كترة الغيرة والحسد والكره إلى متى ....

قال لؤلؤة قسنطينة:

السّلام عليكم
شكراً على الموضوع غاليتي
فعلاً الغيرة والحسد كاينة في كل وقت وفي كل زمان
ترجعي 10 سنين للوراء تلقاي ناس بكري كانو يعانيو منها
تولي لوقت لدرك تلقاي الناس مازالت تعاني منها وهادي في كامل ولايات الوطن ماش غير في ولايتكم
خاطر الناس لي ماتخافش ربي في كل بلاصة وفي كل بقاع العالم
لي ماتزوجش يحسد المتزوج ولي ماعندوش ولاد يحسد لي عندو ولاد
ولي ماقدرش يقرا يحسد لي قرا وهي رايحة

إذا ربي ماكتبلكش حاجة ماتروحش ترجع الغضب تاعك في الناس ياك ربي لي يرزق ماش العبد
ولا تعارض في أمر ربي؟؟ اذا الزواج كي يوصل وقتك يجيك مكتوبك ولو تكون مخبي في أعلى قمم الجبال
وإذا لولاد نفس الشي وهي رايحة , حنا كي تنقصنا حاجة بدل مانروحو لربي ونطلبوه يمدلنا ما عطا لباقي الناس حن انروحو نحسدو الناس ونعارضو في ربي سبحانو والله عيب كبير

بصح هنا تاني نوجه اللوم للجهة الثانية وهي الناس هادو لي تعرضو للحسد, حنا تاني ولينا عراسنا ماش صفة عراس
قريب تلقاهم في الجريدة وفي النت, ماشي قريب راهم لحقو للنت
وحدة تجيب ليموزين ولخرا تجيب فرقة من كوريا ولخرا تجيب القاطو تاع حريم السلطان
وبلا حكاية قبل ماتتزوج الوحدة تخبر الناس ب 10 سنين من قبل
يعني حتى حن اراحت السترة من عندنا وكتر التبذير والتفاخر حتى ولينا نجيبو العين لنفسنا

يعني هادي كملاحظة صغيرة خاطر السترة مليحة
من غير هادا ربي يهنيك حبيبتي وديري الرقية الشرعية كيما قلتي وماتبعديش على كلام ربي باه ربي يباركلك ويوفقك
وحاولي ماتجيبيش العين لروح كبالتبذير لي راهم يديرو فيه درك

ربي يوفقك ويفرحك دنيا وآخرة ويهنيك مع راجلك ويرزقكم الذرية الصالحة
تقبلي مروري
​

إضغط للتوسيع...

قال Salam Fleur:

اهلا اختي

واش راكي تحكي فيه راه صرالي انا ..... و عليها دركة قريب قاطعة علاقتي مع الناس تاع زعمة راهم عائلتي .......نزورهم غير لما تكون محتمة محتمة..... لما ديرت التعيينة .. مرت خالي هدرت فيا عجب ... لحقت قالت عليا بلي مانعرف كيفاه راه قبل بيها ..... و فاميلية تاع بابا نفس الشيء . يباركوا من فوق خشمهم ...

و لاني شفت ناس بزززاف قبلي قبل عرسهم وبعد عرسهم صرا فيهم العجب ... قررت مانخرج بزاااف مانزيد ناكل ماكلة الناس ...

و الله غير صعيبة ... لي غايظتني انه لو كنت واحدة شريرة نقول يهدروا فيا بصح كنت نحطهم في عينيا و نعامل ما شاء الله ماكانش واحدة ماجريتلهاش في عرسها و في الاخير يغيروا من حاجة اولا حق ثانيا مكتوب .........

و الله ربي يهدي

​

إضغط للتوسيع...

قال lemia23:

ا

هلا اختي شرفتي الموضوع
والله زعمة نخبي انا منيش نبرح للناس كل
زعمة منقولش للناس كل على سري
مي الناس ربي يهديهم وفرات
ميش نبذر ولا حاجة ايا قوليلي حتى كي نجحت الباك والله والله حتى لافامي كرهوني
وكرهو ماما الوغ كي تخطبت تقول قتلت روح
ربي يبقي الستر برك
مشكورة اختي على المرور​

إضغط للتوسيع...

قال hakim story:

السلاام عليكم
عليكم مبرووك عليك اختي الموضوع مالغري ماهيش وقتها
لكن معليه مبرووك عرسك وان شااء الله يتم بالصحة والعافية
يااختي السحر العين الحسد
ه>و كامل نتائج امرااض القلوب لانو كثير من النااس فسدت النيات نتااعهم ممكن نتسامحو مع النااس اللي تضربك بعين لكن النااس اللي تسحر هذي خطيرة وتدل على مرض صاحبها يعني القتل والسحر كيف كيف
النااس ما راهيش خاايفة ربي
وربي تتفرجي وتسمعي في الاخبار هذا قتل هذا اغتصاب والكثير الكثير من الآفات اللي دخلت المجتمع
لما كان الاسلاام عزيزا كان حد الساحر ضربة بالسيف
لكن اليوم الدولة راهي مغمضة عينيها لانو اغلب الوزرااء راهم يتعااملو مع السحرة والمشعوذين وهذي شفتها بعيني
لما زاار احد الوزرااء زاوية بولاية الجلفة لا على التعيين وقضى صوالحو
المهم الوااحد يحصن روحو ومذا بيها يتجنب النااس لانو عداوتهم رايحة تحصلك في متاهات
وانت لازم تعرفي عندمن تحطي قشك وسرك
ومام عندمن تزوري
هذي بنت عمتي راحت للجاامعة يعني صحاباتها ثم دارولها السحر وضركا حلفت ما ترجعش تقرى اذن ديرو حسابااتكم
وربي يهنيكم كااملااا..​

إضغط للتوسيع...

قال لؤلؤة قسنطينة:

حبيبتي ربي يهنيك ويفرحك والله ماكانش قصدي عليك
علابالي واش صرالك حقد وبغض وراني عديت عليها في مراحل دراستي
انا نهدر على فئة من الناس لي تفضح روحها وتخرج اسرارها
ورب يحفظك غاليتي من كل سوء ويبعد عليك كل نفس ناويتلك الشر
تقبلي مروري ^^ وان شاء الله نشوفوك مرة اخرى في هاد القسم
تحياتي:regards01:
​

إضغط للتوسيع...

قال ساندريلا زماني:

وعليكم السلام كامل بسبب انو كاين ناس ميقنعوش بواش عندهم
تلقايهم يشوفو في الحوايج لي عند غيرهم ينساو النعم لي عطاهالهم ربي

يوليو يأذيو الناس بالحسد والغيرة والمكائد والسحر

ربي يهدي من خلق

إضغط للتوسيع...

قال salah.f:

السحر حق والعين حق الانسان لازموا يتحصن بقراءة القرآن والصلاة ...الخ ان شاء الله حاجة ماتقيسك رب يكملك...

إضغط للتوسيع...

قال الزهرة الحمراء:

السلام عليكم اختي
اولا ربي يجمع بينك وبين زوجك فالحلال عن قريب ان شاء الله ويرزقكم الذرية الصالحة يارب
وبالنسبة للحسد والغيرة راهو عاد مرض ياكل فالناس لقلوب كحالت وقسات والناس الغيرة كي تعميلها عينيها دير العجب المعجب
عليها كثروا المشعوذين ربي يبعدنا عليهم على خاطر الناس هاجت عليهم
عندي صحبتي مسكينة دايرينلها سحر على لقراية ربي يحفظها
اختي ديري الرقية الشرعية ليك وانصحي تاني زوجك بيها هكا احسن ليكم
وكيما يقولوا عاند وماتحسدش
اختي ربي يهنيك ويفرحك ان شاء الله
دمتي غاليتي في رعاية الله وحفظه ​

إضغط للتوسيع...

قال mamatadia:

السلام عليكم اختي ربي يكملك بالخير واش نقلك اي مراة تزوجت فاتت من هنا وانا نقلق الحل ماتحكي على راجلك وزوجك الا لامك واختك والكتمان الكتمان حتى في أتفه الأمور وكي واحد يسقصيك اربطي حواجبك وقولي ماعلابلليش مازال ما وجدتش شعب يقرعح وينشر وننصحك ما تدخلي لحتى صايبة لا لعرس لا لموت بعيد الشر وفي عرسك ديري ناس توثقي فيهم يوقفوا عينيهم على كل شيء وزاد ننصحك ديري كلش سامبل يااختى والله خليهم يضحكو على رواحهم المهم قصي التابعة منك خاطر كون تديري حوايج خارقين يبقوا يتبعو فيك بالعين حتى بعد الزواج ومن بعد يتبعو ولادك والله التابعة وانوي انت وزوجك ان الوليمة تاع العرس تكون صدقة عليكم يا اختي زادا ننصحك حوايج دارك ما تنعتيهم حتى لواحد الا الضروري وكي يجيوك الناس الحسادة والغيارة نورمال ديري روحك ماكانش في الدار واحد مايسالك

إضغط للتوسيع...

قال "Dikrà":

مرحبا بلموشتي ^^

هي حالة كيما نقولوا ( معندوش الحاجة لي عند غيرو ملا يغبنو )
الله يهدي الجميع وشكراً على الموضوع ^^

إضغط للتوسيع...