السلام عليكم . انا تحصلت على البكاوريا العام اللي فات بمعدل 13.80 شعبة علوم تجريبية و دوكا راني سنة اولى علوم و تقنيات "ST" بجامعة باب الزوار . صراحه ما كنتش حابه هذا التخصص لكن تءقلمت معاه و جبت السداسي الاول و دوكا قريب نكملو امتحانات السداسي الثاني . انا كيما ذكرت ماكان عندي حتى ميل لهذا التخصص علابيها اني نقراه فوق قلبي و عندي مدة جاتني رغبة فجاة برك نقرا الطب انا و حرت كيفاه هههه ة الله راني ندمانة اللي ما عاودتوش هذا العام راني نشوف فالطب دوكا حلم رغم اني كنت نكره المجال الطبي . المهم بدات تبانلي نعاود الباك و بما اني ف سst الرياضيات و الفيزياء جيني ساهلة بزاف و ثاني اللغات متمكنة مليح فيهم عندي العلوم اللي شوياا . دوكا حبيت نعرف اذا نعاود الباك باش نقرا واش راني حابة ولا نكمل فهذا التخصص رغم اني كارهة حياتي حاسه كلي راني نقرا باش نطلع برك بلييييز راييو عليا راني محتارة مع العلم اني من مواليد 1996 يعني راني مافونسيا بعام ههه ايا متبخلوش عليا بنصائحكم و شكراا
