اعطوني رايكم قبل ما نتورط

سلام
البنات ان شاء الله راكم بخير
خطبني واحد خدام معايا
وانا عاجبني وهو معجب بيا اكثر
بصح المشكل ظهرلي بلي هو متسلط بزاااف
حابني نحبس الخدمة ونبدل الصحابات ويحب يعرف وين رحت وش درت وشكون عيطلي بتفصيلة التفصيلة
وديما يقلي حابك تعيشي على جالي نحبك ليا وحدي متهدري مع حتى وااحد لا في اطار خدمة ولا نشري
يحوس يولي ديما معايا ويقلي انا نديرلك كلش باصغر حاجة لاكبرها
مع انو متربي وولد فاميليا الله يبارك
بصح انا حاساتو خنقني مع اني نحبوو ومش نحوس نفرط فيه
وش ندير وديما يقلي متخلينيش خاطر تاع الصح يحبني
زعمة نقدر نبدلو؟
انتم وش رايكم كون جيتو في بلاصتي
​

السلام عليكم اختي
سبحان الله تقول راكي تحكي عليا
شوفي ما نقدر نقولك كملي ما نقدر نقولك حبسي
استخيري ربك ثم قلبك الا حسيتي بلي تحبيه وهو راجل لا يعوض وأخلاقو عالية ما تفرطيش فيه لا علاجالت الخدمة لا علاجالت الصحابات
مي وجدي روحك التسلط مع الوقت رايح يقوى ويلغيلك شخصيتك وتولي تتحركي بإشارة منو وتحبسي بإشارة والغلطة بحقها
اللي يشفعلك حبو ليك ممكن يقسى عليك مي مستحيل تكوني معاه تعيسة
راني نحكي عن تجربة وهاد الشي عايشاتو مع خطيبي
انا تاني حبسني مالخدمة وما جيت نقنعو باش نخدم مرة اخرى بالسيف
ودركا وين نتحرك ووين نروح ووين نجي كلشي بعلمو وبمشورتو
حرمني انا تاني من صحاباتي ومن الخرجة معاهم وحرمني من شحال من حاجة
مي عوضني بحاجات اخرين وراني حاسة روحي رح نكون سعيدة معاه ونعيش فالأمان
ملاحظة : ما تقدريش تبدليلو العقلية مهما حاولتي ولاكان تنازلك على حاجة اعرفي بلي لمحبتو وليس اقتناعا

ربي يسهلك الخير وين ما كان يا أختي
​

السلام عليكم اختي
اول حاجة استخيري ربي سبحانه هو رايح يسهلك امورك
ثانيا مانعرف انا نشوف كامل الرجال هكا ومانعرف على خاطر انا تاني خطيبي كانت بيني وبينو معريفة لمدة عام قبل مايخطبني وكانت عندو العقلية هاذي يحبني كل صغيرة وكبيرة نديرها نخبروا بيها وواش ندير لازم يعرفوا يقولي لازم انا اول واحد نعرف التحريكة تاعك وانا الحاجة هاذي تعجبني نحسوا يهتم بيا ويحب يعرف كل شي
غاليتي يبقى اتخاذ القرار ليييك ولا تنسي الاستخارة والاستغفار
دمتي في رعاية الله وحفظه ​