهدينا ويهدي الناس اجمعين ويخلينا قانعين
 
ختي احنا شعب نهتمو بزوخ فخفاخ نتبع مضاهر لوكان نشوف قد عينينا كراه كلشي ساهل وميسر بادن الله[/H]
 
السلام عليكم

مرحبا بكم احبتي اسعدني تواجدكم و ردودكم الراقية

اعذروني لأني لم ارد على كل على حدى لكني سررت كثيرا بالاضافات نموت عليكم

تعيشولي لحباب ربي يخليكم و ان شاء الله تتبدل العقليات الخاسرة فلمجتمع

احترامي

 
خويا واش باغيني نزيد الشعب الجزائري الله يبارك كامل يفهم في امور الدنيا هههه الاخوة مقصروش في الردود شكرا على الموضوع القيم اخي العزيز
 
عندك الحق ربي يقدر الخير ويسهلنا الامور
 
راك تشوف يا اخي المجتمع تاعنا ولا يميل اكثر للتصنع و الشكليات على الحقيقة
يعني زعمة يكون المهر تاعها 50 مليون و يديها واحد سراق ولا كاش عفسة ماشي مليحة و يخليلها حياتها جحيم احسن من انوا يديها واحد قدوا قد روحوا بصح قد المسؤولية و يكون معاها راجل و يهنيها ؟؟
الوالدين و البنات في حد ذاتهم ولاو يفكروا على انهم سلعة و راهي مطروحة في المزاد اللي يمد اكثر يديها بدون النظر الى المستقبل البعيد ،و كيما يقولوا ناس بكري الطمع يفسد الطبع
 
l_™SN1PER GH0ST™_l، تم حظره "حظر دائم". السبب: مخالفة القوانين
لذلك نشآآآهد كثرة الطلاق والمشاكل الزوجية

تزوجوا فقراء يغنيكم الله من فضله


 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top