- إنضم
- 3 أوت 2010
- المشاركات
- 3,882
- نقاط التفاعل
- 4,446
- النقاط
- 1,516
- الجنس
- أنثى
السلآم عليكم ورحمة الله تعالى وبركاته
واش رآكم ناس اللمة؟! إن شاء الله رآكم كامل بخير
إيـــه شحال عندي ما كتبتش موضوع هنا، ديما نقول نحط موضوع مي يحكمني التفنيين باش نكتب، أيا اليوم جيت وجبتلكم موضوع نورمالمو راكم عرفتوه من العنوان، وهو ''رقصة الآي آي والواي والواي'' ممكن حكآو عليه الأعضاء من قبل مي رانا نشوفو بلي هاذ الكارثة راهي زايدة وتنتشر في المجتمع الجزائري وما قدرتش ما نفرغش قلبي
هذي الرقصة لي عندها زمان وحنا نسمعو بيها، ولينا نشوفوها في كل بلاصة، في الليسي، في لافاك، في الأعراس ومام حتى في الشوارع
، علابالكم كي نشوفهم يشطحو فيها نتخيلهم حاشاكم ديناصور معوق، مي الحاجة لي محيرتني هي علاش لي يشطحو ''الآي الآي والواي واي'' يكونو مشنفين؟! ولي تهدرلو يقلك راهي لامود هذي الشطحة...أنا نقلك يا وليدي ويا بنتي الله يلعن لامود كما هذي، خليني متخلفة أحسن لي من تطور وحضآرة كما هذي
،...
نهار الخميس لي فات كنت في عرس ولد عمي وكنت حاكمة DJ، كنت نحآول باش n'éviter أغاني الراي وما نديرهمش على خاطر على بالي الديناصورات كامل ينوضو يشطحو في ''الآي آي والواي واي'' بلا حشمة بلا قدر للكبارات لي راهم قاعدين، وكل دقيقة تجيني وحدة ديريلنا ''الواي واي'' نولي نديرها 2 دقايق ونبدل على خاطر يوجعني قلبي من الشطحة نتاعهم، غير نحبسها يزدمو علاه حبستيها رجعيهااا، نقلهم منبعد شوي ونحآول نسيهم في الراي، مي يعاودو يرجعو ليآ هبلوني نتاع الصح، ما فهمتش واش عجبهم في الشطحة هذي؟ أنا نظن واحد بعقلو ما يشطحهاش، وزيد على هذا (ممكن هذي المعلومة ما علابالكمش بيها) بلي لي يشطحو الآي آي والواي واي يديرو علامات الماسونيين وعبدة الشيطان، لازم هذي النقطة نبهو بيها خآوتنا لي راهم يشطحو فيها ويحسبو رواحهم راهم يمشو مع لامود، وزيد على هذا الأغاني لي راهم يشطحو عليهم كلماتهم ما عندها حتى معنى
، بالاك واحد مهبول يكتب كلمات خير منهم،.. كما واحد يغني الراي يقول ''نشوفلك opticien يصنعلك نواظر لاطاي 32'' قولولي يرحم والديكم من وقتاش النواظر ولاو يتقاسو بلاطاي
؟، وواحد ثاني يغني على ''shompoing و gel douche'' والكارثة يا عباد ربي واحد يغني على dalle de sol ويقول '' يحيا dalle de sol'' أيا قولولي ''dalle de sol'' الناس يحيّوه؟!
فهموني الله يستركم راني قعدت بلا مخ
، ونزيدكم حتى المحقق كونان وماخلاوهش آلاز، وقلبوها une chanson نتاع الآي آي، ما فهمتش وين رانا رايحين؟، ما خلاو حتى واحد ما علموهش يشطح هذا الشطحة حتى الذراري الصغار و les mongoliens ما خلاولهمش البراءة نتاعهم
قلنا بالاك جا فيروس ما يطوّلش ويروح، مي رآنا نشوفو بلي هذي الشطحة زايدة وتمشي
ما عندنا ما نقولو غير ربي يهدينا
في انتظار ردودكم وآرائكم
في رعآية الرحمان وحفظه.
واش رآكم ناس اللمة؟! إن شاء الله رآكم كامل بخير
إيـــه شحال عندي ما كتبتش موضوع هنا، ديما نقول نحط موضوع مي يحكمني التفنيين باش نكتب، أيا اليوم جيت وجبتلكم موضوع نورمالمو راكم عرفتوه من العنوان، وهو ''رقصة الآي آي والواي والواي'' ممكن حكآو عليه الأعضاء من قبل مي رانا نشوفو بلي هاذ الكارثة راهي زايدة وتنتشر في المجتمع الجزائري وما قدرتش ما نفرغش قلبي
هذي الرقصة لي عندها زمان وحنا نسمعو بيها، ولينا نشوفوها في كل بلاصة، في الليسي، في لافاك، في الأعراس ومام حتى في الشوارع
نهار الخميس لي فات كنت في عرس ولد عمي وكنت حاكمة DJ، كنت نحآول باش n'éviter أغاني الراي وما نديرهمش على خاطر على بالي الديناصورات كامل ينوضو يشطحو في ''الآي آي والواي واي'' بلا حشمة بلا قدر للكبارات لي راهم قاعدين، وكل دقيقة تجيني وحدة ديريلنا ''الواي واي'' نولي نديرها 2 دقايق ونبدل على خاطر يوجعني قلبي من الشطحة نتاعهم، غير نحبسها يزدمو علاه حبستيها رجعيهااا، نقلهم منبعد شوي ونحآول نسيهم في الراي، مي يعاودو يرجعو ليآ هبلوني نتاع الصح، ما فهمتش واش عجبهم في الشطحة هذي؟ أنا نظن واحد بعقلو ما يشطحهاش، وزيد على هذا (ممكن هذي المعلومة ما علابالكمش بيها) بلي لي يشطحو الآي آي والواي واي يديرو علامات الماسونيين وعبدة الشيطان، لازم هذي النقطة نبهو بيها خآوتنا لي راهم يشطحو فيها ويحسبو رواحهم راهم يمشو مع لامود، وزيد على هذا الأغاني لي راهم يشطحو عليهم كلماتهم ما عندها حتى معنى
قلنا بالاك جا فيروس ما يطوّلش ويروح، مي رآنا نشوفو بلي هذي الشطحة زايدة وتمشي
ما عندنا ما نقولو غير ربي يهدينا
في انتظار ردودكم وآرائكم
في رعآية الرحمان وحفظه.
