الزواج برجل في الجيش

هآجر · 20 مارس 2015

السلام عليكم

تحية طيبة للجميع

عندي موضوع للمناقشة يخص مايلي

هل زواج فتاة من رجل في الجيش (مgجي ) بقاولنا سبع سنوات و يكمل امر هين ؟

الي عندوا فكرة او واحد من اقارب هكة يفيدنا بالتجربة

اتمنى التفاعل

موفقين

السلطانة · 20 مارس 2015

رد: الزواج برجل في الجيش

وعليكم السلام اهلا وسهلا اختي

صراحة معنديش فكرة على الموضوع ان شاءالله يعاونوك الاخوة والاخوات

ينقل للمنتدى العام

ثَسْكُورْثْ نَثْدُوكْلِي · 20 مارس 2015

رد: الزواج برجل في الجيش

سلام عليكم
ياريت يشاركو الاعضاء لعندهم فكرة او تجربة
تقبلي مروري
تحياتي
بالتوفيق

سفيان اسلام · 20 مارس 2015

رد: الزواج برجل في الجيش

السلام عليكم

اختي انا كنت في الجيش بصح مشي مgاجي وكانو معايا ناس متزوجين بزاف
ادا كان يسكن في الغرب ولا في الشرق ويخدم في الشرق ولا في الغرب يعطوه9 ايام في كل 45 يوم
ويعطوه تاني في كل اسبوعين 24 ساعة يروح لداره
وادا كان في الجنوب يعطوه كل شهرين14 يوم يروح لداره
هدي هي اختي انا كنت عايش معاهم ونشوف
وعادي اختي يتصل بزوجته ويتكلمو مع بعض
وعندهم اطفال ونتي راكي تقولي باقيلو 7 سنوات
مكان والو 7 سنوات غمض عين حل عين تكمل
ومنبعد من يكمل كلش يبقى عندك في البيت ويخرج صغير
وقادر يزيد يخدم على روحه كيما يحب
هدا ادا كان رجل جند يعني جندي او عريف او عريف اول او رقيب او رقيب اول او مساعد او مساعد اول

اما ادا كان ملازم فما فوق فله الاولوية للدهاب الى البيت حسب المكان الدي هو فيه
ربي يوفقك اختي ولي كاش سؤال راني هنا موجود

{مُدَلَّلَتُهُ} · 20 مارس 2015

رد: الزواج برجل في الجيش

السلام عليكم و رحمة الله و بركاته

اختي الزواج بواحد مـgـاجي ما فيه والو ! عادي .. شاهي الحاجة الي تغبن أنو ما يكونش دايما في الدار على بيها تعيشي مع والديه خيرلك !كاين بزاف الي تقولك ماهمش ملاح و خطيك مي المشكل ما راهش في طبيعة الخدمة المشكل في طباع الراجل كاين الي راجلها يغبنها و كاين الي العكس و هادي على حساب طباعو مشي على مـgـاجي ولا لا ! هادا رايي

الأخ الي قبلي كفا و وفا في الشرح ما عندي ما نزيد على هدرته

touta04 · 20 مارس 2015

رد: الزواج برجل في الجيش

السلام اختي

امر عادي الزواج من راجل عسكري انا في نظري المهم يكون ولد عايلة و تتفاهموا و تكونوا

مخلصين مع بعض هذا هو المهم

اما على بعدوا في وقتنا ما ولا يعتبر مشكل او عندوا الحق كل 30 يوم او 45 يوم عندوا اسبوع

يروح فيه و زيد درك كاين نت و سكايب يعني ديما مع اتصال مع زوجتوا

و اذا بيك تخمي على الاولاد و كيفاه تربيهم اكي قلتي بقالو 7 سنوات يعني الولد الاول

ميقفلش 6 سنوات يكون باباه معاه يعني مش مشكل

الراجل يبقى راجل مهم عقلوا كبير و راجل بافعالوا و المراة تكون مرأة

تقبلي مروري

الورد الأحمر · 20 مارس 2015

رد: الزواج برجل في الجيش

نظن أنو النقطة هذي في الزواج راجعة للمرأة إذا تشوف روحها تقدر على البعد فربي يسهللها ... اممم معرف علاه جاتني في راسي ‏ منيني ممكن هي تفيدك ... سلام

Amine7N · 20 مارس 2015

رد: الزواج برجل في الجيش

إذا راكي حابة تتزوجي براجل في الجيش لازم تصبري شوية
خاطرش مايكونش ديما في الدار
إذا كان هو من ضباط الصف أو الضباط وكان كاين حي سكني
فله الحق في السكن
وإذا مكانش حي سكني راه يعطوه كل 30 أو45 يوم إجازة على حساب البلاصة
في الصحراء 15 يوم
في الشمال من 8 إلى 10 أيام على حساب البعد وقائد الوحدة
وإذا كان في مدينة ومكانش حي سكني راه يقدر يكري
مي كاين فترات منين تكون فيها حالة طوارئ يقدر يطول
مايديش إجازة حتى يفوت شهرين
إذا كان متربي ومافيه حتى عيب
أصبري معاه

هآجر · 21 مارس 2015

رد: الزواج برجل في الجيش

سلام عليكم

شكرا على الافادة
هو هذي الوضعية فيها ايجابيات و سلبيات
اصلا اي زواج فيه امور كثيرة يجب مراعاتها
و الله مستعان
في انتار اثراء الموضوع اكثر من اخوتنا الاعضاء
موفقين ان شاء الله

اسماعيل22 · 21 مارس 2015

رد: الزواج برجل في الجيش

رأيي من رأي الأخت توتة
إذا كان الإنسان ولد عايلة و متخلق ميهمش واش يخدم لأن العمل هو رزقه ولكل عمل ظروف
ورجال الأعمال لي ميقدوش يبقوا ولا ساعة مع عائلاتهم واش يديروا تاني ميتزوجوش؟
لا لا أختي إذا شفتي فيه متطلبات الزوج المخلص المتخلق البار بوالديه وبعيد عن المحرمات نقولك متلقيش راجل مثله
نعرف شحال من واحد عسكري حتى في عائلتي عايشين لاباس عليهم و الحمد لله
ربي يفرحك و يوفقك

آمِيْرَتُه · 21 مارس 2015

رد: الزواج برجل في الجيش

السلام عليك
هو شيء ماشي سهل تتزوجي براجل مgاجي بصح مين يكون راجل و فحل و متربي و وليد فاميليا اكيد كل شي راح يكون سهل
متقدريش تحكم على اي انسان قبل و الحل الوحيد الاستخارة
ربي يوفقك

الزواج برجل في الجيش

هآجر

:: عضو بارز ::

السلطانة

:: أمينة اللمة الجزائرية ::

ثَسْكُورْثْ نَثْدُوكْلِي

:: عضو بارز ::

سفيان اسلام

:: عضو بارز ::

{مُدَلَّلَتُهُ}

:: أستاذة ::

touta04

:: عضو بارز ::

الورد الأحمر

:: أمينة اللمة الجزائرية ::

Amine7N

:: عضو بارز ::

هآجر

:: عضو بارز ::

اسماعيل22

:: عضو بارز ::

آمِيْرَتُه

:: عضو بارز ::

المواضيع المشابهة