ذبح نفســـــــــه !!!!

الحالة
مغلق ولا يسمح بالمزيد من الردود.

Ra Off

:: عضو بارز ::
أحباب اللمة
إنضم
26 فيفري 2007
المشاركات
3,800
نقاط التفاعل
2,530
النقاط
196
محل الإقامة
سوق اهراس
الجنس
ذكر
do.php

هذا جاري


يعاني من مرض عقلي ، كان كل يوم يخرج باكرا من منزله ، يغني ويرقص في الشارع ، ينام على الرصيف ،
do.php

ينفجر ضاحكا عند هروب الفتيات والنساء منه
أحيانا يؤذن ، أو يتلو بعض الآيات بأعلى صوته في الطريق

نعم إنه يعيش عالمه الخاص ،
لكنه لا يؤذي أحدا

do.php

وفي كل مساء يعود الى منزله حيث تتكفل والدته بإطعامه ، ومناولته الدواء
الى ان غابت منذ يومين والدته
فوجد نفسه وحيدا في المنزل ، وبدل أن يبلع حبتين من دوائه المعتاد ، ابتلع كل العلبة
( حوالي 20 حبة ) بدأ رأسه يغلي ، زاد الضجيج في دماغه ، لم يحتمل ذلك
فذهب الى المطبخ ، حمل السكين ومزق رقبته من الوريد الى الوريد

الحادثة وقعت منذ يومين للشاب رشيد
والحمد لله انه تم انقاذه في الوقت المناسب ونقل بعدها الى المصحة العقلية
اين سيتم التكفل بحالته

هنـــــــا نتساءل
do.php

ظاهرة المختلين ، أو مرضى العقل الذين يجوبون الشوارع ، نراهم كل يوم
ولا نكترث لأمرهم
علاش نستناو حتى يرتكبو جريمة باش نتكفلو بيهم ، اعني بهذا الكلام
المصحات والمستشفيات العقلية التي لا تقبل اي مريض حتى يشكل خطرا
على السكان ، او حتى يرتكب جريمة !!!
فهل هذا شرط مقنع ؟

أنا لا احب تسميتهم مجانين ، لأن الجنون تصرف طائش من شخص عاقل
أما هؤلاء فهم يعانون من مرض أصاب عقولهم ، ونسبة كبيرة منهم
قد تعالج اذا وجدت الرعاية والتكفل اللازم ..

فماهو الحل لهذه الظواهر ولماذا كل هذا التقصير تجاه هاته الفئة ؟
خصوصا وأن الجزائر تحوي 16 مصحة عقلية فقط
وتعمل على تسريح هؤلاء المرضى بحجج كثيرة ،



 
آخر تعديل بواسطة المشرف:
رد: ذبح نفســـــــــه !!!! ( مشارك في المسابقة )

السلام عليكم ورحمة الله

المرضى هاذو دايما يعملو كوارث فى رواحهم او فى الناس

واهلو من يتحملو مسؤوليتو نورمالمو يدوه لمصلحة مختصة فى الامراض العقلية

لانو يشكل خطر على روحو وعلى الناس

بارك الله فيك خويا
 
رد: ذبح نفســـــــــه !!!! ( مشارك في المسابقة )

السلام عليكم ورحمة الله
المرضى هاذو دايما يعملو كوارث فى رواحهم او فى الناس
واهلو من يتحملو مسؤوليتو نورمالمو يدوه لمصلحة مختصة فى الامراض العقلية
لانو يشكل خطر على روحو وعلى الناس
بارك الله فيك خويا

وعليكم السلام ورحمة الله وبركاته
شكرا على التعقيب خويا ماستر ، صح عندك الحق في هذا
وأكيد انو المسؤول الأول والأخير هوما الأهل

لكــــــن المشكل الحقيقي ليس هنا
في في المصحات العقلية في حد ذاتها ، فهي تتهرب من التكفل بهؤلاء المرضى
سواء بالتسريح ، او اختلاق صعوبات بيروقراطية ، كشرط الخطورة
( يعني لازم يقتل واحد باش يحكموه )

المستشفيات العقلية تطلق المجانين إلى الشارع

شكرا لمرورك الطيب أخي وفيك بارك الله



 
رد: ذبح نفســـــــــه !!!! ( مشارك في المسابقة )

المشكل ليس في المصحات العقلية فقط
كاين عايلات يرفضو يرسلو أولادهم للمصحات العقلية بحجة مايتهلاوش فيهم
زيد المصحات العقلية راهي قليلة والمهابيل راهم بزاف
 
رد: ذبح نفســـــــــه !!!! ( مشارك في المسابقة )

المشكل ليس في المصحات العقلية فقط
كاين عايلات يرفضو يرسلو أولادهم للمصحات العقلية بحجة مايتهلاوش فيهم
زيد المصحات العقلية راهي قليلة والمهابيل راهم بزاف
بين هذا وذاك ( المصحات والعائلات )
ترعرع الخطر الناجم عن هؤلاء المرضى
do.php

شكــــرا اخي Mig Algeria على المشاركة الطيبة

 
رد: ذبح نفســـــــــه !!!!

وعليكم السلام اهلا وسهلا بيك رؤوف

انا مرات نشوف ناس كيما هكا نبقى نخمم نقول كيفاه حتى وصلو هكا واكيد الظروف لي وصلتهم للنقطة هاذي
ربي يسترنا اصعب مرض يقيس الانسان انو يفقد عقلو ويعيش هاكداك
المستشفيات تاعنا كيما معروف متملصين من هاد المسوؤولية
ولمريض لي يروح يداوي يزيدو يهبلوه معندهم طريقة الله غالب
ويجيبوهم يرميوهم في الولايات
عدنا منين نمشيو نلقاو مهبول جديد

فكرتني في وحدة قرات معايا نابغة في الأدب والشعر
وفي نفس الوقت هي مريضة من مخها وقتها بدات تتخلخل مسكينة
كانت كي تنوض تناقش الاساتذة يسكتو
والاشعار لي حافظتهم وكاتبتهم على فلسطين الاستاذ لي حاسب روحو حاجة وولد امو ميقدرش يألفهم
لكن الاطباء قالو لمواليها مع الوقت راه يروح عقلها وتهبل للأسف
وقتها كان خوها هو المرافق تاعها يراقبها من بعيد وموصي عليها البنات
يخافو عليها لاتحكم الطريق
ومسكين جارك قريب قضى على روحو مزية لي منع
المجتمع معمر بهاد الحالات والحل وين منعرف
شكرا بارك الله فيك
 
رد: ذبح نفســـــــــه !!!!

وعليكم السلام اهلا وسهلا بيك رؤوف

انا مرات نشوف ناس كيما هكا نبقى نخمم نقول كيفاه حتى وصلو هكا واكيد الظروف لي وصلتهم للنقطة هاذي
ربي يسترنا اصعب مرض يقيس الانسان انو يفقد عقلو ويعيش هاكداك
المستشفيات تاعنا كيما معروف متملصين من هاد المسوؤولية
ولمريض لي يروح يداوي يزيدو يهبلوه معندهم طريقة الله غالب
ويجيبوهم يرميوهم في الولايات
عدنا منين نمشيو نلقاو مهبول جديد

فكرتني في وحدة قرات معايا نابغة في الأدب والشعر
وفي نفس الوقت هي مريضة من مخها وقتها بدات تتخلخل مسكينة
كانت كي تنوض تناقش الاساتذة يسكتو
والاشعار لي حافظتهم وكاتبتهم على فلسطين الاستاذ لي حاسب روحو حاجة وولد امو ميقدرش يألفهم
لكن الاطباء قالو لمواليها مع الوقت راه يروح عقلها وتهبل للأسف
وقتها كان خوها هو المرافق تاعها يراقبها من بعيد وموصي عليها البنات
يخافو عليها لاتحكم الطريق
ومسكين جارك قريب قضى على روحو مزية لي منع
المجتمع معمر بهاد الحالات والحل وين منعرف
شكرا بارك الله فيك
شكرا اختي ساندريلا على الإضافة المميزة ..
فعلا هاذ الفئة مهمشة
وذكرتي نقطة مهمة وفعلا واقعية انهم يوزعوهم على الولايات
مافهمتش كيفاه ولا شكون يقوم بهاذ العمل لكن فعلا

تلقاي مهبول من الشرق يديوه للغرب وتع الغرب يجيبوه للشرق
وكأنه يدير في ستاج تع تمهبيل

الله يهدي ، وان شاء الله يلقاو حل لهاذ الفئة المهمشة ، حتى ولو بلا عقول
يبقاو بشر ومن واجبنا نعتنيو بيهم

بارك الله فيكي
 
رد: ذبح نفســـــــــه !!!!

تفكرت جارنا كان استاذ تاع فيزياء

ووقت الفيس السيد تخلخل من مخو

من تم هبل وحكم الطرق

مواليه تخلاو عليه

وعندو دارو

الدار هاديك كنا صغار نروحو نحبو نتجولو فيها

يحكمنا الفضول

دارو توسخت كاملة

لقيناه داير طابلة عليها المحاليل تاع الفيزياء

والكتب تاعو

وباقيها كامل معندك ماتشوف

مرات ينوض يدير في التجارب العلمية حتى الجيران يهبطو يشوفو

يخافو لايشعل بيهم الباطيما

ومرات يديرو تضامن ويروحو ينقيولو دارو

ويتصدقو عليه بالماكلة

بصح كي يخرج يتمسخرو بيه الدراري

وفي المقابل الدولة خرجاتو تقاعد مسبق
وعطاوه زوج دورو

يهزهم كل شهر

يعني ماقادروه بلي كان استاذ ماوالو هبل اطفرت فيه

كون في بلاد خلاف
كلمة استاذ برك راهم فشفشوه لآخر العمر


 
رد: ذبح نفســـــــــه !!!!

وعليكم السلام اهلا وسهلا بيك رؤوف
فكرتني في وحدة قرات معايا نابغة في الأدب والشعر
وفي نفس الوقت هي مريضة من مخها وقتها بدات تتخلخل مسكينة
كانت كي تنوض تناقش الاساتذة يسكتو
والاشعار لي حافظتهم وكاتبتهم على فلسطين الاستاذ لي حاسب روحو حاجة وولد امو ميقدرش يألفهم
لكن الاطباء قالو لمواليها مع الوقت راه يروح عقلها وتهبل للأسف
وقتها كان خوها هو المرافق تاعها يراقبها من بعيد وموصي عليها البنات
يخافو عليها لاتحكم الطريق
ومسكين جارك قريب قضى على روحو مزية لي منع
المجتمع معمر بهاد الحالات والحل وين منعرف
شكرا بارك الله فيك


do.php


وعليكم السلام والرحمة شكرا ختي ساندريلا على التعقيب

فعلا ، ربما عقولهم ربما تتميز عن عقولنا ، فربما نحن نصفهم بالجنون
لكنهم قد يكونون اذكى وأكبر عقلا منا

فلا يتطلب الأمر سوى قليل من العناية والاهتمام

وبارك الله فيكي

 
رد: ذبح نفســـــــــه !!!!

السلام عليك
و الله الموضوع في القمة راك عالجت ظاهرة منتشرة في المجتمع و هدرت على ناس محتاجين و لو نظرة
صراحة المختلين تلقاهم ناس يفهموا أكثر من العقلاء
عوض نتكفلو بيهم هاملينهم
تلقاهم مثلا يطنزوا عليهم في الشارع دايرينهم فكاهة
و لا تلقاهم يركبوا فيهم من bus لخوه باه يتهنوا منهم
إن شاء الله يتكفلوا بيهم
بارك الله فيك
 
رد: ذبح نفســـــــــه !!!!

السلام عليك
و الله الموضوع في القمة راك عالجت ظاهرة منتشرة في المجتمع و هدرت على ناس محتاجين و لو نظرة
صراحة المختلين تلقاهم ناس يفهموا أكثر من العقلاء
عوض نتكفلو بيهم هاملينهم
تلقاهم مثلا يطنزوا عليهم في الشارع دايرينهم فكاهة
و لا تلقاهم يركبوا فيهم من bus لخوه باه يتهنوا منهم
إن شاء الله يتكفلوا بيهم
بارك الله فيك
وعليكم السلااااااااااااام
شكرا على الاضافة القيّمة ختي منيني

فعلا حنأ باش نعالجوهم ونتكفلو بيهم ، زدناهم جنونا ، وأزمنا من وضعيتهم اكثر واكثر .... الله يهدي
 
رد: ذبح نفســـــــــه !!!!

شكرا لك رؤوف موضوع هام نعيش احداثه في حياتنا اليومية.


المسؤول الاول عن هده الفئة هي الدولة لم تعطيهم العناية الكافية و لا حتى بنت لهم مصحات و قدمت لهم مساعدات


لهدا نجد العائلات ترفض ان ترسل ابائها الى المراكز المخصصة لهم و انا رأيت بعيني كيف يعيشون في تلك المراكز

و الله يا رؤوف منه من تجده في المركز بالبسة متسخة و حالتة جد قاسية

لاكن اخي ضعني اوضح لك شيء المعاق ليس هده الفئة بل المسؤولين في الدولة هم المعوقين الحقيقين

لانهم لم يراعوا حتى من بمواهبه مثل الادمغة التي نراها تشتغل في اوروبا لان الجزائر لم تحتظنهم

مثل اضراب الاساتدة و التلاميد يدفعةن الثمن هي لم تنجح حتى مع العقول السليمة فكيف بها تتدكر هده الفئة.

انهم حقا منسين حتى من طرفنا نحن اد بنا في بعض المرات لا نعطيهم اي اهمية حتى اننا لا نشفق عليهم

و هده صراحة و اعتراف مر.

اقول لك اخي ما علينا الان سوى القاء السلام على البلد فكل شيء فيها دهب و لم يبقى لنا الا الندب و الندم.

موضوع جد مميز قد اطلت عليك اخي

تقبل مروري و دمت دائما مبدعا بمواضيعك التي تتخدها من قلب المجتمع.

فالف شكر لك
 
رد: ذبح نفســـــــــه !!!!

شكرا لك رؤوف موضوع هام نعيش احداثه في حياتنا اليومية.
المسؤول الاول عن هده الفئة هي الدولة لم تعطيهم العناية الكافية و لا حتى بنت لهم مصحات و قدمت لهم مساعدات
لهدا نجد العائلات ترفض ان ترسل ابائها الى المراكز المخصصة لهم و انا رأيت بعيني كيف يعيشون في تلك المراكز
و الله يا رؤوف منه من تجده في المركز بالبسة متسخة و حالتة جد قاسية

العفو خويا نجيب مرحبا بيك صديقي نوّرت الموضوع بإثرائك
وراني معاك فالمسؤول الأول هو الدولة
لأن العائلة الله غالب عليهم ، ممكن يوفرو المأوى والمأكل والملبس
لأولادهم لكن في بعض الحالات يوصلو وين ما يقدروش يتحكمو فيهم
وعندكم الحق كي يخافو من تلك المصحات
خاطر راهم شايفين وعارفين ، ومؤخرا شفت وحد الروبورتاج حول احدى المصحات الخاصة بالنساء
لا حول ولا قوة الا بالله
، اغتصاب ، اهانة ، ضرب ، اهمال ، وفوق هذا كامل ، تورط كبير في تهريب الادوية الخاصة بهؤلاء المرضى
للمتاجرة بها في السوق السوداء كمهلوسات

لاكن اخي ضعني اوضح لك شيء المعاق ليس هده الفئة بل المسؤولين في الدولة هم المعوقين الحقيقين
لانهم لم يراعوا حتى من بمواهبه مثل الادمغة التي نراها تشتغل في اوروبا لان الجزائر لم تحتظنهم
مثل اضراب الاساتدة و التلاميد يدفعةن الثمن هي لم تنجح حتى مع العقول السليمة فكيف بها تتدكر هده الفئة.
انهم حقا منسين حتى من طرفنا نحن اد بنا في بعض المرات لا نعطيهم اي اهمية حتى اننا لا نشفق عليهم
و هده صراحة و اعتراف مر.
اقول لك اخي ما علينا الان سوى القاء السلام على البلد فكل شيء فيها دهب و لم يبقى لنا الا الندب و الندم.
موضوع جد مميز قد اطلت عليك اخي

تقبل مروري و دمت دائما مبدعا بمواضيعك التي تتخدها من قلب المجتمع.
فالف شكر لك

هاذي هي الخلاصة اخي ، شكون هو المعاق ؟
هو المسؤول الذي يعبد الكراسي والمناصب أكثر من مصلحة الشعب
شفنا عباد الشمس والبقر والفئران
وحنا عندنا عبّاد الكراسي

بارك الله فيك اخي نجيب
على الاطلالة الطيبة شكرا مرة اخرى

 
رد: ذبح نفســـــــــه !!!!

حمدلله ع سلامته
وربي يثبت علينا نعمة العقل
 
رد: ذبح نفســـــــــه !!!!

السلام عليكم
فعلا ظاهرة التكفل بمرضى الأعصاب يرثى لها في بلادنا
وكيما قلت يستقبلو غير الحالات المستعصية ولا اللي ولات تشكل خطر على نفسها وعلى الأفراد والمجتمع
نورمالمو اللي يشكو فيه بدا يفقد السيطرة على أعصابو يجريو بيه ديراكت مش يستناو حتى يرتكب جريمة في حق نفسو ولا في حق الآخرين

نعرف وحدة مريضة بالأعصاب تمشي بالدوا
ساعات تكون نورمال وساعات كي تجيها الحالة تولي متعرف حتى واحد
كي داتها امها للطبيب النفسي قالها بنتك عندها انفصام فالشخصية
كي تكون بالشخصية اللولة تقول عليها ملاك ما تهش ما تنش وتحكي عادي معاك
مي كي تنقلب الشخصية الثانية تولي وحش
حاولت شحال من مرة تقتل امها وخاوتها
مرة بالغاز ومرة بالموس ومرة بالمسامر والحديد (المكواة)
وفي كل مرة يدخلوها للمصح ويعاودو يخرجوهالهم بحجة انها لاباس بيها
كيفاش وحدة لاباس بيها يفرطو فيها والديها ويدخلوها مصح بلا سبة؟

تجي تفهم تحير
شكرا رؤوف على الموضوع الجميل في قالب أجمل

 
رد: ذبح نفســـــــــه !!!!

حمدلله ع سلامته
وربي يثبت علينا نعمة العقل
آمين ختي شكرا على المشاركة الطيبة
do.php

 
رد: ذبح نفســـــــــه !!!!

السلام عليكم
فعلا ظاهرة التكفل بمرضى الأعصاب يرثى لها في بلادنا
وكيما قلت يستقبلو غير الحالات المستعصية ولا اللي ولات تشكل خطر على نفسها وعلى الأفراد والمجتمع
نورمالمو اللي يشكو فيه بدا يفقد السيطرة على أعصابو يجريو بيه ديراكت مش يستناو حتى يرتكب جريمة في حق نفسو ولا في حق الآخرين

نعرف وحدة مريضة بالأعصاب تمشي بالدوا
ساعات تكون نورمال وساعات كي تجيها الحالة تولي متعرف حتى واحد
كي داتها امها للطبيب النفسي قالها بنتك عندها انفصام فالشخصية
كي تكون بالشخصية اللولة تقول عليها ملاك ما تهش ما تنش وتحكي عادي معاك
مي كي تنقلب الشخصية الثانية تولي وحش
حاولت شحال من مرة تقتل امها وخاوتها
مرة بالغاز ومرة بالموس ومرة بالمسامر والحديد (المكواة)
وفي كل مرة يدخلوها للمصح ويعاودو يخرجوهالهم بحجة انها لاباس بيها
كيفاش وحدة لاباس بيها يفرطو فيها والديها ويدخلوها مصح بلا سبة؟

تجي تفهم تحير
شكرا رؤوف على الموضوع الجميل في قالب أجمل


وعليكم السلااااااااااااااام
do.php

فعلاااا شي يحير ، مادام أهلها دخلوها مصحة أكيد بيها حاجة
الله غالب ناس راهي تخدم بالمزيّة


شكرا على الإطلالة المشرقة مينآت ، نورتي الموضوع بالمشاركة الطيبة
تحيــــــــة
 
رد: ذبح نفســـــــــه !!!!

شكرآ رؤوف
هادي هي الدنيا
و ربي يهدينا
مشكور على الموضوع
العفو اختي أسماء شكرا لمشاركتك الطيبة
تحيـــــــــاتي

 
رد: ذبح نفســـــــــه !!!!

السلام عليكم خويا والله موضوع يستحق صح التميز

هذي الفئة للاسف ماعندهم حتى حماية ول حتى حق وتلقاهم كاااامل مرمين برا
خصوصا في ليسانتيفي ياالله وبارتو وين تروح تلقاهم وكاين لياذيو وكاين ليمايضربوش يعني تختلف الحالات
وفكرتني في واحد من الدشرة تعنا ربي يذكرو بالخير هو هكا يقولو مريض مسكين ربي يشافيه وقالو على جال القرايا هو الله يبارك كان نابغة في الرياضيات ومانيش نحكي على العلامات ليتحصل عليها ول لا هو بالذات نابغة لدرجة الجنون للاسف وقدر الله وماشاء فعل
ولحد الان هو كي يشوفوه هكا الصغار ول يروحو ليه مين داك يولي لعقلو يحللهم التكارين مي دقيقة برك يولي لحالتو المرضية ويمشي غير بالدوا ربي يشافيه مي يخممو يديوه للمصح العقلي وللاسف
مكانش ليهتم بهذي الفئات ابدااا
وحتى كيما قلتو المراز الصحية هذي ماتقومش بواجبها وتاني العايلات كاين ليميقبلوش يديو مرضاهم لهذا المركز
على كل الله يشفيهم
وان شاء الله يلقاولهم الحل على الاقل الاعتناء بهم باش ماياذيوش رواحتيهم وماياذيوش الناس

اسمحلي خويا اهدرت بزاااف
معليه
ايا شكرااا
وبالتوفيق ليك
تحياتي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top