المرأة الجزاآئرية و رمضآن

ضآحكة مستبشرة

:: عضو بارز ::
أحباب اللمة
إنضم
27 جويلية 2014
المشاركات
15,117
نقاط التفاعل
39,535
النقاط
13,026
محل الإقامة
العاصمة
الجنس
أنثى
السلام عليكم و رحمة اله تعالى و بركاته :)
واش حوالكم خاوتنا اللماويين صافا عليكم ؟ :s

رمضان راهوآ قريب و التحضيرات راهي بدآت
26.gif


رمضان شهر الوبة و الغفران شهر ليس ككل الاشهر
83.gif

فيه تفتح بيبان التوبة و تعلق بيبان جهنم ياك هكدا يقولوا
33.gif


ربما هي عادة عند كل النساء الجزائريات ان يحضرن جيدا لاستقبال الشهر الفضيل
20.gif

اول حاجة تبدا بيها المراة الجزائرية هي الميناج الكبير لكامل البيت خاصة الكوزينة
لاكن الشيء الملفت للانتباه هو: المواعن لازم كل عام تشري المواعن على حساب لامودآ كيما يقولوا
9.gif


اووو ؟؟ هادي سنة مؤكة لا مفروضة ؟
34.gif

و اله العظيم تقوشي ايلا كلاو في مخفية و طبسي و مغرف عادية رح يموتوا
10.gif

كاين بعض النسام ميخموش على رجالهم ايلا عندهم مصروف ولا لالا
التبذير عند الجزائريين قبل و في رمضان لالالالالالالالالالازم
28.gif


نهار من قبل رمضان الفيريجديار يكون يصفـر 0000000 :down:
23.gif


ومين يجي النهار الاول تصيب الفريجيدار مبلوكي و من كل خير تصيب
18.gif
الحمد لله الانسان يحمد ربي لانوا في رمضان يكثر الخير و الخمير

مي النساء لعشية تلقاها محزمة راسها بمحرمة و داخلة عليها حتي الريق ينشف من فمهآ :(
29.gif


ايا وجدنا الفطور الكل يفطر و فرحآن
5.gif

الرجال يفطروا و يخرجوا كي السبوعآ و لالة المراة الشاطرة تبدا تدير في الميناج للكوزينة
بصح كاين بعض النساء ميخافوش ربي كو هي و زوجها و زوج دراري صغار تدير ماكلة تاع عشرة عيباد
درتي بزاف مكاش مشكل ؟؟؟؟
صدقي علاش تبذري كل هدا كاين لي ملاقاش عشا ليلة
مساكن هدوك الزوفرة لي راهم غير قدامك علاش متعطيهمش معاك يا مرا
اواه انتي كرشك كبيرة بزآف ؟؟؟
11.gif

تفضل رم في يدنلبل اشكم:$:$ و مدقوش :-o
يا ربي والله النساءامييخفا ريلاكن ماشي كامل

علاش في رمضان تديروا هكدا علاش ؟؟

تصيبها تبذر في الماء نهار كومبلي رمضان ميكونش استهلاك بزاف للماء كيما ساير الايام
في الفر صيبهاتحط مييدة لعشرين شخص و هوما زو عيبيد
الافراط بزاااف والفريط في الواجبافي العبدات اكثر


اسمحولي يا لماويا مرانيش نجمع راني على فئة قليلة من النساء



واش تعليقكم انتم و الرجال مدا بيكم متكثروش فيها لانكم تاكلوا و تخرجوا مراكم عافرين فهيا والوآ :smile02:
 
رد: المرأة الجزاآئرية و رمضآن

وعليكم السلام كاين نسا اصلا في بالهم رمضان = كوزينة ومواعين
ماش عبادة :smile02:
ارواحي انتي وبدليهالهم
وكاين نسا تلقايهم ينقصو في الطياب
باه وقتهم ميضيعش في الريح ويبقى للعبادة
:up:
صحيتي اختي
 
رد: المرأة الجزاآئرية و رمضآن

معاك الحق
في هدا رمضان انشاء الله راح نخصص وقتي لقراة القرأن و سدس وقتي للطياب بحكمواني وحدي في الكوزينة يعني ماكان المعاونا
 
رد: المرأة الجزاآئرية و رمضآن

اختي اسماء نعيب عليك حاجة في الموضوع
انو قلتي [رمضان شهر التوبة و الغفران شهر ليس ككل الاشهر
فيه تفتح بيبان التوبة و تغلق بيبان جهنم ياك هكدا يقولوا]
هادي ما قالوهاش الناس يااختي هدي قالها سيدنا محمد عليه الصلاة والسلام
اما بالرجوع للموضوع فانا نقلك انو انا والوالد قايمين بالواجب والحمد يعني النصائح نعطيوها للوالدة والاخوات باش ما يكثروناش الاكل يعني من كل حاجة مليحة دير شويا هكاك يكون هناك تنويع ونقدرو نكملوه
وزيدي حاجة اخرى دايرين فيهم بليزير كبير كي ما نخلولهمش واش يغسلو يعني المائدة يحطوها كولار نخرجوها انا والوالد الكريم والاخوين الصغيرين وليد ورحيم بيضاء ناصحة البياض حتى صابون نتاع المواعن isis وما يديرش كيفنا
ربي يلحقنا لرمضان ويتقبل منا شكراا لك..
 
رد: المرأة الجزاآئرية و رمضآن

وعليكم السلام كاين نسا اصلا في بالهم رمضان = كوزينة ومواعين
ماش عبادة :smile02:
ارواحي انتي وبدليهالهم
وكاين نسا تلقايهم ينقصو في الطياب
باه وقتهم ميضيعش في الريح ويبقى للعبادة
:up:
صحيتي اختي

شكرا شوشو للمرور
صح كاين و كاين
بصح لازم نكونوا احنان الصنف النبيل
 
رد: المرأة الجزاآئرية و رمضآن

معاك الحق
في هدا رمضان انشاء الله راح نخصص وقتي لقراة القرأن و سدس وقتي للطياب بحكمواني وحدي في الكوزينة يعني ماكان المعاونا

الله يخليك يا قوقا لحبيبة
ان شاء الله ربي يقدرك على طاعتوا و على اعمالك المنزلية
 
رد: المرأة الجزاآئرية و رمضآن

اختي اسماء نعيب عليك حاجة في الموضوع
انو قلتي [رمضان شهر التوبة و الغفران شهر ليس ككل الاشهر
فيه تفتح بيبان التوبة و تغلق بيبان جهنم ياك هكدا يقولوا]
هادي ما قالوهاش الناس يااختي هدي قالها سيدنا محمد عليه الصلاة والسلام
اما بالرجوع للموضوع فانا نقلك انو انا والوالد قايمين بالواجب والحمد يعني النصائح نعطيوها للوالدة والاخوات باش ما يكثروناش الاكل يعني من كل حاجة مليحة دير شويا هكاك يكون هناك تنويع ونقدرو نكملوه
وزيدي حاجة اخرى دايرين فيهم بليزير كبير كي ما نخلولهمش واش يغسلو يعني المائدة يحطوها كولار نخرجوها انا والوالد الكريم والاخوين الصغيرين وليد ورحيم بيضاء ناصحة البياض حتى صابون نتاع المواعن isis وما يديرش كيفنا
ربي يلحقنا لرمضان ويتقبل منا شكراا لك..

اولا شكرا على التوضيح عل قول سيد الخلق انا قلتها من باب انوا حاجدة باينة ماشي زعما بيت نلعبها
ثانيا المواضيع بدون ردود مهبول اللمة صامطة
واش نقولك يا بيطري المستقبل
ربي يقدركم و يهنيكم في داركم مع عائلتك
ري يخليكم دائما متعاونين
وان شاء الله تكون قدوة لشباب اللمة :)
 
رد: المرأة الجزاآئرية و رمضآن

السلام عليكم
والله غير عندك الحق أختي كاين بزاف لي يخدم ويخبي الدراهم غير باش يصرف في رمضان
يقولك خلي نخرج زعاف التعب تاع عام كومبلي
أيا انت أو بدليلو العقلية هههه
كان النسا متلوميهمش راجلها لكان ميلقاش الطابلة معمرة يدير gيرة
هذو هوما الجزائريين معندك ما ديري
وشكرا أختي​
 
رد: المرأة الجزاآئرية و رمضآن

ان شاء الله نصومو شهر رمضان بالصحة و الهنا شهر التوبة و الغفران و ليس شهر الاكل، لازم الانسان يصحح اخطاؤو ويكثر من الدعاء.
 
آخر تعديل:
رد: المرأة الجزاآئرية و رمضآن

موضوع جد مهم اسسووم واش رح نقولولهم apart الله يهديهم و يغتنموا فرصة رمضان باش يتقربوا من ربي اما الشي لاخر ساهل
 
رد: المرأة الجزاآئرية و رمضآن

السلام عليك
موضوع في وقته
عندك حق فكرتيني بجارتنا حتى لبوراك تخدمه و توجده لرمضان
دقولي رمضان نتاع كوزينة
ربي يهدي
 
رد: المرأة الجزاآئرية و رمضآن

ربي يوفقكم كااااااامل
ويهدي الجميع
حنا معناش العادة هادي
سلامي​
 
رد: المرأة الجزاآئرية و رمضآن

ميرسي للتطرق لموضوع كيما هاك
حنا كاين وكاين و ظاهرة كيما هاك للاسف منتشرة في بعض المناطق في الدزاير
واش نقولو ربي يهدي ماخلق ويهدينا كامل
ومبروك عليكم كامل الشهر المبارك
 
رد: المرأة الجزاآئرية و رمضآن

ياخي حالة ياخي كابن لي تلقايها كامل النهار في الكوزينة و صلاتها ما تصليهاش
كي تهدر معاها تقولك والله ما قدرت نصلي راني عيانة
انا واعود بالله من كلمة انا ما نترك وقت يفوتني و الحمد لله
نطيب على حساب ما ناكلو ممنوع التبدير حتى انو في الصباح يبق قيس ما ياكلو ولادي
الشهر هدا نتنافسو فيه على الصلاة والدكروالعبادة ماشي على شكون لي يعمر الطابلة
طيبي و نوعي على حساب مقدورك بصح ما ضيعيش وقتك في التفاهات وتنساي المهم لي جا من اجلو هاد الشهر الكريم
الله يهدينا ويهديهم كامل
يعطيك الصحة اسماء

 
رد: المرأة الجزاآئرية و رمضآن

و الله عندك الحق فواش قلتي كامل اختي
غالبية الناس نساو بلي رمضان فرررررصة لا تعوض قادر ما تزيدش تتكرر في حياة اي انسان
فالكثيير فقدناهم و كانو صاموا معانا رمضان لي فات , رمضان شهر العبادة أكثر من أي شيئ آخر
و من المفروض في هذا الشهر المبارك نقصوا من المصروف و ليس العكس
المهم ان شاء الله ربي يقدرنا على الصيام و القيام و رمضااااااااان كرييييييييم لكل اهل اللمة
 
رد: المرأة الجزاآئرية و رمضآن

صح رمضانكم و كل عام و انتم الىى الله اقرب
 
رد: المرأة الجزاآئرية و رمضآن

يا اختي ربي يهدينا هدا ماكان كيما قلتي الناس في شهر رمضان تتقرب لمولاها بصح هما طايحين على كرشهم و على المواعن alors ان شاء الله يعود على كامل الامة الاسلامية بالصحة و الهناء و ربي يغفرلنا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top