جميع وصفات عضوات ماذا ستطبخين اليوم سيدتي

بسبوسة لحدة



درت 4 بيض تع عرب كانو عندي انت دير تع لقور ههه+ كاس سكر+ مغرفة صغيرة فاني نخلطهم بالبوتور حتى يثقالو +نفس الكاس زيت ونخلط + نفس الكاس حليب ونخلط انا ضفت زاست تع برتقال وليمون ونخلط من بعد نخلط 1 خميرة تع الحلوة مع 2 كاس دقيق رفيع وكاس فرينة ونضيفهم للخليط اذا تحبي تعملي غيرالدقيق تاني جي مليحة
ندهن الصينية ولا بلاط تع الفور ونفرغ الخليط ونحطها في الكوشة
الكوشة لازم تكون سخونة من قبل هاك تضمني بلي بسبوستك تطلع
كي طيب فرغت عليها عسل يكون ماهو ثقيل ماهو خفيف
انا العسل شريتو ما خدمتوش كان ثقيل ضفتلو شوية ما وسخنتو وسقيت البسبوسة وخليتها تتشرب
وتقدري تزينيها حسب ذوقك انا مازينتهاش كنت مزروبة ناكل ههههه
​

المسكوتشة لكوثر الوهرانية

اربعة بيض نضربهم مليح مليح مع كاس سكر و فاني نضرب حتى يبياض الخليط نضيف نصف كاس زيت و نضرب و مبشور الليمون و نزيد كاس حليب و زوج كيسان و نص فرينة بالتناوب و زوج خميرة الحلوى ندهن مول و نفرغ الخليط و ندخله فرن يكون مسخن مسبقا و النار تكون متوسطة نخليه يطيب حتى يحمار مليح و منفتحش عليه الفرن
كي يطيب نخرجه من الفرن نخليه شويا ق ما يعرق و نقلبه في صحن و نزينه حسب الرغبة​

فتة بالدجاج لإبتسام



نقطع الخبز العربي الى مربقات ويحمص في الزيت يقلي
انا اخترت صدر الدجاج
قطعيه مربعات صغيرة واطبخيه في الماء وزيت والملح غير شوية فلفل اسود
اول مايطبخ صفيه واحتفضي بالمرق الدجاج
خدي مقلاة حطي فيه شوية زيت وحمري قطع الدجاج غير شوية حطيه على جيهة
حضري صحن وحطي فيه زبادي من النوع السائل مع ملعقة اكل طحينة وسنة توم مرابيا مع مع قليل من العصير الليمون
وخلطي الكل
حمري اللوز افيلي
قطعي المعدنوس
تحضير الطبيق للتقديم
ناخذ الطبق نضع الخبز المحمر ونسقيه بالمرق الدجاج
نضع فوقو قطع الدجاج وونستفو مليح فوق الخبز
نسكب الصلصة البيضاء
ويزين بالمعدنوس واللوز محمر
في الاخير نسكب عليه ملعقتين اكل زبدة دايبة على الوجه​

الدويدة البيضاء لروعة2005



انا استعملت نصف صدر دجاج...وزدت قسمتو على زوج ,جهة لعضم درت بيها مرق ابيض :
في مرميطة درت ملعقة زيت,2 ملاعق زبدة,قطعة الدجاج الي جهة العضم,ملح,فلفل لسود,نعناع يابس ومرحي
ونخليوها تتقلى على نار هادية ,,نخليوها تتقلى مليح مليح
بعد ما يتقلى الدجاج نضيفو بصل مرحي { كمية صغيرة} وسنات ثوم { كمية لباس بيها} ونخليوهم يتقلاو مليح مليح


بعدها نمرقوها ونخلوها طيب

من جهة اخرى
نرحيو الدجاج الي بقا ونضيفولو ثوم مرحي,معدنوس مقطع,شوي نعناع يابس مرحي,ملح,فلفل لسود,حبة بطاطا صغيرة نية و مرابية
نخلط المزيج مع بعض ,,نشكل كرات ,,نرمدهم في الفرينة ,,ثم نقليهم في شوي زيت

بعد ما تخثار المرقة شوي نلوحو كريات الدجاج ونخليو المرق حتى يخثار
بعدها نضيفو الفارميسال
نقدموها بالمعدنوس والقارص​

الكفتة دجاج لندى242008






انصبي مرقة بيضا بالدجاج بالبصل والزيت وملح وفلفل اكحل
ارحي صدر الدجاج ومن بعد ضفيلو بيضة وملح وفلفل اكحل وكسبر مرحي وعصرة قارص ومعدنوس مفروم ومن بعد كعور ومد لعور ومرغيهم في شابلير واقليهم
الزيتون غليه مع نص قارصة وصفيه
ومن بعد ما تطيب المرقة لبيضا نحي الدجاج وحمريه في الكوشة
ولوحي فيها الزيتون واصابع الدجاج والشومبينيو وخليها تغلي غلية وطفي
قدميها مع معدنوس و عصرة ليمون تجي امممممم تستاهل بؤك​

بغرير لكوثر الواهرنية



تلات كيسان سميد و كاس فرينة و مغرف سكر ملح و وحدة خميرة الحلوى و مغرف خمارة حطيهم في روبوا و خلطي مع اضافة الماء الدافي مدة 4دقايق و فرغي العجين نتاعك في قدرة و شوفي ادا خص الماء زيدي و حطيها في مكان دافي 10دقايق و طيبي في مقلة تيفال
انا كي نكون نخلط فيه ندي الميكرووند يسخن و نطفي عليه و نحط القدرة فيه باش يخمر في سع​