مزالو برهجو فينا بالإشهارات في رمضان

بنت الـ25

:: عضو بارز ::
صُنّآع آلمُحْتَوَى
إنضم
12 مارس 2008
المشاركات
7,202
نقاط التفاعل
9,978
النقاط
356
محل الإقامة
قسنطينة
الجنس
أنثى

السلام عليكم ورحمة الله وبركاته




صح رمضانكم يا ناس اللمة من حدادة لحدادة
عندي مووودة ما جيتش خربشت لهنا
او خلاصلي الستيلو :p ليوم شريت واحد احكل:sport02: هههههه
ندخل ديراكت فالسوجي
قلبي او معمر من الإشهارات اللي شبعونا بيها في جميع القنوات الجزائرية العمومية والخاصة
من بكري والفنا بإشهاراتنا فاليتيمة بايخة وما تتوفرش فيها أي ميزات للإشهار الناجح
من فكرة لتجسيد لاختيار الممثلين للموسيقى ....كلشي
مي احنا قلنا الحمدلله ربي فتح علينا وظهرت القنوات الخاصة بالاك تنحي علينا الغبينة
مع التطور اللي راه صاري مع الأفكار الخلاقة اللي راها تدور فالغرب والشرق الأوسط
بلا ما نحكيو على اليابان هدوك بالـ tgv ما نلحقوهمش
مي يقولك اللي فيه نقة ما تتنقى:down:
المشكل اني نقابل لاتيلي غير وقت الفطور الدمار يطلع:mad:
الإشهارات تع القهوة بلا حساب لدرجة ما فهمناش ويناه القهوة المليحة ؟ :s
رغم انو القهوة لمخيرة ماعادوش يديرو عليها الإشهار يا فاميكو:bravo01:
الله يرحم ايامك يا الطيب:-r

ولا الإشهار تع حنة الفال يا يمااااااا نحير كيفاش وافقولو على البث
حنتنا حنة الفال ديما فالبال وختانة الأطفال ومعرف وش
حنة الريف ديما علكيف ، عيفونا:tongue02:
بلا هدوك الأصوات المزعجة والألحان النشاز والتمثيل الركيك .... كااارثة:sport01:
والإشهار اللي قالهم ارقدو تع هديك القهوة اللي راحلي اسمها:-r
كيفاش يا ربي سيدي اسمها إيمانويل ولا معرف وش ولي معاها أنطونيو ولابستلي كاراكو ودايرتلي خُمسة في راسها ؟ مش نورمال ؟:s:s
مفهمتش علاش ما دارولهمش موسيقى تع دحمان الحراشي وهناونا:down:
واللقطة هديك تع ميغسي ميغسي ميغسي متروحش بيها بعيد خلااااااص:down:

بهاد الإشهار بالذات حبو يوصلو ميساج للشعب
رانا نستغباو فيكم أيها الشعب الغبي
احنا بكري كنا حاسبينهم ما عندهمش إمكانيات
يخدمو إشهار بالشي الموجود حتى لوكان يبهدلو بينا فوسط العرب مي نحيو على بالنا بشوية ضحك:d
مي هوما لقاوها خدمة؟ لقاو بلي الحاجة اللي تستقطب الشعب هي الفكاهة راحو دخلوها في كلشي
وأبسط مثال ألحان وشباب
شكون يتفرج ألحان وشباب حبا ليها؟ نضمنلكم 99 بالمية من الشعب يتفرجها باش يضحك
وهكداك مزالو ماشيين في مشروع المدرسة والتلاميذ وهديك المزعوقة اللي تقدم الحصة وأكابيلا ومعرف وش ياااااع:tongue02:... اللهم اني صائم

حتى الإشهارت ؟

ولا شافو شعب يتفرج ويحب يزهى ويضحك وينحي على بالو قالو ماااعليش الجديد مكلاه تحبو ولقديم ما تفرط فيه؟؟

أمنيتي نشوف إشهار تتوفر فيه المواصفات العالمية
والله يا الإشهارات تع لي parfums تاع الخارج ياااو تلحقك الريحة نورمال
واحنا ما عرفوش يوصلولك فكرة قدقد

شفتو الإشهار تع pril isis الكذب لي فيه ما صراش
عمركم شفتو ليدام تصبو عليه قطرات pril وتحلو عليه العين يروح؟
أوموا دارو كيما تع فيري بونجة بمسحة وحدة تولي تلمع والله تدخل فالراس
مي راكم علابالكم بلي كون منحكوش الماعن بالسيلان والخزم وركزولي على الماء السخون ليدام موحال يروح ويبقاو ليطراس تعو؟

شبعتونا كذب :tongue02:

مي هدا ما يمعنش تاني انو ما عندناش des pub pro
مثلا سلسلة الإشهارات تع سيفيتال لاباس بيهم مع صالح أوقروت :dنعطيهم علامة كاملة:thumb_up02:
ومام إشهارات سيم مع انهم زادو فيها ، ملاك يا لعميرة كبرت وصامت رمضان (خمس سنين صامت رمضان؟) اكذبو بالشوية برك خخخخخ;)

ايا نتوما قوليلولي وعلاش هكدا ما حبيناش نطورو من أفكارنا ؟
علاش ناخدو الأفكار المسروقين وما نعرفوش نجسدوهم؟
للدرجة هادي ما عندناش متابعة وإشراف على اختيار ممثلين وموسيقى باهية؟
وش رايكم فالإشهارت في الجزائر بصفة عامة؟

آآآآآآآآآآآآآآه تعبت وانا نكتب حتى مالعبد صائم
كون غير خليت مور الفطور وكتبت الموضوع هههههههههههههه
:p

صح فطوركم جميعا
 
آخر تعديل:
رد: مزالو برهجو فينا بالإشهارات في رمضان

وعليكم السلام اهلا مينا تغيبي تغيبي وترجعيلنا بموضوع top


الاشهارات المارقة لي مرضونا بيها وعلى راسها اشهارات القهوة

انا لي يقتنلي هاداك تاع الممثل لي معرف واش اسمو

لي يكون قاعد ويأمر مرتو باه تروح تجيب القهوة من عند الجيران ههههههههههههههه وتروح زعم تجيبها
شغل هو مكسر باه يشري القهوة حتى يبعث مرتو

يامزينو اشهار عمر بن عمر هههههه






تاع الصح الجزائري وهو يتفرج يحس روحو عندو ودنين طواااااااااااااااال
تحس روحك في العصر الحجري القديم

اشهار ورى خوه ومعندو حتى معنى ماتجي تكمل تتفرج وتنوض يكونو سكنولك في راسك

شكرا مينا
 
رد: مزالو برهجو فينا بالإشهارات في رمضان

السلام عليكم
وصحا رمضانك
راكي قلتي صح اناوحدة من ناس نخاف نتفرج ع قنواتنا شبعنا تمسخير وتبهديل
شكرا ليك
 
رد: مزالو برهجو فينا بالإشهارات في رمضان

وعليكم السلام اهلا مينا تغيبي تغيبي وترجعيلنا بموضوع top

أهلا شوشو صح رمضانك حبيبة
ليكي وحشة يا بت
الله لا يغيبك ، ميغسي ميغسي ميغسي :d ههههههه

الاشهارات المارقة لي مرضونا بيها وعلى راسها اشهارات القهوة

انا لي يقتنلي هاداك تاع الممثل لي معرف واش اسمو

لي يكون قاعد ويأمر مرتو باه تروح تجيب القهوة من عند الجيران ههههههههههههههه وتروح زعم تجيبها
شغل هو مكسر باه يشري القهوة حتى يبعث مرتو

آآآآآآآآآآآآآآآآآآع متفكرينيش فهاداك الإشهار تع قهوة بونال
ما يشبهو لوالو من الراجل لمرتو لجارتها
كي تمدلها الباطة تع القهوة شغل رايحة تتقابد
:tongue02:

يامزينو اشهار عمر بن عمر هههههه


يوووووووووووو على اعمر بن اعمر جابلوهم هدوك لقنادر من حانوت واحد مودال واحد بالألوان
وكي يديرو هديك اللقطة بيديهم يبانو يمكرو فينا ههههههههه



تاع الصح الجزائري وهو يتفرج يحس روحو عندو ودنين طواااااااااااااااال
تحس روحك في العصر الحجري القديم

اشهار ورى خوه ومعندو حتى معنى ماتجي تكمل تتفرج وتنوض يكونو سكنولك في راسك

شكرا مينا


شفتي ؟ والحاجة لي تحيرني يعاودو نفس الإشهار 3 ولا 4 مرات كي والو
سيرتو تع pril isis والله ديفوا يديروه ومبعد اشهار تع قهوة ومبعد يزيدو يجيبوه ومبعد إشهار تع الحنة ومبعد يزيدو يجيبوه ممبعد إشهار تع سيم ومبعد يزيدو يجيوه حتى تغلبي من مخك:tongue02:

مي وش رح ديري علاجال السلطان عاشور العاشر نحمل كلش :dههههههههههه

شكرا شوشو على المرور والختم الجميل

 
رد: مزالو برهجو فينا بالإشهارات في رمضان

السلام عليكم
وصحا رمضانك
راكي قلتي صح اناوحدة من ناس نخاف نتفرج ع قنواتنا شبعنا تمسخير وتبهديل
شكرا ليك
وعليكم السلام حكاية القمر ، صح رمضانك انتي زادة
اي وي شايخين بينا صحا صحا
مي وش راح ديري ، عندنا وزير الاتصال خضرة فوق عشا
شكرا على المرور
 
رد: مزالو برهجو فينا بالإشهارات في رمضان

قولو تشييييييييييييييز

حالياً الأعضاء النشيطين الذين يشاهدون هذا الموضوع : 23 (5 عضو و 18 ضيف)‏بنت الـ25, ‏AmiR@RoRo, ‏ليدي, ‏آمِيْرَتُه, ‏nour el hanna

منورين الموضوع
 
رد: مزالو برهجو فينا بالإشهارات في رمضان

السلام عليك
عسلامة الزينة نتاعنا
والله كارثة يعيو نتاع الصح سيرتو اشهار نتاع موبيليس يعيف
مش عارفة دقولي في الجزائر مكانش قاع خبراء في مجال الاشهار فكرة مليحة ميقدرو يديروها
يعجبوني اشهارات المغرب و خاصة تونس يهبلو بيهم بالعباد و حنا غير الخرطي فالخرطي
مش عارفة الخلل هل فينا حنا مناش ذواقين و لا فيهم هما هههه
صحة فطورك و تهلي في الستيلو
 
رد: مزالو برهجو فينا بالإشهارات في رمضان

السلام عليك
عسلامة الزينة نتاعنا
والله كارثة يعيو نتاع الصح سيرتو اشهار نتاع موبيليس يعيف
مش عارفة دقولي في الجزائر مكانش قاع خبراء في مجال الاشهار فكرة مليحة ميقدرو يديروها
يعجبوني اشهارات المغرب و خاصة تونس يهبلو بيهم بالعباد و حنا غير الخرطي فالخرطي
مش عارفة الخلل هل فينا حنا مناش ذواقين و لا فيهم هما هههه
صحة فطورك و تهلي في الستيلو
وعليكم السلام
الله يسلمك منمن
اييييييييييييييييييييييه قوليها وعاوديها
فكرتيني في الاشهار تع قهوة أرابيلا لي كانو يجيبوه قبل رمضان
انا نفتش لبنتي على راجل ذواق
هههههههههههههههههههه تشرب قهوة ارابيلا سما انت ذواق ؟
تحكم على راجل جاي يخطب بنتك من القهوة؟
انه عالم معقد

ياو احنا الديفو فينا منعرفوش نتفرجو ، نورمالمو منغلطوش ونديرو هاد ليشان خلاص

ايا تهلي في روحك انتي تاني وصح مبعد لفطور
 
رد: مزالو برهجو فينا بالإشهارات في رمضان

ساافينة سافيينة..ماكلتها شحال بنينة :p
اسماء ما عندها جتى معنى...تمثيل ركيك كيما قلتي..المهم يديرو اشخار و يفضحونا مع القنوات الاخرة
الجزائر الله غالب توجور هكا مانطورو فحتى حاجة توجور مستوى متدني..
رانا عايشين و خلاص حتى جينا الموت و لا نفية منها ان شاء الله
 
رد: مزالو برهجو فينا بالإشهارات في رمضان

ساافينة سافيينة..ماكلتها شحال بنينة :p
اسماء ما عندها جتى معنى...تمثيل ركيك كيما قلتي..المهم يديرو اشخار و يفضحونا مع القنوات الاخرة
الجزائر الله غالب توجور هكا مانطورو فحتى حاجة توجور مستوى متدني..
رانا عايشين و خلاص حتى جينا الموت و لا نفية منها ان شاء الله
مروة مروة عاش من شافك
هادي قيبة يا وسمك
شفتي تع سافينة تبهديلة
مرتو حداه فالدار ما هدرش معاها وخرج تحت الطاقة لابس لبسة تع محابيس ويغنيلها بخصو بينا يعطيهم ضربة
مي وش رح ديري ؟ العين بصيرة والإيد قصيرة
:( نندب حناكي بالقرداش وخلاص
 
رد: مزالو برهجو فينا بالإشهارات في رمضان

شفتي ؟ والحاجة لي تحيرني يعاودو نفس الإشهار 3 ولا 4 مرات كي والو
سيرتو تع pril isis والله ديفوا يديروه ومبعد اشهار تع قهوة ومبعد يزيدو يجيبوه ومبعد إشهار تع الحنة ومبعد يزيدو يجيبوه ممبعد إشهار تع سيم ومبعد يزيدو يجيوه حتى تغلبي من مخك:tongue02:

مي وش رح ديري علاجال السلطان عاشور العاشر نحمل كلش :dههههههههههه

شكرا شوشو على المرور والختم الجميل



11008544_1595502077397128_3430318031827829954_n.jpg
 
رد: مزالو برهجو فينا بالإشهارات في رمضان

خخخخخخخ ولا هاذاك تع نقاوس يع يعيف
كيفاه كآمل ولاو يعتصو و جبدلهم المحلول السخري بش يبراو هههه!


https://www.youtube.com/watch?v=H5JAG_7c564
 
رد: مزالو برهجو فينا بالإشهارات في رمضان

خخخخخخخ ولا هاذاك تع نقاوس يع يعيف
كيفاه كآمل ولاو يعتصو و جبدلهم المحلول السخري بش يبراو هههه!


https://www.youtube.com/watch?v=H5JAG_7c564
احكيلي على افريكانو يجيبوها فور
هوما يوصلو لبنة وانتعااااااااااااااااااااش وهو يصماط هههههههه
 
رد: مزالو برهجو فينا بالإشهارات في رمضان

السلام عليكم اختي :regards01:
صحا رمضانك وفطورك :)
ويعطيك الصحة على الموضوع الباهي :d
اشهارات دزاير غير ماكالاه نحكوا عليهم على خاطر اذا بدينا نحكوا عليهم ماش رايحين نسكتوا
انا ماكانش عفسة تقلقني :mad:قد اشهارات القهوة يابن عمي ولييت نشك بلي حنا نصدروا القهوة في بلاصة البترول رهجونا فهوة اروما اسبريسو بونال ولي تحبسلي مخي صح صح تع هذاك لي جا يخطب ومن بعدة زعما كي جا يعرف القهوة ايا بابات الطفلة قبل بيه يااا الحاج راك كبير ;)
وخلي وخلي تع ازيس هاذيك لمرا لي تقول والله انا عاوني بزااف سيرتو مع انا خدامة طاطا علاه الازيس تاعك هو لي يغسلك ماعنك وانت ماتغسليهمش راكم كباااار :smile02:
نزييد نهدر ولا نحبس اواه خلي نحبس هنا خيرلي لا يطرطقلي كاش عرق
اختي جابلي ربي هدرت بزااف ايا اتهلاي في روحك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top