السلام عليكم وصحا فطوركم خياتي
اليوم جبتلكم وصفة جربتها في رمضان هذا نتمنى تعجبكم
الخبز المحشي : نفس عجينة السوفلي والبيتزا
بيضة ملعقة ك خميرة الخبز ملعقة ك سكر شوية ملح شوية زيت وشوية زبدة فرينة قيس 500غ تقريبا تخلط جميع هذه المكونات باستعمال لبن مخلوط بقليل من الحليب وتقدري تعجني بالحليب وحدو ولا باللبن وحدو كيما تحبي انا هنا زدت شوية حبة الحلاوة للعجين وخليتها رتاحت كي تطلع زيدي هبطيها مرة ولا زوج بعدها افرديها على طاولة العمل وحطي الحشو في وسطها لويها شغل باقيطة وديري خطوط عليها باستعمال السكين ودهنيها بالبيض ورشيها مالفوق بالجلجلان وشوية حبة البركة وخليها داخل الفرن حتى تطلع امبعد شعليلها النار .
بالنسبة للحشو انا درت لحم مفروم بصل ثوم وفلفل طرشي وحار وزدتها قصبر قليتهم وكي حطيتهم فوق لعجين زدت فرماج رابي مالفوق امبعد لويت الخبز .
بالصحة والراحة
اما فيما يخص الجلبانة :
الجلبانة فورتها شوي وفي طنجرة حطيت لحم بقري مقطع وبصل وثوم مفرومين زوج جامبو فلفل اسود شوية قرفة كرافس مقطع رقيق وقصبر وقليل من الزيت وزبدة قليتهم مليح كي تجمر اللحم اضفت بعض الماء قيس مايطيب اللحم امبعد زدت الجلبانة وخليت المرقة طيب حتى عقدت ....بعدها فشرت الباطاطا غسلتها وقطعتها دوائر قليتها وقدمتها مع الطبق تقدري تزيدي اللحم المفروم للمرق سوى تحطيه هكا ولا ديريه بولات صغيرة و بالصحة والراحة
وبدون اطالة اليكن الصور
:bravo01::regards01::yahoo01:
