قَاهرتِي التّي أخاف التحدث عنهآ -ادخلو غير بلعقل-

لؤلؤة قسنطينة · 27 جويلية 2015

السّلام عليكم
أهلا وسهلا بناس اللمة الغالين منورين الموضوع

علابالي ديما نحكيلكم قصص محزنة واليوم الموضوع ماش غير حزين درك تخرجو كامل تبكيو
غير جيبو بابي موشوار معاكم

لي رايحة نحكي عليها هي قاهرتي أو سوبر مان لي نخاف منها :sport01:
يا خاوتي واش نقولكم منين نروح تبعني
في الدار, في الجنان , في الطريق, في الجامعة حتى كي نروح عند الناس ونلقاها مربعة عندهم

بالاك حابة تنتقم مني وجيتها في الطريق

يا يما تخوف درك راني نحكي عليها وراني نرعش ونشوف يمين ويسار

قادر راهي مخبية وتعس وتختار في الوقت المناسب باه تهجم عليا وتخطفني
وتشنقني كيما مالفة تشنق لي قبلي
هيه ما تستغربوش راهي مجرمة كبيرة, كن يحكموها تكمل حياتها كاملة في السجن
يا يما كي نتفكر خزرتها تقول خزرة باتمان ( مع أنو باتمان مداير قناع معرف كيفاه شفت خزرتو؟ باينة نشوف الأكشن بزااف ههه)
وهاديك المشية المتفاخرة تقول وزيرة
علابالي راكم حابين تعرفوها , بصح بلعقل كي تشوفوها ما ديروش الحس لا تفيق بينا

المهم راني جبتلكم صورتها باه لي مايعرفهاش يتعرف بيها ولا يروح يقدم صورتها للعدالة راهي مطلوبة قضائيا
نعرفكم اليوم بالآنسة عنكبوت

بالاكم تخدعكم صورتها
هادي تاع الفايس بوك برك ههه
هاهي صورتها الحقيقية

بصراحة عندي بزاف صور لكن حفاظا على خصوصيتها

جبتلكم وحدة برك
شوفو برك مع وجها باينة خطيرة, صح ماتهزش السلاح بصح راهي واعرة تقتلك غير بلعقل
شوفو رجليها واش طوال تقول تلعب كرة السلة, باينة رياضية على هادي كل يوم تصوطي من بلاصة لبلاصة
من المفروض يديوها للألعاب الأولمبية
وشوفو هادوك العينين درك أمنتوني كي قلتلكم تقول باتمان؟ :-o
وهادوك الأنياب يا لطيف, تقطعني بيهم ل 25 طرف تاكل مني نص
والنص الآخر تخبيه في الكونجيلاتور هههه ( بالاك تخبيه لرمضان الجاي)
علابالي كاش نهار نوض من الرقاد نلقاها رابطتني بالخيوط تاعها
ماعلاباليش علاه تبع فيا وين مانروح
والله الحشرات لخرين ناس ملاح نلقاهم من عام لعام
يلقيو السلام ويجيو رايحين
بصح هادي لاصقة في جنابي
زعما تحب تسمع صوتي كي نعيط لما نشوفها :yahoo01:؟ (تحس روحها مشهورة بالاك)
عندها الحق تحس روحها مشهورة

في قوقل حاطين مئات الصور عليها
وزيد تلقاهم كاتبين قصة حياتها في ويكيبيديا :d
ولا زعما تكون فاقت بلي أنا لي نهرب الفرائس تاعها
( خاطر كل مانلقاها حاكمة كاش مخلوق مسكين نهربو من عندها " قطعتلها رزقها "ههه)
تبقى بيناتنا هادي

لا تعرف وتقطعلي رزقي ههههه
درك كيفاه ندير؟ نهاجر للمريخ ؟؟
بالاك في المريخ ونلقاها تستنا فيا
يدهرلي ندير معاها عقد تصالح وخلاص هكا كل واحد يعيش بسلام

ونتوما يا بنات اللمة هيا اتشجعو وقولولنا شكون القاهر ولا القاهرة تاعكم
ماتخافوش حتى أنا كنت خايفة وتشجعت وكتبت عليها

لحسن الحظ عضويتي بإسم مستعار هكا ماتكشفنيش

إذا شفتو ضيف زايد في الموضوع غير اهربو راهي هي ههه

هيا كل شخص يعطينا رأيو وبدون تجريح للآنسة حفاظا على كرامتها وعلى حياتي :d

ان شاء الله ما كانش الموضوع تقيل عليكم ومع احتراماتي للجميع :regards01:
سلآم

سفيان اسلام · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

هههههه ديري عقد تصالح وهني راسك
شيء خطير انها تبعك في كل مكان ههه
بارك الله فيك بالتوفيق لكي

لؤلؤة قسنطينة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

قال سفيان اسلام:
هههههه ديري عقد تصالح وهني راسك
شيء خطير انها تبعك في كل مكان ههه
بارك الله فيك بالتوفيق لكي

أهلا وسهلا بأخي ^^
يفرحني انو عجبك الموضوع
هههه هيه ندير مصالحة وخلاص
بارك الله فيك على هذه الاطلالة المميزة
تحياتي :regards01:

لؤلؤة قسنطينة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

حالياً الأعضاء النشيطين الذين يشاهدون هذا الموضوع : 11 (2 عضو و 9 ضيف)

أهلا بالضيوف ^^

أم أُنٌَيسة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

السلام عليكم
هههههههههههههههههه ربي يكون في العون
و انا رايي من راي الاخ اسلام
بارك الله فيكي غاليتي و اضحك سنكي
تحياتي

Ønlÿ Mę · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

هههههههههه
انا تاني نخاف منها اخاه عندها وحد العنين يخوفو

لؤلؤة قسنطينة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

قال مِلْكٌ لَهٌ:
السلام عليكم
هههههههههههههههههه ربي يكون في العون
و انا رايي من راي الاخ اسلام
بارك الله فيكي غاليتي و اضحك سنكي
تحياتي

وعليكم السّلام ورحمة الله وبركاته
أهلا بحبيبة قلبي ^^
ههههه يفرحني أنو الموضوع عجبك
هادا الملل واش يدير :d
وبارك فيكِ الرحمن غاليتي :love01:
بصح ماقلتيليش شكون من الحشرات لي يقهرك ههه
تحياتي الخالصة على مروركِ العطر :regards01:

لؤلؤة قسنطينة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

قال A̷L̷I̷A̷S̷:
هههههههههه
انا تاني نخاف منها اخاه عندها وحد العنين يخوفو

أهلا بأخي ^^
ههههه يسمة عدوتنا في زوج
بدون تجريح في الكلام :-o
تحب تجي لينا تخطفنا :d
يفرحني انو عجبك الموضوع أخي
تحياتي الخالصة لك على مرورك العطر :regards01:

أم أُنٌَيسة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

ماكانش غاليتي
اللي يقلقني نقتلوا عادي هههههههههههههه

لؤلؤة قسنطينة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

قال مِلْكٌ لَهٌ:
ماكانش غاليتي
اللي يقلقني نقتلوا عادي هههههههههههههه

ههههههههه نستعرف بيك :sport02:
مالا نجي نعيش معاك هكا تهنيني منها :d

أم أُنٌَيسة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

هلا فيكي غاليتي
تنوريني و تشرفيني والله

لؤلؤة قسنطينة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

قال مِلْكٌ لَهٌ:
هلا فيكي غاليتي
تنوريني و تشرفيني والله

ربي يخليك حبيبتي ويحفظك
والنور نورك ^^

خديجة 24 · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

ديريها كي أختك
ماتنسايش خيرها سابق
ياك هي الي سلكت الرسول عليه الصلاة والسلام

لؤلؤة قسنطينة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

قال خديجة 24:
ديريها كي أختك
ماتنسايش خيرها سابق
ياك هي الي سلكت الرسول عليه الصلاة والسلام

أهلا بأختي ^^
صح هي انقذت الرسول عليه الصّلاة والسّلام
لكن نخاف منها

واش ندير ؟
وأولا وآخرا هاد موضوع للترفيه فقط

شكرا لمروركِ العطر
تحياتي الخالصة :regards01:

بنت الـ25 · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

ما عنديش قاهرة عندي العاصمة ههههههههههههه
ما حطيتكش أنوشة لهاد الدرجة انا قلت الفار ، الجرذ :-r اسع ظهرتي قوفريط تخافي مالرتايلة:p
انا بصراحة قوية قلب :sport01: هداك نهار قتلت زرزومية خرجتلي مالصيفون تع الكوزينة دارتلها جارتنا القطران طلعت لدارنا تجري قسمتها على زوج قعد ذفارها يشطح وحدو :d
ههههههههههههههههه ياااااع عمبالي تعيف:tongue02:
مي منخاش منها
انا نخاف من الكلاب

قصة خوفي منهم مرعبة
مرة جراو مورايا جماعة او بالأحرى عصابة كلاب كنت صغيرونة بزاااف
ومنذ ذلك اليوم عندي فوبيا

قبيل برك كنت نمشي فالطريق لقيت قلب مقابلني جاي لعندي م
انا نبدل فالطريق وهو يبدل ، انا نقطع الطريق وهو يقطع وليت نترعد
الموهيم ظهر فالأخير عندو غاية بيلوجية وهي قضاء الحاجة ، سبحان الله متربي ما حبش يديرها فالطريق ، فتش على بلاصة تع حشيش وعطاها
هههههههههههههههههههههههههههههههههه
الخلاصة انتي موصيبة منين تجيبي في مواضيعك راني درتلك جرنان اقراي ورتحي هههههههه

لؤلؤة قسنطينة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

قال بنت الـ25:
ما عنديش قاهرة عندي العاصمة ههههههههههههه
ما حطيتكش أنوشة لهاد الدرجة انا قلت الفار ، الجرذ :-r اسع ظهرتي قوفريط تخافي مالرتايلة:p
انا بصراحة قوية قلب :sport01: هداك نهار قتلت زرزومية خرجتلي مالصيفون تع الكوزينة دارتلها جارتنا القطران طلعت لدارنا تجري قسمتها على زوج قعد ذفارها يشطح وحدو :d
ههههههههههههههههه ياااااع عمبالي تعيف:tongue02:
مي منخاش منها
انا نخاف من الكلاب
قصة خوفي منهم مرعبة
مرة جراو مورايا جماعة او بالأحرى عصابة كلاب كنت صغيرونة بزاااف
ومنذ ذلك اليوم عندي فوبيا
قبيل برك كنت نمشي فالطريق لقيت قلب مقابلني جاي لعندي م
انا نبدل فالطريق وهو يبدل ، انا نقطع الطريق وهو يقطع وليت نترعد
الموهيم ظهر فالأخير عندو غاية بيلوجية وهي قضاء الحاجة ، سبحان الله متربي ما حبش يديرها فالطريق ، فتش على بلاصة تع حشيش وعطاها
هههههههههههههههههههههههههههههههههه
الخلاصة انتي موصيبة منين تجيبي في مواضيعك راني درتلك جرنان اقراي ورتحي هههههههه

هههههههههه قتلتيني ضحك
مالا أنا مانخاف لا من قط لا من كلب بالعكس نحب الحيوانات ونموت عليهم :love01:
و هاد الزرزومية والفار تاني مانخافش منهم حتى لحنش وعادي :d
بصح الرتيلة هي المصيبة العظمى, لازم نبعد عليها ب3 أمتار
ولما تقرب ليا نحسلها عندي الحاسة السادسة تاع الرتايل هههههه
يا يما كي تعود تمشي وتتميال تحسيها تشطح فرقاني هههه
وانا نعود نشطع معاها :d
هاديك هي عدوتي اللدودة

وبالنسبة للموضوع والله الصباح شفت رتيلة معدية قلت ندير عليها موضوع
غاضتني نحقرها قلت نشهرها شوي هههه :d
شكرا لمرورك أختي وواش رايك نديرو صفقة
لما تجي الرتيلة نعيطلك اقتليهالي

ولما تتلاقاي بكلب حاشاك عيطيلي :sport02:
هكا نفريوها :thumb_up02:
ربي يحفظك ختي على روحك المرحة وربي يدوم الفرحة
وفرحت لما عجبك الموضوع تحياتي :regards01: :love01:

Nina's · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

شحآآآآآآل نخافها

هي و كامل لافامي ديالها الله يبعدنا عليهم

بنت الـ25 · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

قال لؤلؤة قسنطينة:
هههههههههه قتلتيني ضحك
مالا أنا مانخاف لا من قط لا من كلب بالعكس نحب الحيوانات ونموت عليهم :love01:
و هاد الزرزومية والفار تاني مانخافش منهم حتى لحنش وعادي :d
بصح الرتيلة هي المصيبة العظمى, لازم نبعد عليها ب3 أمتار
ولما تقرب ليا نحسلها عندي الحاسة السادسة تاع الرتايل هههههه
يا يما كي تعود تمشي وتتميال تحسيها تشطح فرقاني هههه
وانا نعود نشطع معاها :d
هاديك هي عدوتي اللدودة
وبالنسبة للموضوع والله الصباح شفت رتيلة معدية قلت ندير عليها موضوع
غاضتني نحقرها قلت نشهرها شوي هههه :d
شكرا لمرورك أختي وواش رايك نديرو صفقة
لما تجي الرتيلة نعيطلك اقتليهالي ولما تتلاقاي بكلب حاشاك عيطيلي :sport02:
هكا نفريوها :thumb_up02:
ربي يحفظك ختي على روحك المرحة وربي يدوم الفرحة
وفرحت لما عجبك الموضوع تحياتي :regards01: :love01:

ربي يدوم ضحكتك :bravo01:
خلاص طاحت الكلمة انتي عليك بالكلاب وانا عليا بالرتايلة هههههههه
ربي يخليك لينا ديما كي الفراشة

لؤلؤة قسنطينة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

قال sissina gilina:
شحآآآآآآل نخافها هي و كامل لافامي ديالها الله يبعدنا عليهم

أهلا بأختي ^^
نتي لي نرحب بيك من المفروض لأنك معايا في المهنة :d
من المفروض يديرولنا جمعية للحفاظ على حقوق الخوافين من العناكب هههه
ونكون أنا اللولة لي ننظم ليها :thumb_up02:
شكرا ختي على مرورك العطر
تحياتي الخالصة :regards01:

لؤلؤة قسنطينة · 27 جويلية 2015

رد: قَاهرتِي التّي أخاف التحدث عنهآ -ادخلو غير بلعقل-

قال بنت الـ25:
ربي يدوم ضحكتك :bravo01:
خلاص طاحت الكلمة انتي عليك بالكلاب وانا عليا بالرتايلة هههههههه
ربي يخليك لينا ديما كي الفراشة

هههههه خلاص تفاهمنا :up:
ربي يخليك ختي ويدوم فرحتك :love01:
تحياتي :regards01:

قَاهرتِي التّي أخاف التحدث عنهآ -ادخلو غير بلعقل-

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

المواضيع المشابهة