- إنضم
- 13 أفريل 2013
- المشاركات
- 14,618
- نقاط التفاعل
- 54,535
- النقاط
- 1,756
- العمر
- 31
- محل الإقامة
- قسنطينة
- الجنس
- أنثى
السّلام عليكم يا ناس لمتّي الطيّبين
كنت نقولكم يا ناس اللّمة دركا نقولكم ناس لمتّي لأنكم عايلتي
و منكم أخي وأختي وربي يحفظكم جميعا ^^
المهم يا خاوتي ندخل في الموضوع مباشرة
بصراحة كاين موضوع قلقني وحبيت نشاركو معاكم وقولولي إذا راني غالطة
أنا كل ما ندخل لمواقع التواصل الإجتماعي أو بصفة خاصة " الفايس بوك "
نحب نشارك في مجموعات جزائرية في بالي كيما اللمة
تربية وكلام طيب وننفعو بعضانا , طيب التربية والكلام الزايد أخطينا منو
خاطر رانا هدرنا على هاد الموضوع وشبعنا منو و جميع من واحد يهدر
كلام سيء راهو يمثل نفسو ويمثل تربيتو
لكن الشي لي قلقني هو السخرية من خلق الله
يجيبو صور فيها وجوه ناس ويبداو يشبهو في بعضهم البعض بهاد الوجوه
ويبداو يتمسخرو بهاد الناس لي هوما خلقة ربي سبحانو
بصراحة كل مرة نشوف فيها منشورات كيما هكا نرد عليهم وبالتي هي أحسن
ونقولهم من فضلكم ما تتمسخروش بخلق ربي
ساع نسمع مالا يرضيني يوليو يقولولي "ما تلعبيهاش متدينة "
"و إذا ماعجبكش المنشور ما دخليش روحك "
وبلا كلام خلاف لي مايعجبش
إذا حاب تضحك معليش كامل نحبو نرفهو على رواحنا وكاين بزاف صور لي يضحكو
ماشي شرط تجيب وجوه الناس وتضحك عليهم
هكا راك تربح ذنوبك وذنوب غيرك
يتمسخرو بخلق ربي وهوما بالاك كن تشوفهم تهرب من الكوكب الارضي وماتزيدش تولي
سبحان الله, نهار يعودو بجمال سيدنا يوسف تما يتكلمو
ما نطولش عليكم خاوتي وإذا راني غالطة معليش تفضلو رانا هناباه نسمعو لبعضنا البعض
ونصلحو اخطاءنا واتهلاو في روحكم وراني نستنا ردودكم
تحياتي للجميع
آخر تعديل بواسطة المشرف:
