جميع وصفات عضوات ماذا ستطبخين اليوم سيدتي

رد: جميع وصفات عضوات ماذا ستطبخين اليوم سيدتي



جيبي كوكوط حطي فيها بطاطا و جزر بحيث كمية البطاطا أكبر من كمية الجزر

حبة جريوات

حبة لقت

حبتين طماطم

حبة بصل

4سنات ثوم

قطعة دجاج من الأحسن الفخذ

كمشة حمص ملعقة كبيرة ارز

ملعقة كبيرة طماطم العلبة

4 ملاعق كبيرة زيت

ربطة حشيش و معدون و عرفين كرافس اربطيهم مع بعض بخيط

ملح

فلفل اسود

زعفران

3ملاعق صغيرة كسبر مرحي

ملعقة صغيرة حبة الحلاوة
ملعقة صغيرة كروية

و إذا كان وقت الخرشف ديري بعض الأغصان تعطيها ذوق رائع

المهم مرقي بالماء الساخن و خلي الكوكوط فوق النار هادئة لمدة ساعة كاملة

راني نقول ساعة كاملة لأنك لو تخليها أقل راح يختلف الذوق

المهم افتحي الكوكوط إنزعي قطعة الدجاج و ربطة الحشيش و المعدنوس و الكرافس

و ارحي بالميكسور جيدا

عدلي بالماء الساخن بحيث تكون ما خفيفة ما ثقيلة

و رجعيها فوق النار و مين تغلي طفيها

لازم ترجعيها فوق النار بعد ما ترحيها

رد: جميع وصفات عضوات ماذا ستطبخين اليوم سيدتي


ولا تنصبي مرقة بيضا بالدجاج وحبة بصلة مرابية شوية زرت وزبدة وملح وفلفل اكحل ونزيد معاها جومبو دجاج تقليها مليح وتمرقيها قيمة زوج كيسان ماء ..تخليها حتان يطيب الدجاج والمرقة تبقى حوالي كاس
--
تجيبي اللحم المرحي تداويه ملح وفلفل اكحل ومعدنوس وكسبر يابس و عصرة ليمون
تحفري الجريوات والطماطم تنحيلها اللب
تقدري تضيفي القليل من الحشوة اللي فرغتيها من الجريوات للحم المرحي
تعمري الجريوات والطماطم باللحم المرحي
--
في مقلة تحطي فيها شوية زيت وتشوحي حبات الجريوات والطماطم
ومن بعد تحطيهم في المول وتصبي عليهم المرقة تاع الدجاج اللي طيبتيها من قبل مع شريحتين قارص
تخليها في الفرن حتان تكمل طيابها وطفي عليها وماتنسايش تحمري الدجاج في الفرن معاها في اخر 5 دقائق وتقدميها

رد: جميع وصفات عضوات ماذا ستطبخين اليوم سيدتي


4بيضات
وقريب كاس سكر حتى صار لونو ابيض
وقريب كاس زيت
وقريب كاس حليب
وافاني وليمون مبشور
بعدها درت كاس لاشابلور
وزدت كاس سميد لقيتها مازالت خفيفة.. زدت كاس لقيتها تاني مازال.. زدتها نص كاس
مي الكاس تاع السميد مش كبير صغير شوية والسميد رقيق
بعدها درت الخمارة 2ملاعق كبار و2ملاعق فرينة وبالباتور وخليتها تقريبا 10دقايق وشعلت الفرن باش يسخن
وكي سخن خلطتها مليح وفرغتها في مول مدهون وكي خرجت مباشرة سقيتها بعسل
سخون موالفة نديرو بارد انا ماصبرتش برك مي خرج عليها.. جات هايلة

رد: جميع وصفات عضوات ماذا ستطبخين اليوم سيدتي


نصف كيلو صدور دجاج او دجاج مفروم
بصلة مفرومة
فص ثوم
2 بيضة
نص كوب كريمة
(جزرة - كوسة) مقطعين صغير جدآ - ذرة
ممكن استعمال بسلة بدل الذرة
انا هنا استغنيت على هدي المرحلة
عملت فرماج مقطع والزيتوناخضر مقطع
ملح - فلفل
نفرم الدجاج مع البصل والثوم والملح والفلفل

ثم نضع البيض والكريمة ونخلط
حتى يصبح خليط كريمي ناعم .
نخلط الخضار مع الخليط بالملعقة
او زيتون والفرماج مثل ماعملت انا

ندهن قالب زيت ونضع به الخليط على ان يكون قدقد
نضعه في حمام مائي
وندخله الفرن حتى ينضج
ننتظر حتى يبرد ثم نخرجه من القالب ونقطعه
تقدري تحطيها فوق الارز او السلطة

رد: جميع وصفات عضوات ماذا ستطبخين اليوم سيدتي


المقادير : رطل و نص فرينة
مغرفة كبيرة و نص خميرة
مغرفة كبيرة و نص حليب غبرة
مغرفة كبيرة و نص سكر
ملح
نص غنجاية زبدة
نص فنجان زيت
ماء دافئ
الطريقة : تخلطي جميع المكونات مع بعض ماعدا الزيت و الماء الدافئ و تجمعي العجينة بالماء الدافئ و تعجيني و ترخفيها و من بعد تفرغي نص فنجان الزيت و تزيدي تعجني حتى تولي ملساء و تقسميها 8 أقسام و تكوريهم و تتركيهم يرتاحو شوي و في هذا الوقت ندهنو السينيات تاع الفور و نرجعو للعجينة : نرش الطاولة بالفرينة و نبسط العجينة بالحلال و نبرم العجينة كيما la buche و نحط في الصينية و نكمل باقي العجينة بنفس الطريقة و نجيب موس حاد جدا أو lam جديد غير مستعمل و ندير 3 شلطات في النص و خلاص نغطوها و نتركوها تتخمر و كي يتضاعف حجمها ندهنوها بصفار بيضة مخلوط بشوي قهوة ثقيلة و نرشوها بالجلجلان و نطيبوه

رد: جميع وصفات عضوات ماذا ستطبخين اليوم سيدتي


ناخد الكلمار نضفه مليح نفيض اروز نص طباي و ندير معاه اللحم المرحي البصل و الثوم مرابيين و ملح فلفل اسود و فليل من الزعفران و قليل من القرفو و الكبابة و المعدنوس و القسبر نخلكط الكل و نحشي بيه الكلما و نغلق بعود الاسنان و ندير صلصة الطماطو في الطنجرة و كي تغلي نحط الكلمار و نغلق عليه حى يطيب و تعقاد الصلصة


نعناع أخضر

شاي أخضر

سكر حسب الرغبة

* قومي بتسخين الماء لدرجه الغليان

* في ابريق شاي عادي أو اذا كنت تتوفري على الابريق المغربي

* ضعي بعض حبات الشاي

* وضعي فوقها القليل من الماء حوالي كأس واحد

* تقومين بهذه الطريقه بغسل حبات الشاي

*تسكبي الماء
في ابريق اخر ثم كرري العملية مرتين

* و ضعي الابريق فوق النار كي يغلي الشاي و يأخد لونه

و أضيفي السكر حسب الطلب

* بعد ذلك تقومي بتقليبه في كأٍس كي يخلط السكر بطريقه جيده
*نظفي أوراق النعناع و أزيلي عنها الجذور

* ضعيها في الابريق

معلومه اضافيه:

يتغير لون الشاي حسب الكميه التي قمت بوضعها في الابريق

أذا وضعت كميه كثيرة يصبح لونه على سوادأما اذا وضعتي كميه قليله جدا فسيعطيه لون أصفر وهذا ليس بشاي صحراوي هههههههههههههههه يقال في تمنراست شاي الاطفال
حاولي أن تضعي مقياس ملعقتين صغيرتين لكي تحصلي على اللون المطلوب أو حسب الطلب الذي تريدينه.
فوضع النعناع يغلي مع أوراق الشاي سيقلل من نكهة النعناع في الشاي فيجب إضافة النعانع بعد نزع ابريق الشاي (البراد) من على النار وقبل القيام بتقليبه لخلط السكر وحتى نحصل على شاي الصحراء يجب ان تكو ن النار التي يطهى عليها الشاي (هادئة) ..ملاحظة: علميا عملية تقليب الشاي من الابريق الى الكأس عدة مرات تسمح بدخول جزيئات الاكسجين في الشاي وهو ما يعطي الشاي خصائصه التي يشتهر بها (الخ والله أعلم

رد: جميع وصفات عضوات ماذا ستطبخين اليوم سيدتي


لحشو لوز مطحون متوسط مع سكر وقرفة وبرش الليمون وماء الزهر حتى تتجمع قليلا مش شرط تولي عجينة بعدها تفتحي زوج ورقات ديول وحدة فوق نص الاخرى بعضاهم وحطي الحشو بالطول وماتكثريش ياسر وتلويها مليح ونتي تضغطي حتى تولي كي السيقار الطويل بعدها تزيدي ادوريها على روحها وتحمكيها بالكوردون باش ماترجعش تتفتح وامبعد تقليها وتعسليها وتعملي فوقها بيستاش مطحون في الوسط كزينة


شوفي تجيبي نصف لتر حليب ديريه في كسرونة وتحطي معاه 3 معالق مايزينة و3 معالق سكر وتحركي مليح لحتى تعقاد مليح من بعد ديريها فالاكواب نتاع التقديم وديريها فالثلاجة تجمد.
وفي هاد الوقت تجيبي كيس عصير بودرة من الافضل يكون نتاع الليمون وتقدريها بالماء عادي وديريه في كسرونة وتزيديلها 3 معالق نشاء والسكر حسب الرغبة خصوصا اذا كان العصير حلو وحركي مليح حتى تعقاد كيما لحليب ,جبدي الي درتيه فالاول قصدي لحليب يكون جمد حطي فوقها اي نوع فواكه حنا حطينا البنان والعنب وحطينا الخليط الزاوج نتاع العصير
وتحطيه فالثلاجة حتى يجمد مليح.
حنا كي درنا لحليب ما عجبناش بزاف .اذا حبيتي فالخليط الاول ديري عصير ليمون وفالثاني عصير ليمون وبنفس المقادير

رد: جميع وصفات عضوات ماذا ستطبخين اليوم سيدتي


لدجاج ايفيلي انا نسلخ الدجاجة كاملة مش الصدر برك باش تكفيني و نفرشها ونرابي فوقها الثوم والفلفل اسود والكاري والملح والزنجبيل
واللحم المطحون نديرلو بالكسبر والثوم والفلفل اسود والملح وبيضة و نديروحربوش طويل ونحطو فوق الدجاجة المفروشة ونلويه ونشدو بالخيط دوائر دوائر باش نزيرها ولا بالكيردون وامبعد نجيب لاكريم فريش ولا القشطة وندريلها الثوم والموطارد وشوي ملح والزنجبيل والزعفران اذا حبيتي وندهن بيها الدجاج من فوق مليح ونخليه في الثلاجة نص ساعة ولا اكثر وامبعد نطيبو وكي يطيب نقطعو دوائر

رد: جميع وصفات عضوات ماذا ستطبخين اليوم سيدتي


اولا سخني الطاجين وفرغي فيه زيت زيتون انا استعملت الزيت العادي
ثم تبلي الكفتة واقليها في الزيت

نحي الكفته بجيهة وحطي البصل المقطع يذبل

ثم تكونيرحيتي 2حبات طماطم كبار+مغرف طماطم باط+مغرف هريسة+فلفل اسود+ملح+سكنجبير+جوزة الطيب +ملح
وتفرغيها فوق البصل لي ذبلتيه
وهي تغلي وانتي رجعي بولات الكفته

غطي الطاجين وخليها تتجمر على نار قليلة
وفي الاخير افقصي البض على حسب افراد عايلتك ودريلو رشة فلفل اكحا ملح ومعدنوس وغطي وخلي البيض يطيب راهو يجي اكثر من راائع نتمنى تجربوه ويعجبكم

رد: جميع وصفات عضوات ماذا ستطبخين اليوم سيدتي


تطبخي الماء مليح حتى يولي يتقلب في كاش كسرونة تكوني تطبخي فيها الما برك لانو لاتاي حساس واذا طبختي الما نتاعو في اي شي موالفة اطيبي فيه الحوايج تاع الماكلة الطعم نتاعو يتبدل حنا نطيبوه في حاجة سبيسيال امبعد نصورهالك نسموها الكفاتيرا مش عارفة اذا الاسماء تتغير

بعد مايتغلى الما مليح جيبي مقدار من لاتاي نسموه الورgـة تغسليه في مصفاة بماء بارد مليح مليح وتغسلي النعناع الاخضر مليييييح وتحطيهم كلهم في هذاك الماء المغلي و تغطي وتخليه يتلقم حنا نقولولو هكذا يعني يطلق اللون الاخضر هذاك
خليه مدة طويلة نوعا ما يعني اخدميه قبل الفطور وخليه
بعدها تجي باش تحطيه هذي خدمتو:

سخنيه وابداي فرغي من الابريق لكاس لاتاي ورجعي وعاودي وعاودي العملية شحال من مرة
ثم صفيه وديري السكر في كاس كبير شوية كمية كبيرة شوية تاع سكر وفرغي عليه شوي اتاي لي خليتيه يطلق اللون نتاعو وخلطي حتى يذوب السكر
بعدها نحي نص الاتاي لي في الكاس ( لي بنين ) وفرغيه في ابريق لاتاي
وديري العملية من الابريق لكاس لاتاي وعاودي رجعي و وعاودي حتى تحسي السكر دخل في لاتاي
وامبعد اذاحسيتيه مخصوص سكر كملي النص الباقي تاع الكاس الكبير لي درتي فيه السكر وفرغية في الابريق وعاودي فرغي من الابريق لكاس لاتاي
هاذي طريق وضع السكر في لاتاي يعني ماتخلطيش بالمغرف كما بعض الناس ادير لاتاي تاع الصحرا يلزم التخلاط من الابريق لكاس لاتاي وهكذا حتى يجيك بنين كما تحبيه وحاولي ونتي تفرغي لاتاي من الابريق للكاس لاتاي حاولي المسافة تكون بعيدة يلزم تسمعي صوت لاتاي ههه على الكاس ويعمل فقعات هاذيك نكهة لاتاي في هذيك الفقعات

رد: جميع وصفات عضوات ماذا ستطبخين اليوم سيدتي


وهي لبات اشو ربع لتر ماء 125غ زبدة 160غ فرينة رشة ملح ملعقة اكل سكر و5 بيضات
فى كسرونة تحطى ماء وزبدة حتى تدوب وضيفى لفرينة وخلطى بملعقة خشب حتى تتنحى من الكسرونة نحيها من على النار وضفى لبيض حبة مور ختها اومبعد دريها فى لبوش ادوي وسخنى زيت وشكلى اصابع خليهم يتقلو حتى يحمرو وعسليهم ودردري عليهم بيستاش ولا واش تحبى


فى مقلة قلى حبة بصل شمبنيون فى زيت وملح وفلفل لكحل وفورى سلق وعصريه من ماء وضفيه حليه حتى يشرب قاع لماء انا زدت كروفات ونتى واش تحبى طفى عليه وضيفى معدنو وزيتون وفرماج وعمرى بوراك تاعك

رد: جميع وصفات عضوات ماذا ستطبخين اليوم سيدتي


طيبت صدر دجاج او اكثر حسب أافراد العائلة في الماء وشوي حبات هيل وقرنفل والملح
ولما طابو صفيتو وفتتو وزدتلو الكسبر والبصل مرابي والثوم والفلفل الاسود والملح والزنجبيل وشوي زعفران وبيضة وملعقتين لاشابلور
ودرتو حرابيش صغار وغطستو في البيض ثم لاشابلور
وقليتو على نار هادئة


لجروات احفرنا وغسلناها ويخليناها تنشف وفي مقلة اخرى حطينا لحم مرحي وتوم وبصل ومعدنوس وتوابل يطيبو شوية ومبعد تحطي فيهم 2بيض وتعمري بيهم الجريوات وتحطيهم طول في مرقة بيضاء بعد ماتكون طابت نص طياب

رد: جميع وصفات عضوات ماذا ستطبخين اليوم سيدتي


يها زوج كيسان فرينة
2ملاعق زيت
ملعقة ونص خمارة خبز
شوية سانوج
بيضة واحدة
برش ليمون ولا برتقال (على طعم وريحة الخميرة)
وملح واعجنيها مليح حتى تولي ملسا وخليها ترتاح
ولما تخمر عاودي اعجنيها وحطيها في المول مدهون بالزيت والفرينة
وزيدي خليها تخمر ولما تخمر ديري فوقها صفار البيض والسانوج ودخليها في فرن ساخن
عندك غير يوصل لونها هكذا نحيها ماتخليهاش اطيب ياسر حتى تولي حمرا ياسر
طيبيها كما راكي تشوفي فيها باش ماتيبسش

دري فيه 2 مغارف كبار تاع مكلة التاي دري ميز كاس ماء السخون يغلي رنخي فيه اتاي ميز دقيقتين وغسليه زيدي مرة ثانية اغسليه رايح يكون عندك بريق التاي وزريعة مغسولة خطرتين جيبي الكسرونة بالماء سخون وفرغيه في البريق وحطيه على نار ناقصة كامل وخليه في نفس الوقت جيبي 2كسرونة او 2 طيسان يكون اكبير وراح دري النعناع اخضريكون اغسلتيه امنيح قطعيه ودري 5 ملاعق سكراحرش وبعد لاحظي الابريق لي فوق النار حتى تشوفي كل زريعة التاي اتلمت الفوق كلي ريحة تغلي خليه 2دقايق ونحيه من النار وصفيه وين موجود النعناع والسكر وقومي بعملية الخلط بالصاس الثاني كم من مرة رايحة تشوفي بين كل خلطة الرغوة تزيد ورجعيه في البريق التاي
ملاحظة
عملية غسل التاي يخليه اصفر
النار تكون ناقصة وملازمش يغلي يعطيه بنة رائعة التاي وهو ايضا يعطي الكشكوشة مع لخلط تتضاعف لاحظي الابريق على النار حتلاحظي ذالك
والنعناع مقطع يسهل لينا عملية الخلط والسكر حسب كيما تحبي
والخلط الزائد يزيد في كثافة الكشكوشة
في انتضار التطبيقات وغدا انشاء الله انطيب التاي ونورلكم بالصورة خطرش اليوم معنديش النعناع الاخضر

رد: جميع وصفات عضوات ماذا ستطبخين اليوم سيدتي

شكراااااا اختي روز لنقل المواضيع نتمنى انو الباقي يزيد يعاونا في نقل المواضيع
صراحة نتأسف من الاخت omarwa لاني مشفتش موضوعها الاول وصفات عضوات ماذا ستطبخين اليوم سيدتي عليها حطيت موضوعي حبيت نقلها بلي راني ضفت رابط وصفاتها باش يكون مرجع لينا كامل
http://4algeria.com/forum/threads/412464/

رد: جميع وصفات عضوات ماذا ستطبخين اليوم سيدتي

لا شكرا على واجب أخت موناليزا هكذا بش مايروحش الوصفات و أنا راني بديت من جزء الأول
إن شاء الله ربي يقدرنا و دعوة خير تكفيني:regards01:

رد: جميع وصفات عضوات ماذا ستطبخين اليوم سيدتي


تتبيلة ثوم مسكرفج شوية ملح كمون راس الحانوت فلفل حار احمر فلفل اسود نص مغرف قهوة طماطم الباط شوية زيت زعفران والامتوفر عندك سكن اجبير والكوري والثوم مقطع شرائح على العرض يكون ارقيق
والطماطم حب دوائر غليضة وفلفل حلو دوائر وحبات بطاطا يكونو صغار وكاملين وتقدري تسغناي على الخضر
الطريقة
جيبي دجاج والبطاطا وبالسكين ديري في الرشقات ميز شرائح الثوم وغرسي في كل رشقة توم والبطاطا في كل حبة ارشقي في الوسط وحطيهم في التتبيلة
جيبي الطاجين على النار دري شوية زيت كي يسخن حطي الدجاج وحبات البطاطا يتقلاوامنيح على النار تكون ناقصة وبعد دري شوية ماء متكثريش غير بنص فنجال وحركي ساعة على ساعة غير بسياي كي تشوفي ادجاج و البطاطا قريب الطيب نحيهم حطي الطماطم والفلفل لحلو ورجعي الدجاج والبطاطا رايحة تشوفي البنة شحال بنين
ومتنسايش ترشقي شراح لتوم بالداجاج عدة رشقات ويلا حبيتي لحار قطعي فلفلة على زوج مع لاخير

رد: جميع وصفات عضوات ماذا ستطبخين اليوم سيدتي


طبخي البطاطة وتقشريها وتطحنيها وتخلطيها مع شوي فرماج و1جمبو او نصف جمبو على حسب كبر الكمية
وتروحي تقطعي بصلة رقيقة وفلفلةخضرا مقطعة رقيق و1جمبو وفلفل اسود وزنجبيل وكي يذبلو تحطي فوقهم دجاج مفتت مع شومبينيون (اختياري الشومبينيون)
ثم تدهني المول تحطي لابات فايتي فوقها البطاطة المهروسة مع الفرماج فوقها هذاك الخليط نتاع الدجاج والشومبينيون ودخليهم للفرن وامبعد حطي الفرماج رابي ورجعيهم للفرن دقيقتين وخرجيهم قد ما يذوب الفرماج

اذا حبيتي تحطي فوقهم بيضة مضربة مليح باش تشد روحها في الفور
للامانة الوصفة مافيهاش شومبينيون والبيض انا زدتهم برك

رد: جميع وصفات عضوات ماذا ستطبخين اليوم سيدتي


عملي مرقة بيضاء نورمال بالدجاج والحمص
ومن جهة اخرى تحكمى كفتة الدجاج تزيديلها شوية كسبر +فلفل اسود+دبشة+مغرف بصلة مرابية
+مغرف نتاع قهوة ثوم وتعجنى بيدك وتشكلي ديبولات
كي يطيب الدجاج والحمص ارمي ليبولات في المرقة وتركيها تطيب واحد عشر دقائق


رينة
ملعقة اكل حليب غبرا
ملعقة اكل زيت زيتزن
ملح
سكر
ملعقة اكل خميرة
تلمي بالماء الدافي خليها تتخمر ماتعجنيها موالو
من بعد حليها قطعي دوائر خليهم ربع ساعة يرتاحو
سخني مقلى او اي حاجة واسعة على نار متوسطة من بعد
حطيهم اطيبو
والحشوة انت واش تحبي

رد: جميع وصفات عضوات ماذا ستطبخين اليوم سيدتي


درت تتبيلة للدجاج اولا
حبة بصل مرابية و2 فص ثوم مفروم وشوية زيت + م ك موطارد +ملح وفلفل اكحل وسكنجبير وزعفران وعصرة ليمون وجومبو دجاج
تحطي الدجاج وتخليه يتبل مليح
توجدي الطاجين وتحطي عليه شوية زيت فقط
تقطعي زوج حبات بصل الى شرائح بالعرض وتفرشيها على الطاجين
وتحطيها فوقها الدجاج بالتتبيلة تاعو
وتقطعي 2 حبات طماطم كبار الى مربعات وتحطيها مع الدجاج والبصل
تخليها تكتك شوية ومن بعد تمرقي بفنجان ماء وتخليها تطيب على نار هادئةجدا
الزيتون تخليه وحدو مع شريحة قارص باش تنقص الملوحة منو
وتزيديه للطاجين في نص الطياب

رد: جميع وصفات عضوات ماذا ستطبخين اليوم سيدتي


كيلو فرينة+مغرف كبيرة خميرة/تاع الخبز/+قرصة ملح+1باكي ونص خميرة قاطو+فنجان ونص زيت تخلطي المقادير وتعجني باالماء بلا ماتدلكي غير تلمي برك وخليها تريح ربع ساعة ومباعد ولي شكلي دوائر واثقبي بالفرشيطة وعمري وغلقي باالفرشيطة وادهني بالبيض

الحشو انا دهنت العجينة بشوية مايوناز وهريسة غير شوي ثم حطيت اللحم المرحي المتبل ومقلي وزدت فوقهم قطعة فرماج تعرفي جات تذوب في الفم هايلة


ندير مرقة بيضاء بالدجاج
كي يطيب الدجاج نلوح الروز بعدما نكون شمختو فالماء
نحي الدجاج ونفتو قطع صغار
كي قريب يطيب الروز نحيه و نقسمو إلى قسمين
في مول مدهون بالزبدة نفرغ القسم الأول ثم طبقة تاع الدجاج ثم القسم الثاني تاع الروز و نفرغ شوي مرقة باش يكمل يطب فيها وملفوق بيضة مضربة و فرماج رابي و ندخلو لفرن
كي مايكونش عندي الدجاج نرومبلاسيه بالحم مرحي