ما زالك صغير ...جيحتونا يا الوالدين

Hakan

:: مراقب عام ::
طاقم الرقابة
إنضم
10 أوت 2013
المشاركات
10,917
نقاط التفاعل
47,018
النقاط
1,706
الجنس
ذكر


السلام عليكم احبابي في الله




النهار هدا حاب نحكيلكم على موضوع ونضن انو اغلب الشباب يعاني منو
الا وهو نظرة الوالدين للكبر نتاعو ودايما يقولو للابن او البنت راك صغير او راكي صغيرة
بكري الله يبارك كان لما يوصل الابن لعشر سنين يبدا يقلو الاب نتاعو راك راجل نوض تخدم راك راجلك نشوفولك طفلة
راك راجل روح تجاهد على روحك فرانسا وربايعها
لكن دركا رجعت العكس الابن في عمر ال25 وما زال يقلو باباه ويماه رك صغير وليدو
كذالك بالنسبة للطفلة لما كان بكري وتوصل الطفلة 13 سنة يقولولها راكي امراة تحجبي على روحك تلقاها الله يبارك

هادا مطلوع هدا طعام هادا تسيااق وكلو من تعليم الام ونصائح الاب واللي يشوفو فيها كبيرة مي الطفلة نتاع درك وعمرها 20 سنة ما زال باباها مخليها على الراحة نتاعها في قضية الحجاب يقلك ما زالها صغيرة في قضية الخرجات والتحواس نتاع الزنق يقلك ما زالها صغيرة مالا ياابي ويا امي وقتاش نكبارو في عينيكم والله غير جياحو الاولاد من الدلال الزايد نتاع الوالدين
وحنايا نعرفو بلي الوالدين هوما اللي يبنيو الشخصية نتاع الراجل والشخصية نتاع المراة سبحان الله وكمثال انا الوالد نتاعي اطال الله في عمره تزوج على 21 سنة وقبل ايام لحقت انا ل 21 سنة مي البروبلام وين راهو
الوالد ما زالو دايرني صغير هو والوالدة ساعات الواحد يحب يحكي مع يماه في موضوع الزوااج
يحس روحو الواحد ما زال مع جماعة **سنان والاصدقااء** انت تقلها يايما نستر ورحي باسكو الشي ما يعجبش والام تقلك راك ما زال صغير والمشكل الواحد يقدر يطيح حيط وحدو
سبحان الله وين رايحة هادي العقلية نتاع الوالدين الله يبارك رانا رجال ونساء والواحد لما يلحق سن التكليف خلاص ما بقاش الوالد نتاعو يخزرو على انو ما زال صغير
من اسس التربية الناجحة للطفل انو يتعلم المسؤولية من صغرو
والناس نتاع دركا راهم داييخين في الفرق بين الراجل نتاع بكري والراجل نتاع دركا او العكس بالنسبة للمراة لكن راهم نساو بلي السبب الرئيسي واللي نشوفو انا شخصيا هوما الوالدين اللي يشوفو في الطفلة او الراجل ما زالهم صغاار وهما المسؤولين عن واش راهو صاري من تشوه في شخصية شباب اليوم ونسااء اليوم
ربي يحفظلنا والدينا ويخلينا نبرو بيهم وان شااء الله نوصلولهم فكرة بلي الواحد راهو كبير والحمد لله ومسؤول على افعالو
ونزيدو نوصلولهم فكرة اخرى وهي ........ ياو زوجونا ...... ههههههههههههههههه
ايا سلاام خاوتي وتهلاو في رواحتيكم ....
 
آخر تعديل بواسطة المشرف:
رد: ما زالك صغير ...جيحتونا يا الوالدين

وعليكم السلام اعتماد سريع للموضوع ولي عودة للتعقيب ان شاءالله
 
رد: ما زالك صغير ...جيحتونا يا الوالدين

شكراا على الاعتماد
سندريلا نتاعنا
راني انتظر تعقيبك ...
 
رد: ما زالك صغير ...جيحتونا يا الوالدين

السلام عليكم
موضوعك مميز اخي الكريم
عندك الحق في كلامك
نهدر على نقسي كان في عمري 17 سنة كي خرجت من دارنا وقررت نكمل قرايتي يعيد على الدار امي دارت مناحة كبيرة وابي بالعكس شجعني وقالي لازم تتعلمي تتكلي على روحك
اليوم في عمري 25 سنة عندي طفلة وماما مزلت في عينيها هاديك الطفلة الصغيرة
هادوهوما الوالدين كي تكبر واش تكبر تقعد مزلت صغير في عينيهم
ربي يكبرنا على الدين والطاعة ويحفظ والدينا
بارك الله فيك اخي
تقبل مروري
و
تحياتي

 
رد: ما زالك صغير ...جيحتونا يا الوالدين

السلام عليك
هذو هما الوالدين ياما منعوني من حوايج ضرك ندم لي مدرتهمش
تبقى قضية والدين و لازم نحترموا رايهم كيف ما كان
تكبر و تبقى في نظر والديك سيرتو الام الغخنفوس خخخ
مشكور على الموضوع
 
رد: ما زالك صغير ...جيحتونا يا الوالدين

شكراا اختي
انت لقيت احد الوالدين اللي شاف فيك امراة قادرة على شقاها لكن كاين والدين الله يهديهم يجيحو ابنائهم حتى الطفل يوصل 25
وماهوش عارف صلاحو والطفلة تاني 25سنة تلقايها ما تعرفش صوالح
ربي يبارك فيك
ويكبربنتك في عزك كبريها على انها امراة ومن صغرها قوليلها راكي كبيرة وتعرفي صوالحك والله غير تخرجي امراة اخت رجل
بارك الله فيك...
 
رد: ما زالك صغير ...جيحتونا يا الوالدين

السلام عليك
هذو هما الوالدين ياما منعوني من حوايج ضرك ندم لي مدرتهمش
تبقى قضية والدين و لازم نحترموا رايهم كيف ما كان
تكبر و تبقى في نظر والديك سيرتو الام الغخنفوس خخخ
مشكور على الموضوع

شكراا اختي
ربي يهنيك
لكن لا باس لما يشوفك ابوك ما زالك صغيرة
لكن تصريحاتو ومعاملاتو عى اساسها
من الممكن تخسر الشخصية نتاعك
ربي يوفقك...
 
رد: ما زالك صغير ...جيحتونا يا الوالدين

و عليكم السلام و رحمة الله


راك خرجتلهم طاي طاي خويا حكيم نستعرف بيك هههههه


ايه و الله غير مشكل كبير, صراتلي انا في عمري 18 سنة و جاوني الخطآب بزآآف و انا نحير نقول ياو مازالني صغيرة بصغري معززة مكرمة في دار بابا نروح نتغبن ههههه


حتى وين بديت نخمم مع روحي قلت و الله غير شيوخ كبار يدوهم صغارات "الطماعآآت" انا نجري على روحي و ما نتبعش الفشوش تاع بابا و ناخد راي ماما لي دايمن تقلي "الطفلة لي تلحق 20 ترجع عجوزة في عينين الرجال ههههه" تبا ماما تضل تبريزي فيا ههههه




"المهم خويا حكيم انا و انت رانا نحوسو على نفس الهدف, راك تخمم في واش راني نخمم؟ "
ههههههه نضحك معآك برك


يعطيك الصحة على الموضوع
 
رد: ما زالك صغير ...جيحتونا يا الوالدين

و عليكم السلام و رحمة الله


راك خرجتلهم طاي طاي خويا حكيم نستعرف بيك هههههه


ايه و الله غير مشكل كبير, صراتلي انا في عمري 18 سنة و جاوني الخطآب بزآآف و انا نحير نقول ياو مازالني صغيرة بصغري معززة مكرمة في دار بابا نروح نتغبن ههههه


حتى وين بديت نخمم مع روحي قلت و الله غير شيوخ كبار يدوهم صغارات "الطماعآآت" انا نجري على روحي و ما نتبعش الفشوش تاع بابا و ناخد راي ماما لي دايمن تقلي "الطفلة لي تلحق 20 ترجع عجوزة في عينين الرجال ههههه" تبا ماما تضل تبريزي فيا ههههه




"المهم خويا حكيم انا و انت رانا نحوسو على نفس الهدف, راك تخمم في واش راني نخمم؟ "
ههههههه نضحك معآك برك


يعطيك الصحة على الموضوع

شكراا اختي ههه ضحكتيني
نضن انت فهمتي الموضوع صح وقريتيه بيان
باسكو راكي خرجتي بالزبدة والدهان وكلش في هذا الموضوع....
ربي يبارك فيك ويرزقك ولد الحلال ويكبر في عيون الجميع ان شااء الله...
 
رد: ما زالك صغير ...جيحتونا يا الوالدين

السلام عليكم
موضوعك هايل
بصح حنا تجي تفهم تحير وتبطل تفهم
انا ماما برغم ماشي عايشة معاها تضلي تسقسي وين راني وقتاه نرجع وشا راني ندير وتاني جدي وجداتي يشوفني مازلني صغيرة من نروح نقرا ساعة على ساعة يعيطولي ولا كنجي راجعة حافظين لوقت روتاتري 5 دقايق نورمال قادرة نلقى لابووليس تحوس بويسك تصرا حالة هلع وين راحت شيرة راهي دارت روتار مع لي ندخل لدار نلقى جماعة كبيرة تستنى فيا ديفوا نكره ونمل من هاد لعقلية مي كنشوف لوالد ما جايبلي خبر ومام يشجعني نبعد ونروح ونجي وحدي تغيضني عمري ونقول كيفاه هدا أبي نورمالمو يتحير عليا
ممكن شي لي باغينو حنا انو يكون نصف اهتمام بمعنى نبقاو نص صغار ونص كبار
بارك الله فيك ع الموضوع
 
رد: ما زالك صغير ...جيحتونا يا الوالدين

السلام عليكم
موضوعك هايل
بصح حنا تجي تفهم تحير وتبطل تفهم
انا ماما برغم ماشي عايشة معاها تضلي تسقسي وين راني وقتاه نرجع وشا راني ندير وتاني جدي وجداتي يشوفني مازلني صغيرة من نروح نقرا ساعة على ساعة يعيطولي ولا كنجي راجعة حافظين لوقت روتاتري 5 دقايق نورمال قادرة نلقى لابووليس تحوس بويسك تصرا حالة هلع وين راحت شيرة راهي دارت روتار مع لي ندخل لدار نلقى جماعة كبيرة تستنى فيا ديفوا نكره ونمل من هاد لعقلية مي كنشوف لوالد ما جايبلي خبر ومام يشجعني نبعد ونروح ونجي وحدي تغيضني عمري ونقول كيفاه هدا أبي نورمالمو يتحير عليا
ممكن شي لي باغينو حنا انو يكون نصف اهتمام بمعنى نبقاو نص صغار ونص كبار
بارك الله فيك ع الموضوع


صح الوالدين يحبونا ويهتمو فينا
لكن تربية الطفل على انو ما يقدرش يتحمل المسؤولية امر مشين والحمد لله تخيلي اختي انا دخلت لسوق الخضر وحدي نهار كان عمري 6سنوات
قالي الشيخ نتاعي روح تصرف راك راجل
والحمد لله
دركا راهو تاكل عليا في كل شيء لكن هناك من اصدقائي عمرو 21 سنة وما يعرفش كيفاش يصرف مصروف دارو وعلاش لانو باباه ويماه مازالو يشوفو فيه صغير
مشكورة اختي...
 
رد: ما زالك صغير ...جيحتونا يا الوالدين

بارك الله فيك أخي حكيم على هذا الموضوع
أنا منين كان عمري 17 و 18 كانت تقولي الوالدة مازلت صغير ماتعرفش
والوالد عكسها
ومنين قفلت 20 قالتلي روح خدم على روحك مانستحقكش هنا
مالقري كنت في الجامعة
وفي الصيف منين كانت تحبس القراية تقولي روح حوس على كاش خدمة
مالقري الحمد لله كافية وماخاصناش
الحمد لله راه عندي 5 سنين خدمة دروك
ومنين نجي نسقسيها تقولي راهي حياتك دبر راسك
ماتتقلقش خويا حكيم
غادي يجي نهار ووالديك يولي يفتاخروا بالراجل اللي عندهم
 
رد: ما زالك صغير ...جيحتونا يا الوالدين

بارك الله فيك أخي حكيم على هذا الموضوع
أنا منين كان عمري 17 و 18 كانت تقولي الوالدة مازلت صغير ماتعرفش
والوالد عكسها
ومنين قفلت 20 قالتلي روح خدم على روحك مانستحقكش هنا
مالقري كنت في الجامعة
وفي الصيف منين كانت تحبس القراية تقولي روح حوس على كاش خدمة
مالقري الحمد لله كافية وماخاصناش
الحمد لله راه عندي 5 سنين خدمة دروك
ومنين نجي نسقسيها تقولي راهي حياتك دبر راسك
ماتتقلقش خويا حكيم
غادي يجي نهار ووالديك يولي يفتاخروا بالراجل اللي عندهم

لا خويا امين الموضوع ما درتوش على جال روحي مي على جال الشباب اللي ما زال داير روحو راهو صغير مي الوالدين هوما اللي راوه
ربي يخليلك الوالدة....
 
رد: ما زالك صغير ...جيحتونا يا الوالدين

وشراك راك بخير شوي ولا والو ...طايGين عليك و لا طايG عليهم ..

جابلي ربي انا كيفاش نشوفها ماهيش قضية والدين ودلال زايد انا نشوف فيها شخصية الطفل كي يبدا يكبر نورمالمون تلقائياهو يبدى يخرج من تحت جناحهم غي بشوية حتى يولي يتكل على روحه ..كاين ناس بخير عليهم ولكن تلقى ولادهم دايرين مستقبل لرواحهم بلا والديهم ..قضية انا نشوفها انك تخرج للشارع و تخالط الناس ...و تدخل عالم الشغل..و تعرف خبايا الشارع و تعيش المشاكل باش تتعلم و كيما نقولو حنا باش تولي صنديد..انا نحكي على تربيتي ملي نشفى على روحي بري عايش برا ...مي الحمد لله ..قريت و خدمت و الحمد لله على كل شيئ...
الوالدة كي تصيبني قصرت في كاش حاجة ..ولا غلطت ..تسلل واضح سيدي الحكم ...تقولي راك كبير و هاذي ماش خدمة ..و يطلع العلام هذاك النهار ..و الزعاف داير حالة
و نهار اللي نقولها يا الحاجة راه خصني زويجة ها طلبينا التسهيل تقولي ..ياه مزالك صغير على الزواج ..شفت كيفاه اك فاهم...
 
رد: ما زالك صغير ...جيحتونا يا الوالدين

وعليكم السلام

صح خويا حكيم جبتها في الصواب
ماش غير في قضية الزواج
تاني كاين والدين يربيو ولادهم على اساس انهم هوما لي يقضولهم كلش
حتى ورق تاع البلدية ميعرفوش يخرجوها وحدهم
حتى يكبرو ويحصلو
وعلى الزواج سيرتو للطفل يفوت ال 30 ويشوفوه مازال صغير :thumb_up02:

do.php

مهما يكبر العبد يبقى في عينين والديه مازال ميعرف والو من هاذ الدنيا
بارك الله فيك
 
رد: ما زالك صغير ...جيحتونا يا الوالدين

وشراك راك بخير شوي ولا والو ...طايGين عليك و لا طايG عليهم ..

جابلي ربي انا كيفاش نشوفها ماهيش قضية والدين ودلال زايد انا نشوف فيها شخصية الطفل كي يبدا يكبر نورمالمون تلقائياهو يبدى يخرج من تحت جناحهم غي بشوية حتى يولي يتكل على روحه ..كاين ناس بخير عليهم ولكن تلقى ولادهم دايرين مستقبل لرواحهم بلا والديهم ..قضية انا نشوفها انك تخرج للشارع و تخالط الناس ...و تدخل عالم الشغل..و تعرف خبايا الشارع و تعيش المشاكل باش تتعلم و كيما نقولو حنا باش تولي صنديد..انا نحكي على تربيتي ملي نشفى على روحي بري عايش برا ...مي الحمد لله ..قريت و خدمت و الحمد لله على كل شيئ...
الوالدة كي تصيبني قصرت في كاش حاجة ..ولا غلطت ..تسلل واضح سيدي الحكم ...تقولي راك كبير و هاذي ماش خدمة ..و يطلع العلام هذاك النهار ..و الزعاف داير حالة
و نهار اللي نقولها يا الحاجة راه خصني زويجة ها طلبينا التسهيل تقولي ..ياه مزالك صغير على الزواج ..شفت كيفاه اك فاهم...

اه يا لباندي واش حاب ترجعنيي بواتينغ
هههه لكني راموس بالفطرة
نقلك حاجة انت كيما قلت هدرت على زاوية واحدة وفقط لكن التربية الصحيحة شئنا ام ابينا احسن من اي شيء
باسكو تكون نظرية وعملية في نفس الوقت علاش الواحد يخرج للشارع ويغلط الف غلطة
باش يتعلم في حين يقدر يسمع لوالديه كلام مليح ويتربى على اساسو
كاين كيما قلت انت ناس خرجت للشارع وشافت الهم لكن قليل اللي يسلك والناس اللي يسلكو تلقا عندهم والدين واعيين ويصبرو عليهم
لكت اذا كانو الوواليد زيو راحين يخرجو مجرمين وسفاحين
شكراا خويا وربي يخليك للوالدة ان شااء الله..
 
رد: ما زالك صغير ...جيحتونا يا الوالدين

وعليكم السلام

صح خويا حكيم جبتها في الصواب
ماش غير في قضية الزواج
تاني كاين والدين يربيو ولادهم على اساس انهم هوما لي يقضولهم كلش
حتى ورق تاع البلدية ميعرفوش يخرجوها وحدهم
حتى يكبرو ويحصلو
وعلى الزواج سيرتو للطفل يفوت ال 30 ويشوفوه مازال صغير :thumb_up02:

do.php

مهما يكبر العبد يبقى في عينين والديه مازال ميعرف والو من هاذ الدنيا
بارك الله فيك


صح اختي سندريلا وانت
راكي جبتي جزء كبير من الموضوع بارك الله فيك​
 
رد: ما زالك صغير ...جيحتونا يا الوالدين

سلام عليكم
ههههههههههه قتلتني ضحك
اه وي الوالدين تحير فيهم مي هايلين
مرات مي تكون يقولولك راك كبير انت بركاك جياحة ومي تجي لحاجة تاع كبر يقولك مزالك صغير هههه
مي بيني و بينك حكيم فهمتها باغي تتزوج وحشمت توصل الفكرة تاعك ديراكت ههههه
مي 21 سنة مزالك صغير ياو ههه
شكرا على موضوع
 
رد: ما زالك صغير ...جيحتونا يا الوالدين

يا ختي وش من بقا صغير
ناس كل كبرة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top