التقلاق لدرجة نقدر نقتل نورمال

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم
انا طفلة عندي28سنة البروبلام انتاعي نتقلق بزاف كتر من اللازم وهذا بشهادة الكل
ليوم درتها كحلة على جال وليد اختي ماحبش يجيبلي حاشاكم البليغة كسرتلو يدو وراهم ضرك يجرو بيه للسبطار
ختي قاتلي كي يدخل بابا ويبدى يعيط ويسخط ماتهدريش ابقاي ساكتة مي غلابالي غير السكات لي مانعرفوش انا
ضربني مقبيل بكف برك باش نسكت ويقدر ينحيهولي من يدي ويدييه لسبيطار
ضرك قولولي يرحم والديكم كيفاش انحي عليا هذا التقلال وانا بقالي شهرين برك ونروح عروسة
والفت كلمتي لي اتجوز وماكاش لي يقولي لالا والا غلط وقالها الله يرحمو مي ضرك راني بزيادة والدليل الطفل مول 13سنة في لي زيرجونس يجرو بيه وماقبلوهولهمش اصلا
مانيش ندمانة الا حبيتو تعرفو شعوري
ولوكان يغلط علابالي انزيد انكسرو راسو ثان مي المشكل في بابا ضرك كيفاش نجوزو النهار هذا
والمشكل فيا كيفاه انحي عمار التقلاق هذا لي خلاني مانخرجش بزاف من الدار ومانتقابلش مع الناس باش مانكروشيش فيهم برك
هاذي هيا انا ادعولي ربي يريحلي بالي ويحسن عوني وعون فاميلتي وياربي وليد اختي يكون سالامات

وصحيتو على الجاست هاذي لي درتوها على الاقل الواحد يحكي بلا مايكثرو عليه المشاكل و البلا بلا باطل​
 
تم الاعتماد
الله يهديك يا اختي
ما نعرف بواش نفعك التقلاق
هاذي حاجة راهي تزن في راسك و مخلياتك ما تحملي حتى واحد


نقول حاجة ختي العزيزة
شباح المراة الهدوء و الظرافة
حتى و اذا غضبت تعرف كيفاش تغضب

الغضب لا من صفات المراة الفحلة
و لا من صفات المسلمين
و لا من صفات المتحضرين
و لا من صفات الانسان


حتى الحيوان ما يغضبش لاي حاجة فقط كي يحس بلي حياتو في خطر

فكري في حالك
و حاولي تدربي نفسك على الهدوء
قولي للي قراب منك يعاونوك
اقراي القران و حافظي على صلاتك
و اذا عند ضغوط
اكيد عندك بما انك عروسة حاولي تواجهي ضغوطك بالعقل و الحكمة


صدقيني الغضب خسّر حياة ناس باكملها
حياة يا اختي ....هو مصدر الفرقة بين الناس و التعاسة و و الوحدة وووووو

حاولي تسلكي نفسك قبل ما تزيد تتأزم الامور
و يقول اشد انواع البلاء لي قادر ربي يبلي بيها عبده هو قسوة القلب
ما قالش مشاكل و مصائب و مرض وووو
قال قسوة القلب
ردي بالك حبيبتي
استعيني بالقران و الصلاة
و قبل ما تديري اي حاجة اتفكري بلي انت انثى و ليس من صفات الانثى الغضب
الله يهديك و يشرح صدرك و يفرج عليك هذا الحال و يرزقك السكينة و الطمأنينة يا رب

و ربي يشفي ولد اختك و يسلكك مع باباك
 
شفتي وين يوصلك هذا التقلاق و الانفعال
كي تقلقي اتفكري بلي قادرة تكسري العبد نورمال
هدئي من نفسك و تفكري وش صرالك اليوم
و مسكين الطفل هذاك
لازم تكوني متفهمة و بالك واسع و انت رايحة عروسة
و البقاء و عدم الخروج لن يفيد
واجهي هذا المشكل ،
انا ندعيلك من قلبي تتخلصي من هذا المشكل
و اوافق الاخت راضية حامدة في كل ما قالت
موفقة اختي . .
 
وعليكم السلآم و رحمة الله و بركآته


لآحول ولآ قوة إلآ بالله ..
نآس بكري يقولو وآحد تقلق مآت !
عصبيتك هآذي تتعبك إنت والنآس اللي عآيشين معآك والدليل ولد أختك مسكين الله يشفيه ويعآفيه..
فآميلتك يقدرو يسآعفوك ويجوزولك بصح كي تروحي لديآر النآس تحصلي في روحك وتطيحي روحك في مشآكل كبآر ..
أختي بآبآك تعب عليك وكبرّك بآش كي يكبر ترفعي عليه صوتك و تكسري كلمتو وترديلو الهدرة ؟؟ مايرضاها لآربي لآالعبد هآذي
كي تحسي روحك مقلقة شهدّي وإستغفري،توضآي وصلّي ركعتين .. ولا إقراي مآتيسر لكِ من القرآن
ربي يهّدي بآلك ويكون في عونكـ
 
الله يهديك يا ختي
كيفاه هاذي و ماكيش ندمانة
قلتي بلي راكي رايحة عروسة
يعني كان كاش ما خالفك راجلك في كاش حاجة تضربيه ولا وشيه
واش راح نقولك يا ختي
نصيحتي ليك حاولي تملي اوقات فراغك بالاستغفار
روحي لراقي بالاك كاشما بيك
ولا روحي لبسيكولوك بالاك عندك مشكلة نفسية
الله يصلح الاحوال هذا ماكان
الله يهنيك و ربي يشفي هاذ الطفل
سلام ان شاء الله منكونش ثقلت عليك

 
الله يهديك ويهديناااا ... لازم تعالجي هالمشكله ف اقرب فرصه وان شاء اللع أعضاء الجروب راح يفيدوك
 
نتمنى مايكونش زوجك اللي عن قريب رح تكوني معاه ( قلاقجي )
لازم يكون كيما نقولو سامط ويعلمك شوية سماطة .. باش هكدا تتعلمي تبلعي الغضب تعك

حاولي تقراي ختي شكون هوما الكاظمين الغيظ وشوفي جزاءهم عند ربي سبحانو
مادام رانا مسلمين والحمد لله .. لازم شوية عقل وتقدري تعالجي نفسك بنفسك هكدا بالحوار والزرانة
وكي تشوفي حاجة تقلق قدامك ولا يصرالك موقف مزعج
غمضي عينك واستغفري الله


ونصيحتي ليك برك لأني نعرف ناس كيما نتي وحاولو يعالجو من هاد القلقة والانفعال عن طريق الادوية المهدئة
حذاري حذاري .. هاذيك الأدوية تبانلك فاللول تكالمي وبعد الادمان عليها رايحة تخربلك حياتك

وبالتوفيق حتى تولي سامطة هههه ( راني نقلق فيك حاولي تستغفري برك )
 
السلام عليكم
والله مالقيت واش نقلك اختي
هدا التقلاق راح يفسدلك حياتك سيرتو كي اذا تميتي هكدا و تزوجتي
راكي عارفة بلي في دار العجوز تسكتي مينفعكش التقلاق
حاولي كي تتقلقي اغلقي على روحك في بيت و اسمعي القرآن
و افضل الشي انك اذا تقلقتي اتحداي نفسك باش متتقلقيش و استغفري المولى عزوجل
علاجك راه في القرآن
 
السلام على الجميع
انا في بعض الأحيان نضرب طلة هنا والله يا خاوتي نشك بالي الغاشي راه يفوت بنا فالوقت لالا كسرت يد وليد أختها المشكل ماهيش نادمة و زيد قالتلك نكسرو راسو ؟؟؟؟؟؟ نصيحة شوفي ياختي اضربي دورة عند الطبيب ديال الأعصاب و الله ما فيها حتى عيب ربما يساعدك و زيدي شوفيلك كاش رقية ربما ينفع معك هذا الحل .

ههههههه أما راجلك ان شاء الله يكون قادر على دراعو sinon راهي مزمرة عليه

ربي يشفيك
 
واش هذا كسرتي يدو اين الانوثة ؟؟؟؟؟؟؟؟؟؟؟؟؟؟؟؟؟؟ مقولتيش عضيتيه ههههه غذوة ولادك كيفاش تديري معاهم
العني بليس وكبري عقلك قال تقلاق مجبلكش البليغة ياخي ياخي عذر اقبح من ذنب
نصيحة لله اثبتي واركزي خير ما تكمليها في مصحات ولا حباسات الله لا يقدر ياك عندنا عقل وانت واش ديري بيه راهو اونبان ولا كونجي
الغضب ان دل على شيء دل على الجهل وقمة الضعف
file_0f5c39ab64_16.gif
[/IMG]
 
ياختي انا هدا نشوفو جنون مش تقلاق يبانلي راكي مجنونة
سمحيلي على كلامي بصح استغربت
مكانش اللي ماشي مقلق وانا وحدة منهم نتقلق بزاف بصح مش لدرجة نكسر لطفل يدو استغربت صراحة مين جبتي كل هاد القوة باه تكسري عظم ؟ ومش نادمة من الفوق
لكان يجي واحد يكسر لولدي يدو والله نقتلو ونشرب من دمو بدون تردد
انت فوق هاد الشي تقولي لكان يهدر نكسرلو راسو
لكان قلت عمرك 18 او 16 او حتى 20 نقول صغيرة بصح انت مشاء الله 28 سنة راكي كبيرة
انت يااما عندك مشكل نفسي يااما انت بعيدة كل البعد عن الله
صلي ودعي واقراي قران اكيد راح ترتاحي او زوري طبيب نفساني او طبيب نفساني
سمحيلي على ردي بلاك مايعجبكش ياختي قصتك جاتني غريبة ومادخلتش عقلي
ربي يهديك ويهدينا اجمعين


 
ياختي ماكيش مقلقة راكي مهبولة وزيد تكسري يد الطفل وماكيش ندمانة وراكي خايفة من باباك وكيفاه يجوز نهاركم زيدي قوليلو كلمة هكذا هو ثاني مايزيدش يدور بيك وراكي رايحة تتزوجي يعني الجيران يضحكو حتى يشبعو نورمالمون ماتطرحيش مشكل كما هذا علا خاطر هذا اهبال واذا بليتم فاستترو و انا نعرف الراجل يتقلق ويكسر ماشي المرا الله يهدي
 
اولا اللي لفت انتباهي راكي قلتي بداية :
انا طفلة وعمري 28 سنة اوخدي اذا كان طفل وعمرو 28 سنة مالا كي يكون مراهق واش حال عمرو
المهم لا علينا مجرد ترفيه
نرجع للتقلاق انا نضن راكي زايدة فيه لحد كبير ولا يطاق واذا عطاك كف برك راهو ما دارلك والو وانت ما تتعاشريش هكاك والزوج نتاعك الله يعينو انا ننصحك شخصيا تروحي لطبيب نفسي لانو حالتك نتاع مهدئات لا اكثر ولا اقل وزيدي حاجة اخرى ننصحك بيها هي انك تروحي لكاش راقي موثوق بالاك عندك كاش لبس من جن لا خاطر انسان يكسر يد نتاع بنادم وماهوش حاس بالندم هذا نورمال ما هوش نورمال وفي الاخير الله يهديك ويبعد على حبابك بلاويك.
 
سلام الله عليكم ورحمة الله وبركاته:انتي طرحتي مشكل كل الجزائريين وليس مشكلكي انتي فقط فالغضب وارد ودرجات وبكل صراحة اقولها لكي لا يوجد خاسر في هذا السلوك الا انتي :الم يأتي ببالك ان كثرة الغضب وفقدان التحكم في النفس قد يسبب لكي غيبوبة سكر؟ أو سكتة قلبية أو جلطة دماغية لا قدر الله عفانا الله واياك من كل هذه الاضرار فأنتي بالفعل مسكينة وكما قلتي طفلة في سن الزواج
نصيحتي ليك هي :اذا هانت عليك نفسك واسرخستيها في عينك كملي عليها واذا عزت عليك نفسك وخيافة على حالك تجنبي كل مسببات القلق
ربي يكون في عون زوجك
 
أنت تذكرينني ببنت من نفس الحي الذي أسكنه ( الآن متزوجة ) عندما كنا صغار في عمر 14 سنة ضربتني بلكمة على وجهي فأوقعتني على الرصيف مما تسبب لي بإصابات مضاعفة ، و ذلك بعد ملاسنة حادّة بعد ما طلبت منّي بغلظة و فضاضة أن لا أمشي على الرصيف المحاذي لبيتهم، و هذا السبب غير منطقي كما هو واضح ، و منذ ذلك الوقت و أنا أتحاشاها و أرمقها من بعيد بحقد، لكن بعد مدّة ( في مرحلة 18 سنة ) إنتهيت إلى فهمها جيدا و إنتبهت إلى أنها ليست شرّيرة بطبيعتها و إنما كانت تعاني من حالات نفسية قاهرة ، فلم أعد أحقد عليها أو أكرهها ، و إنما تحوّل شعوري نحوها إلى عطف بعد ما أحسست بمدى معاناتها ، و كأنها تحمل أفكار خاطئة و مشوّهة عن نفسها و عن هويتها كأنثى ( بالرغم من أن لها جمال خاص ) ، و أعتقد أن هذا التشوّه النفسي جاء نتيجة الجو الأسري المريض الذي نشأت فيه إضافة إلى مساهمة المحيط الإجتماعي الذي لا يرحم.

و بعد فترة أحسست أنها أصبحت تستحي منّي بشكل خفي ، ربما بسبب ندمها على ضربي ، بالرغم من أن تلك الحادثة قديمة. و بالرغم من أنها جدّ حريصة على إخفاء عواطفها إلاّ أنني لاحظت مدى إحترامها للأطفال الصغار و معاملتها الودودة و اللطيفة لهم ، فهي في الحقيقة بإمكانها أن تتعامل بحنان بالرغم من عدم حصولها على هذا الحنان يوما ، و هذه إشارة واضحة إلى القوّة الروحية و الشخصية لديها

بعد مدّة بلغني خبر زواجها ( في عمر 27 سنة تقريبا ) ، لكن آخر مرّة رأيتها بالقرب من الحي و هي في شجار عنيف مع زوجها و كأنهما في ملاكمة إحترافية ، هو يضرب و هي تضرب و كأنها رجل مدرّب على القتال ، فكنت أنظر إليها ببالغ الأسى ، هذه المسكينة ، الفتاة الجميلة ، التي تملك قلبا غاية في الرقة و الطيبة لم تجد بعد من يفهمها.

لأسباب خارجية و أخرى ذاتية ، المسكينة لم تتمكن بعد أن تصل إلى فهم قيمتها كإنسانة ، و كأجمل مخلوق يمكنه أن يفيض ودّا و حنانا و بالمقابل يستحق كل الحب و كل الرعاية.
---------------------------------

لست أدري ما يمككني قوله لك بعد سرد هذه الحالة الحقيقية ... ربّما عليك أن تعطي لنفسك فرصة كي تراقبي جيّدا و تحلّلي بعقلك جيدا و بعمق و تركيز كبيرين مع إستحظار الصفة الإنسانية من أجل أن تفهمي حقيقة نفسك و حقيقة غيرك الإنسانية ...... عليك أن تكوني أقوى ليس بفهمك لنفسك فقط و إنما بفهمك لغيرك أيضا ...... عليك أن تتوصلي إلى القناعة بأن كل الناس ، ذكورا و إناثا ، كبارا و صغارا ، أقرباء أو بعيدين ، كلّهم يحتاجون كما يستحقون أن نفهمهم و أن نسامحهم و أن نرحمهم و نعطف عليهم ، فهم في النهاية ضعفاء مهما بدوا في الظاهر أقوياء ، و هم كما يمرحون هم أيضا يتألّمون.

أنت كإنسانة و كإمرأة عليك أن تكوني منبعا للعاطفة النبيلة و الحنان و ليس آلة للقسوة و التدمير ...و لكن تأكّدي أنك أيضا تستحقّين الحب و الرعاية ... لا تدعي شيئا مهما كان أن يغيّب عنك هذه الحقيقة.
250
 
آخر تعديل:
الله يهديك
راكي مرا ولازم تبيني انوثتك بالهدوء
لازمى كي قلقك واحد اسكتي وجوزيها
صعيب الحال بصح خيرمن حوايج اخرى
اتمنى انك تكتمي غيضك لخطراش الراجل يحب المر الانثوية الهادئة اللي تلعبها محقورة
باه ينجح زواجك وانت اللي تتحملي مساوئ غضبك مبعدة
 
ربي يهديك اختي
مي ندبر عليك وين تحسي بالقلق ماديريش على أهلك
ديريه في الحيط أو أخبطي راسك عليه حتى تحسي القلقل راح هههه
 
اسمحيلي خافت نرد عليك تكسريلي راسي___‏ اسمحيلي لوكان تبقاي بهاذ العقلية ماتروحيش بعيد_‏ وماتنسايش تقدري تبدلي عقليتك_ان الله لا يغير مابقوم حتى يغيرو‏ ‏ ما بأنفسهم_ربي يكون مع راجلك برك ههها
 
رد: التقلاق لدرجة نقدر نقتل نورمال

مساء الخير...أنتي مريضة لازم تروحي لطبيب نفسي وتتعالجي ، اللي انتي فيه حالة مرضية يلزمها علاج ......ونصيحه مني أعلمي من سترتبطين به بهذا المشكل قبل الزواج ،حتى ما تخسري كل شيء مرة واحده...حالتك لا الإستغفار رايح ينفع معاها ولا الأدعية بصراحه...تقبلي النصيحه من اخت لك في الله.
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top