العيش مع أهل الزوج

نَدَى اليَآسَمين · 28 جويلية 2015

السلام عليكم

الإستطلاع التالي حول ماذا تفضلون العيش في بيت العائلة بعد الزواج أو العيش في بيت منفرد

ماذا تفضل ؟ و لماذا ؟

لؤلؤة قسنطينة · 28 جويلية 2015

رد: العيش مع أهل الزوج

السّلام عليكم
شكرا أختي على الطرح المميز
بالنسبة ليا أكيد أي إمرأة تتمنى دارها وحدها
ماشي بسبب العجوزة و أخت الزوج والحكايات المشهورة هادوك
بصح المرأة لما تكون متحجبة ومحافظة على حجابها وتكون الدار هاديك فيها رجال
مثلا إخوة الزوج ماش رايحة تلقى راحتها
أما من غير هادي عادي خلاص, ما عنديش مشكل مع دار العائلة المشكل الوحيد راني قلتو
بصح من الأفضل ومن رأيي ولما تكون امكانيات نفضل بدارها وحدها أحسن
تم التصويت ^^

آمِيْرَتُه · 28 جويلية 2015

رد: العيش مع أهل الزوج

السلام عليك

مع أن راح نعيش غير مع زوجي بصح نحب نعيش مع بيت العائلة لأسباب كثيرة منها نوع عمل زوجي يتطلب نبقى فترات وحدي و ثانيا هو معندهوش غير ماماه و اخته يعني مكان حتى واحد يقلقنا و أنا والفت مع لمة العائلة

أميرة تقرت · 28 جويلية 2015

رد: العيش مع أهل الزوج

ما عرفتش واش نخير من جهة ما نحبش نقعد وحدي فالدار لما يخرج زوجي
و من جهة اخرى نحب نقعد بحريتي كيما قالت لؤلؤة قسنطينة
ايمالا يعطوني 2 ايطاج ليا وحدي و كي نحب نهبط عندهم

ضآحكة مستبشرة · 28 جويلية 2015

رد: العيش مع أهل الزوج

السلام عليكم

اولا شكرا على الموضوع

انا شخصيا افضل بيت منفرد منحبش نسكن مع عجوزتي ماشي بسبب انو العجوز و الطفالات ماشي ملاح و انما
نحب نسكن وحدي لاني نصيب راحتي في العمل و في تصرفاتي و مكاش لي يدبر عليا
نحب نعيش لاليبارتي منحبش السيطرة
و لكن اكيد باش تكون عندي غرفة في بيت شيخي لاني نحب اللمآت و التجمعات و منحبش نبقى مسجونة وحدي في داري

و الخير عند ربي و منعرف وين يكون
المهم الهنآ متهمش الدار

و شكرااا

Hakan · 28 جويلية 2015

رد: العيش مع أهل الزوج

السلااام عليكم
نحكيلكم على عايلتنا وانتوما تحبو تديو الخير
حنا من عاداتنا انو الابن الاكبر لما يتزوج ما يسكنش وحدو
وعلاش رايح نقلكم انو ما يقبلش الوالدين يسكن ابنهم وحدو هو وزوجتو فقط
يعني على الاقل لازم يكبرو اولاد ابنهم هكاك باش الزوجة نتاعو ما تبقااش وحدها في البيت خااصة
لما يكون الرااجل انسام متنقل او العمل نتاعو يظطرو انو يبعد على البيت
يعني ما تصلحش الزوجة تبقى وحدها ومن بعد تعود تبعث على واحد من الاهل يجي يبات معاها
يعني كل حااجة والوقت نتاعها
وكل حااجة والفضل نتاعهاا
الحمد لله حاليا ساكنين حنايا جيران مع الجد حفظه الله ورعاه يعني بيناتنا فقط حيط كيما نقولو ودايرين باب
اذا تحب الوالدة نتاعي تروح ليهم او جدي يجي لينا والحمد لله
عايشين بسعادة وهنااء
كاين اللي تقول نسكن وحدي وماالى ذالك لكن البركة لما تسكني مع والدين زوجك كبيرة اولها المسااعدة في تربية الابنااء
وهذا باعترااف من الوالدة نتاعي قاتلي لما ولدت انايا كانت جداتي رحمها الله من اكثر النااس اللي هناوها مني منين كنت صغير وساعدتها في التربية نتااعي
البيت منفرداا يجي من بعد وباش تاني الزوجة ما تكونش انانية ماشي نهار تزوج ودير ولاد ونهار يكبر الابن نتاعها ترجع تقلو وانا ربيتك وسهرت عليك ومن بعد خليتك

انا ما رانيش رايح نصوت لانو التصويت يقبل خيار وااحد لكن نقول اني نوافق عليهم في زوج وكل حااجة في وقتهاا
ماشي نزوج منا نهرب على ميمتي منا ونرجع كل دقيقة عند الزوجة نتاعي يعني اذا هي تلقى الرااحة نتاعها وانا وين هي الرااحة نتاعي لما نخرج للعمل ونخليها هيا مع الابن نتاعها الصغير او هي وحدهاا يعني ما تجيش طوول
نوافق على دار للزوجة نتاعي وحدهاا بشرط واحد انو تكون كيما دارنا حاليا يعني انا ووالدي حيط النص هي في المملكة نتاعها وتقدر تتصل بالام نتاعي وتقدر تدخل للبيت نتاعهم ويزوروها وتزورهم اما بعيد عن والديا فالتسامحني زوجتي المستقبلية هادي غير انسايها ....

آمِيْرَتُه · 28 جويلية 2015

رد: العيش مع أهل الزوج

ماشاء الله آخي حكيم

انا كي عطاوني سكن و الحمد الله قلت لأخت زوجي أنها تروح معايا تسكن حتى أنها حسبتني راني نتمسخر قتلها نحكي صح تروحي معايا انا منروحش وحدي هههه

بنقابي افتخر · 28 جويلية 2015

رد: العيش مع أهل الزوج

تم التصويت.
سكن خاص
باختصار لاني محجبه ومانيش لاقيا راحتي في بيت العائله
يعني السخانه وزيد الخمار في الدار بفففففففففف

BLEU PEARL · 28 جويلية 2015

رد: العيش مع أهل الزوج

السلام عليكم
تم التصويت على البيت المنفرد
ﻻني وبصراحة نحب نكون مرتاحة مع زوجي نخلي روحي عزيزة عند أهل راجلي نعرضهم ويعرضوني نزورهم ويزوروني
ﻻني عندي مشاريع نتمنى يتحققو
مع أني مانرفضش نعيش عام ولا عامين مع أهل زوجي ثم ننفرد بزوجي
نحب نبعد على المشاكل خاصة خاصة اءا فيه العزاب بزاف
قليل وين تلقى بيت خالي من المشاكل ومتفاهمين
العناد الحسد الغيرة مشاكل الأطفال
رانا كامل عارفين وسامعين حكايات
وربي يهني كل واحد

mà_dikrà · 28 جويلية 2015

رد: العيش مع أهل الزوج

كي نحب زوجي
نحب عـآيلتو ونرضيهم مرضية لزوجي
ونـصآحبهم
ومنخلهـآش حـكآيآت تآع تـشنآف وتـقآبض الزوجه مع لعجوزة
والطفلات جآآآآآآآآآآمي تـصرآ إن شآءَ الله
وين يكون زوجي نكون آنـآ ونرضىَ
تم
إنتهىَ

شكراً عل الموضوع ^^

{مُدَلَّلَتُهُ} · 28 جويلية 2015

رد: العيش مع أهل الزوج

السلام عليكم و رحمة الله و بركاته

شكرا على الإستطلاع ما عرفتش على واش نصوت لأنو الـ2 عندهم محاسنهم و عيوبهم

تعيشي مع دار عجوزتك كاين مين ذاك يكونو مشاكل . مشكلة الحجاب بالأخص لا كان عندهم شباب . و الخصوصية في الحياة الزوجية تولي قليلة الناس مدخلين رواحهم لأنهم يكونو على علم ببعض الأشياء الي لوكان تكوني في دارك ما يسمعوش بيها بصح إيجابياتها ولادك يترباو تربية حسنة تساعدك العجوز باه تقومي بيهم بالخصوص الولد لول ما تعرفي كي ديري معاه

و العيش في دار وحدك مليح تكوني انت و زوجك تعيشي على راحتك ماكان الي يقلقك بصح لوكان يبات نهار برا بحكم ظروف عمل ولا حاجة أخرى تتغبني. الولاد لازم تقعدي في الدار تربيهم ماكانش الي يعاونك فيهم . الخبرة قليلة و ماكانش الي يوجهك مشكلة

من جيهتي صوت على البيت المنفرد . . . مع أني من مشجعين بيت العائلة في السنوات الأولى خصوصا

الزهرة الحمراء · 28 جويلية 2015

رد: العيش مع أهل الزوج

السلام عليكم
تم التصويت للبيت المنفرد بسبب بزاااف حوايج منها كيما قالوا الاخوات لموضوع اللباس ماتكونش عندك الحرية التامة تلبسي واش تحبي
لكن اذا كنت مضطرة نعيش مع عجوزتي عادي نقبل ماعندي مشكل

أم أحمــــد يــسّ · 29 جويلية 2015

رد: العيش مع أهل الزوج

اهيييييه يا الدنيا....تجري الرياح بما لا تشتهي السفن..
كون جينا على الهدرة وواش نتمنو رانا بنينا قصور ....
كنت نقول بيت العايلة لاني عايشة في عايلة كبيرة وتعودت على اللمة وكنت نقول علاه الوالدة تربي وتكبر وتتعب باه تجي وحدة تدي ولدها
وتحرمها من طلتوا عليها صباح وعشية..كنت نقول يماه كيما يما واللي ماعندوش خير في امو ماعندوش خير في زوجتو ...
وان الدنيا فانية اكيد مش راح اطول العيشة ولا ادوم لاخر لعمر وهذي لحياة فيهاالموت ساااهلة ومقدرة علينا...
بالصح تقلب كلشي انا زوجي امو متوفية من صغرو ونسكنو وحدنا وبالرغم الراحة في اللباس والحرية في التعامل لكن تصدقو تقول مهجورين. الباب كي يطبطب نفرحو..
وزيد تعبت كل ما يسافر نرفد كابتي ونروح لاهلي ” متنقلة دايما ”..
ربي يرزق كل واحدة راحة البال وين ماكانت وزيد العايلة مش غول يكفي انها انجبت زوجا وخليلا لطول العمر...

أم أُنٌَيسة · 29 جويلية 2015

رد: العيش مع أهل الزوج

السلام عليكم
كيما قالت دكرى ، وين يكون نكون
قالي وحدك ماحبيتش ، حابة نكون مع امو و نروح معاه الا كانت الوالدة راضية ان شاء الله
و بالنسبة للالتزام راهو واجب حتى وفي دارك وحدك لانو ربما يجي ضيف مارايحاش تقعدي هكداك بلا حجاب
و الله اعلم
تحياتي

مسك وعنبر · 4 أوت 2015

رد: العيش مع أهل الزوج

السلام عليكم أنا من جيهتي نحب تكون عندي داري وحدي على خاطر كل واحد وعقليتو وطريقة تفكيرو وزيد كي تكون لمرا عايشا مع أهل الزوج الخصوصية تنقص والراحة أيضا بالصح مانيش ضد فكرة نسكن مع دار راجلي لفترة من الزمن بحكم الضروفالمعيشية الصعبة بيدما تكون عندنا دار .... مشكورين على الإستطلاع والله راهو جزء من حياتنا اليومية كمجتمع جزائري مع تحياتي

نَدَى اليَآسَمين · 4 أوت 2015

رد: العيش مع أهل الزوج

بارك الله فيكم أرى في الإستطلاع البيت المنفرد في الطليعة لكن من خلال ردودكم الأغلبية يؤيدون بيت العائلة

عموما والدتي دائما تقول المرأة لازم تعيش في دارها وحدها بصح الوالد عمرو ولا شاطرها الرأي دايما يقولي المرأة لازم تعيش مع أهل زوجها 5 سنوات على الأقل تدير تربص تعرف طباعه و واش يحب تتعلم ترعا العائلة الكبيرة و تكبار البال تتعلم تتكيف مع الضيوف مع الظروف مع الأذواق المختلفة عندما تجتمع في بيت واحد تتعلم ترعا أولادها لأنها خبرتها قليلة . لو يحدث مشكل بينها و بين زوجها ما يتفاقمش يكون كاين الي ينقص الظغط و يرجع المياه لمجاريها ' خصوصا اذا كانت العجوز طيبة و كانت المرأة كاسبتها في صفها "

YARA 26 · 4 أوت 2015

رد: العيش مع أهل الزوج

انا افل العيش لوحدي تفادي من المشاكل

همس الوُرود · 20 أوت 2015

رد: العيش مع أهل الزوج

تم التصويت~

mirajiji · 10 جانفي 2016

رد: العيش مع أهل الزوج

انا شخصيااا نفضل العيش وحدي و حلم حياتي نكون من نهاري بداري حنا اصلا في لا فامي تاعنا مكانش عروس تسكن مع العجوز اكل نديرولهم دارهم من النهار الاول نخلوهم يعيشو حياتهم و بالنسبة لعروس لعادت بنت اصل اكيد رايحة تقول فاميلت راجلي و لا عادت العكس نبعدو المشااكل لانو حتى لو كانت الزوجة عسل و اهل الزوج عسل كاينة حاجة يسموهااا الشيطان ملا يتفارقو بالملاحة خير على واحد مايحكي مع خوووووووه

خفيفة الروح · 14 جانفي 2016

رد: العيش مع أهل الزوج

انا اوافق

العيش مع أهل الزوج

هل تفضل العيش بعد الزواج في :

بيت منفرد

بيت العائلة

:: عضو مُشارك ::

:: عضو بارز ::

:: عضو بارز ::

:: عضو بارز ::

:: عضو بارز ::

:: مراقب عام ::

:: عضو بارز ::

:: عضو بارز ::

:: عضو بارز ::

:: عضو بارز ::

:: أستاذة ::

:: عضو بارز ::

:: أستادة ::

:: عضو بارز ::

:: عضو مُشارك ::

:: عضو مُشارك ::

:: عضو بارز ::

:: عضو بارز ::

:: عضو منتسِب ::

:: عضوية محظورة ::

المواضيع المشابهة