المضايقات في الحآفلات

لؤلؤة قسنطينة

:: عضو بارز ::
أحباب اللمة
إنضم
13 أفريل 2013
المشاركات
14,618
نقاط التفاعل
54,535
النقاط
1,756
العمر
31
محل الإقامة
قسنطينة
الجنس
أنثى
87461412941328811499.gif


السّلام عليكم يا ناس اللمة الغاليين
ان شاء الله راكم لاباس؟
(جاوبوني ولو لمرة وقولو رانا لاباس :( )

المهم ياخاوتي رايحة ندخل مباشرة في الموضوع ولي راهو واضح من عنوانو
ربما يبان الموضوع قديم وشفناه بزااف وكرهنا منو لكن قررت نطرحو غير باه نفرغ قلبي لي راهو معمر ورايح يطرطق :(
وليت نكره النهار لي نخرج فيه من الدار, مع انو خروجي غير للضرورة ومن الجامعة للدار ومن الدار للجامعة

أوّلا كرهنا من ظاهرة اسمها المضايقات تاع الشباب , وين ماتروح يعسو فيك في القراية , في الطريق, عند الحانوت, في دارك
ربما كاين لي يقول من اللبسة الفاضحة تاع لبنات, صح لي لبستها خارجة الطريق راهي باينة هي لي تجيب لبلا :down:
بصح ياخاوتي رانا نمشيو وعينينا في الأرض كاش نهار نخبطو في بوطو , قريب الكارلاج نحفروه بالنظرات تاعنا لدرجة الحشمة :$ وهكاك مايطلقوكش
غير تجي معدي حتى تسمع الهدرة هاديك الباهية تدخل في ودنك , نكره حياتي والله العظيم ونتمنى لوكان ماخرجتش خلاص من الدار
ووالله العظيم كن جا عندي خويا ولا كن جا بابا ما يخدمش كن نقولو يوصلني لباب الجامعة غير باه نتهنى من هاد العباد :sport01:

المهم لا علينا , نوليو للحافلات
ماش رايحة نحكي على الحشر هاداك وعلى الدبزة والتقابيد لي قايمة تما وغيرها من الأمور لأنو حكات عليها إحدى الأخوات في موضوعها
لكن لي رايحة نحكي عليها هي المضايقات وفي نص الحافلة
انا من عادتي دائما نروح في حافلة الجامعة ولكن ساعات تتحتم عليا نروح في الحافلات العمومية وتما تبدا المعاناة
لي يحشر فيك, لي يخزر فيك, لي يهدرلك كلمة خارجة الطريق وزيد غير يلقاو مرأة قاعدة وحدها يجيو يجريو شكون يقعد قدامها
روح اقعد قدام راجل علاه لاصق في جنابنا , والله شي ينطق :mad:
يعني تولي المرأة تحس انها ماشي في مكان آمن خلاص ,و تولي تحكمك الخلعة كي تكون رايح تركب في حافلة
( نحكي على لي تحشم ماش على لبنات لخرين خاطر هاديك راهي ترجعلو بابتسامة ولا دير معاه قصة طول )
والمشكل الأكبر نتا يا الأخ الجزائري ولا يا الأب الجزائري ولا يا الزوج الجزائري لما تكون راكب وتشوف في طفلة تتلقى مضايقات ماتقدرش تنطق؟ مايوجعكش قلبك؟
ولا على الأقل خليلها بلاصتك , مرة صراتلي كنت راكبة في الحافلة ورايحة لبلاصة قريبة يعني مشية 5 دقائق ونلحق وكنت واقفة
وكانو قاعدين زوج شباب مع بعضاهم ويحكيو ويضحكو وصواتهم طالعة, المهم واحد فيهم شاف فيا مليح ومن بعد جا ليا قالي اقعدي في بلاصتي
انا عن نفسي قتلو بارك الله فيك درك دقائق ونلحق وننزل, و هاداك هو الصح باقولي دقائق قليلة ونلحق وزيد ماعجبونيش بهدرتهم والضحك تاعهم كيفاه نروح نقعد قدامو ونحشر فيه؟ :down:
المهم لا علينا بقى يشوف معايا مليح ومن بعد قال " تعطيهم بلاصتك ويشنفو .. يخي تربية خاسرة "
درك قولولي انا لي مهبولة ولا هو لي مرفوع عليه القلم :s, انا لي قلقني ماش كي هدر, لي قلقني حافلة كاملة فيها رجال الله يبارك واحد فيهم مانطق

واليوم ركبت في الحافلة نفس الشي تلقاهم بهاديك الحركات البايخة وهاديك الابتسامات التافهة, وفي الأخير كي لحقت للبلاصة لي ننزل فيها
قلت للروسوفور راني ننزل هنا, لأني شفتو مكمل وماش رايح يحبس , ساع قالي "علابالي بلا ماتقولي اصلا نعرفك وراكي عام كامل ونتي تركبي معايا كيفاه تحبي ننساك "
لا حول ولا قوة إلا بالله :-o, بقيت نشوف معاه , رايحة نقولو كبير بشلاغمك وتكدب ؟؟ اصلا راني نركب في الحافلة تاع الجامعة وين تشوفني؟
واصلا كن جيت مانحشمش كن قتلو احترم نفسك ساع ومن بعد اهدر , ياخي عباد قلال تربية :mad:
صدقوني وصلت معايا للآخر , وليت مانضويش
يعني علاه ماكانش احترام بيناتنا كي نكونو راكبين في الحافلة ؟, علاه حتى نحشرو في بعضانا ونضايقو بعضانا؟
علاه حتى تقعد وتعس في جنابك, ماتمنع من شايب ماتمنع من شاب
يعني الشباب هادو ماعندهمش كرامة؟؟ اكيد حاشا لي مايستاهلش, يعني خلي روحك معزز ومكرم وعلاه حتى تبع في فلانة وتجري ورا فلانة وتضايق في فلانة
هادي لي راهي راكبة راهي في مقام اختك وبنتك ومرتك علاه حتى تخليلها هدرة خارجة الطريق ولا تضايقها ؟
مالقيت مانهدر وقلبي معمر صح نخلي المجال ليكم واذا راني غالطة قولولي راكي غالطة
تحياتي للجميع
 
رد: المضايقات في الحآفلات

السلام عليكم
يعني هنا هجوم ع شباب حتى انا قلبي ما ولاش يحمل نحس فيها ظلم
ما خلاو متحجبة من لي ماشي متحجبة ياك لي تلبس الفاضح تجيب لبلى روحها وغض البصر صعيب معاها لانوشيطان كاين
ولي محتشمة :mad: علااه يخزرو فيها والله كما قلتي تكرهي حياتك
كامل نعانو حتى حافلة الجامعة عنا وفيها مضايقات تقعدي وحدك يقعد واحد وحاجة لولى رقم وتعجبك كلمة اختي لي مرات يطبعو بيها لحديث يعني كان جيت أخته يرضاها عليا
وهاديك صباح الخير وقوافي لي تجري موراها ومساء الخير ههه والله غي مرات الصح يحكمني الضحك ومشكل تضحكي تتورطي
كل العتب عليهم كان لازم ولازم غض البصر لانو كما اسلام أمر المراة بالحجاب أمر الرجل بغض البصر وهذا مفروغ منه
ع كل تحية لكل شاب مازل ما يتبلاش لبنات والله لكاين هاد شباب الله يبارك فيهم ويقويهم والبقية ربي يهديهم
وتحية لكل بنت لازلت ترفض الأحاديث العابرة
 
آخر تعديل:
رد: المضايقات في الحآفلات

السلام عليكم محجوز ههه

وعليكم السّلام ورحمة الله وبركاته
ههههههه معليش راهي مكرية البلاصة هادي لللأخت واحد مايقعد ههه
نستنى رجعتك حبيبتي :love01:
 
رد: المضايقات في الحآفلات

وعليكم السّلام ورحمة الله وبركاته
ههههههه معليش راهي مكرية البلاصة هادي لللأخت واحد مايقعد ههه
نستنى رجعتك حبيبتي :love01:

سي بون أختي راني ديت الحجز هه :sport02:
 
رد: المضايقات في الحآفلات

السلام عليكم
يعني هنا هجوم ع شباب حتى انا قلبي ما ولاش يحمل نحس فيها ظلم
ما خلاو متحجبة من لي ماشي متحجبة ياك لي تلبس الفاضح تجيب لبلى روحها وغض البصر صعيب معاها لانوشيطان كاين
ولي محتشمة :mad: علااه يخزرو فيها والله كما قلتي تكرهي حياتك
كامل نعانو حتى حافلة الجامعة عنا وفيها مضايقات تقعدي وحدك يقعد واحد وحاجة لولى رقم وتعجبك كلمة اختي لي مرات يطبعو بيها لحديث يعني كان جيت أخته يرضاها عليا
وهاديك صباح الخير وقوافي لي تجري موراها ومساء الخير ههه والله غي مرات الصح يحكمني الضحك ومشكل تضحكي تتورطي
كل العتب عليهم كان لازم ولازم غض البصر لانو كما اسلام أمر المراة بالحجاب أمر الرجل بغض البصر وهذا مفروغ منه
ع كل تحية لكل شاب مازل ما يتبلاش لبنات والله لكاين هاد شباب الله يبارك فيهم ويقويهم والبقية ربي يهديهم
وتحية لكل بنت لازلت ترفض الأحاديث العابرة

وعليكم السّلام ورحمة الله وبركاته
صار انا نستنا فيك لتحت ونتي طلعتي لفوق ههههه
والله يا أختي ناس ماتحشمش, انا كرهت حياتي تاع الصح, يبداهالك بختي ( يخوي جنابك :mad: ) علاه ختك ديرلها هكا؟
وزيد كن حتى يحبس في كلمة ختي, يبداها بختي ويزدم مايحبسش
وساعات وحايد تلقايهم يحشر فيك عيناني وقدام الملأ , مرة انا واحد نخزر فيه يعني اجبد روحك وهو مكمل ونديرلو جدار برلين ههههه جبت الصاك وفصلت بيه
واشوا هادا؟؟ احشمو شوي, انا والله العظيم كي نركب وتكون لبلاصة فارغة قدامي نعود ندعي قريب ندير قيام الليل تما هههه غير باه مايقعدش قدامي راجل
خاطر يقعد قدامك ويحشر فيك وهادا لا ماراحش لحوايج خلاف
اما في الحافلة تاع الجامعة الحق حنا عندنا بلاصة وحدة برك ماعندناش تاع زوج ههههه
يعني تقعدي آلاز , بصح الحافلات العموميين والله عدت نكرهم لدرجة لا يتصورها العقل
ربي يهدينا برك ويهديهم
شكرا حبيبتي على مرورك الجميل لي عجبني بزااااف :up:
تحياتي العطرة غاليتي :regards01:
 
رد: المضايقات في الحآفلات

لا حنونة ماكيش غالطة وهادي هو الشيء لي يقلقني انا تاني ربي يهدي ماخلق وش رايحين نقولو وانشاء الله يوصل الميساج تاعك لهادو العيباد
 
رد: المضايقات في الحآفلات

وعليكم السّلام ورحمة الله وبركاته
صار انا نستنا فيك لتحت ونتي طلعتي لفوق ههههه
والله يا أختي ناس ماتحشمش, انا كرهت حياتي تاع الصح, يبداهالك بختي ( يخوي جنابك :mad: ) علاه ختك ديرلها هكا؟
وزيد كن حتى يحبس في كلمة ختي, يبداها بختي ويزدم مايحبسش
وساعات وحايد تلقايهم يحشر فيك عيناني وقدام الملأ , مرة انا واحد نخزر فيه يعني اجبد روحك وهو مكمل ونديرلو جدار برلين ههههه جبت الصاك وفصلت بيه
واشوا هادا؟؟ احشمو شوي, انا والله العظيم كي نركب وتكون لبلاصة فارغة قدامي نعود ندعي قريب ندير قيام الليل تما هههه غير باه مايقعدش قدامي راجل
خاطر يقعد قدامك ويحشر فيك وهادا لا ماراحش لحوايج خلاف
اما في الحافلة تاع الجامعة الحق حنا عندنا بلاصة وحدة برك ماعندناش تاع زوج ههههه
يعني تقعدي آلاز , بصح الحافلات العموميين والله عدت نكرهم لدرجة لا يتصورها العقل
ربي يهدينا برك ويهديهم
شكرا حبيبتي على مرورك الجميل لي عجبني بزااااف :up:
تحياتي العطرة غاليتي :regards01:

ههه راني رجعت يعني استحواذ ع كل المواقع
حنا عنا لي بلاصة وياابختك اذا قعدتي فيه وكاين معاهم تاع زوج
بما انو معشر رجال لحد الان مابانوش ههه راهم عاد يديرو في احماءات يعني يحوسو ع ثغرة قانونية باه يردو رد مقنبل
خلينا نقوللهم بلي رانا حكمناكم هنا ماشي لوم في لبس البنت وحدها مام في عيون لي ماتنقبضش وقوافي الشعر الشعبي لي ينقال والله غي تحيري تقولي يباتو يكتب ويحفظو
ربي يهديهم ويهدينا ويبثت علينا العقل والدين وتحيتي ليك حبيبتي لانك خليتنا نفروغو قلب وما فيه ^^ ربي يبعد علينا كل شر
 
رد: المضايقات في الحآفلات

السلاام عليكم
شكراا على الموضوع الطاازج يعني للاسف الحافلات نتاع ضركا انا نشبه اللي يركب فيهم
بالانسان العااجز
بااسكو صح صح رخس وذل وقلة مروؤة وكل شيء في هذيك الحاافلات عيب وااش راهو يصرى
في مدينتي مدينة عين وساارة عندنا نوعية كيراان ملااح يعني تروح معزز وتجي معزز
لكن لما نروح لبااتنة نقرى اقسم بالله ياخاوتي غير تحكمني الذيقة
ودركي نحكيلكم علاه ياسيدي هذي عندها نهار رحت نسجل طلعت في وحد الكاار او حافلة كبيرة
واللي يسكنو في باتنة يعرفو الحافلات نتاع السوناكوم من محطة ** اذرار الهارة** حتى جامعة الحاج لخضر وبالضبط من مديرية الخدمات بوعقال حتى الجامعة وانا طاالح جاتني غريبة هذيك الصورة طلعت في حاافلة معبيا نسااء
يعني غير الروتسوفو ذكر والساائق وانا وكاين زوج ولا ثلاثة
المهم بشويا ارجع لور زيد لهيه حتى حشرني الروتسوفور في وسط بنات جامعيات وهذيك الحشمة اللي قتلتني
وحدة دز من الخلف والاخرى من الاجناب وانا نهار توشيني طفلة نذوب نورماال ياجدكم حشمت حشمت لدرجة ما تتصور
ويعجبك هي دز فيا وماهيش حااشمة واللي زادت دوختني انها بلعاني يعني متعمدة طفلة وحدة توشيلك يدك وحدة برجلهاا ووووو
مانحكيوش وخلااص المضايقاات ككاين في كل مكاان والتحرش الجنسي كااين لانو رانا في مجتمع الله يستر برك
ربي يكون في عونكم خواتاتي وما تزيدوش طبعونا بجااه النبي لاني راني نشووف انو في باتنة خصوصا ما علاباليش بالولايات لخرين
غير النسااء اللي يركبو في البييس والرجاال نسبة قليلة وتحيا حاافلة الطلبة تروح بالكرامة نتاعك وتجي بكراامتك مشكوورة مريم ...
 
رد: المضايقات في الحآفلات

السلام عليكم
يعطيك الصحة على كل كلمة قلتيها
والله مافهمنا يا ختي يقلك اللبسة والضحك والتمسخير هما لي يجيبو البلا قلنا صح
بصح المستورة والمحتشمة علاش ؟
يعني في كلتا الحالتين تسمعي تسمعي الهدره الزايده
وكما قلتي والله تقول ندير دي قارد كور من النوع الخشين ههه هدا هو باش واحد ما يسترجي ينطق
كانو يهدرو غي على المتبرجه ودرك زادو شعر للمتحجبة ( الزين والدين وطاعة الوالدين) هههههه شحال كرهت هاد العباره ووووو
تلقايهم وين تروحي يخزرو فيك لحتى تشكي في روحك والله هههه
مرات يقولي وحد الراس ندير جلباب ونغطي وجهي هكا واحد ما يقرب :d رجعو يخافو من المتجلببات وسماوهم داعش :sport01:
معليش غي نكون داعش ولا هاد التمسخير لعوج :down:
والحافلات الحمد لله مزال ما جربتش مضايقاتهم والله يبعدهم عليا :d خاطر قليل وين نركب كلشي قريب ليا عندك برك الخزرات لي يغششو :mad:
ربي يهدي شبابنا وبارك الله في كل شاب خاطيه هاد المزايدات
بارك الله فيك مريومه ديما مواضيعك شيقين وحلوين كيفك ♥
 
رد: المضايقات في الحآفلات

الســلام عليكم
مغاديش نغطي الشمس بالغربال
اللي حكيتيه كامل راه صاري
البيس كامل خاوي ويجي راجل
يريح جنب بنت وقعد يدورنجي فيها
شباب وبنات ربي يهديهم
بصح كاين بنات هوما راهم يتحرشو بالشباب في البيس
وصرات قدامي هو يتهرب منها وهي موراه
ماشي مرة وماشي زوج

ربي يهدي ماخلق

 
رد: المضايقات في الحآفلات

لا حنونة ماكيش غالطة وهادي هو الشيء لي يقلقني انا تاني ربي يهدي ماخلق وش رايحين نقولو وانشاء الله يوصل الميساج تاعك لهادو العيباد

نشالله
 
رد: المضايقات في الحآفلات


ههه راني رجعت يعني استحواذ ع كل المواقع
حنا عنا لي بلاصة وياابختك اذا قعدتي فيه وكاين معاهم تاع زوج
بما انو معشر رجال لحد الان مابانوش ههه راهم عاد يديرو في احماءات يعني يحوسو ع ثغرة قانونية باه يردو رد مقنبل
خلينا نقوللهم بلي رانا حكمناكم هنا ماشي لوم في لبس البنت وحدها مام في عيون لي ماتنقبضش وقوافي الشعر الشعبي لي ينقال والله غي تحيري تقولي يباتو يكتب ويحفظو
ربي يهديهم ويهدينا ويبثت علينا العقل والدين وتحيتي ليك حبيبتي لانك خليتنا نفروغو قلب وما فيه ^^ ربي يبعد علينا كل شر

هههههههه راهم جاو معشر الرجال :d
هههههه هيه حكاية الاشعار نعرفهم , انا مايقولوليش اشعار اصلا مانخليلهمش الوقت نعدي طيارة ههههههه نسمع غير الله يبارك هههه
ربي يهديهم هادا مانقولو والله قلبي ولا يوجعني وكرهت حياتي تاع الصح
اتخيلي آخر مرة معديا على مجموعة تاع شرطة , انا قلت الشرطة هوما الأمن ساع نلقى في الهدرة خارجة من عند السيد :s
شي يمرض صح
الله يسلمك حبوبتي مرورك زاد في الموضوع جمال وتألق :love01:
تحياتي الخالصة لكِ :regards01:
 
رد: المضايقات في الحآفلات

يعطيك الصحة حبيبتي راني لباس هههه راني جاوبتك على أول سؤال
زيد والله غير راكي عفستي على الجُرح وش نحكيلك وش نخلي وركزيلي على البيس معمر وتلقاي آفونسي آفونسي ختي لآريار كاين ليتساع مكانش نهار طلعت في البيس وكنت مروحة وماتطرطقتش هههه يا بن عمي كوارث تطلعي تعسي روحك تعسي صاكك تحسي روحك داخلة للحرب وزيد ماجاتش غير في حاجة كاين بزاف حوايج يصراو في البيس مايعلم بيهم غير ربي
خويا حكيم قالك يحياو لي بيس نتاع الطلبة انت مالا ماشفت والو خويا أكبر الكوارث تصرا فيهم من مضايقات وإعتداءات وخاصة السرقة أي خلي وخلي القلب راه معمر ربي يهديهم لوين برك رايحين ولويكتا تحسي روحك طالعة للجبل والله خليها لربي سبحانو
ألف شكر ليك حبيبتي على الموضوع الباهي كيفك
 
رد: المضايقات في الحآفلات

لا حنونة ماكيش غالطة وهادي هو الشيء لي يقلقني انا تاني ربي يهدي ماخلق وش رايحين نقولو وانشاء الله يوصل الميساج تاعك لهادو العيباد

اهلا حبوبتي نورتِ الموضوع :love01:
فعلاً غاليتي هادا هو الشي لي يمرض ويقلق غير هاد المضايقات التافهة
نقولو ربي يهديهم برك هادا ماكان
شكرا حبيبتي على مرورك العطر
تحياتي الخالصة لكِ :regards01:
 
رد: المضايقات في الحآفلات

السلام عليكم
شكرا ليك أختي موضوع مليح
ماخليتي ماتهدري فرغتي قلبك مليح خخخخ
هذي هي سوء الأخلاق
كنا نحكو على ليجان ضرك حتى الراجل لكبير تلقاح ميحشمش
الله المستعان
صح كاين بزاف لي يشوف المنكر ولا يتبلاو في طفلة اوو ميهدرش
أنا نقولك علاه
اذا هدرت تحصل بلاك الطفلة تلقاها متفاهما معاه ولاعجبها الحال اوو هذي كاين بزاف منهم
كي تهدر تولي نتا لي ماشي مليح
مع اللخر تقولك ونت وشدخلك فيا أنت بابا ولا خويا
راني شفتهم متقوليش مكانش منها
اوو كاين لي صح تهدر وتدخل روحك
يولي يبهدلك يقولك راك توري روحك ليها أنت واش دخلك
اذا كل مرة تهدر سور راح تدابز مفيهاش كلام صافيك كل يوم تدابز تولي تاع مشاكل
على هاذي منذاك نقول يخطو راسي برك
غير كي تتحتم لازم الواحد يهدر
هذي في نفسي اوو رايي
متقوليش خواف ولا كاش حاجا
خطرش كي تدابز يوصلو الهدرة لبباك ولالخوتك
راهو يدابز كل يوم على جال طفلة
جيني طايحة قدام بابا ولا يما
مي الله غالب هذا هو آخر الزمان
الله المستعان
اسمحيلي اذا معجبكش كلامي
هذا هو رأيي الله غالب كيما تحشمو حنا كاين لي يحشم فينا اوو ميهدرش
شكرا لك أختي مريم على الموضوع
سلام​
 
رد: المضايقات في الحآفلات

السلام عليكم مريومة
يعطيك الصحة على الموضوع الباهي لي عندي مانفرغ فيه قلبي (بيناتنا لي يعول علييك قتلك احكميلي بلاصتي قتيلي هدرتك دخلت من وذن وخرجت من الاخرى )
المهم لا علينا بلا تكثار الهدرة وتشراك الفم
تنويه الفئة تع الشباب لي رايحا نحكي عليهم في ردي هذا هي الفئة لي رفع عليها القلم يعني ماكالاه من بعدة يجيني واحد ويقولي ماشي كامل كيف كيف مانيش ناقصة تكسار راس وحريق مخ
المهم بالعودة الى موضوعك اختي ولي هو المضايقات والندب كاين لي يجي يقولك الطفلة لي لبستها مفضوحة هي برك لي نتبلاوها وحنا المستورة مانهدروش معاها كامل قولوا أخونا روح عاود حساباتك قالها ماتتبلاوش المستورة رانا نخرجوا ورانا نشوفوا ولي يقولك هكا قوليلو والجملة الشهيرة "زين ودين وطاعة الوالدين " لشكون درتوها لنانا لي تلبس لعجار هاكم باين درتهوها للطفلة المستورةدوالله مرةح وحدة دايرة النقاب تحكي قاتلنا مرة كنت فايتة على واحد كي فات قدامي قالي عينيك ياعينيك :s هاقوليلي درك تندبي ولا تحندبي وزيد يابن عمي مستورة ماش مستورة انت واش يهمك فيها انت لازم علييك تغض البصر تاعك وفرات يعني غدوا كي تتحاسب على فعايلك رايح تحصل فالطفلة لي لابسة لبسة مفضوحة وتقول انا خاطيني هي لي خلاتني نتبلاها هاااا بركاونا من التمسخير
وموضوع الحافلات هدا حدث ولاحرج تلقاي اختو ولا يماه يقولها اخطيك ماتركبيش فيهم وهو نهار كامل راكب فيهم باه يعس الطالعة والهابطة وكاش مايطيش كلمة لالا فوق الشي هدا كامل كي يركب ويلقى طفلة قاعدة وحدها سيدنا الكريم يروح يقعد قدامها ومن بعدة كل شوية يبدا يتحكحك ويقرب بالشوية تع زعما زعما ماشي بلعاني -_- ربي يدي عباد كيما هادو
وخلي وخلي ..
اختي حنا نقولوا ربي يهدينا ويصلح احوالنا
وانت يعطيك الصحة على موضوعك وربي يحفظك
دمتي في رعاية الله وحفظه
 
رد: المضايقات في الحآفلات

السلاام عليكم
شكراا على الموضوع الطاازج يعني للاسف الحافلات نتاع ضركا انا نشبه اللي يركب فيهم
بالانسان العااجز
بااسكو صح صح رخس وذل وقلة مروؤة وكل شيء في هذيك الحاافلات عيب وااش راهو يصرى
في مدينتي مدينة عين وساارة عندنا نوعية كيراان ملااح يعني تروح معزز وتجي معزز
لكن لما نروح لبااتنة نقرى اقسم بالله ياخاوتي غير تحكمني الذيقة
ودركي نحكيلكم علاه ياسيدي هذي عندها نهار رحت نسجل طلعت في وحد الكاار او حافلة كبيرة
واللي يسكنو في باتنة يعرفو الحافلات نتاع السوناكوم من محطة ** اذرار الهارة** حتى جامعة الحاج لخضر وبالضبط من مديرية الخدمات بوعقال حتى الجامعة وانا طاالح جاتني غريبة هذيك الصورة طلعت في حاافلة معبيا نسااء
يعني غير الروتسوفو ذكر والساائق وانا وكاين زوج ولا ثلاثة
المهم بشويا ارجع لور زيد لهيه حتى حشرني الروتسوفور في وسط بنات جامعيات وهذيك الحشمة اللي قتلتني
وحدة دز من الخلف والاخرى من الاجناب وانا نهار توشيني طفلة نذوب نورماال ياجدكم حشمت حشمت لدرجة ما تتصور
ويعجبك هي دز فيا وماهيش حااشمة واللي زادت دوختني انها بلعاني يعني متعمدة طفلة وحدة توشيلك يدك وحدة برجلهاا ووووو
مانحكيوش وخلااص المضايقاات ككاين في كل مكاان والتحرش الجنسي كااين لانو رانا في مجتمع الله يستر برك
ربي يكون في عونكم خواتاتي وما تزيدوش طبعونا بجااه النبي لاني راني نشووف انو في باتنة خصوصا ما علاباليش بالولايات لخرين
غير النسااء اللي يركبو في البييس والرجاال نسبة قليلة وتحيا حاافلة الطلبة تروح بالكرامة نتاعك وتجي بكراامتك مشكوورة مريم ...

وعليكم السّلام ورحمة الله وبركاته
اهلا بخويا حكيم نورت الموضوع ^^
صح خويا نوافقك على كلامك وراني نشوف فيهم دركا ماش غير يدزو الرجال
تلقاها دير روحها طاحت عليه غير باه تقولو اسمحلي ويقولها السماح وتضربلو ضحكة ويرجعلها الضحكة وراهو معروف السيناريو كيفاه
يعني ماش رايحة نغطي الشمس بالغربال, وساعات حنا تصرالنا العكس تلقاهم يحشرو فيك لدرجة قلبك يعود يخبط مليار في الساعة
الروسوفور يقول دزو لهيه وهوما تجيهم على قلبهم كي لعسل , انا والله نديرلهم جدار برلين هههه نحي الصاك وندير حاجز بيني وبينهم
ويبداوك بهادوك الحكرات لي كنت تهدر فيهم تاع يدير روحو قاسك من يدك , يعني نتا راجل وحشمت فمبالك مرا؟؟ تحس بواحد الخنقة تقول تنتحر
واذا زعما طارتلك بلاصة وقعدت ماش رايح تتهنا, انا ساعات كي نطلع ونلقا زوج بلايص فارغين ونقعد صدقني تحكمني الخلعة من الشخص لي رايح يجي يقعد قدامي
نولي ندعي في ربي ونعاود, خاطر كي يقعدو يبدا يحشر فيك ويبدا بالحركات تاعو هادوك وانا نحشم باه نردلو
يعني مانقدرش نقولو احترم نفسك ولا احشم على روحك, يعني تحس روحك محبوس
صدقني الضيقة تحكمك , ساعات كي نقول لماما راني مروحة في الحافلة العمومية تقولي ربي معاك وردي بالك
وحلي عينيك هههههههه تقول رايحة للحرب
واما على حافلات الجامعة, ساعات نخلص على 9 مثلا والحافلة تاعنا تمشي حتى 1.15 يعني اتخيل المدة هاديك ونبقى ندير؟ نبقى ندور؟
يعني مجبورة نروح
واش نقولو غير ربي يهدينا ويعافينا ان شاء الله
شكرا لمرورك العطر خويا حكيم
تحياتي الخالصة لك :regards01:
 
رد: المضايقات في الحآفلات

السلام عليكم و رحمة الله
يا جماعة بشوية علينا الواحد حاب ينسى و نتوما القضية ورا ختها تقول محكمة هههههههه
المهم خوكم يطالع حيثيات القضية و امبعد يجي يرافع هههه
مريم نتمى تدي عطلعة بعد هذا الموضوع ديرولها حظر حتى يومين :tongue02:
 
رد: المضايقات في الحآفلات

السلام عليكم

ايايايااي وين رحتي يا مريم لقلب الحدث ... ارواحي انا نحكيلك على واش يصرا في الحافلات .. حياتي كامل و انا فيهم ... الله قريت المتوسط و الليسي بعيدة على الدار .. الجامعة الحمد لله كانت قريبة لينا تهنيت منهم و دركة ويدت عاودت وليت لتميزير نتاعهم لانه القطب الجامعي لي نخدم فيه بعيد بزاااف ... نركب 2 Bus باه نوصل ...

انا نحشم صح بصح مرات لما نتعرض لمضايقات الحشمة هاذيك نحطها جانبا و يولي لساني فيه 1000 مترا .... بصح المشكل لي جون نبهدلهم نورمال يخبط راسو في الحيط واش فيها زعمة كي نتعرض للتحرش لازم نقفل فمي ... ندافع على روحي .... قتلكم المشكل في الرجال الكبار لي قد الاب تاعي و لي قد جدي هاذوا هوما ماتقدرش تهدر معاهم واش تقولوا ... احشم على عرضك الشيب و العيب ...

و حكاية يخليوا البلاصة و يجيوا يلصقوا هاذي صراتلي شحال مرة .. خلا البلايص لي فارغين و جا يجحي في روحوا قدامي ... دورت ليه قتلوا يا تقعد مسقم و تحترم روحك يا تبدل البلاصة ياك البوس فارغ علاه راك جاي تحشر فيا ... ولا هبط كامل

وواحدة خلاف .. جاء قعد معايا و تعمر البوس و بدا يشلخ في رجاليه هاذوك و انا راني قريب نخرج من الطاقة .. سكت سكت سكت .. ودورت ليه قتله سقم روحك راني قريب نخرج من الطاقة ... حتى صبته لم رجيلاته كي الفحل

و كاينة واحدة قريب طحت من الكرسي ... بصح هذاك النهار كانت عجوزة قاعدة في الكرسي لي بجنبي و لات بهدلتوا .. يعطيها الصحة انا حشمت نهدر معاه وهو قد جدي

و كاين وكاين و كاين .... الحافلات تاع الدولة الوحيدين لي نركب فيهم براحتي واحد مايديرونجني ....

علابلي هدرت بزاااف ... بصح فرغت شوية قلبي
 
رد: المضايقات في الحآفلات

السلام عليكم
يعطيك الصحة على كل كلمة قلتيها
والله مافهمنا يا ختي يقلك اللبسة والضحك والتمسخير هما لي يجيبو البلا قلنا صح
بصح المستورة والمحتشمة علاش ؟
يعني في كلتا الحالتين تسمعي تسمعي الهدره الزايده
وكما قلتي والله تقول ندير دي قارد كور من النوع الخشين ههه هدا هو باش واحد ما يسترجي ينطق
كانو يهدرو غي على المتبرجه ودرك زادو شعر للمتحجبة ( الزين والدين وطاعة الوالدين) هههههه شحال كرهت هاد العباره ووووو
تلقايهم وين تروحي يخزرو فيك لحتى تشكي في روحك والله هههه
مرات يقولي وحد الراس ندير جلباب ونغطي وجهي هكا واحد ما يقرب :d رجعو يخافو من المتجلببات وسماوهم داعش :sport01:
معليش غي نكون داعش ولا هاد التمسخير لعوج :down:
والحافلات الحمد لله مزال ما جربتش مضايقاتهم والله يبعدهم عليا :d خاطر قليل وين نركب كلشي قريب ليا عندك برك الخزرات لي يغششو :mad:
ربي يهدي شبابنا وبارك الله في كل شاب خاطيه هاد المزايدات
بارك الله فيك مريومه ديما مواضيعك شيقين وحلوين كيفك ♥

وعليكم السلام ورحمة الله وبركاته
اهلا حبوبتي :love01: واعتذر على التأخير في الرد
وتحبي نبدالك بكاش تهويلة ههههههه غير نضحك
والله يا ختي مالقينا مانهدرو , كيما قلتي بالاك لي مفضوحة يهدرو معاها بصح لي عينيها في الأرض علاه تبعو فيها؟
يعسو كلشي كي البوليسي, مرة هزيت يدي نشوف في الساعة نلقى واحد قالي راهي ال 9 بلا ماتشقي روحك هههه
بقيت نشوف , يعني يتبلاوك عيناني يا لوكان بكلمة
وكيما قلتي حكاية الأشعار ههههه حتى المتجلببة ودارولها كلام خاص بيها ههههه
وزيد ساعات واش لي يمرضني هادوك الشياب لكبار :mad: تقول نرميه من الطاقة
هو باقتلو سنة وحدة وهو مازال طامع في الدنيا ويعس في فلانة وفلانة
والله شي يعيف ويمرض تاع الصح
وتهنيتي اصلا من الحافلات مكان الله لايشوف فيه مومن
شكرا لمرورك العطر حبوبتي
تحياتي الخالصة لكِ :regards01:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top