مآذآ تقولون عن عطلـــــة صيف 2015 ؟؟

ضآحكة مستبشرة

:: عضو بارز ::
أحباب اللمة
إنضم
27 جويلية 2014
المشاركات
15,117
نقاط التفاعل
39,535
النقاط
13,026
محل الإقامة
العاصمة
الجنس
أنثى
السلام عليكم و رحمة الله تعآلى و بركآته

do.php


كيف حالكم

هآ نحن على بعد يومين من موعد الدخول الاجتماعي بعد عطلة انقضت
ربما كان البعض منا فيها قد استمتع في حين الاخرين سئموا منها
كل شخص و نظرته لعطلة 2015 و شعوره فيها
فالعطلة دآئما تكون فترة ليرتآح الانسآن فيها من التعب و الهموم
لكن هذا الشيء ليس على الجميع فربما الاعمال و الدراسة تعود على البعض بالايجآب
و العطلة تعود عليهم بالسلب
البعض يذهب ليرفه عن نفسه لامآكن سياحية البعض يسآفر يتجول
و اما البعض يحبس في المنزل خآصة البنآت { ههههههههه }


فمآذا تقولون عن عطلة صيف 2015 ؟؟

- هل كانت بداية جديدة في حياتكم ؟
- هل غيرت شيئآ ما فيكم ؟
- هل غيرت مجرى حيآتكم للاحسن ام للاسوأ ؟
- هل تعلمتم منها شيئآ قد يفيدكم لبقية حيآتكم ؟
- هل استمتعتم بها ام اصابتكم الغمة منها ؟


اروى لنا لحظاتكم الجميلة السعيدة و الحزينة
اللحظآت الايجآبية و السلبية

حدوثنا عن عطلتكم لصيـــــفـ : 2015


  1. عآشقة الجنة
 
آخر تعديل بواسطة المشرف:
رد: مآذآ تقولون عن عطلـــــة صيف 2015 ؟؟

العطلة الصيفية نتاعي كانت برعاية اللمة الجزائرية
ومنتدى واش راك تهدر
والراعي الرسمي واللي هو مدونتي ماخرجتش الا مرة واحدة
لكن الدخلة مازال والاسبوع الجاي يشهد تغييرات في الاحدااث ان شاء الله
المهم الحمد لله استفدنا من العطلة ريحنا فيهاا
لعبنا الناتشات درنا السبور
وتعرفنا على نااس ربي يحفظهم والاياام راهي تفوت وربي يطول في اعمارنا واعمار احبابناا ..
 
رد: مآذآ تقولون عن عطلـــــة صيف 2015 ؟؟

مرت كسرعة الضو :'(
ايييه كانت كآآمل ف النت هاي اللمة ف صفحة الفايس ف صفحة وهكذا -_-
ونلعبوا شويا ف ركن الألعاب والترفيه .. ونروح لواش راك تهدر
مي رمضان فات هاااااايل ف اللمة
الله يرجع ايام الخير ولحباب بالخير
و عام دراسي موفق للجميع
تحياتي ^^
 
رد: مآذآ تقولون عن عطلـــــة صيف 2015 ؟؟

سلـــآمــ عليكمــ

~

عطلة 2015

ربما هي لم تختلف عن سابقاتها لكنها تعد الأسوأ

وكآنت كالتالي:

مرض افراد العائلة الواحد تلوالآخر

هموم

بكاء في الكثير من الاوقات وفي خلوة (والحمد لله على وجود هذه النعمة) والا لما بقينا على قيد الحياة الى غاية اليوم

اجواء كئيبة،،،ولكي لا اكون مجحفة في حقها فقد تخللتها بعض المواقف الطريفة والمجنونة وبعض (الضحكات الصفرا ء) احيانا لغرض التناسي

مسؤولية،،،تعب ،،ارهاق،،ضغط

والحمد لله ستتختتم بفرحة طالت عن والداي لزمن

اكرمهم الله بحجة لعل وعسى تنسيهم في القليل من الشقاء

وكانو من الناجحين ف ي القرعة رغم انها كانت المرة الاولى (وعلى نياتكم ترزقون)


ربي يجعل ايامكم كلهافرح وسرور

وان شاء الله السن المقبلة تكون فال خير على الجميع

تحياتي



 
رد: مآذآ تقولون عن عطلـــــة صيف 2015 ؟؟

مرتتتتتت بخير والحمد لله
 
رد: مآذآ تقولون عن عطلـــــة صيف 2015 ؟؟

شكرا لكم اخوتي على سردكم لنا بعض اللحظآت من عطلتكم
لكل من جازت عليه بالخير اتمنى ان يعم الفرح و السعآدة عليكم مدى الابد
و لكل من مرت عليه بالاحزآن اتــــــــــمنى ان يزول الهم و بدل الغم فرحة لا تزول
 
رد: مآذآ تقولون عن عطلـــــة صيف 2015 ؟؟

السلام عليكم و رحمة الله تعآلى و بركآته
كيف حالكم
وعليكم السلام والرحمة والبركة حبيبتي
نحمد الله
وأنت نتمنى تكوني بصحة وعافية!

هآ نحن على بعد يومين من موعد الدخول الاجتماعي بعد عطلة انقضت
حبيبتي انتم على بعد يومين هههه انا مازالي شهر 05 أكتوبر اذا كتب ربي
ربما كان البعض منا فيها قد استمتع في حين الاخرين سئموا منها
كل شخص و نظرته لعطلة 2015 و شعوره فيها
فالعطلة دآئما تكون فترة ليرتآح الانسآن فيها من التعب و الهموم
لكن هذا الشيء ليس على الجميع فربما الاعمال و الدراسة تعود على البعض بالايجآب
و العطلة تعود عليهم بالسلب
البعض يذهب ليرفه عن نفسه لامآكن سياحية البعض يسآفر يتجول
و اما البعض يحبس في المنزل خآصة البنآت { ههههههههه }


فمآذا تقولون عن عطلة صيف 2015 ؟؟
السخااااااااااااااانة هههههه
جازت هك وهك وفرحتي اني تمكنت من التألق والنجاح فعامي الدراسي في المراتب الأولى رغم ان مادرسته كان غير الذي وجهوني إليه في الجامعه

- هل كانت بداية جديدة في حياتكم ؟
صراحة كانت بكاء وحزن بالنسبة ليا وهو تحطم حلمي بأن أكون أستاذة لغة انجليزية والآن أنا في شعبة غيرها والحمد لله كما سبق وقلت اعتدت عليها وتفوقت والحمد لله
- هل غيرت شيئآ ما فيكم ؟
بزااااف تبدلت العقلية وليت راشدة أكثر عرفت حبابي من أعدائي ووليت ندخل للمطبخ معظم الأوقات
- هل غيرت مجرى حيآتكم للاحسن ام للاسوأ ؟
للأحسن نظن والأسوأ نظن لخاوتي هههه يعني وليت محل اهتمام الوالدين أكثر منهم هههه
- هل تعلمتم منها شيئآ قد يفيدكم لبقية حيآتكم ؟
بالطبع ماتديرش الثقة فأي كان ماعدا والديك.توكل على ربي ماتعطيش واش عندك وخلي معارفك ليك واسمع اكثر مما تتكلم والجامعة تعلم بزااااف صوالح
- هل استمتعتم بها ام اصابتكم الغمة منها ؟
شوية هك وشوية هك

اروى لنا لحظاتكم الجميلة السعيدة و الحزينة
اللحظآت الايجآبية و السلبية

حدوثنا عن عطلتكم لصيـــــفـ : 2015

اممم أسومة نعطيك ملخص برك ههههه
اولا تعلمت نطيب بزاف صوالح ومطبخ اللمة استفدت منو بزاف
تعلمت نسوق بدون خوف ونروح وين بغيت
تعلمت نصبر هههههه
تعلمت كيفاه نجذب خاوتي ليا
الحزينة
نهار عرفت بلي لي كانو حباباتي اليوم رجعوا يتمناولي الشر
نهار اتحرقت بالزيت في رجلي اكرمكم الله
نها ر مرضت لميمة
نهار دخلت بنت خالتي للمستشفى وهي في الشهر الأول
نهار حقرني بروووف فالعلامة مع اني كنت صحيحة فكلشي
نهار سمعت بصديقتي وأختي من اللمة كاين اثنين في الحقيقة راهم في مصيبة ربي يفرجها عليهم
فرحت نهار خويا الكبير فاجئني بأحلى هدية فعيد ميلادي
فرحت نهار بابا قالي راكي مفرحتني فكلشي
فرحت نهار ماما قاتلي راني راضية عليك
نهار وحد العجوزة قدمتلها معروف واعطاتني وااابل من دعوات الخير
فرحت كي كافؤوني برحلة سياحية العام الجاي ان شاء الله

  1. عآشقة الجنة

وخلاصو دراهمك هههههه
مرسي عليك أختي
ربي يدوم علينا وعليكم الصحة والعافية والسعادة
 
رد: مآذآ تقولون عن عطلـــــة صيف 2015 ؟؟

ونسيت باه نقولك أهم شيء أي أي أي أي
كلااااااااونا الأعراس وفلسونا وقتلونا بالسخانة هههههه
الله يدوم الأفراح
 
رد: مآذآ تقولون عن عطلـــــة صيف 2015 ؟؟

السلام عليكم
شكرا لك على الموضوع
- هل كانت بداية جديدة في حياتكم ؟
نعم وفيها كانت الإنطلاقة من حياة الدراسة إلى العمل
- هل غيرت شيئآ ما فيكم ؟
كبرت ههههه
- هل غيرت مجرى حيآتكم للاحسن ام للاسوأ ؟
لا لباس للأحسن والحمد لله .ولات عندي مسؤولية كبيرة
- هل تعلمتم منها شيئآ قد يفيدكم لبقية حيآتكم ؟
مممم تعلمت صوالح تهمني في اللمة
- هل استمتعتم بها ام اصابتكم الغمة منها ؟
أنا أصابتني الغمة الغمة كرهت فيها..نكره الروتين


بصح يغيت نقولها حاجة علاه ديريلنا كيما هاك رحتي بالخف كانو يجرو من موراك ويحاوزو فيك ولا كيفاه
تحسب نهار مشي عطلة
يا جماعة أنا خاصني فترة نقاهة حتى عام راحة ومبعد نبدا ههههه
سلام
 
رد: مآذآ تقولون عن عطلـــــة صيف 2015 ؟؟

شكرآ لكم ع المرور

الى شيمآآآآآآآء المهبولة الهطلة ديالك الفيهآ كتآب خير لانها مشوقة جدا للقراءة
استمتعت و انا نقرا فيها



شكرا لمشاركتم لنا لحظآتكم الحلوة و القبيحة
استمتعت في قراءتها
شكرا جيجي
 
رد: مآذآ تقولون عن عطلـــــة صيف 2015 ؟؟

السّلام عليكم

شكراً على الموضوع حبيبتي

والله العطلة هاد العام يعني نقولو الحمد لله
صح جانا رمضان والعيد شوي صعاب خاطر فارقنا واحد من العائلة وحسينا بالفراغ لي خلاه بصح الحمد لله
ربما ماحوسناش ولا زرنا اماكن سياحية بصح والله كي الإنسان بصحة وعافية الدنيا ومافيها
فوتنا تاني عرس تاع أقرب الناس ليا وعدا ماشاء الله في المستوى
زرت الأقارب شفت الناس لي نحبهم ضحت ولعبت ونحيت غمة القراية هههه يعني الحمد لله
واكتر حاجة فرحتني في صيف هاد العام وفي عطلة هاد العام هي رجعتي للمة

ربما زدت حبيتها وتعلقت بيها كتر من أول مرة دخلتلها , ربي يحفظ ناسها ويهنيهم كامل

وعودة موفقة ان شاء الله لي راهم رايحين يدخلو يقراو نهار الأحد , نقولهم وقت الجد دركا

وحنا جماعة الجامعة مازلنا بعقلنا حتى يعدي العيد لكبير باه نشرفو
ان شاء الله بالتوفيق للجميع , وربي يوفقك أختي في دراستك ان شاء الله بالنجاح

تقبلي مروري

 
رد: مآذآ تقولون عن عطلـــــة صيف 2015 ؟؟

السلام عليكم
اولا أهلآ بيك اسومة وعودة ميمونة اشتقنا لمواضيعك :$
بلنسبة لصيف هدا كان عادي نوعا ما
فوت معظم الوقت مع اللمة وناسها
حوسنا بحرنا بصح كان ناقص تحواس السنة هادي
خاطر ماخرجناش من تلمسان الا مرة وحده لظروف :down:
فوتنا عراس بزاف وسهرات عائلية كانت روعة :thumb_up02:
حضرت عرس بنت عمتي خارج تلمسان
وتعرفت وشفت لاول مرة بنات واولاد اعمامي وعماتي لي جامي عرفتهم ولا شفتهم ( غريبة صح :-o عائلتي ومانعرفهمش ههه :p)
المهم فات مليح ونحينا الغمة تع لقراية
ورانا نوجدو باش ندخلو بهمة وعزيمة عالية :sport01:
ربي يوفق ويقدر الجميع

مشكورة غاليتي يستحق التميز :love01:
 
رد: مآذآ تقولون عن عطلـــــة صيف 2015 ؟؟



السلام عليكم ورحمة الله
كيف حالك حبيبتي؟ إشتقنا لك ولمواضيعك المميزة
ربي يحميكِ غاليتي


- هل كانت بداية جديدة في حياتكم ؟
نعم، كانت بداية جديدة بكل معنى الكلمة..

- هل غيرت شيئآ ما فيكم ؟
نعم، غيرت الكثير والحمد لله عدت لأتمام حفظ كتاب الله

- هل غيرت مجرى حيآتكم للاحسن ام للاسوأ ؟
للأحسن طبعاً

- هل تعلمتم منها شيئآ قد يفيدكم لبقية حيآتكم ؟
نعم، تعلمت أن أتعامل مع الجميع بأخلاقي لا بأخلاقهم


- هل استمتعتم بها ام اصابتكم الغمة منها ؟
هههه بصدق أصابتني الغمة يا أختي ولم أستمتع ولو للحظة واحدة!!!
ولكن مر شهر رمضان وأنا في اللمة وكان أجمل رمضان يمر في حياتي
تحية كبيرة لكل من كان معنا في رمضان الماضي
وأسأل الله أن يجمعنا وإياكم في الجنة


دمتِ بخير غاليتي​
 
رد: مآذآ تقولون عن عطلـــــة صيف 2015 ؟؟

احلى عطلة ابتدأت لسماعي خبر نجاحي في البكالوريا حيث عمت الافراح في بيتنا ثم ذهبت الى جيجل لمدة اسبوع وها انا في البيت
 
رد: مآذآ تقولون عن عطلـــــة صيف 2015 ؟؟

موضوع في وقتو حقيقة أسووا عطله صيفيه ساااامطه باسله فارغه مافاها والو اسسسسوا عطله فاتت عليا في حياتي اثرت عليا بسيكولوجيا و فيزيولوجيا كنت مريضه في رمضان فتت بمواقف صعيبه ومؤلمه جدا ههه و ما استفدت منها والو قاعده غير نستنى ف القرايه بش ترجع مي نقولوا الحمدلله رتحنا من القرايه والتعب تاعها سيرتو انا كنت تعبت جوزت البيام وجبت معدل مليح الحمدلله :thumb_up02:
ربي يوفقنا كامل سيرتو تاع البيام والباك
 
آخر تعديل:
رد: مآذآ تقولون عن عطلـــــة صيف 2015 ؟؟

السلام عليكم
الصلاة و السلام عليك حبيبي يا رسول الله
فمآذا تقولون عن عطلة صيف 2015 ؟؟
العطلة حاجة والفناها أكيد و نستناوها كل عام

- هل كانت بداية جديدة في حياتكم ؟
بالنسبة لياا نعتبرها ديما بداية جديدة لاني فيها نتخلى على كوني عاملة لماكثة بالبيت
- هل غيرت شيئآ ما فيكم ؟
العطلة اصلا هدفها التغيير الراحة و الاحساس بلي معندكش مسؤولية تستنا فيك أكيد تخليك مستعد باه تعطي افكار جديدة
- هل غيرت مجرى حيآتكم للاحسن ام للاسوأ ؟
التغيير يكون أكيد للأحسن خاصة بعد خروج نتائج شهادة التعليم المتوسط لي خلاوني نحس بلي التعب مراحش في باطل و النتيجة كانت مشرفة اكيد حاجة تنسيك في كل حاجة يكفي انك تفتخر بروحك
- هل تعلمتم منها شيئآ قد يفيدكم لبقية حيآتكم ؟
انا هاذ العام تعلمت الطبخ يعني كل حاجة تقريبا جربتها و الحمد لله استفدت اكيد
- هل استمتعتم بها ام اصابتكم الغمة منها ؟
أكيد استمتعت بيهاا و انا نستناها كل عام على جال باه نروح للبحر و هاذي الوحيدة الي تخلني نحس بالاستمتاع


اروى لنا لحظاتكم الجميلة السعيدة و الحزينة
اللحظآت الايجآبية و السلبية
الحمد لله على كل حال
الواحد فوت وقت مليح هايل انا منحبش نحكي على السلبيات لأنها مهما كانت نقدروو نتغلبو عليهاا
بلاك في هاذي الايام لي مرض اختي حسسني شوية بالتعب
الحمد لله حاسة بلي عندي طاقة ايجابية عندي حوايج جديدة نعطيها هاذ العام بالتوفيق
مشكورة على الموضوع
:regards01:
 
رد: مآذآ تقولون عن عطلـــــة صيف 2015 ؟؟

السلام عليكم و رحمة الله و بركاته

العطلة فاتت بالخف ما حسيتلهاش البارح كنت جايبة vـاليزاتي من الجامعة و اليوم راني نخمل فيهم باش نرجعهم :'( القنطة حكمتني كي نتفكر بلي الجامعات كامل يدخلو مبعد العيد ما عدا حنا

خرجت 2 مرات برك نهار بحر و نهار حمام معدني "والدييا داروولنا راينا نهار و رايهم نهار :p "

تعلمت فيها الكروشي في اللمة هههههههههه إنجاز عظيم ربي يحفظ الأخت خيرة و شوشو لي شجعتني بصح ما تعلمتش :p

هادا ماكان ♥

شكرا على الموضوع أسومة

ربي يوفقنا كاملين و يسرلنا أمورنا

 
رد: مآذآ تقولون عن عطلـــــة صيف 2015 ؟؟

Jazet cvvv me kraht menha w haba nodkhoul na9ra
Jazet fi lbhar w fi dar w m3a ljiraaan koul youm sahra surtt fi ramadan

La39ouba lal 3otla ta3 el 3am ljey nchlh
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top