هل حقا انا معقدة كما يقال عني ؟

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم
انا فتاة عمري 18 سنة انا صراحة نشوف في روحي فتاة عادية لكن كلام الناس بل الاسوء كلام العائلة يقلقني يقولوا عليا معقدة علاه !!! شافوني ماشي اجتماعية و ماشي لي جات تضحكني و نحب نقعد و حدي و طول اليوم ساكتة و هادية حتى عادوا يقولولي واش مات عليك الراجل و خلاك بالولاد ؟ كلامهم بدا يقلقني حتى لقيت إنّو في المدرسة يقولوا عليا هاك تاع الصح تعبت من هدر
الناس و القال و القيل حتى وليت تلقائيا نقول على روحي هاك و نبكي وحدي و مندير الثقة في اي واحد و المالكة نأكل وحدي انا والله بنت طبيعية هاك حاسة روحي لاني هاك نرتاح ،،،،،،،،
واش تنصحوني ربي يخليكم ؟؟؟؟؟؟
 
رد: هل حقا انا معقدة كما يقال عني ؟

ربي يهنيك حنونة
مالفيت مانقلك
 
رد: هل حقا انا معقدة كما يقال عني ؟

السلام عليكم و رحمة الله تعالى و بركاته

'اختي الكريمة تقبل الله منك الصيام و القيام

ربي يكون معاك خيتي و يحل مشكلك

لكن نقلك حاجة خليك من القيل و لقال

مدام مراكش تعصي في ربي ديري واش يريحك خيتي واحد ما يكسرلك راسك

حبيتي تحكي معاهم احكي حبيتي تقعدي وحدك و دير شغل او
تتفرجي .....

ربي يسهل كل واحد حر

ربي يعينك و صحا فطورك ممبعد

سلام
 
رد: هل حقا انا معقدة كما يقال عني ؟

السلام عليكم وصحا رمضانك
صحا كامل نبغو نبقاو وحدنا بصح ماشي لدرجة انعزال حاولي تكوني اجتماعية اكثر
يعني ع اقل ساعة مرح مع الاهل
 
رد: هل حقا انا معقدة كما يقال عني ؟

ختي تحبي الصح انا نموت على هاد العقلية خاااصة اذا كانت في طفلة
وعلابانا الناس واش باغية
حابين تجمعي مع الذكوور وتضحكي بالعالي وماالى اخره
راكي قلتيها بعضمة لساانك **الناس يقولو ** اذن خليهم يقولو وانت الهاي بعمرك عندالعايلةنتااعك صح كوني معااهم اجتماعية اما الباقي اللي يحبك راهو يوقف معااك واللي يكرهك ما هوش رايح يخليك احسنت ام اسئت سلاام​
 
رد: هل حقا انا معقدة كما يقال عني ؟

اختي ما تخليش كلام الناس ياثر فيك صح في وقتنا هذا عاد ليقعد وحدوا يقولوا عليه معقد و ما يديروش حساب ممكن قلبوا معمر و حاب يقعد وحدوا,انتي المهم شاركي داركم في قعداتهم و اكسبي رضى والديك اما الباقي ما تعمريش راسك بيهم و ما تمرضيش نفسيتك
 
رد: هل حقا انا معقدة كما يقال عني ؟

سلام الله عليكم وبعد:أعتقد اختنا الكريمة ان في الامر خطب ومشكل ان لم تعالجينه صعب فلا أحبذ القول أن حالتكي هذه هي بداية اكتأب مزمن والله أعلم وله علاج كسائر الامراض لكن الاشكال هو انكي انتي غير مقتنعة بها هذا رأس المشكل ورفض بداية العلاج فالإنطواء بداية الاكتأب هذا والله أعلم وقد أكون على خطأ وأن ذاك طبعكي الهدوء والسكينة
تحياتي واحترماتي لشخصك الكريم
 
رد: هل حقا انا معقدة كما يقال عني ؟

السلام عليك اختي انا رأي من رأي الاخ بقايا انسان و لله التوفيق
 
رد: هل حقا انا معقدة كما يقال عني ؟

السلام عليكم و رحمة الله تعالى و بركاته
والله يا اختي الغالية ماتثولينه ينطبق علي تماما و الله يعلم مافي القلوب
و ايضا لاني احب ان اعرف ما يخص الدين و اي معاملات حرام او حلال حتى في الصغائر
كل عائلتي تقول عليا معقدة لكني لا اهتم اقول لهم ادا كان من يحب دينه و يريد البقاء وحده و لا يحب ما تحبون و لا تفهمون رغباته و لا يفكر مثلكم هو معقد ادا فانا معقدة بكل افتخار
و حتى الناس في الخارج يقولون لي دلك لاني لا احب الخروج او الكلام مع الدكور حتى مع من يدرسون معي والله
فاقول لهم اعلم باني معقدة و افتخر بدلك و الحمد لله مدولي معلومة جديدة
يا غاليتي نصيحة لوجه الله
ان كنتي تقومين بما لا يخل بما امر به الله و رسوله و العياذ بالله فلا تهتمي بكلام الناس فهم مهما تقولين و تفعلين لا يرضيهم اي شيء ، لدا طبقي المثل القائل كلب ينبح واش يربح
كون تبقاي تسمعي لكلام الناس راكي تمرضي و مايهمش حتى لوكان تكون عائلتك و من بعد ام يفهموا وحديهم
و كيما قال الاخ حكيم هوما يحبوا اللي تحكي مع الدكور و تضحك و المشكل من بعد مورا ظهرها تلقاهم يقولوا لعنة الله عليها حاسبة روحها متربية و هي زيرو
لدا غاليتي قومي بما تحبين بشرط ان لا يكون مخلا بما امر به الرحمن و رسوله و الناس خليهم مع كلامهم و كاين ربي حبيبتي
اسفة لاني اطلت لكني غضبت كثيرا والله فانا افهم عليكي
ارجو تقبل مروري
تحياتي احترامي و تقديري لشخصكم الكريم
في امان الله و حفظه
سلام الله عليكم
 
رد: هل حقا انا معقدة كما يقال عني ؟

ختي نصيحة من عندي كوني كيما تحبي نتي ول يريحك ادا كانت هادي عقليتك وهادي طبيعتك ومرتاحتلها حليك كيما راكي وما تديريش هلى هدرة الناس
كي يقولو عليك وش يقولو ما تديريلهومش حسااب
كوني على طبيعتك
 
رد: هل حقا انا معقدة كما يقال عني ؟

اختي انا ثاني عقليتي هكدا و كي كنت في عمرك كنت نتضايق مللي يقولي معقدة و ساكتة و ضيقة الروح بصح الان والله ماعلابالي في واحد المهم زوجي راني عاجباتو هكدا. و راني نحب روحي كيما راني. لانو اختي هذي صفات و شخصيات خلقنا عليها ربي سبحانو كاين اللي ساكت و كاين اللي يهدر تقولي وقتاه يسكت عليا.

المهم كوني كما انت و حبي نفسك .
 
رد: هل حقا انا معقدة كما يقال عني ؟

السلام عليكم اختي
بالعكس هادي صفات مليحة في البنت وراني فاهماتك والله غاشينا دروك الله يهديه وكان ما تديريش جماعو ولا كليك وتضحكي ويسمعو الناس ضحكتك وتكثري الكلام الفارغ لي مافيه حتى منفعة تولي معقدة
الوغ اذا انت مرتاحة علاش تعمري راسك بيهم والله مايستاهلو بصح حاجة وحدة نقولك عليها
مع العايلة ساعة على ساعة اجتمعي مع الافراد شويا وحاولي تضحكي واحمدي ربي على جمعة العائلة قدامك
حتى وتكوني تحبي الهدوس اعفسي على قلبك شوي واضحكي مع عايلتك حاجة خلاف ماكاش
اسمحيلي اذا كثرت عليك ان شاء الله تكون وصلت فكرتي
ربي يهنيك الزينة وعيشي حياتك كيما يحب خاطرك طالما في رضا ربي العربي ماتعمريش راسك بيه كااااامل
سلام
 
رد: هل حقا انا معقدة كما يقال عني ؟

o9a3di kima raki mach trohi tbadli rohak 3la jal nas hadi chakhsaytak khti imatasam3ich lhadrat nas nti amchi 3la hasab 3a9laytek
 
رد: هل حقا انا معقدة كما يقال عني ؟

السلام عليكم :
اختي الكريمة
جميل ان يكون للانسان خصوصيته لا يشاركه فيها احد
ولكن يجب ان تدركي انك تعيش في عالم تتقاسمين فيه كل شئ مع غيرك حتى نفسك لاهلك و اصدقائك حق فيها و حالة الانطواء التى انت فيها ليست بداية جيدة
فانت فتاة و مصيرك الزواج وما قد يتقبله اهلك لن يتقبله غيرهم خاصة ان مجتمعنا يضع موصفات محددة للفتاة و يعممها و لا يراعي الفوارق بين الافراد
انصحك بالخروج من هذه الحالة و الانخراط اكثر في الحياة الاجتماعية مع الحفاظ على خصوصيتك اى عليك مسك العصا من الوسط دون المبالغة
انخراطك في حياة الاجتماعية مع شخصيتك الغامضة سوف يعطيك كارزمة خاصة تحسدك عليك قرينتك
تقبلي مروري........................

 
رد: هل حقا انا معقدة كما يقال عني ؟

ديما هاكا الناس يقولو .. اصلا هادي خدمتهم
نفس المشكل لي عندي أنا أما مايلزمش يأثرو عليك تبقى هدرة ماتزيد ما تنقص
الواحد يتلها فروحو أما مع العايلة ساعة ساعة يبدل جو
 
رد: هل حقا انا معقدة كما يقال عني ؟


الـنآآس مآلـيهم غـير الـنآآس ونتي متهتميش بيهم
تـهـلآآي فـ روحك وتـهني وفكي عـ روحك هـآلـهدرآآ ..
 
رد: هل حقا انا معقدة كما يقال عني ؟

السلام عليكم ورحمة الله و بركاته

الخاوا راهم قاموا بالواجب و تقريبا كل الإجابات كانت موفقة و يمكن أن تعتمدي عليها و تجعليها منطلق لكي

في الحقيقة انا تعجبني كي الناس يقولولي هكا نزيد في الحاجة الي ما عاجبتهمش و نديرها مكر ههههه

و الله يا ختي عيشي حياتك و الغاشي يدز معاهم وا عندك لا اكتئاب و بداية اكتئاب راكي ما خاصك شيء خاصتك فقط تخلي الكلام هذا ورا ظهرك و تتعلمي شوي سياسة التطنيش هههه .

بالتوفيق لا شيء يدعو للقلق
 
رد: هل حقا انا معقدة كما يقال عني ؟

ختيتو راكي غير كيما انا

حتى انا يقولو عليا معقدة بصح ما علابالي بحتى واحد عااااااااااااايشة حياتي

ما تديها في حتى واحد ديري اللي يريحك​
 
رد: هل حقا انا معقدة كما يقال عني ؟

ابقاي كيما راكي...راكي هايلة الندم على السكوت خير من الندم على الكلام .أنا عكطك كنت اجتماعية بزاف نحب نظحك ونحكي..........ومن بعد اكتشفت ان كانو يعلقو على كل حاجة نقولها......تحولت بعدها واصبحت مثلك والآن راني مرتاحة
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top