حابة نهرب من الدار

م

مشكلتي

كلمة المرور: 4algeria2024
إنضم
19 أكتوبر 2013
المشاركات
778
نقاط التفاعل
4,351
النقاط
51
السلام عليكم

إن شاء الله راكم لاباس

أنا حبيت نطمنكم عليا ونقوللكم بلي ماهربتش ومازلت قاعدة في دار والديا وراهي راحتلي كل الوساوس تع من قبل بعد ما قريت وش كتبتولي و حبيت نوقف مع أهلي في كل صغيرة وكبيرة ونتعامل بلطافة معاهم حتى لو كانو مش ملاح معايا وراهم بداو يتبدلو عليا وولاو يتفهموني وحتى خواتاتي ولاو يسمعولي وينصحوني بعد ماكانو ديما ضدي هوما تاني ويعيطو عليا كيما ماما

حبيت نشكركم على قلقكم عليا و سؤالكم وخوفكم شكرا لكم

جزاكم الله خيرا على وقفتكم معايا

​
 
رد: حابة نهرب من الدار

وعليكم السلام الحمد لله

ربي يوفقك ان شاء الله ويحفظك لعايلتك
 
رد: حابة نهرب من الدار

السلام عليكم اختي الحمد لله على سلامتك
وفعلتي عين الصواب
ربي يعطيك ماتتمناي ويحفظك
 
رد: حابة نهرب من الدار

و عليكم السّلام ورحمة الله وبركاته
أهلا بحبيبتي ^^

الحمد لله على كل حال
بارك الله فيكِ غاليتي, هكا تكون البنت العاقلة وبنت الأصول
الكلمة الطيبة دايما تديك للطريق الصحيح وتخلي قلوب الناس قريبة ليك

كيما سبق وقلتلك هادي فترة مراهقة فقط , والأنثى تكون فيها حساسة بزيادة
وراني حكيتلك من قبل حياتي كيفاه كانت وكيفاه كنت نشبه لختي في كثير من الأمور

الحمد لله لي عرفتي معنى دفء الاسرة وبالشوي درك تعتادي هاد الدفء حتى يجي نهار وين تضحكي على كلمة " حابة نهرب من الدار"
خاطر ماتلقايش خير من دارك وعايلتك
ربي يحفظك ختي وان شاء الله تكوني من الذرية الصالحة يارب

وكي تحتاجي اي حاجة احكيها معانا, رانا هنا نسمعولك ونعطيوك النصائح لي نقدرو عليها

تحياتي حبيبتي ^^​
 
رد: حابة نهرب من الدار

الحمد لله

هي فترة تحسي روحك وحدك ومكاش لي يفهمك !
و زيدي راكي قلتي وليت نعامل فيهم بلطافة~
يعني العلة فيك ههه
وفترة المراهقة صعيبة وبزااف !
الله يعاون الجميع
ويهدي الجميع
موفقة~
 
رد: حابة نهرب من الدار

السلآم عليكم~

فرحتيني أختي ~هذآ يدل على تعقلك و درآستك للأمور وعدم التهور~

ربي يحفظك لأهلك و يخليك ليهم ~ هكذآ رآكي آمنة أختي .. الحمد لله على سلآمتك..

كوني بخير وكش مآتحتآجي رآنآ هنآ نعآونوك غآليتي ..^^عملتي مليح ~ ربي يعينك في حيآتك

تحيآتي ~​
 
رد: حابة نهرب من الدار

السلام عليكم و رحمة الله و بركاته

الحمد الله أختي الي رجعتي للصواب و بقيتي في داركم ماكانش الي يرفدك من غيرهم

ربي يكملك بعقلك . . . !
​
 
رد: حابة نهرب من الدار

السلام عليكم
الصلاة و السلام عليك حبيبي يا رسول الله
ايه خليك هكاا و الا حسيتي بأي ضعف تقدري ديما ترجعي هناا باه نكونو معاك الله يرضى عليك ختيتا
و يريح بالك صدقني مشاكل في كل عايلة تصراا عادي المهم الواحد مهما صار مينساش خير والديه عليه
انا نقلك نشوف في والدياا معصومين من الخطأ يعني مهما داروو صدقيني نعتبرها حاجة متبانش قدام اللي داروه على جالي يعني كل مكتضعفي كل متقلقي تفكري هاذ الحاجة ترجع يلعقلك و تضحكي على روحك تقولي واش راني ندير واش راني نهدر هاذو اهلي و ناسي و اللي تجي منهم حلوة عمرها متكون مرة ​
 
رد: حابة نهرب من الدار

السلام عليك

على سلامتك آختي


الشارع ميرحمش و ساعات العبد يكره و يحكمه التوسويس ربي يفرجها عليكم
 
رد: حابة نهرب من الدار

السلام عليكم اختي الحمد لله على سلامتك
وفعلتي عين الصواب
ربي يعطيك ماتتمناي ويحفظك

​
 
رد: حابة نهرب من الدار

السلام عليكم
هايا مزيا لحمد لله ... مهما كانوا وداروا معااااك يبقاو اهلك
ربي يخليك ليهم ويخليهم ليك
نحن هنا معكم في محنكم ... لا تترددوا في طرح مشاكلكم
مهما قسينا عليكم في الكلام لكنه يبقى لمصلحتكم وفي صالحكم
دمتِ بخير
​
 
رد: حابة نهرب من الدار

الحمد الله
وربي يرفع عليك الضر
 
رد: حابة نهرب من الدار

الحمد لله خبر مفرح
 
رد: حابة نهرب من الدار

السلام عليكم
الحمد لله والله من بارح وانت فبالي خفت ديريها يا اختي اهلك اهلك مهما دارو لو نعاندوهم ونسمعو كلام اللي يعايرونا يه تقولي نحرقهم ههههههه معاير الصوارخ ارحم منهم مي والله لو تصرا لامك حاجة تهبلي
الحمد لله ربي ما حبلكش الخسارة شفت الزعاف والتوسويس واش يديرو الله يهدي بالك ويرضي عليك اهلك الحمد لله خبر مفرح بالتوفيق
 
رد: حابة نهرب من الدار

الحمد لله
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top