فلسفة العزوبية (خاص بالمسابقة )

D aucun

:: طبيب ::
أحباب اللمة
إنضم
4 جويلية 2009
المشاركات
2,105
نقاط التفاعل
564
النقاط
91
العمر
35
الجنس
ذكر
فلسفة العزوبية
هذا وصف أمين للوقائع و ليس تحليلا نظريا
- لماذا يتزوج الرجل ؟
- الاجابة ليست صعبة و لا "مشينة" كما تتخيلون ..
يتزوج الرجل ليشعر أنه رجل .. ليحقق رغبته في قوامة بيت .. ليمارس سلطته الناعمة على امرأة تقدره و ترعاه .. ليفتح بيته العامر لأصدقائه و ضيوفه .. ليختبر حقيقة أن يكون أبا و يقدر والديه كما لم يفعل من قبل .. لهذا يتزوج المسكين
بعد فترة نفاق و تصنع قصيرة يكتشف الحقيقة
البيت الذي أراد قوامته أنهكه بالمصاريف حتى قبل ارتفاع اساساته و جدولة ديونه تحتاج الى خبراء البنك الدولي .. المرأة التي ظن انها سترعى شؤونه اكتشف انها لا تستطيع حتى رعاية نفسها و صار بدل فنجان القهوة صباحا يحضر اثنين لتلك التي لو اراد ان يشاركها عشاء لكان عمو اسماعين تاع البيتزيريا خياره الأفضل .. رغبته في أن يصبح أبا اصدمت بمخاوفها من تأثيرات الحمل و الولادة على جسمها و كأنها تخلط بين المرآة حيت تقابلها و صورة بيونسي التي تعلقها بجانبها
تحول في نظر والده من شاب سيحقق ما لم يحققه هو و يستند اليه اذا كبر كما رباه صغيرا .. تحول الى "ما منوش " .. هذا ما لن يقوله و لكنه الشئ الوحيد الذي سيفهم من حواراتهما الباردة و السطحية
أمه لن يسعها الصمت و مثابرتها في نصحه (كما كانت تفعل ايام امتحاناته) ستبدو له عصبية عجوز لا مبرر لها و كلامها في النهار ستمحيه وسوسة الليل .. ألهذا تزوج المسكين ؟
..................................................................................................................
لم اقصد هذه النظرة التشاؤمية و لكنها فرضت نفسها .. لا تقلقوا فان كانت العزوبية طويلة الأنف و تعاني حساسية مفرطة تجاه الانبطاحية .. فالزواج علاجها المثالي
ولكن الزواج يكون بين امرأة ورجل ولا ينبغي على الطرفان الا أن يتبعا ديينا الحنيف فقد ترك لنا شيئين ما ان تمسكنا بهما لن نضل ابدا كتاب الله وسنة محمد صلى الله عليه وسلم
فلنظفر بدات الدين ولتكن حسنة الوجه وقليلة المهر ولتكن ودودا ولودا ولنعاشر اهلنا بالمعروف وخيركم خيركم لاهله ولقد تركت فينا اسوة حسنة هي اسوة سيد الخلق
السلام عليكم
 
رد: فلسفة العزوبية (خاص بالمسابقة )

السلام عليكم أخي الطبيب
روووعة،، من أجل ما قرأت يوما
أي نعم جعلتنا ننظر للزواج نظرة تشاؤمية
وغالبا ما يطرا علي هذا السؤال:
علاش اللي متزوج يقول : يا ريتني ظليت أعزب كون راني متهني
والعازب يقول :وقتاش يفرج ربي ونتزوج ونتهنى

علاش أي منهما مش مرتاح في حياتو؟
يظهرلي العازب كيما حكيت حاب يجرب المسؤولية والقوامة على بيت وامراة ترعاه ويحلم ويمني النفس ببنت الفاميلية اللي تعينو على هاد الشي
من القلة المحظوظين اللي يحظاو بهاد الشي والأغلبية الساحقة تلقاهم لم يوفقوا في الاختيار لهذا يتمنون لول لم يتزوجو
أعجبني قولك
لتلك التي لو اراد ان يشاركها عشاء لكان عمو اسماعين تاع البيتزيريا خياره الأفضل

والله واقع معاش في كثير من البيوت

وفالأخير احنا ما نختاروش أقدارنا ولكن ندعيو ربي يقدنا لعاقبة
شكرا لك على المشاركة الرائعة وبالتوفيق في المسابقة

 
رد: فلسفة العزوبية (خاص بالمسابقة )

الزواج بالمكتوب
واللي عمله الإنسان في حياتو هو اللي يرجعله
مكانش واحد متخلق يدي واحدة ماراهيش متخلقة إلا إذا كان إبتلاء من عند ربي سبحانه
وإذا كان هو دايرها كحلة في حياتو واش يقارع
غادي يدي واحدة كيما هو
أنا مافهمتش دروك كاين واحدين يدروها كحلة
من بعد مين يحب يتزوج يقولك مالقيتش بنت الفاميليا !!
قال الله تعالى : ( الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّأُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ ) النور/26 .
الزواج راه صح صعيب دروك
بصح كاين ناس مراهيش قد المسؤولية
وبعد أول سهم من سهام الدهر
يقولك أنا ماقدرتش !! صاي كرهت !!!


بارك الله فيك على هذا الطرح
 
رد: فلسفة العزوبية (خاص بالمسابقة )

سلالة الطرح (( بصراحة لم اعتد في هذا المنتدى بالذات على هكذا أسلوب وعذراً من الجميع فلا نقصد الإساءة هنا )) أنستني في كيفية التعقيب عليك لي عودة بحول الله تعالى .
 
رد: فلسفة العزوبية (خاص بالمسابقة )

قلم ناضج جدا استمتعت جدا بقراءة النص مرتين
يسعدني ان اللمة مازلت محتفظة بأقلامها المميزة
وعادوا ونفضوا الغبار علی أنفسهم

النظرة التشاؤمية صارت دمغة موشومة في جبين هؤلاء الشابات والشباب
الذين حين ابتعدوا عن دينهم ابتعدوا بذلك عن امور كثيرة
لذا فالتكوين الديني و الاجتماعي للشاب والفتاة مهم جدا
فاحلام كثيرة تذهب في مهب الريح حين تصطدم بصخور الواقع
والواقع هنا بدءا من العلاقات الاجتماعية وصولا للعقليات المتناقضة
احسنت بالنص وموفق ان شاءالله
 
رد: فلسفة العزوبية (خاص بالمسابقة )

السلام عليك
بصراحة شبابنا اليوم في الوقت الحالي يعتقدون أن الزواج مجرد معاشرة فقط لتلبية الرغبات و القضاء على تلك الشهوة
و حين يتم الزواج يُكتشف ذلك العالم عالم الثقة ، الحب ، المعاشرة ، الاحترام ، المسؤولية
هناك من يُحسن التصرف يكون جاهز لذلك العيش لكن البعض يقع في دوامة تجعله يكره نفسه ، يكره اليوم الذي فكر أن يتزوج فيه
ما جاء بين سطورك واقع لا يمكن أن نهرب منه و علينا أن نعمل بالنصيحة التي تمّ وضعها في أخر مقالك
مشكور أخي على الطرح و موفق
 
آخر تعديل:
رد: فلسفة العزوبية (خاص بالمسابقة )

موفق اخي
 
رد: فلسفة العزوبية (خاص بالمسابقة )

السلام عليكم أخي الطبيب
روووعة،، من أجل ما قرأت يوما



الله يحفظك يا أختي بارك الله فيك برك انا مين داك السيجي تاع الزواج رانا نعانيو منه ورانا في بابه ماكانش بيت مافيهش سوء ظن ولا مشاكل سبحان الله مي كاين حاجة اسمها المعاملة بالمعروف وكاين حاجة واحدخرة ولي هي انو لازم البنادم يخير البنت هاديا باش تربيله ولاده يا أختي لا أكتر ولا أقل والله يرجعنا لوقت البركة يا أختي هادا ماكان وامنيني يا أختي يا حصراه كي كانت الدنيا دنيا كانت المراة بقيمتها والراجل بقيمته وين كانت الحشمة يا أختي تماك كانت المراة فري كابابل والراجل صح ابان انا يما تزوجت على 13 سنة دك كاين لي تقول داك وقت ودا وقت نو تحكيلي ما تقولي والله غير كنت غريانة وكانت فري مراة بكل المقاييس وبنات دروك مالغري ماهيش خدامة ومجمعة في الدار تيليفيزون ونت وماعلابليش شاه يا أختي والله تستنا تروحي ديري لاشان باش تجيبيلها خبزة ايه تفكرت حكاية صراتلي في رمضان كنا قاع دايرين لاشان باش نجيبو الخيز ابان جا واحد فاتنا قاع وراح يشري ابان هدرو معاه قالوله كيفانش نت هاك حنا تشوف فينا ماشي رجال ولا كيفانش ابان قالهم وي حنا قاع ماشي رجال الراجل مرته راها ديرله في الخبز
جواب رائع
الله يسترك أختي
 
رد: فلسفة العزوبية (خاص بالمسابقة )

الزواج بالمكتوب
واللي عمله الإنسان في حياتو هو اللي يرجعله
مكانش واحد متخلق يدي واحدة ماراهيش متخلقة إلا إذا كان إبتلاء من عند ربي سبحانه
وإذا كان هو دايرها كحلة في حياتو واش يقارع
غادي يدي واحدة كيما هو
أنا مافهمتش دروك كاين واحدين يدروها كحلة
من بعد مين يحب يتزوج يقولك مالقيتش بنت الفاميليا !!
قال الله تعالى : ( الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُولَئِكَ مُبَرَّأُونَ مِمَّا يَقُولُونَ لَهُمْ مَغْفِرَةٌ وَرِزْقٌ كَرِيمٌ ) النور/26 .
الزواج راه صح صعيب دروك
بصح كاين ناس مراهيش قد المسؤولية
وبعد أول سهم من سهام الدهر
يقولك أنا ماقدرتش !! صاي كرهت !!!


بارك الله فيك على هذا الطرح
اهلا أخي الكريم نشالله تكون مليح ووكلش ونشالله تكون غايا ا جاري
فرونشمون يا خويا كلامك في محله وهادا يعرفه العام والخاص مي الجزاء من جنس العمل هادي مفروغ منها وبلا نقاش اوكي ورانا براسك من منطقة واحدة يا خويا ايا رانا نشوفو كاليتي تاع ديجان باش مانظلموش غير البنت
يجمع في القهوة و يفتح fichier Word (يسميه ana.doc ) و يبدا يبدع :
- "أنا" - أقسم بالله - كنت عارف بلي الريال تخسر ,, كي دخلوا ما كانش كريستيانو يضحك مع مارسيلو .. باينة .. "أنا" كنت عارفها
- "أنا" و الله ما فهمت كريستوف كلومب كيفاه خلط بين الماريكان و الهند .. كون "أنا" من الـ "hello" الأولى نصيدو ,, الهنودا ما كانوش يعرفوا l'anglais ..
- " أنا" و الله ما علابالي بعربي .. كنت في الجيش كان الكوموندو يقولهم هذاك راجل ..
خلاص .. القهوة كملت و صحابو نعسو .. راه رايح و كي العادة مع fichier ana.docx يدير فيه ne pas enregistrer و يودع صديقه بعبارة .. خلص خلص ما عنديش الصرف ..
ههه ولا ماكانش هادي خويا ها الرجلة تاني في طريق الانقراض
 
رد: فلسفة العزوبية (خاص بالمسابقة )

سلالة الطرح (( بصراحة لم اعتد في هذا المنتدى بالذات على هكذا أسلوب وعذراً من الجميع فلا نقصد الإساءة هنا )) أنستني في كيفية التعقيب عليك لي عودة بحول الله تعالى .

الله يحفظك أختي معليهش اني نستنى نشالله تولي
 
رد: فلسفة العزوبية (خاص بالمسابقة )

قلم ناضج جدا استمتعت جدا بقراءة النص مرتين
يسعدني ان اللمة مازلت محتفظة بأقلامها المميزة
وعادوا ونفضوا الغبار علی أنفسهم

النظرة التشاؤمية صارت دمغة موشومة في جبين هؤلاء الشابات والشباب
الذين حين ابتعدوا عن دينهم ابتعدوا بذلك عن امور كثيرة
لذا فالتكوين الديني و الاجتماعي للشاب والفتاة مهم جدا
فاحلام كثيرة تذهب في مهب الريح حين تصطدم بصخور الواقع
والواقع هنا بدءا من العلاقات الاجتماعية وصولا للعقليات المتناقضة
احسنت بالنص وموفق ان شاءالله

الله يسترك بارك الله فيك والله غير نيشان يا أختي هادي معاشة من الواقع وسيرتو مع بنات هاد الجيل بلا مانعمو عليهم كامل مي في حالتنا هنا انا نظن بلي شيرة بنت الفاميليا ولات من الحالات الشاذة في المجتمع تاعنا وانكا وين تهدريلها هدرة تاع انا خاصني تال او تال كاراكتار ايا تقولك ا فرونشمون انا ماكنتش حاسباتك روطارد كيما هاك بويسك ولا عندهم خلط بين الجياحة والتقدم ماناش نهدرو على اللباس وكلش يا ك رانا نهدرو على العقليات وان كان موضوعي مجرد وصف وليس تحليل مي خلينا نزيدو نتعمقو ونعطيك متال بسيط ونت استنبطي منه الفكرة والله العظيم نعرف طبيبة اخصائية في امراض الاطفال وهم يعدون على اصابع اليد الواحدة في كل ولاية ياك ابان مجمعة في الدار وتعرف طيب ودير العجين وجيست مخلية روحها لراجلها و أولادها واولادها دك راهم الله يبارك تانيك نهار سقسوها وعلاهش كيما هاك كون راكي تخدمي وكلش قالتلهم بالحرف الواحد انا عندي راجل دايرني في عينيه وولاد ماكانش كيفهم في الدنيا شا خصني كتر من هاك وتلقي شيرة حبست في التارمينال او بلاك تلقيها ليسونسي ولا حاجة كيما هاك تقولك لالا يا خويا انا خصني نعيش حياتي هيهات بين الاولى والتانية يا أختي هاد الشئ عقليات وقناعات سلام أختي وعدرا بويسك ابعدتنا بعض الاوضاع الغير مناسبة ومام راكي تعرفي الحالة كيفانش
 
رد: فلسفة العزوبية (خاص بالمسابقة )

السلام عليك
بصراحة شبابنا اليوم في الوقت الحالي يعتقدون أن الزواج مجرد معاشرة فقط لتلبية الرغبات و القضاء على تلك الشهوة
و حين يتم الزواج يُكتشف ذلك العالم عالم الثقة ، الحب ، المعاشرة ، الاحترام ، المسؤولية
هناك من يُحسن التصرف يكون جاهز لذلك العيش لكن البعض يقع في دوامة تجعله يكره نفسه ، يكره اليوم الذي فكر أن يتزوج فيه
ما جاء بين سطورك واقع لا يمكن أن نهرب منه و علينا أن نعمل بالنصيحة التي تمّ وضعها في أخر مقالك
مشكور أخي على الطرح و موفق

أ
هلا أختي الكريمة الله يعطيك الصحة والله نت قلتي كلام بالفصحى وانا نقوله بالعامية وصراحة اول ما قريت ردك ضحكت بسكو سي فري ناس تشوف في الزواج كيما قلتيه نت ههههههه وماشي على الفكرة لالا مي ضحكت لأن انا نقولها بمصطلح عامي سي فري يا أختي بويسك لا بلي بار تاع لي جان يشوفوها كيما هاك مجتمع حيواني واعدروني على هاد القول لانو صح تخمام كيما هاك مالغري كو اول حاجة زينت للناس هي النساء والبنون مي باش نرفدو مجتمعنا خصنا نفهمو انو الزواج هو بداية لبناء اسرة باش تكون قدوة ماشي لغرض شهوة ودكرت التقة والاحترام والحب والمسؤولية صدقيني والله هادوم 4 اسس بالنسبة ليا انا لبناء الاسرة
الحب يبنى اشياء تافهة كدلك التقة الاحترام واجب والمسؤولية ضمان لديمومة العيش الهنيء الدي هو حلم اي شاب ويبقى الحلـــــم حتى ماعلاباليش علاهش غادي نفطنو نشالله واقع جميل يا ربي الله يسترك أختي منيني
 
رد: فلسفة العزوبية (خاص بالمسابقة )

وعليكم السلام

موضوعك جدّ رائع واسلوبك :up: كالعادة

الحياة بعد الزواج تختلف ماكانت عليه قبله
وتصبح الظروف هي من تتحكم في الشخص
فالرجل المسكين أو المرأة المسكينة إن لم تكن لهما رجاحة العقل حتما سيعلقان في دوّامة هما وحدهما من سيدفعان ثمنها .
أحيانا تضغط العائلة بشكل كبير عليه
بقصد أو دون قصد
خاصة إن كان الابن الوحيد المتّكل عليه
أقولها وعن تجربة
لن يستطيع التملّص من هذه المسؤولية
كون والدته واخوتهم بحاجة إليه !
لكن حياته هو ألا يحقّ له أن يتنفس قليلا بعيدا مع زوجته
نأتي الآن لجانب آخر
تلك الزوجة ألا يحق لها الاستمتاع بحياتها مع زوجها !
لما تزوج بها إن لم يكن يستطيع توفير كل ماتحتاجه
ألا تستطيع تلك الزوجة ايجاد حلول تناسبهما هما الاثنين !
بلى تستطيع
ايقاظ زوجها واخراجه من بوتقة فلسفة العزوبية:
فيييييييييييق انت الآن متزوج لك وعليك واجبات
انا نقول انو الزوج لي يتزوج يتحمل مسؤوليتو والزوجة لي تتزوج تتحمل مسؤوليتها
لأنو ماش بالساهل الزواج وظروف مابعد الزواج لازم الصبر والحنكة والذكاء
وفكّ الضغط مرة عن مرة

شكرا اخي بالتوفيق
 
رد: فلسفة العزوبية (خاص بالمسابقة )

اتقدم بتهاني الخاصة لنفسي
وكل عاازب على وجه الارض
لانه لم يتزوج
ولم يقم بتحضير فنجاني قهوة بدل الوااحد
ولم يغضب امه
ولم يعق والده
يخرج يلعب اللي ماتش
وقتاش يحب
ويتفرج واش يحب
بعيد على وسوسة الاطفال
ووجع راس اللي تجيب المراة
المهم الناس اللي راهي ناوية تزوج وتعيش الاحلام انا نقلكم من دركي الزوااج ماشي كيما بكري
لانو تفرجنا مسلسلاات بزااف وتخيلنا احلااام بزااف
ولوكان نتزوج علابالي بلي رايحين نصدمو بوااقع مشين
الله يبعدنا على الزوااج
ويعفنا بدون زوااج
ويحفظ فروجنا واعيننا بدون زواااج.
 
رد: فلسفة العزوبية (خاص بالمسابقة )

شكرا أخي على الموضوع
موضوع قيم في الصميم لما نعيشه الآن
الزواج قسمة ونصيب لكن انما الأعمال بالنيات ولكل امرئ ما نوى
لو كل واحد اتبع حدود الله في الزواج لما وصلنا الى ما وصلنا اليه
يعطيك الصحة خويا​
 
رد: فلسفة العزوبية (خاص بالمسابقة )

بارك الله فيك ن وأنعم الله عليك بزوجة صالحة تقر بها عيناك امين يارب العالمين
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top