{شاركينا =بافكارك = تجهيزاتك لرمضان }

رد: {شاركينا =بافكارك = تجهيزاتك لرمضان }

لبنات راكم تهدرو بزاف على التوم كيفاش تخبيوه انا عمري ماخبيتو
وزيد رمضان عندي سنين متزوجة مانحظرلوش والو من غير الميناج ولفريك
راني نسنى تقولولي على التوم كيفاش تخبيوه
 
رد: {شاركينا =بافكارك = تجهيزاتك لرمضان }

سلام على حرائر لمتنا :d:d:regards01::regards01::regards01:

الله يبارك فحلات و خمسةو خموس :up::up::up:

انا هذا وين كملت الجامعة الحمدلله كملنا على خير و روحت اليوم بديت على غسيل القش :d:d:d

و درتلهم رفيس الرنة فرحة بنجاحي ;);):-r:-r:-r:-r و شخشختلهم العشاء

المهم الاخت الي حبت طريقة عمل الثوم و تخبيتها لكي الطريقة سهلة

اولا حطي الثوم بعد ما تفرقي الحبات من الراس في دلو مملوء بالماء خليها تترنخ فيه يوم من الاحسن من بعد تلقايها ساهلة للتقشير قشريها كامل و ارحيها و حطيها في علب تخبية مع اضافة شوي زيت و خبيها في ثلاجة في مبرد و هكا تكون واجدة لسيدنا رمضان كل يوم تستعمل شوي هكا باه توفر الوقت لنفسك و تعب :d:d:d:d
 
رد: {شاركينا =بافكارك = تجهيزاتك لرمضان }

يعطيك الصحة اختي توتة راكي فحلة بسم الله ماشاء الله

بالنسبة لام سراج اللي تسأل عن طريقة تخزين الثوم كأين طريقتين
الاولى كيما قاتلك الاخت توتة و كائن اللي يضيفلو شوية زيت و ملح ثم يرحيه يصبح مثل البومادة و ما يصفارش
و كاينة طريقة الثوم المجفف يترك تحت اشعة الشمس لمدة 3 او 4 ايام او يدخل الى فرن ساخن لكن طافي 3 مرات حتي يجف ثم يطحن في ماشينة القهوة او عند الرحاي ﻻتتحصلي على بودرة ناعمة

نتمنى نكون افدتك و بالتوفيق
 
رد: {شاركينا =بافكارك = تجهيزاتك لرمضان }

السلام عليكم البنات انا الثوم ننقعو في الماء وامنبعد نفرمو مع القسبر والتفاوح والملح وزيت ونعملو كواري
باش يسهل عليا نرميه في الحريرة تجي تهبل
 
رد: {شاركينا =بافكارك = تجهيزاتك لرمضان }

توتة حياني ابداع ليدي شكرا بزاف وربي يطيكم ماتتمناو راح نجربو ونخبيه لسيدنا رمضان ان شاء الله
 
رد: {شاركينا =بافكارك = تجهيزاتك لرمضان }

السلام عليكم
يعيكم الصحة كامل على اقتراحاتكم
بالنسبة لينا احنا ما عندناش تحضيرات بزاف
لفريك برك وجدناه و الجلبانة كونجليتها من قبل
و اليوم جابلي خويا المشمش وما عجبنيش فورتو وارحيتو و قسمتو وخبيتو في ساشيات
باش ندير بيه العصير الباقي كل شي نشروه جديد
صحا رمضان الجميع وان شاء الله تصومو بالصحة والهناء
​
 
رد: {شاركينا =بافكارك = تجهيزاتك لرمضان }

الليمون جابلنا راجلي بزاف
عصرتو وعملو في بايط صغار باه غير نحط ونخلط هههه
وخبيت شويا لوبيا خضراء
 
رد: {شاركينا =بافكارك = تجهيزاتك لرمضان }

السلام عليكم
شفت بعض الاخوات هدرو على التخبية تاع لوبيا ماشطو
والله انا مرة كونجيلتها ماجاتش مليحة ومحبتش طيب خلاص ولات قاسية
من هذاك النهار ما زدتش خبيتها نشروها جديدة
​
 
رد: {شاركينا =بافكارك = تجهيزاتك لرمضان }

آي ظهري هادا وين كملت الميناج نتاع الكوزينه وراني حابة نريح شويا.
 
رد: {شاركينا =بافكارك = تجهيزاتك لرمضان }

الحمد لله كي راح نصومو هاد العام هذي نعمة من عند ربي و واجب علينا نحمدوه عليها أما بالنسبة لتجهيزات شهر رمضان بالطبع لازم تكون معنويا قبل ما تكون ماديا على العبد أن يجهز نفسو نفسيا و يحرص على السعي وراء الحسنات لأنها راح تكون مضاعفة في هذا الشهر الفضيل و يحرص على طاعته إلى الله و إن شاء الله يتقبلها من كل مسلم و مسلمة و يجعلها في ميزان حسناته.
اما ماديا راح تكون شوية صعيبة بالنسبة للأب لأنو راح تكون مصاريف كبيرة و للأم راح تكون متعبة لأنو رمضان راح يجينا في الصيف و يكون فيها أشغال كبيرة و خاصة في هاد الوقت الحالي مع تجهيزات رمضان الي تبدا من تنظيف المنزل و شراء الأواني و تحضير الحلويات و حتى شراء المواد الغذائية كيما الفريك, الزيت, الملح, الطماطم المعلبة, الفواكه المجففة, الحمص, الأرز, ...إلخ و بالنسبة ليا هاد الشهر راح يكون غير لأنو خيرت هاد الشهر باش نكون ممتازة في الطبخ بالطبع راح نتعلم الطبخ لأنو خطيبي يحب الأكل بجنون.و إن شاء الله يجوز عليكم بالصحة و الهناء و العافية و يكون شهر رحمة لكل الأمة العربية
 
رد: {شاركينا =بافكارك = تجهيزاتك لرمضان }

السلام عليكم و رحمة الله و بركاته

الله يبارك عليكم حراير و عليكم الكلام ربي يعطيكم صحتكم

أنا كنت في الجامعه البارح برك جيت لقيت الوالدة مكملة كل شي تقريبا !

تحضيراتنا لاستقبال الشهر الكريم تبدا بالميناج للدار كاملة "لحقت على شوية من الميناج :p درتو اليوم الصباح "

تشري الوالدة les épices . الفريك . أما الوالد يروح يجيب المؤونة خاطر ما يبغيش يروح للسوق في رمضان يقوللنا النهار يروح مع الغاشي الي يغلبهم رمضان "الله يهديهم "

ماما تخدم السفيرية "تع الكوكاو الي يديروها في طاجين الحلو "كيما شباح الصفرا ""

الثوم خباته هادا شحال .. و عصير الليمون على خاطر الليم في رمضان تشعل فيه النار

خدمت la sauce tomate و خباتها نحتاجوها . . . شوات الفلفلة و خباتها تاني

الخضر و الفواكه تع كل يوم يتكفل بيهم خويا الصغير يشريهم

امم هادو الحوايج الي تفكرتهم ربي يبلغنا شهر رمضان و يباركلنا فيه
​
 
رد: {شاركينا =بافكارك = تجهيزاتك لرمضان }

اليوم قضينا شرينا القضيان كامل
وكملنا كلش باقي غير يجي الحبيب رمضان
 
رد: {شاركينا =بافكارك = تجهيزاتك لرمضان }

طيبنا الحريره وراح نكونجيلوها مدة سمانا لانو عندي فوبيا من الحريرا. هههه
وعملت الكاشير ديت الوصفة من المنتدى انشاء الله نحطو في ركن التطبيقات
وراح نبريباري الكفته ونوجدها للبوراك ...
 
رد: {شاركينا =بافكارك = تجهيزاتك لرمضان }

السلآم عليكم ورحمة الله وبركآته



مُشتريآتي ..

do.php


do.php


do.php


do.php


do.php



do.php


~
​
 
رد: {شاركينا =بافكارك = تجهيزاتك لرمضان }

بصح عليكم واش شريتو و يعطيكم الصحة على الأفكار لي حطيتوها
جابتلكم شوية صور تع تحضيراتي
نقيت ثوم و حطيتوا في علب
طحنت الخبزا اليابس
طماطم فورتهاو طحنتها
عصرت القارص و كونجليتوا
شريت كمية دجاج و نقيتوا و فطعتوا و درتوا في ساشيات تع كونجيلتوغ
فريز غسلتها ودرتها في ساشي و حطيتها في كونجيلتوغ

ماصورتش كلش شوية برك

do.php


do.php


do.php


do.php


do.php


do.php


رمضان كريم و كل عام و أنتم بخير
 
رد: {شاركينا =بافكارك = تجهيزاتك لرمضان }

بصحتك الماعن وكل عام والجزائر بالف خير
 
يجب عليك تسجيل الدخول أو التسجيل للرد هنا.

المواضيع المشابهة

أم أُنٌَيسة
عشر وسائل لإستقبال رمضان
المشاركات
2
المشاهدات
329
أم أُنٌَيسة
أم أُنٌَيسة
Autumn leaves
رمضان .. على رف الذاكرة ..
المشاركات
15
المشاهدات
944
sami44
sami44
S
موضوع شيق لي ما تتدخلش والله غير تندم
المشاركات
3
المشاهدات
7K
saberbouzina
S
Ma$Ter
المناهي اللفظية -الشيخ ابن عثيمين رحمه الله
المشاركات
4
المشاهدات
826
Ma$Ter
Ma$Ter
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top