صح رمضــــــــــــآنكم ,,, وربي يتقبل منا ومنكم ان شآء الله
~~~
حبيت نشآرك في مسآبقة الطبخ الرمضآنيــــــــة
نبدآ على بركة الله بالطبق الرئيسي:
اخترتلكم الحريرة، شخصيا اعتبرها أكثر من رئيسية
ما نقدر نفوت يوم من شهر رمضآن من دونهآآآ
بســــــــــم الله:
اول شيء مارايحة نذكر كمية المقآدير لأنو كل وحدة وعائلتها
وشخصيا نطيب حريرة نتاع اكثر من يوم نظرآ للحرآرة ووو
لذلك الكمية اللي نديرها كبيرة نوعا ما،
ثآنيآ، كآين اللي تستعمل الكوكووت مدة الطهي تكون نصف سآعة، مي انا نحب
نعملها في قدر ونخليها على نآر هآدئة، حريرة نتآع بكري كيما تقول مآمآ،
ثالثآ، اسماء التوابل رايحة نكتبهم كيما نعرفهم، ممكن الاسماء تتبدل اللي تعرف
مادابيها تقوللنا.
طريقة التحضـــــــــير:
في قدر نضع اللحم، نقطع البصل ( 2 حبات) و حبة طماطم الى قطع ( اذا مبعد حابة ترحي الحريرة بالميكسور لازم ترابي حبة الطماطم)،
نضيف التوابل: ملح، حرور، سكنجبير، زعفران، كروية، وكركب،
نضيف طماطم مصبرة ( درت حوالي 3 م ك) ،
واخيرا الزيت و نخلط الكل ونضع القدر فوق نار هادئة حتى يتقلى الكل،
نحركوا مرة على مرة، من جهة اخرى، نقطع 2 حبات جزر ، حبة بطاطا، نوجد الحمص، والكرافس مع الحشيش انا نحزمهم بالخيط حتى ما يتحلوش ونقدر نحيهم مبعد، تقدري ديري جلبان انا مالقيش عندي، شوية ارز وعدس، اوراق رند وعود قرفة.
بعد ما تتقلى القدر، نضيفولها هاد المكونات ونمرقوها بالماء ( انا استعملت كمية كبيرة حسب القدر اللي درت فيه)، ونغلقوا على القدر ديالنا ونخلوه يغلي ونقصله النار لازم تكون هادئة،
خليتو مدة ساعة و 10د
الحريرة نتاع ناس الغرب معروفة انها تنطحن بالطحانة اليدوية مي كاين اللي تستعمل الميكسور، نحيت اللحم واوراق الرند وعود القرفة وحزمة الحشيش وبديت نرحي فيها:
كي نكملوا نرجعوها من جديد على نار هادئة ونخلطو مرة على مرة، نقصت شوية من لاسوب وضفتلها 1 جومبو و 1 م ك حبة الحلاوة،
كاين اللي يضيفوا التشيشية، انا ما نستعملها لاسباب صحية، نعوضها باللحم المرحي،
بعدها خلطت 3 م ك نشاء (مايزينة) مع شوية ماء وبقيت نضيف فيها بالشوية ونخلط في نفس الوقت ونشووف اذا بدات تثقال ولالا مين تثقال شوية برك ماشي بزاف، ضفتلها القصبر مقطع قطع صغيرة وطفيت عليها النار،
وبالصحة والهنـــــــآ
اعتذر عن التــــــــأخير،
فالدرآسة أولـــــى
ســــــــلآمي
