- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السّلام عليكم يا ناس اللّمة الكرام
اسمحولي يا خاوتي ما رانيش عارفة كيفاه نبدا الموضوع هادا
لأنو عنوانو برك يخلع ، والله كل يوم نقراو الجرائد وكل يوم
تجينا صدمة نختموها بكلمة "راحت الدنيا"
وهاد الصباح كنت نقرا في الجريدة وقابلني عنوان عريض
" أب يعضّ ويقتل إبنه الرضيع "
أنا تخلعت قلت بالاك ما شفتش مليح ولا غلبني رمضان
بصح بعد ما ركزت و قريت مخي حبس
اتخيلو أب خلات معاه مرتو طفلها الرضيع ،
والرضيع يا خاوتي لما يبعد على يماه أكيد رايح يبكي
اتخيلو قالهم هاد المتوحش لي عيب نسميه أب
" قلقني لما كان يبكي مالا ضربتو وعضيتو حتى قتلتو "
يا سبحان الله هادا من فصيلة الكلاب ؟؟ أكرمكم الله
الحيوان يا سبحان الله لي بلا عقل و يعرف واش معناها
الابوة والأمومة ، وعبد بشر عندو عقل يقتل ابنو
أنا آخر مرة وضعت موضوع نشكي فيه من سرقة الأطفال من المساجد
بصح درك بانتلي عادي ، إذا الأب يقتل ملائكة مازالو ما عرفش نور الدنيا
فما بالك بالبراني ؟؟
يا عجابة ناس راهي تبكي وتعالج غير باه ربي يرزقها بطفل تفرح بيه
وناس راهي تتعلم الأكل على ولادها؟؟
كلي رانا عايشين في حديقة حيوانات حاشاكم
ساعات نشوف الأجانب يخليو ولادهم مع حيوانات لي قادرة تكون مفترسة
والله لا يقيسوهم بشعرة ويحنو عليهم كأنهم أمانة
وهادا عبد وأب وما رحمش ولدو ؟؟
أنا حابة يفتحو قلبو برك يشوفو إذا راهو لحم وإلا صديد
وبالاك الصديد ويحن
والله يا خاوتي قلبي راهو يشعل على ملائكة الرحمن
لي ما منعوش حتى من والديهم
والله ما لقيت ما نزيد نقول إليكم الخط
وصح سحوركم
آخر تعديل:
