كيف اتصرف ؟ اريد حل في اسرع وقت

مشكلتي · 27 مارس 2015

السلام /
انا فتاة طالبة بالثانوية عندي 16 سنة ملقيتش شكون يمدلي حل لقيتكم غي نتوما ان شاء الله تنصحوني وتلقاولي حل ..
قصتي بدات العام اللي فات .. كنت عاد داخلة لليسي و مزالت ماوالفتش القرايا تما .. وحد النهار لقيت واحد صديق ليا عادي قتلو صافا لاباس ؟ كان معاه صديقو .. لعشية قالي هاداك صديقي عجبتيه و يلى تخرجي معاه .. ووو .. قلتلو لالا حاجة باينة قالي صحا .. الولد هاداك محبش ينحي الفكرة من راسو رسالي طلب صداقة في الفايسبوك بلوكيتو .. موالفة نقبل غير اللي نعرفهم .. رسلي ب boite وحدخرا معرفتش اللي هو زدت شفت اسم بنت و بزاف les amis en commun قلت هادي sur عرف ... قبلت طلب صداقة .. مي ملول قال انا فلان معليش نتعرفو ؟ قلتلو لالا ..قالي صحا .. مشكلتي ناس يشفوني منحبش نجرح الناس .. تعرفت عليه من فوق قلبي و ماكنتش نحملو .. :down: فاتو يامات و محيت قع الدراري اللي كانو عندي في الفايبوك لانو عندي خاوتي موسوسين شويا .. املا قلت نمحي عليا و بلا مشاكل و زعافهم .. قالي علاش محيتيني قلتلو هكاك قالي و الله تقولي قلتلو محيت كامل الدراري صراولي مشاكل .. تفهم الامر و قالي ايه عندهم الصح خاوتك ... والفتو حقيقة ... اصبح صديق مقرب يحكيلي كلش ..جربتو في شحال من حاجة .. مي طلع راجل .. قالي 3 مرات باش نخرج معاه وماقبلتش قتلو تقعد اخ او صديق مرحبا .. حاجة اخرى شوف بعيد .. قالي ديريني كيما حبيتي المهم انا منروحش .. و غي نتي اللي نديك و نتي بنت فاميليا وووووووو ...
مور القصة تع اللي محيتو .. لقى حل و حل boite اخرى تع بنت غي باش ميديرليش المشاكل و يقعد يهدر معايا .. حقيقة و الله شاهد عليا لم اقل شيئا الا و كان واضحا يعني دايما بيناتنا احترام و كلام عادي عادي جدا يقراه اي واحد ماشي مشكل .. صحيح كان يقول نحبك و لكن دايما نتشاجرو موراها ..منحبش الصوالح هادو .. يحكيلي كل شيء عن بيتهم عنو ...كل شيء ... داير فيا ثقة ... كل مرة حاولت نبعد و كل مرة نرجع ...لانو معنديش لمن نحكي .. ملقيتش شكون يفهمني

... المرة الاخيرة مين قررت ننسحب نهائيا .. قال انه مريض و صحيح هدا الكلام تاكدت من هاد الشيء ...مرض قلبي ... فاجلت الانسحاب حتى لا يظن انني تخليت عنو غي مين راه مريض .. يا جماعه اللي محيرتني يعني درت فيه حاله حقيقة .. كنت قاسية جدا معه .. لاني بصراحة معنديش ثقة .. الوقت مراهوش يرحم و مع كل هدا بقى معايا :s حاولت بكل الطرق نخليه يكرهني و لم ينفع شيء ..
مشكلتي عاندي زوج خاوتي لو يعلمو بالامر

لا ادري ما يجري ..
اما النداامة .. قلبي يحترق لثقة اهلي في و انا اكلم شابا .. رغم و الله اني لم افعل شيء غير مؤدب .. ولا مرة خرجت مع شاب الحمدلله و الكلام الدي نتكلمه كما قلت وااضح يتجلى في حلول لبعض المشاكل او مساعدة او حكايات عن الصغر .. او عن الحياة اليومية
كيف اتصرف ؟ علما انني لا استطيع تجريح المشاعر ..
ان شاء الله نلقى عندكم الحل .. بارك الله فيكم

حكيك · 27 مارس 2015

رد: كيف اتصرف ؟ اريد حل في اسرع وقت

تم الاعتماد

بنت الصحراء08 · 27 مارس 2015

رد: كيف اتصرف ؟ اريد حل في اسرع وقت

ساهل بلعي الفيسبوك نتاعك و حلي اخر واذا سقساك قوليلو بللي خاوتك رغموك على انك تبلعيه
ربي يعاونك

بيّاع الورد · 27 مارس 2015

رد: كيف اتصرف ؟ اريد حل في اسرع وقت

يَ مسآآ الحُبْ !
شخصيّآآ حبيتْ أخلاقِك و مستوَى تفكيرْكْ !
مابدّك تخيّبِي ظنْ أهلكْ فيكِ و لاَ بدّك تهينيلُوا كرآمتُو و
خصوصِي إذَا هوِ مَ عملْ شيْ يزعجكْ غير طلَب القبول بِه كَ حبيبْ الِكْ
أنَآ برأييِ خليِكِ هيكْ ، يعنِي :
من جهتِك إنتِ لا تعآمليه كـ أكترْ من صديقْ أو أخْ و عآدِي جدًآ الصدآقَه بين شآب و بنتْ
و اذّا أصرْ على تطويرْ العلاَقه إلىَ غرآميآت و مآ شآبَه
حآولِي تتجنبيِه أو هدديِه إنّك مَ عآآد تحكيه و لا تسألِي فيه إذا ما بطلْ هالإلحآآح بطلبُو
هلئ هوِ يمكنْ صح يميلْ لإلِك و يمكن صح يحبّك و خصوصِي إذا هوِ كبير بالسِن يعنِي وآعٍ نوعآ مآ
حآولِي ما تخدشِي مشآعروُ بعبآرآت سآقطَه أو مآ شآبَه لأنو من حبٌّو إلِك عم يتحمّل كل شروطكْ و كلامكِ إذا ما قلنآ اهاناتِك الغير مبآشرَه كَ تعمدك لعدم قبُول صدآقتُو ع الفيسبُووكْ ! و هُون بينطبِق علَيهْ المتل اللبنانِي اللي بيقُول :
" تلاتِه ما بيتخبُّوا : الحُب و الحمَل و ركُوب الجمَلْ "

فَ إذنْ بالرغمْ من صغر سنّك عم حسِك واعيَه كتير ، و لا تنسِي إنتِ بمرحلَه حساسٍه كتيرْ يعنِي درآستْك من جهَة و حيآتك الخآصّه مع أهلك من جهَة تانيِه و ضيفيلهنْ حكآيتُو لهلإنسآن من جهة ما نعرف رقمهآ كمْ !

و عآآآآآآدِي جدًآ مُش جريمِه إنك تحكِي مع شابْ و خآصه انكْ عم تقولِي ما تخطيتُو حدود الحكي العآم ياللي بيتحكى بين أي صديقينْ أو اخوه يمكنْ او رفقآت بالمدرسِهْ .
لا تحملِي نفسك هَمْ ذنبْ مَ عملتِيه إنتِ ، مانِك خآينَه و لا خآرجه عن المِلّهْ !
كلّو عآآدِي ، اعتبريه متل صديقكْ أو خيِك الأكبَر تحكيلُو مشآكلكِ و يحكيلكْ هوِ كمآآنْ
إذآآ مآ بدك يآآه فِ حيآتكْ فحقِك كمآن لَكن شوي شوَيْ و إلاَّ مآ يجِي يومْ و تفترقُو فَ خليكِ ذكرى حلوَه الُو إلىَ أن يفرجهآ رب العآلمِينْ
لا تنسِي الاحترآآم مطلُوب في كل الحآلاتْ حتى مع أعدآآئِكْ ,

بعرف كترتْ عليكِ حكِي بلا طعمِهْ
خلاصَة القولْ : مانك مذنبَه و لا خآينَه
حقك بالحيآة تعيشيِ علاقات حلوه متل الصدآقَه و هيدا شي لا نو عيب و لا نو حرآمْ
و كمآنْ هيدآ متلْ آخر : " إن ضبَطِت المَيْ بالغربآلْ ، بتأمِن المرآ للرجآلْ "

موفقّه و لا تتعدِي حدودْ العقلْ ^^

CraZy G!rL2 · 28 مارس 2015

رد: كيف اتصرف ؟ اريد حل في اسرع وقت

ربي معاك اختي ..انا نظن محيه و بدلي فايسبوك

Hakan · 28 مارس 2015

رد: كيف اتصرف ؟ اريد حل في اسرع وقت

اولا السلام عليكم اختي في الله :
ماعجبنيش قولك عن حرص اخوتك بانه توسويس لا يااختي الاخ دايما يخاف على اختو خاصة في هذا الوقت اللي ما يرحمش
اما من ناحية الراجل هذا اللي يحبك ان نقلك حااجة
عباد كيما هاذو وطبعا **انا واحد منهم **يجب سحقهم تحت الارجل لانهم لا يستطيعون العيش وحياتهم وموتهم سوااء
رجل ينحني لاجل امراة و يتخلي عن رجولته وعن كبرياءه وعن آدميته من اجل امراة يستحق ان يكون اذل الاذليين
لانه ما عرف قيمته وثمنه
والنساء سواء فانا اعلم لو يتخلى عنك فقط لمدة قصيرة سوف تقعين في حبه رغما عنك
لانه لاصطياد امراة يجب ان تبتعد عنها او ان تصطادها بامراة اخرى وهذه عن تجارب اللذين سبقونا من اهل العشق والهيام
وفي الاخير رايح نقلك رجل مثل هذا لن يفيدك ولن تستفيدي من حياته ولو انه يحبك لان لديه هدف واحد هو انت ان تحصل عليك سيضيع ابداا لانه لم يحسب عواقب ما بعد امتلاكك واذا ضاعت منه سيضيع لمدة عام عامين لكنه في الاخير سيستسلم للامر الواقع.
انصحك ان تنهي كل هذا وان لا تسمحي له بمواصلتك والاتصال بك لا بفايسبوك بنت و لا بغير حتى لا تكوني يوماا سببا في ايذائه وشكراا لانك شاركتينا مشكلتك والسلام عليكم.

CraZy G!rL2 · 28 مارس 2015

رد: كيف اتصرف ؟ اريد حل في اسرع وقت

نظن
hakim stor
عندو الصح ..
الله يعاونك اختي

حياتي ابداع · 29 مارس 2015

رد: كيف اتصرف ؟ اريد حل في اسرع وقت

الحمد لله و ما أعجبني في الأمر أنك ندمت و تداركت الأمر و قطعت علاقتك مع هذا الشاب.

كذلك أمر جيد أنك محيت كامل الدراري من الفايسبوك نتاعك بصح لازم يكون السبب هو الخوف من الله و ليس الخوف من خاوتك. و زيد بالزايد خاوتك ماراهمش موسوسين راهم يحافظو عليك خصوصا الوقت راهو صعيب ضرك راكي صغيره و تقولي وعلاه يديرو هكذا بصح كي تكبري تحمدي ربي على اللي عندك خاوة كيما هاذو حابين يصونو الجوهرة المصونة نتاعهم و يحفظوها من عبث أيدي الرجال النذلاء لللي راهم للأسف كثير في هذا للوقت .

كذلك لا توجد في الاسلام علاقة بين الجنسين اسمها أخوة أو صداقة الحلال بين و الحرام بين و احذري كل الحذر. و هذاك اللي قالك ما هو عيب و لا حرام بل هو كل العيب و كل الحرام.
و هذا الشاب اللي راه يقولك فالكلام المعسول باش يصطادك و يقولك أنت بنت فاميليا. كون جا صح يحبك و يشوف فيك بنت فاميليا ميطلبش منك تخرجي معاه و تهدري معاه. هل هو يرضى اختو تكلم شباب .منظنش. اللي يحب واحدة يحافظ عليها و عى سمعتها و يقصد للدار.

أنت أختي طيبة و متحبيش تجرحي حتى واحد بصح لازم ميكونش هذا على حساب حياتك و مصلحتك و خلي روحك عزيزة كريمة حتى تروحي لبيت زوجك .
اقطعي علاقتك به فورا و ميحبش يفهم.

sunrise · 29 مارس 2015

رد: كيف اتصرف ؟ اريد حل في اسرع وقت

يا اختي اولا وقبل كل شيء احيي فيك نبل اخلاقك
واقول لك انك ما زلت صغيرة و انت في مرحلة حساسة .....لذلك انا اعرف هذا النوع من الرجال ........انت تقولين انك تتحدثين معه كلام عادي واعتبره صديقي لكنك يوما ما ستخضعين له وستحبينه ولن تستطيعي التخلي عنه وسوف تخرجين معهوتنسين مبادئك واخوتك واهلك من اجله .........لذلك انصحك نصيحة اخت واعية احذفي قع الفيسبوك نتاعك نهائيا وحاولي تجنبه كليا ......اعرف ان هذا يحتاج اصرار لكني والله اعدك بانك سوف ترتاحين ويرتاح ضميرك من بعد لا تهتمي به المهم رضاء اهلك .......لانو الراجل يتعوض وخوك ما يتعوض ........
ارجو اني لم اطل لكن جوابي هذا من وحي تجربتي .........وبالتوفيق

كيف اتصرف ؟ اريد حل في اسرع وقت

مشكلتي

كلمة المرور: 4algeria2024

حكيك

:: عضو بارز ::

بنت الصحراء08

:: عضو مُشارك ::

بيّاع الورد

:: عضو بارز ::

CraZy G!rL2

:: عضو منتسِب ::

Hakan

:: مراقب عام ::

CraZy G!rL2

:: عضو منتسِب ::

حياتي ابداع

:: عضو مُشارك ::

sunrise

:: عضو بارز ::

المواضيع المشابهة