حكايتي مع زواجي الفاشل ..

Malika Tlm

:: عضو بارز ::
أحباب اللمة
إنضم
3 مارس 2014
المشاركات
4,294
نقاط التفاعل
12,395
النقاط
491
الجنس
أنثى
السلام عليكم

do.php

انا امراة بدات حكايتي منين كان فعمري 20 سنة كنت مشيت لوحد المكتب للعمل ولتم تلاقيت بصاحبة المكتب بعدما بقيت معاها شوي قاتلي حابه نخطبك لخويا ، ايا جات عنا لدار وتفاهمنا وجا خوها وشفناه وقبلنا ، بقينا عامين فالخطوبة ماكان لا يتصل ولا يحوس عليا انا قلت بلاك عقليته هكا يحشم ولا بصح كان فعمري 22سنه درنا العرس ودخلت فوسط عائلي غريب مش كما كنت متوالفه في دارنا
عندو 2خواتات وامو وابوه والمشكل يدخلو في كلش صغيرة وكبيرة ويحكمو في خوهم لي هو راجلي يعني ،وكنت حاسه بلي ديت راجل عديم الشخصية ومعقد وماعندوش كلمة فالدار وكان حتى هو زايد معاهم ويرجعو كلششي عليا ورغم كلش كنت صابرة ومتحملتهم وموكله امري لله
وبعد 6 اشهر من زواجنا حملت وكي تلقاو الخبر ما فرحو ما والو حتى هو نورمالمو ولدو الاول يفرح بيه هو ماداهاش كامل داير روحو كلي ماعلابالوش
كترو المشاكل معاه ومع خواتاتو ،والحاجه لي نديرها يقولولي لا مشي هكا ،الا طيبت يقولولي متعرفيش كان غي ابوهم لي يجي معايا وكان يحبني ويتهلا فيا
حتى جا النهار وين لي صرات مشكله غي صغيرة ومداك كانو خاوته معمرينله راسه دارها سبب ونوض الزGــا وطردني لدارنا مع ابوه شيخ كبيــــر فالعمر مسكين
جابني حتى لدارنا لاني كنت نسكن فولايه غير ولايتي
وبقينا فالشرع طالعين هابطين حتى قررنا الطلاق بالتراضي لانو كان يكدب بزااف ويزيد عليا
تنازلت على حقوق بزاااف المهم ندي الطلاق ونريح من المشاكل
وبعد شهور زيدت وجبت طفل
وجاو باباه وحب يديه بصح محبيناش وديناه حنا ربيناه
ايا وعاش فوسطنا وكبر والحمد لله درك في عمرو 13 سنه
مرات يجي باباه يديه شوي معاه ويرجعو
بصح ولدي ميحبوووش مع العلم والله عمري ما قتلو حاجه مشي مليحه على باباه ودايما نشكره غي باش نحببه في والده بصح هو
ميحبهش وميحبش كي يجي يديه يروح غير بسيف
ودركا في عمري 36 سنة وولدي 13 سنه وعايشين في دار يما وبخير الحمد لله

وفالاخير استخلصت بلي انا تقلقت كي تزوجت فهداك العمر وندمت كي تزوجت بصح نعاود نقول هدا مكتوب ربي
ونصيحتي لكل وحده متتقلقش غير باش تزوج وتخمم مليح قبل ما تقبل
تحياتي ليكم ونشكر اختنا مينات لي حلتنا هاد النافذه باش نفرغو
دمتم
















 
آخر تعديل بواسطة المشرف:
رد: حكايتي مع زواجي الفاشل ..

وعليكم السلام ورحمة الله
قصة وعبرة


شكرا على المشاركة
الطفل يتربى في عزكم ان شاء الله
وعلى ربي طلعك للفوق غير ماتخافيش
وربي يمهل ولا يهمل .
 
رد: حكايتي مع زواجي الفاشل ..

وعليكم السلام
ربي يحفظلك وليدك ويكبره في طاعته الله ان شاء الله وتشوفيه في اعلى المراتب
قصتك راهي عبرة للبنات
شكرا اختي
 
رد: حكايتي مع زواجي الفاشل ..

هدي هي نتيجة القرار السريع فس قرار مصيري كيما هدا مي مكتوب ربي سبحانو
اما عن ابنك لعلمك الطفل وهو جنين يحس بكل شيء
ما تيتغربيش
وربي يعطيك على حساب نيتك
 
رد: حكايتي مع زواجي الفاشل ..

ما اكثر مثيلاتك اختي للاسف

المراة تتحمل كل شي بصح لما تجي من عند الراجل سقف البيت مبقا والو

الله يعوضك خير وتشوفي وليدك من الناجحين والبارين
 
رد: حكايتي مع زواجي الفاشل ..

السلام عليكم

عندك الصح اختي من قلتي تقلقتي
معليش اختي تجربة باه تعرفي الناس كديرين
هدو الناس يحبو الخير غير لنفوسهم
معليش اختي كما تدين تدان
كيما دارولك ربي يبعث لديرلهم هاك اواكثر
وكوني على تقة بالله بلي يعوضك مازال ركي صغيرة
الناس راهم في الخمسينات وما قطعوش لياس
وتهلي في ولدك مكان حتا حجا تفرقك عليه
لزواج لاغيره ولدك لجبتيه من بطنك
ربي يبعثلك الهنا اختي والله قطعتي قلبي
نشالله ربي يبعثلك ولد الحلال سيد الرجال
تحياتي:regards01:

 
رد: حكايتي مع زواجي الفاشل ..

السلام عليكم اخت مليكة
نشكر اختنا مينات لي حلتنا هاد النافذه باش نفرغو
لا شكر على واجب غاليتي بالعكس نفرح كي نلقى انو هاد الموضوع جاءكالمتنفس للكثير من الأعضاء
احنا ساعات نحبو نحكيو مشاكلنا مش باش نلقاولها حل وإنما غير باش نزيحو هداك لجبل من قلبنا ونرتاحو شوية
وهذا اللي لمستو من خلالك انتي
النصيحة اللي قلتيها فالأخير مهمة جدا
صح بزاف بنات يحبو يزربو يتزوجو ليه ليه ما يهمهاش الراجل بقدر ما يهمها الزواج بحد ذاتو
وممبعد الندامة هي اللخرة
صعيبة ترتبطي براجل ما عندوش شخصية ووزن فالدار
عندي وحدة فاميلتي تقريبا راهي عايشة نفس الحكاية هي تاني تزوجت صغيرة قبل ما تكمل 18 سنة
اللول اللي جى خطبها قبلت بيه هي واماليها
قبل ما تدخل عندو كانو يحكيو فالتلفون ويخرجو ويروحو يحوسو مي نهار تزوجت اكتشفت باللي هو ما عندوش كلمة فالدار باباه اللي يحكم
تخيلي كي تجي لدار امها يجيبها شيخها وهو اللي يصرف عليها شحال تريح ووقتاش تروح
مرة مرضت بنتها عند امها دار حالا قالها منا وجاي نتي ارواحي عند امك على روحك مي الطفلة تقعد عندنا
(كي شغل يخاف على الطفلة اكتر من امها ولا كيفاش؟)
هادي هي الدنيا يا ختي لعزيزة
ذانتي دوكا عندك وليدك ربيه أحسن تربية وان شاء الله يكبر وينحي عليك الغبينة وممكن ربي يرزقك زوج صالح
والله وحدة جارتي هي تاني طلقت صغيرة وعندها طفل
خدمت فالمدرسة اللي كنت نقرا فيها كمراقبة وربات ابنها وكبرتو وجاب الباك وراح للمدرسة العسكرية تع شرشال
لعام اللي فات خطبها أستاذ كان يقري في مدرستنا هديك بعد ودوكا هو ولى مدير وراهي متزوجة بيه وعايشة لباس بيها
ربي يبتلينا مي ممبعد يكافينا على صبر تاعنا
مشكورة ختي على مشاركتنا حكايتكذتضاف لقائمة مواضيعنا في http://4algeria.com/forum/threads/419250/
 
رد: حكايتي مع زواجي الفاشل ..

السلام عليكم اختي يتربى في عزك الولد ون شاء الله يكون رجل عندوا مستقبل زاهر وانتي الحمد الله ستخلصتي العبرة
 
رد: حكايتي مع زواجي الفاشل ..



و عليكم السلآم و رحمة الله وبركآته


لآ حول ولآ قوة إلا بالله ..
ربي يفرحك بوليدك و يشدلك فيه أختي ويجعلو ولد صآلح ونآجح في حيآته ويعوضك على كل اللي جوزتيه إن شآء الله.
قصتك هآذي فيهآ عبرة إن شآء الله يستفآدو منهآ كآمل البنآت
نآس بكري يقولو "تزرب لخبزتك تآكلهآ عجينْ"
قرارات مصيرية كيما الزواج لازم الوحدة تخمم فيهآ مليح وتحسبها من جميع النواحي لأنو الهدف من الزواج مش لأجل الزواج فقط،المهم إذا الوحدة إختارت رجل تتهنآ معاه مستقبلا ولا العكس..

ربي يفرح قلبك أختي ويعوضك خير.



 
رد: حكايتي مع زواجي الفاشل ..

السلام عليك
ربي يخليلك ولدك و يكبر على طاعة الرحمن و تفرحي بيه
و مكتوب ربي و الحياة مازلت طويلة و قدامك طريق كبير إن شاء الله ربي يفرحك
 
رد: حكايتي مع زواجي الفاشل ..

لنقلها بصراحة قلو الرجال اللي يتحملو مسؤولياتهم حتى لتالي في هذا الوقت ....في سع يروحو لحل الطلاق نديره هروب

من المسؤولية ....قلت رجولة انك تسمح في مراة وولدها عيب و الله غي عيب .....هؤلاء النوعية من الاشخاص عديمي

الشخصية

اختي واش نGولك الراجل هذاك اللي في عمره 13 سنة هو ذراعك في الدنيا متخافيش بربي يكبر و متعرفيش ربي

واش راه مخبيلك و اللي خلق مايضيع و ما يجي ينغلق باب حتى يفتح عشرة.
 
رد: حكايتي مع زواجي الفاشل ..

الحمدلله راكي ربحتي راجل اللي هو ولدك سندك وذراعك اليمين
ربي يباركلك فيه وتشوفي متخرج م ارقى الجامعات وخدام ف احسن بلاصة وتزوجيه وتفرحي بوليداته
 
رد: حكايتي مع زواجي الفاشل ..

السلام عليكم
أختي الغالية صح راكي تعاني بصح مادام ربي معاك ماتخافيش احمدي ربي طفل ماشي زوج ولا أكثر ومازلتي صغيرة والمستقبل ماتعرفي واش راه مخبيلك اتكلي على ربي وكلشي ينحل دعواتي معك أختي
ربي يفرج عليك ويعوضك خير
 
رد: حكايتي مع زواجي الفاشل ..

السلام عليكم
ربي يحفظكم كامل ويوفيلكم ما تتمناو ويجعل كل ايامكم خير
والله لا يذوقكم عذاب .. تحياتي ليكم
دمتم في رعاية المولى
 
رد: حكايتي مع زواجي الفاشل ..

آمين ولك بالمثل ربي يفرحك بهذاك الراجل وينسيك في همومك وتفرحي ان شاء الله كي اليوم بزواجو وبولادو
 
رد: حكايتي مع زواجي الفاشل ..

ان شاء الله تتلقاي بولد الحلال وتتهناي معاه وتنسي الايامات الي فاتو
 
رد: حكايتي مع زواجي الفاشل ..

ربى معاك ختى و ربى يهنيك و يربى وليدك فى عزك و طاعة ربى ..........والله حكايتك مؤثرة بزاااااااااااااف بالصح لواحد يقول الحمد لله نتى مزية لقيتى داركم انا وحدة من الناس دار جدى سمحو فى يما و خلاوها فى الشارع ...........ربى معاك و شكرا شاركتينا بقصتك
 
رد: حكايتي مع زواجي الفاشل ..

ربي يفرحك بوليدك و يردلك السعادة و الهناء و يكبر و تفرحي بيه و يعوضلك بالخير
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top