حكايتي حكاية ... (الجزء الثاني)

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
راني جبتلكم الثاني


المشرفة الأخت راضية حامدة اسمحيلي حطيتك فالموقف هذا بصح الحكاية طويلة علابيها درتها جزئين


المهم كي لحقت لدار ما لقيتش ماما بقيت نخبط و نندب في لحمي من واش صرا فيا جات ماما بدات تطبطب في بيتي كي العسكر.. غير فتحت قالتلي وين كنتي ؟ انا سكتت قالتلي رحت لليسي ما لقيتكش وييين كنتي ؟
انا : ماما ما نعرفووش
ماما لتم طاحت تصرعت و طلعلها السكر


المهم كي ريحت شوية قالتلي احكيلي كلش حكيتلها قالتلي غير يجي باباك تروحو للكوميساريا
انا وافقت طبعا mais خممت قلت نروح نتمرمد معاه فالشرع و هو قادر على شقاه و انا نتبهدل و تخرج عليا الهدرة باسكو في مجتمعنا يوقفو مع الذكر ظالم او مظلوم... وليت بطلت و ما شكيتش بيه و ماما قالتلي نديك للطبيبة باش نتهنى و انا كنت متاكدة بلي مازالني شريفة بصح هيا أصرت عليا


رحنا للطبيبة و دارت لي لازم و طمنتنا على كلش


بصح ما ننساش هذيك الرهبة لي جاتني في قلبي كي طلعت فوق السرير تاع الطبيبة.. 17 سنة في وضعية كيما هذيك حبت نهبل


(التيليفون بعثت هذاك لي قلتلكم جابلي شارجور راح هو و صحابو شبعوه مخبط و جابولي آمآنتي)


كي وليت للدراسة فالليسي جات ليا وحدة مساعدة تربوية قالتلي انت ما تحشميش -_- حرت انا قلتلها واش شاريا بلا نتيا ؟
قالتلي واش يماك لمداتك هذاك النهار


آآآآه malgré كبيرة في العمر mais مرمدتها تمرميدة تاع كلاب خرجت فيها كامل زعافي (ربي يسامحني)


كي لحقنا للمديرة و كذا . المديرة بدات تهدر وتهدر وتهدر قلتلها اسمحيلي بكلمة
رفدت اليدة تاع حجابي و وريتلها الجرح تاع الموس قلتلها اذا كنتو غالطين في حقي هذا ان شاء الله يخرج في بناتكم


المديرة بلوكات و الغت الاجتماع كامل بصح المشكل بلي حتى لهاذ اليوم قلبي برد من جيهة كامل الناس


كامل دايرتهم تحت رجلي.. لي يهدر نخرج فيه و ما نسمح لحتى واحد..
وليت ما نحس لا بالحب لا بالكره لا بالخوف لا بوالو


العلاقات ديالي فسدو باسكو وليت باردة و ما نسمحش في حقي
عالجت عند نفساني هو يهدر معايا و انا نضحكلو في وجهو و نقولو من نيتك ؟؟


لحق بيا الحال حتى سمعت بلي هذاك السيد لي لحقني وليدو مات مع انو ملايكة بصح استشفيت و ضحكت و استهزأت بيه حتى كرهت و بنتو ما يشوفهاش في حياتو على أساس انه سكيير و انا عاجبني الحال


وليت عايشة هكاك و خلاص.. حبيت نتقرب من ربي mais دايمن نلقى الحاجة لي تشدني.. فيدوني ؟ واش ندير في حياتي باش نرجعلها الطعم ديالها ؟
المهم اسمحولي طولت عليكم و ربي يحفظكم و يبعد عليكم ولاد لحرام
سلام
 
رد: حكايتي حكاية ... (الجزء الثاني)

تم الاعتماد
الله يلطف بينا
ليس غريب ما تحسين به
لي رجعة ان شاء الله
 
رد: حكايتي حكاية ... (الجزء الثاني)

سلام اختي
ربي يهدي ما خلق
اتهلي في روحك و عليك على قران و صلاة وهادي راه تاثير الحادثة راكي تتوسوسي و تولي تكرهي روحك ومن حولك لالا متخليهاش تاثر عليك حادثة وفاتت بخير اقري و عيشي حياتك مزالك صغيرة
تحياتي بالتوفيق
 
رد: حكايتي حكاية ... (الجزء الثاني)

سبحان الله يكون واحد يمشي في حالو يطيح عليه البلا. لاحول ولا قوة بالله. اللهم اجرها في مصيبتها و اخلفها خيرا منها.
اختي هذا اللي مريتي فيه ماهوش ساهل خاصة لفتاة في عمرك. بصح لازم تعرفي بلي ربي يحبك على هذا اختارك انتي لهذه التجربة جامي تقولي علاه صرالي هكذا .و كل ما تسترجعي هذا القصة في بالك لازم تحمدي ربي الف مرة لاني سلكتي منها كي قاعدة تحكي درتيلنا السوسبانس نقرا و حاكمة قلبي قلت كاشما يصرا فيها.بصح الحمد لله لي منعت حياتك و الشرف ديالك. لازم تخرجي من هذا التجربة بشخصية أقوى. بصح هذا لازملو شوي وقت و شوي مجهود منك باش تجتازي المرحلة النفسية اللي راكي فيها و اللي نسميوها في علم النفس ما بعد الصدمة و اللي هي أصعب من الصدمة نفسها ومن بين اعراضها استرجاع الذكريات المؤلمه سرعة الغضب و التبلد الانفعالي كيما راكي تحسي انت لا خوف ولا كره ولاحب.بصح كل هذه راهي عاب رة ان شاء الله.
لازم تتقربي لربي سبحانو و تصلي صلاتك في وقتها و تلهاي غير بقرايتك باش تملاي اوقات الفراغ نتاعك.
و كاين طرق العلاج النفسي كالتفريغ الانفعالي كالكتابة او الرسم لحكايتك تخفف عنك كيما راكي حكيتيلنا احنا ناس اللمة راح يخفف عليك اكيد.
كاين ايضا الاسترخاء ايضا مفيد لهذه الحالات و العلاج بحركة العين ابحثي عليه في النت رتح يساعدك باش تتخطاي هذه الازمة.
و ننصحك جامي جامي تحسي بالذنب لانو ماعندك حتى يد في اللي صرا.
و كيما استشفيتي في هذاك النذل كي مات وليدو و ميشوفش بنتو هذي مشاعر عادية. انا كرهتو و استشفيت فيه.
نتمى نكون افدتك .
 
رد: حكايتي حكاية ... (الجزء الثاني)

السلام عليكم و رحمة الله و بركاته
يا أختي بعد ما قريت حكايتك
عرفت بزاف صوالح على شخصيتك
مانيش حاب نعقب بزاف في الكلام راح نختصر اللي فهمته
أولا هذا الشخص يعرفك مليح بغا مالقريب ولا مالبعيد
يعرف كل تحركاتك وإن لم أخطيء كاش واحد ولا وحدة نعتلو عليك
حاجة الثانية نقولك أنك أنت جلبت انتباهه ربما بعفويتك أو طريقة مشيك في الخارج
ونقولك الحمد لله لي خرجت سلامات عليك

وبالنسبة لشعورك اتجاه الناس منستغربش
حيث تولي إنسان تخاف على روحك تولي تتوس من أي واحد يخزر ليك الى غير ذلك
لكن كاين حاجة حبيت نقولها "ألا بذكر الله تطمئن القلوب"
هذا المفعول الساحر اللي رزقنا ربي بيه وين خليناه
الصلاة والدعاء وقراءة القرآن

قلتي وين ما نحب نقترب من ربي تشدني حاجة
هل يوجد ما هو أهم من طاعة الله؟
ألا يمكنك تخصيص ولو 5 دقائق فقط لقراءة القرآن
لنفترض أنك مثل رجال الأعمال الدين لا يهدأ لهم بال ألا يمكنك دعوة مولاك قبل نومك وبعد قيامك؟
من خالقك و من هو كاتب قدرك
قال تعالى: ("إذا سألك عبادي عني فإني قريب أجيب دعوة الدّاعي إذا دعاني")
أختي كوني قوية لازم أنت لي تنفضي الغبار على روحك بروحك
كوني أنت القدوة للآخرين ..إفتحي الطريق الإيمان لقلبك
وكل واحدة يصرالها مثلك تكوني أنت السباقة في إيجاد العلاج

سمحيلي ربما قسيت عليك بعض الشيء
لكن لا أحب أن أرى الحزن في وجه شخص محتاج
وأعلم أنه لديه الشجاعة الكافية للمواجهة

الله يصلح أحوالك و يجنبك كل ما هو شر
وأن يثبت ايمانك بالله
وإن شاء الله نسمع عليك أخبار رائعة
إلى ذلك الحين نقولك
ســــلام
 
رد: حكايتي حكاية ... (الجزء الثاني)

وثقي علاقتك برب العالمين
وربي يسهلك امورك
 
رد: حكايتي حكاية ... (الجزء الثاني)

مساء الخير أختي
رانا عارفين واش صرالك صعيب بزاف عليك
والانسان بطبعه ضعيف
لكن التقرب ثم التقرب ثم التقرب من الله
هو علاجك الوحيد
باه ترجعي حياتك
ويمكن حياة أحسن من لي كنت عايشتها
عليك بقراة القرآن، الاستغفار وكثرة الصلاة والدعاء
ربي يجيب الخير
 
رد: حكايتي حكاية ... (الجزء الثاني)

الناس الناس البشر
الكل العائلة المجتمع
كلهم عندي في خبر كان
المهم ان يرتاح ضميري
يااختي اخطيك من الناس حاولي تهدي نفسك وتستريحي
عليك بالاستغفار
والله ما نقدر نقلك اكثر من هذااا....
انت ادرى بحجم الالم اللي راكي تعاني منو
لكن نقلك حاااجة والله ربي ما يخلي مظلوم
واللي ظلمك جاي نهارو ...
 
رد: حكايتي حكاية ... (الجزء الثاني)

وكلي ربي عليه اختي و حقك مراهش رايح يضيع


الحقرة مشي مليحة و مشي قاع رجال كيف كيف


متحقديش عليهم و ان شاء الله يجي ولد لحلال لي تعيشي معاه في سعادة وهناء


و الله يختبرك فلا تكوني غافلة قد قدر لك هدا فتوصلي اليه لي يعمر قلبك بالايمان

و لا تعيشي في عزلة عن المجتمع فهدا خطئ فادح سيجرك الى مرض الوسواس و يزيد قلبك حقدا بالناس.


احمدي ربك انك مازلت فتاة عازبة و تدكري جيدا ان هناك ضحايا اكثر منك.


قصة مؤلمة جدااا


اتمنى ان نساعدك في الخروج من هدا الظلام التي انت فيه


 
رد: حكايتي حكاية ... (الجزء الثاني)

ولي لطريق ربي وكل شي غادي يولي كيما كان
 
رد: حكايتي حكاية ... (الجزء الثاني)

"ألا بذكر الله تطمئن القلوب"
 
رد: حكايتي حكاية ... (الجزء الثاني)

السلام عليكم اولا نقولك الحمد لله خرجت سلامات بغض النظر عن الالم لي عايشتيه
وكيما قالو الاخوة ارجعي لمولاك وحاولي تقربي منو وكيما قالك الاخ اسماعيل نفضي
الغبار على روحك بروحك يعني كوني عصامية وماتكرهيش الناس الكل كاين اكثر منك
ربي يحميك ويستر عرضك ان شاء الله وتهلاي في والديك وفي قرايتك
 
رد: حكايتي حكاية ... (الجزء الثاني)

الحمد لله انتي فوتي لي ميتفوتش ويعطيك الصح قدرتي تحكي ربي يكون في العون اختي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top