منتجاتنا ، دهن الخنزير ~الى اين ؟!

قال لؤلؤة قسنطينة:

وعليكم السّلام ورحمة الله وبركاته
صار هكا يا مصيبة تمنشري فيا على المباشر هههه
والله موضوعك مهم جدّاً , أنا في بالي رايحة توضعي موضوع تاع تمنشير وثرثرة
بصح ظهرتي خير عليا هههه , الله يبارك لا نعاينك

نوليو للموضوع , بصراحة راهم يسربو في المنتجات لي حرام نتناولوها حنا كأمة مسلمة
وحنا ناكلوها بدون علم منا, وصدقيني أول مرة نسمع بيها حكاية الشيكولا هادي لي مخدومة بدهن الخنزير ولا معرف واش

لكن مرة والله وحدة حكاتلي على ختها تخدم في بلاصة يخدمو فيها الحلويات التقليدية
قاتلي بلي ختها لقاتهم يدهنو واحد القاطو ماعلاباليش كيفاه اسمو بدهن الخنزير
والشعب كامل ياكل فيه بلا علمهم, وقاتلي في الاخير بالاكي تقولي خاطر ختي كن يفضحوها يحاوزوها
قلتلها تتمسخري بيا؟؟ نسكت على حاجة كيما هكا ؟؟ راحتلي برك اسم القاطو ماعطاتهوليش

يعني ناس ماتخافش من ربي, اما حكاية الكوكاكولا راني نحيتها هاداك العام
أصلا المشروبات الغازية فيها ضرر بلا حكاية دهن الخنزير
نفضل نشرب عصير أحسن

ويعطيك الصحة كي تفكرتي هاد المنتجات لي يقدموها للأطفال بحكم راهي حلوى وهي تفسد عقول الأطفال
كيما تاع القارو وكيما قرع صغار فيهم الحلوى شبيهة بقراعي الخمر وخلي وخلي
حنا كنا ناكلو حلوى على شكل سنين بك ههههه أما هاد الحوايج تاع درك والله يتعافو

وبارك الله فيك وجزاكِ خيراً لي ذكرتيلنا هاد الرموز باه نديو حذرنا , خاطر رانا قاعدين ناكلو في الحرام بدون علم

تحياتي الخالصة لكِ على موضوعكِ القيّم وربي يسترنا هادا ماكان
تقبلي مروري ​

إضغط للتوسيع...

قال Perle Blanche:

السلام عليكم
الصلاة و السلام عليك حببيبي يا رسول الله
جبيبتي يعني بلاك لي رايح يشوف موضوعك يقول انا علبالي بيها هاذي مي هل صح رانا نطبقوو فيها و منشروش هاذ المنتجات في بالي حنا رانا نساهمو بنسبة كبيرة لهاذ المنتوجات تنتشر على خاطر هنا رانا نستهلكوو فيها خلينا من عمي الوزير الله يهديه هذاك و لا غيرو في بالي عمرهم محوسوو على حاجة تنفع المهم مشيهاا و خلاص
الحاجة اللي لازم حنا كمستهليكين نديروهاا نحميو صغارنا من هذيك المنتوجات و نحاولو نبهوهم و منعرف الا نقدروو نتحكمو شوية في عدم استهلاكها مع اني شايفة فيها قلة وعي الانو الطفل حتى كي تقنعيه نتياا بل يماشي مليحة بلاك مع صحابو يشروها و ياكلها و نتياا ما تدري
انا في بالي حاجة كبيرة كيما هاذي الا حابين نقاطعوهاا لازم تكون حملة مسموعة لوزيرناا
يعطيك الصحة على الموضوع فيه تذكير بحوايج لازم نتفاداوهاا
بارك الله فيك تقبلي مروري​

​

:regards01:​

إضغط للتوسيع...

قال Lovely ღ smile:

السلام عليكم و رحمة الله و بركاته

ياا تبراادي الكوكا أنا نموت عليها راني شابعة لحم حلوف مالا

ياا ربي تستر

و زدتي الشيكولا جامي خممت نقرا فيها حاجة ما عدا تاريخ انتهاء الصلاحية

الله يسترنا !

بارك الله فيك اختي و ربي يجازيك الجنة
​

إضغط للتوسيع...

قال jiji la star:

السلام عليكم​

أشكرك أختي على الموضوع الرائع و المفيد​

حقيقة أصبحت كل منتجاتنا من الخنازير وغيرها من المواد الضارة و المسرطنة هذا السبب يدل على بلادنا تستورد أكثر ممّا تتصدر
ولكن ..ماذا تستورد ؟ ومن أين؟:scared01:
يبقى السؤال مطروح..

نحن شعب نستهلك فقط
عندما نشتري لا نقرأ المكونات سواءً أكل أو مشروبات أو مواد تنظيف أو مواد تجميل :cray02:التي باءت نتائجها وخيمة دون فائدة على الإنسان..​

أنا عندما كنت أدرس في الجامعة على مدار كامل السنوات وأنا أشتري الأكل وأحيانا أطبخ بنفسي عندما يوجد لديّ وقت ولكن كنت أشتري منتج "اندومي"غالبا مايحبه النّاس ولا يعرفون مكوّناته وهو الذي يحتوي على مادة مسرطنة تسبب سرطان بالرحم للمرأة ممّا يسبب لها العقم لاحقاً وأخرى ..(عفاني وعفاكم الله منه)ولكن الجوع والظروف الجامعية حتّمت علياّ أن آكله
تعلمون أكل الجامعة إلا من رحم ربي
والحمد لله أنني ابتعدت عنه من خلال نصيحة صديقة مقرّبة جزاها الله

أضرار المادة ( 621 E) :
هي عبارة عن مادة تستخدم لتحسين الطعم وهذه المادة لها أضرار جدا خطيرة ومن أشد أضرارها أنها تعمل على تسمم المخ وكذلك فقدان الذاكرة وتهور القدرات العقلية . وتسبب كذلك حدوث بعض الأمراض الخطيرة مثل : الشلل والزهايمر والسرطانات عند الإكثار منها خصوصا : سرطان الثدي عند النساء ، وضغط الدم زغيره من الأمراض التي لا يمكن تصورها . وهذه المادة أحد مشتقات المادة الخطيرة جدا وهي ( مونوصوديوم غلوت ميت ) .​

أضرار المادة مقتبسة من صفحة أخرى للأمانة​

وشكرا لك
تحياتي​

إضغط للتوسيع...

قال oumaima m:

اختي مشكورة على الموضوع
انا من وجهة نظري اضع كل اللوم على الحكومة و الدولة و القائمين عليها لوكانو مهتمين بمصلحة الشعب و يحترمو الدين الاسلامي لما تقبلوا اكل منتجات تحتوي على مشتقات الخنزير لكن للاسف المسلمين اصبحو امة مستهلكة و صرنا بعيدين كل البعد عن الانتاج و التصنيع لاننا اصبح اتباع الغرب في كل شيئ بداية بالعادات و التقاليد الى الاكل و الكلام و اللباس ..................... و لا تنتهي الواو

لكن ماذا عسانا نقول غير اللهم اصلح حال اولياء امورنا

هناك الكثيرون ممن يقرؤون ردي و لم و لن يروق لهم لكن للاسف هكذا اصبح حال الامة الاسلامية فقد سيطر علينا الغرب في كل شيئ

فانظرو الى حال الدول العربية هل هي في سلام ام في حرب و اي حرب حرب اهلية اليس هذا من تدبير الغرب

اسفة ان كنت غيرت الموضوع لكن هذا ما خطه قلبي و هو في حالة حزن على ما الت اليه امتنا العربية

هذه وجهة نظري ...........انا اسفة ان كنت عارضت وجهات نظركم



​

إضغط للتوسيع...

قال بقايا إنسان:

السلام عليكم اختنا الكريمة:انا نقول علاش راحت الغيرة على بنات بلادنا هههه هذا راه دهن الخزير جابولنا الوزير وفي كل المشروبات كما راكي تحكي وراني كتبت الحروف لي وضعتيهم هنا ربي ينورك هههه بصح انا منكلش الشكولا ولا نشرب بيبسي ولا ناكل قاطو هههه والله راني نحكي بجد نستعمل معجون الاسنان بصح منكلوش يعني تقدري تقولي منعت هههه بصح ولادنا الصغار مشكل صح وزارة التجارة همها غير كفاش دير الشكارة ونضن راكي فاهمتني
المفروض القسم هذا نتاع ختنا لؤلؤة قسنطينة كي تحكي تبرد القلب
انا تقريبا منعرفش غير راني بديت نتعلم
كثرت عليك الهدرة ختي سامحيني بزااااااف ومشكورة جدا على المعلومات القيمة
دمتي مفيدة

إضغط للتوسيع...

قال jenan sahra:

السلام عليكم
شكرا على الموضوع الهام...
اصبتي في كل ماقلتي عزيزتي جزاكي الله خيرا
نعم نحن شعب نستهلك فقط ونأكل بدون وعي او ثقافة غذائية
اضافة الى مواد التجميل واضرارها لكن هل تتوقف النساء عن استخدامها؟
اما المواد الكحولية ف.......ياك الدولة رجعت الخمر حلال؟ وقالك ممكن تولي تشريه
من الحانون كي القازوز عادي..وزيد. بعض. المشروبات داخلة فيها نسبة كحولية,.
يعني راح يولي حلال بالسيف؟ هذا ياسيدي كلو من وزرائنا ....
ربي يهدي. مي من المفروض الشعب يوقف وقفة رفض ومقفاطعة لهذي المنتوجات
شكرا ع الموضوع ربي يحفظك

إضغط للتوسيع...

قال الزهرة الحمراء:

السلام عليكم اختي
يعطيك الصحة على الموضوع الرائع تاعك
واش يجيك من وزارة عادت تحلل بيع الخمر يعني نورمال تحلل تاني أكل مشتقات الخنزير ربي يهديهم برك رهجوا الشعب
وزيد حنا تاني شعب ياكل بلا مانقرا وانا وحدة منهم مانقولش زعما انا نقرا والله على حاجة الشيكولا ناكلها مانكذبش وجامي قريت والكوكاكولا نشربها ربي يسترنا هذا ماكان
اختي يعطيك الصحة
دمتي في رعاية الله وحفظه ​

إضغط للتوسيع...