ارجو المساعدة في تحضير الكرافس selri

السلام عليكم انا فتاة متزوجة حديثا وزوجي يحب الكرافس جدا
ارجو من كل عضو يعرف اي وصفة يعطيهالي راح نكون جد ممنونة
تقبلو تشكراتي مسبقا

رد: ارجو المساعدة في تحضير الكرافس selri

rani le9it la recette ta3 celeri
ida habitou na3tihalkom
jate benina w radjli 3adjebatou bezaf

رد: ارجو المساعدة في تحضير الكرافس selri

السلام عليكم أختي
حنا الكرافس ندبروه غير في لاسوب أو دولمة
بصح إذا صبتي وصفات غير أفيدنا راه مليح بزاف للصحة أصحاب سكر و القلب

رد: ارجو المساعدة في تحضير الكرافس selri

السلام عليكم اختي
احنا لكرافس نستعملوه كيما الدبشة والمعدنوس يعني كيما فالشربة ولا
و اتمنى تلقاي وصفات و تفيدينا

رد: ارجو المساعدة في تحضير الكرافس selri

حبيبتي منعرفش وصفات بالكرفس
هو استعماله كبقية الخضار يعني تطبخيه فلي سوب
وانا ايضا في بعض المرات حتى ناكلو نيء نغسلو وناكلو
واذا لقيتي وصفات بيه معليهش تحطيهم ونستفادو كامل

رد: ارجو المساعدة في تحضير الكرافس selri

المقادير
ربطة كرافس
حبة كراث
حبة بصل
حبة بطاطا(ممكن الاستغناء عنها خصوصا لمرضى السكري انا مرة عملتها بدون بطاطا ومرة بدون كراث وجات بنينة)
كاس حليب +ملعقة اكل فرينة
ملح
فلفل اسود
ملعقة سمن او زيت
نصف علبة فطر محمر فالمقلة مع شوية مرغرين و ملح و فلفل اسود
شوية حشيش شربة
التحضير
نضع الكرافس+كراث+بطاطا+بصل+زيت او سمن+فلفل اسود+ملح ونقليهم مليح على نار هادية حتى يذبالو ثم نمرق بمرق دجاج او ماء حسب الظروف (ريجيم ولا عادي) ولما يطيبو مليح نرحيهم بالروبو bras electrique
ندير مغرف فرينة في كاس حليب ونديرها فالشربة
ثم نضيف الفطر اللي نكون قليتو مع شوية مرغرين وملح وفلفل اسود
وبالأخير نرمي حشيش شربة ونطفي مباشرة على النار
نتمنى تجربوه وترجعولي بالخبر
في انتظار ردودكن و تطبيقاتكن
هذي اول وصفة ليا فالمنتدى انتظر تشجيعاتكم للقيام بالمزيد
للاسف ماعنديش الوقت بزاف والا كنت ننعش اللمة بالاطباق كلها من اختراعاتي ناخذ فكرة من الانترنت و ندير حسب امكانياتي بشوية حب للطبخ و للانسان اللي نطبخلو تخرج الاكلة ولا اروع
هذا واش عندي صور على هذا الطبق انشالله يفيدوكم

رد: ارجو المساعدة في تحضير الكرافس selri

قال خديجة 24:

المقادير
ربطة كرافس
حبة كراث
حبة بصل
حبة بطاطا(ممكن الاستغناء عنها خصوصا لمرضى السكري انا مرة عملتها بدون بطاطا ومرة بدون كراث وجات بنينة)
كاس حليب +ملعقة اكل فرينة
ملح
فلفل اسود
ملعقة سمن او زيت
نصف علبة فطر محمر فالمقلة مع شوية مرغرين و ملح و فلفل اسود
شوية حشيش شربة
التحضير
نضع الكرافس+كراث+بطاطا+بصل+زيت او سمن+فلفل اسود+ملح ونقليهم مليح على نار هادية حتى يذبالو ثم نمرق بمرق دجاج او ماء حسب الظروف (ريجيم ولا عادي) ولما يطيبو مليح نرحيهم بالروبو bras electrique
ندير مغرف فرينة في كاس حليب ونديرها فالشربة
ثم نضيف الفطر اللي نكون قليتو مع شوية مرغرين وملح وفلفل اسود
وبالأخير نرمي حشيش شربة ونطفي مباشرة على النار
نتمنى تجربوه وترجعولي بالخبر
في انتظار ردودكن و تطبيقاتكن
هذي اول وصفة ليا فالمنتدى انتظر تشجيعاتكم للقيام بالمزيد
للاسف ماعنديش الوقت بزاف والا كنت ننعش اللمة بالاطباق كلها من اختراعاتي ناخذ فكرة من الانترنت و ندير حسب امكانياتي بشوية حب للطبخ و للانسان اللي نطبخلو تخرج الاكلة ولا اروع
هذا واش عندي صور على هذا الطبق انشالله يفيدوكم

إضغط للتوسيع...

يعطيك الصحة لازمنا نجربوها

رد: ارجو المساعدة في تحضير الكرافس selri

انا نديروه ف البيون
او
طاجين يجي بنين كيما البسباس
تطيبيه بالبصلة والمعدنوس ع لبيض بالدجاج واللحم وممكن تزكيه بالبطاطا
واذا حبيتي مبعد حمري الدجاج ولا اللحم وممكن حتى البطاطا تحمريها ف الزيت بعدما تطيب شوي

رد: ارجو المساعدة في تحضير الكرافس selri

يلا اختي جربيها وراني نستنى باش نشوف تطبيقك و ندوق بنة يديك

رد: ارجو المساعدة في تحضير الكرافس selri

باين بنين. نسييه كاش نهار

رد: ارجو المساعدة في تحضير الكرافس selri

قال ليدي:

باين بنين. نسييه كاش نهار

إضغط للتوسيع...

جربيه و راني نستنى فالنتيجة بنين وصحي:bravo01::sport02: